Две молитвы святейшего патриарха Ермогена Московского и всея Русии

В рукописном сборнике половине XVII века, хранящемся в Румянцовском музее (№ 3154), после Повести о явлении Казанской иконы Божией Матери ¹ помещены две молитвы св. Патриарха Ермогена.

Первая из них составлена св. Ермогеном, несомненно, в то время, когда царь Василий Шуйский был уже свергнут с престола ² и положение Московского царства сделалось в полномь смысле слова критическим. В ней автор молит Бога главным образом об «укрощении» и приведении «в едину мысль» «единоверных», тех Русских, которые действовали против Москвы вместе с Тушинским вором и с Поляками; характеристика этих людей, которые льют кровь человеческую как воду, пленят, жгут и разоряют, не жалея юности и не щадя старости, дается яркая и сильная. Но он не проходит мимо вопроса о царе и говорит: «даруй нам, Господи… царя православного».

Эта молитва, несмотря на свои длинноты, производящая глубокое впечатление, свободная от обычных молитвенных приемов и в то же время богатая содержанием, написана наскоро и в литературиом отношении слабо отделана. [4]

Особенно обращают на себя внимание частое без нужды употребление частиц бо, же, но, подобного которому мы не видим в других творениях св. Патриарха. Как будто молитва тотчас после составления была пущена в литургическую практику.

Вторая молитва составлена для слепого и молит Бога об «просвещении угасшего света». Если позволительно сделать догадку, она имеет в виду патриарха Иова, который быль слеп в последние годы своей жизни. Такт, как патриарх Иов умер в 1607 г., то составление этой молитвы должно относиться ко времени до этого года. Вторая молитва гораздо слабее первой и вообще не идет в сравнение с нею, но показывает, что св. Ермоген пользовался славой как искусного составителя житий и сказаний о святых, так и слагателя молитв.

Обе найденные нами молитвы надписаны именем св. Ермогена и не возбуждают никаких сомнений в своей подлинности.

А. Соболевский.

* * *

Молитва первая.

Господи Боже наш, прилежное наше моление услыши раб Своих, молящихся Тебе, Господи, и помилуй нас по велицей милости Твоей, услыши пас недостойных раб Своих, уповающих на Тя, и посети, Господи, нас недостойных раб Своих превеликою благостию Своею и толиким обычным Своим милосердием и простри паки к нам Свое человеколюбие и укроти Свой праведный гнев подвизающий на ны, помяни, Господи, яко благ еси к нам нищим и грешным рабом Своим, и буди Ты нам, Господи, помощник и заступник, яко имя Тебе – человеколюбец еси, пощади нас, Господи долготерпеливе, пощади, Владыко, и помилуй нас и отжени враг наших нашедших напрасно на нас различных язык, и укроти, Господи, единоверных нам и с нами во едину мысль устрои их; и тии бо восташа с прочими языцы на веру истинную Твою, Господи, и закон непорочный, и святыя Твоя церкви разоряют и святым Твоим иконам поругаются и погубляют люди Твоя, Господи, и проливают кровь человечю напрасно [5] яко воду многу, пленят и пожигают и землю пусту сотворяют и не жалутта юности и не ждут старости и всячески непрестанно стужают нам и зло творят непрестанно, и желают они конечному погублению предати нас. О Владыко человеколюбче, о всесилный Христе Царю, сокруши и разруши силу их и рассыпли советы их лукавые и угаси прещение их и низложи возносимую их гордыню, да не похвалятся о нас враги наша и да не рекут глаголюще нам: «где есть Бог ваш? по се бо в руки наша пришли естя». И предобрый же Пастырь, положивый душу Свою о нас, овцах Своих, и не остави нас; но аще бо и зело что мы согрешихом Тебе, Господи, и не вниди в суд с рабы Твоими; Ты бо еси Бог наш, а мы людие Твои, и к Тебе бо, Господи, прибегаем и молимся и просим от Тебе пребогатыя милости, и сотвори нам с нами по милости Твоей и по множеству щедрот Твоих отпусти, Господи, грехи наша и помилуй нас, и яко бо Твои есмя раби, да ся не постыдим и да не на долго время умножится злоба дьяволя губителя душ наших и да не порадуются о нас враги наша, и да не возможет удолети неправда истинну. Ты бо еси Бог наш, Господь же милости податель и всякие благости, непрестаемый источник человеколюбия; Ты бо еси Бог смиряя и наказуяя нас и паки возношая; Ты бо еси Бог наш, гордым человеком противляяся, а смиренным даруя благодать. О Владыко, Твоею превеликою державою содержится вся тварь и Твоим бо промыслом велиим устроится толик народ; мы убозии яко человецы согрешим к Тебе, Господи; Ты же яко благий человеколюбец виждь, Господи, немощь нашу и посли нам в помощь благодать Свою и ущедри нас, создание Свое. О Владыко, не отверзи нас от лица Своего, но бессчисленные грехи наша обыдоша нас, но последние беды ³; и несть нам помилующего нас, но вменихомся убо мы яко овцы на заколение, и несть бо избавляяй нас кроме Тебе; но воздвигни, Господи, силу Свою, прииди и спаси нас, и стани, Господи, в помощь нашу о нас грешных и смиренных раб Своих, и посли, Господи, от святого жилища Своего и от престола славы царствия Твоего аггела светловидна во отгнание врагов наших видимых [6] же и невидимых, и буди, Господи, помощь и заступление граду нашему и нам рабом Своим уповающим на Тя, аще бо мы и без числа согрешихом и клятву преступихом и прогневахом Тя, Гослюди, и великолепое имя Твое и смятении есмя яко овцы не имуще пастыря и недостойнии есмя возрети, нежели милости просити у Тебе, Господи, живущего на небесех; но щедрота ради Своего человеколюбия удиви на нас милость Свою, и даруй нам, Господи, вожда благоугодна Твоей благости и нарцы имя ему, егоже, Господи, изберет воля Твоя, и освяти его елеом помазания Твоего и укрепи его, Господи, пресвятою десницею Своею, царя православного, любящего суд и милость, и даруй ему, Господи, победу на враги и на губителя наша, и царство его во православной вере устрой мирно и безмятежно и державу его во благоденьствии и в тишине сохрани безвредно и безбедно и безнапастно и ото врагов неборимо пребывати сотвори, и вся благоверные князи и боляре и воиньство вооружи и укрепи, Господи, на супротивные враги и сотвори же их победителны везде быти на обидящих нас Твоею непобедимою силою и державною Твоею десницею. Ты бо еси Царь царствующим и Господь господствующими, егоже бо хощеши подаси; и разруши вражды их и молвы и советы злыя и неправедная востания на веру нашего християнского закона преданного на сей и на землю нашу и язык ⁴ и междоусобные брани утоли, и паки с нами соедини во едину мысль братию нашу и обрати их Господи, на губящих нась врагов, да не истребленни будем от единоверных и от единокровных нам; в земли бо сей нашей родишася и крестишася и воспитани быша, и паки заблудишася от правого пути ведущего нас в живот вечный, и восташа на веру нашу и свои, яко иноязычницы, а не яко единовернии с нами, приносят нам вся злая и лютая и неудобьстерпимая и не помняще суда, еже бо во страшный день пришествия Твоего, Господи, не чают они ответа воздати и не веруют сему, яко будет им воздание по делом их. Мы же молим Тебе, Господи, раби Твои по словеси Твоему, еже бо сам Ты, Господи, глаголал еси Своими живоносными усты: любите враг ваших и добро творите обидящим вас и молитеся [7] о творящих вам пакость. Возврати, Господи, от пленения братию нашу без вреда, иже неволею пленени быша; а инии же волею сами предашася к супротивным и веру попраша, и тех, Господи, помилуй и прости им мимошедшая и исправи будущая, и сподоби их, Господи, преитти в путь покаяния, с прилежанием, невозвратно, и побарай им, Господи, к благочестию неотступно, да ти обратятся и исцелеют и будут с нами якоже бо и прежде в единой вере паки раби Твои. И Тебе же, Господи, премилостивого человеколюбца призываем и молимся, просим Твоея милости, и якоже величество Твое, Господи, тако бо и милость Твоя бесчисленна есть; сам бо Ты, Господи, глаголал еси: просите и приимете, толцыте и отверзется вам. Вем бо, яко глубиною судеб Твоих хощеши бо всем человеком спастися и в разум истинный привести; не радуешися, Господи, о смерти грешниче, но еже обратитися и живу ему быти веселишися; и того бо ради и мы раби Твои вопием Ти из глубины сердца: возврати, Господи, плененные люди Твоя, яже неволею пленени быша, и обрати их, Господи, от заблужения; иже бо ти волею прельстишася и ото истинны отпадоша и обеты своя яже во крещении не токмо не сохраниша, но и отринута и обесчестиша и конечному стаду ⁵ и пагубе предашася; и таковых же бо ради человек сам еси, Господи, пришел на землю и Своими живоносными усты глаголал еси: не приидох праведных спасти, но грешные на покаяние привести; тех бо, Господи, спаси, а нас от них защити и помилуй, от погибели и от напрасные смерти избави, да не от нас совершится, яко апостолом сам, Господь, глаголал еси: да не грызайтеся и снедайте себе, блюдетеся, да не друг от друга стреблени будете. Твое бо еже миловати и спасати нас, Господи Боже наш, и Тебе славу воссылаем Отцу и Сыну и Святому Духу, ныне и присно и во веки веком. Аминь. [8]

Молитва вторая.

Ты бо, Владыко человеколюбче, сотворил мя еси самовластна и почтил мя еси, аз же возвысився и забыв Твое владычество, и вся заповеди Твои преступих и в горкую работу впадох дияволю, и научи мя всякому греху и злому обычаю. Ты же, Господи Боже мой, претерпел ми еси, и доселе ожидая моего покаяния, и не погуби мене в беззакоиии живуща; аз же видев Твое милосердие, и дерзнух скверными усты молитву принести; и многи грешники спасл еси, тако же и мене спаси, Господи; они бо Твое создание, аз Твоя тварь. Аще и грехи моя постигоша мя; аз же окаянный на милость Твою уповаю, молюся, Господи, отими от мене волю мою, но вся бо воля моя злодеяние ⁶ познах: яко ничтоже о себе сотворити могу, аще не Ты, Господи; подаждь ми благодати Твоея разума; скоти и звери и птицы небесные не самовластии суть, но якоже сотворил еси, тако и пребывают; а мене же непорочна сотворил еси. Аз свою волю сотворих и тем весь осквернихся. Дал еси, Господи, волю человеком; а мне же не давай, человек бо есми естеством, а нравом и скотины хуждьше. Увы и мне, яко и скота горши пред Тобою, Господи благодателю, сотворихся. Не возмери мне противу делом моим злым, но подай же время воспряновению, и отверзи ми двери покаяния, возврати мене плененного от беззакония, воздвигни мя поверженного осуждением греховным, извлецтл мене из ямы. Иисусе Христе, свете омрачным, просвети ми свет угасший; врачю болящим, исцели ми безвестные язвы, масло и вино возливая на мя; обяжи ми струпы, заглади рукописание грехов моих губою милосердия и подай же ми, Господи, Твоего страха боятися и Твоей воли повиноватися, и очищуся от грехов и не обладан буду врагом и воспою Тя радуяся, Отца и Сына и Святаго Духа, ныне и присно и во веки веком. Аминь.

Комментарии

1. Изданной в «Творениях св. Гермогена патриарха Московского», М. 1912 г.. стр. 1-16. Другая, более поздняя редакция напечатана в «Чтениях» Моск. Общ. Любителей дух. просвещ., 1880 г., № 6.

2. «клятву преступихом».

3. Пропуск одного, двух слов?

4. По-видимому, надо читать: на сей язык и на землю нашу.

5. Надо читать: студу или стыду.

6. Надо читать: все? моея? злодеяния?