ВЫПИСАНО ИЗ КНИГИ,

КОТОРАЯ СОБРАНА ИЗ МНОГИХ КНИГ ИСТОРИЧЕСКИХ,

О НАРОДЕ СЛАВЕНСКОМ, ЧРЕЗ ГОСПОДИНА МАВРОУРБИНА АРХИМАНДРИТА РАГУЖСКОГО, ИЗ ЛИСТА 36 НА ОБОРОТЕ,

Переведена, оная книга со Италианского на Россиискои язык повелением и во время счастливого владения, ПЕТРА ВЕЛИКАГО императора и Самодержца Всероссииского, и протчая, и протчая, и протчая:

Моравия, восприяла веру Християнскую, во время Святоплуга Короля Моравского, которои учинил свое пребывание в Вели граде, и окрещен со своими народы, руками Кирилла философа, Апостола Болгарского, Русов и протчих, Славян Далматских, и Моравских. Сеи Кирилл родом был Грек, родился в Фессалонике, ныне глаголема Салоники, от отца Льва, породного. Первее нарицался Константин филосов: в лето 887, поставлен был Епископ Вели граду, от Адриана третияго сего имене римского Папы, первыи бысть Архиепископ Моравии, научив первее во благочестие Християнское, Болгары, Сербы; и Святополка Царя Далматского, по них Святоплуга Царя Моравского, со всем его народом, которои распространялся между Вислы, Дуная, и Ваги, реки. [2] И правив 5 лет, свою Церковь в Моравии отречеся того достоинства, совзволением Стефана преемника, Адрианова, в посмешество Мефодия своего брата, сеи бо недобре приятствован был от Короля Святоплуга младеишаго. Во время егда Король, некогда пошедши на охоту звероловителства, приказал Архиепископу Мефодию, да бы он не служил Литургии, дондеже он возвратится; ждал Мефодии даже до полудни: но сумняся, да бы божественная жертва, не была уничтожена, и видя что люди многие начинали отходити от Церкви, не ожидая болши, ниже смотряще указу Короля, зачал служити обедню. И егда ста во Олтари упражняяся в служении божественном, прииде Король, И кружен мятеже народом песоохотников и стадом псов, и вниде абие в Церковь, с шумами и лаяньями псов, положил руку на оружие. где едва удержался, еже непоразити особу Архиепископскую, низвергши на землю все что было на Олтари. Мефодии же отъиде, того Царства, преходя в Боемию, отлучая проклятием Короля, и заповедах всему Королевству.

В Боемии же пребысть не многое время, и поиде в Рим, идеже обрете брата своего Кирилла и по не мнозе времени, паки бысть призван в Моравию. Но провидя что Король великого злонечестия, ожесточался противу причту священного, невозможе более [3] терпети толикого разрушения стада своего, того ради паки возвратился в Рим, и тамо преставися, в лето 907, и погребен бысть, в Церкви, святого Климента, которого тело святое Кирилл брат Мефодиев, принес из Таврика острова, [сиречь из Крыму,] ныне нарицается, Тартария меншая, в Риме, при обращении Славян, просили от двора римского, чрез Кирилла своего Апостола, да бы Литургию и божественные службы служити на их своиственном языке, понеже предреченныи Кирилл, уже превел им в тоиже язык, старыи и новыи завет. Оное их прошение было предложено в полном соборе. И понеже в начале обретошася различные не удобности, во мнении оных отец, абие услышася глас чрез естественныи глаголющ, всякое дыхание да хвалит Господа, и всяк язык того да исповедает, то чюдо приведе отцы и Папу, еже соизволити Славяном деиству их прошения. И от оного времяни, еще же и ныне священницы Славян Либурнских, подлежащих Архидуке Норицкому, служат Литургию, и протчая божественная правила, на своем языке природном, не имеюще знания языка Латинского; наипаче и сами принцепы Норицкие, употребляли буквами Славянскими в народных писмах, якоже, зрится, во Церкви Святаго Стефана, в Вене. [4]

РАЗСМОТРЕНИЕ

СЕЯ ПОВЕСТИ

Что иде пишет собиратель истории Славянской, о Кирилле и Мефодии Апостолах Савинских. Аки бы Кирилл от Адриана третьего Папы, поставлен был во Епископа и Апостола Моравского, и о престовлении Мефодиа в Риме, и о пренесении мощеи Святаго Климента Кириллом в Рим, таковую то имать истинну, каковую сие: яко Апостоли няши Руские, бяху от Папы послани римского Костела: Епископи, Бруно, Вонифатии н Реиберн с товарыщи, [якоже Баронии с некиими глаголет лета Господня 1088:] Инии же и то смеють глаголати, яко помянутын Вонифатии Владимира обратил ко Христу, и крестил множество Россиискаго народа. Ложно сия и без стыда о наших Славянских народах и Апостолех, пишут истинии Папины янчаре, воинствующим лжею о его власти, разширеннии во всю Вселенную. И то Папам причитают, очем они и не ведали. Мало смотрят истинно ли есть, еже глаголют? Но наипаче смотрят, угодно ли Папе, и возвышению власти его служащее? Повести же сей ложе показуется отсюду.

1.

О обращении ко Христу Славян, не пишут сего историки Греческии, которые, или в тая времена, или скоро по сих жили, и писали историю Церковнею и Гражданскую, и в неи о обращени Руссов и Болгаров, иже Славяне суть; яко Кедрин, Куропалат, Зонар, и протчыи, но токмо Латинскии, и то недостовернии, мнози от них живши не скоро по том, яко те и сеи Господин Мавроурбин к тому сами себе, во многих вещах и Хронологии о том несогласуют. Едини бо Кирилла Апостолом Моравским, якоже и сеи писатель, нарицають. Другии токмо Мефодиа единого воспоминають, а Кирилла и не ведають, яко же Иоанне осмыи Папа, в своем, аще его есть, к Святоплугу послании лета Господня 880.

2.

Адриане третии Папа, едино токмо лето 884 Епископствовав умре по том в два месяцы, или в три месяцы, якоже путем Баронии [5] со иными, яко убо от него поставлен на Епископство Кирилл в лето 887, сие есть в третие лето по смерти его; и ни един писатель житеи Пап, то о Адриане третием пишет. Того ради Баронии, который от себе глаголет, яко Мефодии от Папы поставлен во Архиепископа Моравского, не третему но второму Адриану в 872 лето умершему, сие приписует. И глаголет, яко Мефодии и Кирилл, еще во время Николая, приидоше, в Рим, лета господня. 867. Обретши же его умерша, жили в Риме, иже до Адриана второго. По Адриане втором, был Иоанн осмыи, по Иванне, Марин, таже Адриан третии, умершии в лето 884 или в начале последующаго лета. К тому показуют послание Иоанна осмога о Мефодин Архиепископе Моравском, о нем же ниже будет писанное, еще в лето 880, и свои убо не поверять в том Мавроурбину. А которые Мавроурбину повторят, не поверят Бароиию, мы же обоим не верим реченных ради вин, и последующих

3.

Которые пишут о Мефодии и Кирилле, аки би они были в Риме и протчая: тии не могут праведныя вины пришествия их в Риме сыскати, того ради различныя сего вины дают: Лев Остиенинскии у Барония, лета господня 879 глаголет; яко мощи Святаго Климента Папы, принесли в Рим, Баронии же тамо сам от себе прилагает, яко они в Риме жили оттого времене, даже до Адриана, второго Папы, и от него поставлени во Епископы н Апостолы, и посланы в Моравию. Инии же с Баронием лета Господня 879, и 880 глаголют, яко Мефодии един оклеветан был от неких не мудрых и ненавистных людеи, аки бы несогласное церкви и шести собором учении проповедал, и Славянским языком славил бога, и того ряди позван был от Иоанна осмаго в Рим лета господня 879. Он же не в сие лето нов будущее 880 поиде, и обретеся истинного Евангелия проповедник, и паки с похвалою и с посланием Иоанновым к Святоплугу возратися в Моравию на проповедь. Сицевии их суть вымыслы. Первая вина пришествия Святаго Мефодиа и Кирилла в Рим лета Господня 867 с мощми Святаго Климента, весма ложни есть. Кто бо сему, веритя может, яко она мощи толикое сокровище, многими леты сокровенное, и многими трудами обретенное, из Востока своею властию, без воли Царския и Патриаршия, возмогли взяти и пренести на Запад [6] в Рим; аможе ни от кого небыли посланни, како бы и Епископ Херсонскии и народ попустошил им сие? Не всякому было волно мощи Святыя, тамо хотеть преносити,_егда желали каких мощеи из Востока, Римляне же, или сами к Царем Восточным и Патриархом, нарочно четырех послов ради их, яко же о Григории Великом пишет Баронии лета господня 586 и 594. или Кесари Восточнии своих к ним послов с мощми, аки с великими дарами посылали; А сии бы, целые мощи, ни от кого с ними в Рим не послани, сами взяли и пренесли! Разве честь некая дана им идущим на проповедь, а они бывше в Риме оставили ю тамо. В житии Святаго Климента пишется, яко мощи его обретени, внесены во град, и положени в Церкви Святых Апостол. К тому Святому Владимиру Крестившуся, прислана Греческая Царевна Анна в супружество, и с нею мощи Святаго Климента с Митрополитом Киевским, даны в дар от Цареи Константина и Василия Греческих, якоже о том пишет Стриковскии в книзи 4 на листу 140, и инии пишущии о Крещении Владимировом. Ещеж Святыи Нестор Печерскии пишет, яко в лето Господне 1146 Епископи Россиистии посвящающе Климента Митрополита Киевскаго возлагаху на него главу Святого Климента Папы римского в Киеве. Крещение же Владимирово, было в лето Господне 1000 или 1008. како убо целии мощи, или яко же сеи Мавроурбин глаголет, тело свлтаго Климента, Мефодии, или Кирилле, или оба пренесли в Рим еще в лето 867.

Таковая же истинна есть о преставлении святаго Мефодиа или Кирилла или обоих в Риме и погребении их, при мощах Святаго Климентиа, какова о пренесении тела его в Рим, или о погребении Саятаго Антония Печерскаго Риме, яко же смеха достоин посмел написати, Николаи Циховии Иезуита в своем трибунале изданном, лета Господня 1658. Не приходили убо сии Святии в Рим ради пренесения мощеи святаго Климента. Аще же бы с мощми и приходили в Рим, и тамо померли, то аще и не известно, обаче нам не противно: тамо бо всяк, умирает идеже его смерть постигнет. То едино противно, что Баронии от себе прилагает о их пребывании в Риме, даже до Адриана второго, и о поставлении и послании их от него на Апостольство, а Мавроурбин от третияго Адриана. Но то уже и показалося ложное быти, и еще покажется. Зде токмо сие на обличение Бароиия [7] доблесть разсудити, яко он пиршестве их в Рим написал в десятое, последнее лето Николая Папы уже умершаго, а поставление их и послание, отложил до Адриана второго. Егдаже начале описывати Адрианова лета [которых токмо пять было на Папежстве] и дела, отнюдь не помянул поставления и послания их на проповедь, для чего? яко сего в делех Адриана второго обрести не возмогл; такожде и лета сему определенного нет у него. Аще бо бы сие обреталося в делех Адриановых толь преславное дело, не возмогл бы о нем умолчати, которыи и менших не оставляет дел добрых Папежеских. А и забыти бы ему сего не возможно, понеже аще прежде Адриана второго, во время Николая воспомянул, и по Адриане во время Иоанна, всмаго воспоминает.

Вторая вина пришествия Мефодиева или обоих в Рим, яко оклеветани суть от завистников о неправои проповеди и хвалении бога, может быти подобна истине и прията: понеже то и в наши книги влезло от Латинских: обаче римляном сие паче неже нам противно, и отсюду бо яве показуется, яко не от Папы были поставленни и послани на проповедь. Ащебо от Папы были послани, знал бы о них Папа, и услышавши о их проповеди, не желал бы их видети и уведати, что и како проповедают, и каким языком бога хвалят, но посылаючи их, о всем бы их наставил. К тому аще услышав о них призва их, то прежде слышания его о них, и призывания, были послани от инаго на проповедь. Прозвани же были любовно, а не повелително, и не сопротивилися, да не сотворится проповеди препятие наипаче от Латин, от них же и оклеветани бяху, аще и сие не истинно есть.

4.

Которые пишуть о призвании Мефодия или Кирилла в Рим, и поставлении их от Папы, слабое утвержение повести своея имеют. Сиесть Епистолию Иоанна осмаго прозванного Папикою, которыи будто услышав проповедь Мефодиеву, и клеветы на него вышереченные, писал к нему лета Господня 879 призывая его в Рим, а он прииде в другое последующее лето 880. И тамо показав свое православное учение, и на литургисание Славенским языком утвержение прияв, возвратися в Моравию, с похвалною Епистолиею Папиною к Святоплугу. [8]

Но и сия Епистолия едва есть истинная: не согласует бо вещи к повестям инных. Во первых, нет в неи того, еже они глаголют, снесть, яко Мефодии поставлен от Адриана второго бывшего прежде Иоанна осмого, якоже глаголет Баронии, или от третиаго, бывшего по Иоанне и по Марине Папах, якоже глаголет Мавроурбин. Второе в тои Епистолии Иоанн пишет о Мефодии, а Кирилла брата его отнюдь не знает, глаголет бо: Писмена же Славянская от Константина некоего философа обретенная, да ими богу хваление должное воспевают, праведно похваляем. От некоего рече Константина обретенная писмена. Неведяше убо Константина сего философа: а сеи был брат Мефодиев, из мирского Константина, Кириллом наречен в монашестве, якоже есть обычаи у Греков а не у римлян. Третие сия Епистолия Иоаннова, шесть токмо соборов Вселенских похваляет, а Седмаго не воспоминает, глаголет бо: обретохом его (Мефодиа) весма православна, во всем согласного шести Вселенским Собором. А писал сие послание, по Седмом Вселенском Соборе близ ста лет, едва убо истинное есть сие послание Иоанново. Аще же послание сие сумнителное есть, колми паче повести Латинския о Мефодии и Кирилле, на нем основаннии недостоверни суть. А которы и сего слабого основания не имут, весма ложни суть, якоже си, господина Мавроурбина: при обратении, рече: Славян, просили от двора Римского чрез Кирилла своего Апостола, да бы литургию и божественные службы служити на их своиственном языке. Ни кто бо о том не просил Папы, но он сам похвалил то Мефодию, якоже показася от Епистолии Иоанна осмаго, аще истинная его есть. Чесо же ради Мефодии не прииде ко Иоанну в тое лето, в которое был позван, но в другое, умолчали сии писатели. Разве для того, яко в начале 879 лета, еще Папа не примирился был с Патриархом Константинополским Фотием, возвращенным на Престол по смерти Игнатиа, и со всем Востоком: Егдаже сеи мир утвердился Собором бывшым в сие лито, и везде разгласился, в последующее 880 лето прииде в Рим Мефодии.

5.

Аще бы от Папы сии Апостоли были послани на обращение Славян, не было бы между Греками и Римлянами сваров о Болгарех новопросвещенных: понеже без всякого прекословия, были бы Папины Болгаре, от него посланными Апостолами просвещеннии. Но были великия свары [9] еще в лето Господне 863, егда к Болгаром новопросвещенным от Греков, послал Папа, своих Епископов и священников, якоже о том Святеишии Патриарх Фотии, окрестным своим посланием возвещает того же лета у Барониа. Греки Латин, а Латини Греков изгоняху из Болгарии, и была сия вражда не малою причиною разделеиия Востока от Запада. За сие и Царь Михаил и Василии возненавидели Римлян, якоже Николаи Папа в послании своем седмьдесятом к Гинкмаре Ременскому возвещает, у Барония Лета Господня 867. За Болгаров и Святыи Игнатии Патриарх Константинополскии, многие досады претерпе от Пап; а Иоанн осмыи, прозванием Папика, по укорителных своих посланиях, предает анафеме, Святаго Игнатиа, аще в два месяцы не изведеть своих Епископов и всего Клира из Болгарии в Лето Господне 878. Не послуша в том Папы Святыи Игнатиа до смерти своея, и в том преставися. Понеже убо от первых Славян Болгаров далече прежде лета 887, изганяли Греков Латини и Папы, и за сие и Святых проклинали, якоже и им возлюбленного Игнатия, то како по том Греков на обращение Славян, каковы суть и Болгаре, посылали и посвящали Мефодия и Кирилла, уже в лето господне 887.

6.

От того послани на проповедь Славяном Кирилл и Мефодии, от кого послани суть из Греции из отечества своего, Бяху бо Греки родом от града Солуня, якоже вси писатели Римскии свидетелствуют, и сеи Господин Мавроурбин. Но послани суть в Славянию не из Рима, не от Папы, не покажут бо к ним послания о том Папина в Фессалонику просителного или повелителного, убо не от Папы были послани на проповедь.

7.

Которые от Папы на проповедь посылаются, сии чина Церковного Греческаго, или церемонии, в новопросвещенных странах не насаждают, якоже и ныне в Китае видим; и нигде образца не покажут, да бы когда проповедники Папины, чин Церковныи Греческии, новым Христианом уставляли. А сии Святии Апостоли Славенскии, Греческии чин Церковныи, благовествованием рожденным сыном своим Славяном уставили, якоже сами Римляне свидетелствуют. И досели видим тои чин в России, Болгарских и прочиих народах Славянских, которые поде власть Папину не отторглися, и не потеряли сего отцев своих предания. убо не от Папы послани были. [10]

К тому, аще от Папы сии Апостоли поставлени в Сан Архиереискии, то поставлени не иным чином поставления, токмо Римским. Папа бо своим Латинским чином поставляет Епископов и Иереев. Аще же они поставлени чином Римским, то и сами бы таковым же чином иных Епископов и Иереев поставляли, и прочыя таин таковым же бы чином совершали. Но сего и сами Римляне о сих Апостолах наших не смеют глаголати. Убо ниже они сами от Папы поставлени. Отринувше убо сия Латинских писателеи басни и баики, послушаем наших Славенских о обращении Славян и о Апостолех наших Кирилле и Мефодии достовернеиших Историков.

8.

Сице о томе ревнеишии наш Славенскии Историк, Преподобныи; Нестор Печерскии, глаголет; Князи Славенстии, Святополк [которого Мавроурбин Святоплугом, иннии Святопулхром нарицают] Ростислав и Кокел, посылали к преждереченному Кесарю Михаилу, просяще Святаго Крещения. Кесарь искал кого бы им послати? Уведав же як некии человек в Фессалонике именем Лев, имать двух сынов ученых, имя единому было Мефодии, а другому Кирилл, повеле им к себе приити, и посла их на проповедь Евангелия Святаго, и на крещение народов Славенских, которые прилежно в том трудящеся, не мало книг из Греческаго на Славенскии язык преложили, до зде Нестор в первои части своея летописи. Такожде слово слово Длугош Историк Полскии глаголет: три, рече, князи Славенскии, Ростислав, Святополк, и Кокел, от Греков, веры Христианския закон прияша около лета господня 800, Царствующу на Востоке Михаилу, а на Западе Арнолфу, которыи от вошеи снеден есть. Подобне о обращении Славенских народов, глаголет Венчеслав летописец Чешскии, Блиодус, и Сабеллииус, аще мало в летех между собою с преждереченными писательми и не согласуют. По сих Кромер о вещех Полских и о Славянех в книзе третиеи, тожде глаголет, и им последует: изрядно же, рече, в научении сих народов новыя веры потрудишася Мефодии и Кирилл Епископи, от них же и сие произыде, соизволяющу Папе, яко Славяном леть есть своим языком Литургию и протчыя таины Церковные совершати. По многих тожде пишет Стриковскии в книзе 4 на листу 148. Житие сих Апостолов написано в Минеах четних у нас Маиа 11. Подобне о обращении ко Христу наших Россииских Славян. Пишуть Историки [11] Гречестии, Кодрин, Куропалат, Зонар. Якоже и Баронии воспоминает в лето Господне 868. От сих бо Апостолов, и Россиане второе, по первом Апостолском крещении, крестихомся: около лета Господня 868, во времена Михаила Кесаря Восточнаго: Патриарха же Константинополского Игнатиа и Фотиа, якоже от вышепомянутого его послания показася. Третие крестихомся во время Кесаря Восточнаго, Василия Македона, в Лето Господне 886, в которое послал был Кесарь Василии, в Россию Епископа, его же имене Историки не воспоминают токмо чудо о Евангелии во огнь вверженном и цело из огня изъятом, якоже пишет Зонар в Томе третием. Четвертое Крещение Россиан было во время Олги Праматере Владимировыя, которая сама Ездила в Константинополь и крестилася в лето господне 958, вовремя Константина осмаго, Кесаря Восточнаго: якоже пишет Куропалат, и прочии, и с ними Баронии в тожде лето. Пятое и последнее было крещение наше во время Владимира, которого между инными, подвигнул ко спасению Кирилл Философ православныи, учением и картиною, на неиже было написал Суд Божии, в лето Господне 1000, или якоже Баронии пишет 1008. во времена Кесареи Восточных Василия и Константина, сынов же Романа преждебывшего Кесаря.

Сие есть разсмотрение наше повести вышеписанные о Мефодии и Кирилле Славенских Апостолех, которое вящшему разсмотрению и разсуждению предлагаем.

Текст воспроизведен по изданию: Книга историография початия имене, славы и разширения народа славянского, и их цареи и владетелеи под многими имянами, и со многими царствиями, королевствами, и провинциами. Собрана из многих книг исторических, чрез господина Мавроурбина архимандрита Рагужского. СПб. 1722