На той час все ремесники всякого ремесла киевские належали не до ратуша, але до замку киевского. Наместник воеводский замку киевского и судил ремесников всяких киевских, и владел онимы, як подданнимы пана своего; всяким ремесником киевским не веленно было у шинках ратушних киевских, а не квартирки горелки, а не пива купити и выпити под виною великою, бо арендар жид Лейзор, которий мешкал ведле Церкви Светого Николи доброго в Киеве платил за шинкы воеводские замковие осмнадцять тысячей до року, а мещане, которие в ратушу пред майстратом и судилися и целе до ратуша належали, платили, з ратуша киевского воевод киевскому за всякие шинкы ратушние меские и за перевуз на Днепре киевский двадцать тисячеи и чтири тисяча; а коли-колвек воевода киевский приихал в Киев, а въезжал завше многолюдно, то мещане киевские повинны были три дни его стравоваты зо всем его поиздом.
Полный текст
Метки к статье: 17 век Украина Российская империя
Если Вы заметили в тексте опечатку, выделите ее и нажмите Ctrl+Enter
|
