№ 88.

1620 г., Сентября 23. Письмо инокини Марфы патриарху Филарету, о получении известия о его здоровье.

Вышеестественному в подвизех и равноангелному изволением, терпения столпу, превысочайшему во архиереех, великому государю святейшему Филарету Никитичю, Божьею милостью патриарху Московскому и всеа Русии, старица Марфа вашему святителству челом бьет. Писал еси, государь, ко мне в своей государской святителской грамоте о своем душевном спасении и о телесном здравии: и я и сын наш, Великий Государь, Царь и Великий Князь Михайло Федорович всеа Русии, слыша о вашем государском душевном спасении и о телесном здравии, попремногу радуемся и молим ваше святителство, да принесеши о нас ко всемогущему Богу честныя ваша и богоприятныя молитвы, яко да сподобит нас Бог, по благословению вашего святителства, по обещанию ж нашему, достигнути обители святыя и живоначалныя Троица и поклонитися целбоносному гробу великаго в чюдесех преподобнаго Сергия, и оттоле здраво возвратитися в царствующий град, и равноангелное ваше лице видети, и руку вашего святителства целовати в радости, и стопам вашим поклонитися и челом ударити.

Отпуск писан столбцом, на одном листке. Внизу помета: 129, Сентября в 23 день, с жилцом с Яковом Салмановым, из Братошина.