№ 78.

1620 г., Июня 5. Письмо Царя Михаила Феодоровича патриарху Филарету, о слушании литургии в Троицком Сергиеве монастыре в праздник Сошествия Святого Духа.

Пречестнейшему и всесвятейшему о Бозе отцу отцем и учителю Христовых велений, евангелския проповди рачителю, церковному благолепно, изрядному благочестия столпу, великому государю отцу нашему, святейшему Филарету Никитичю, Божиею милостию патриарху царствующаго града Москвы и всея Великия Росия, сын вашего по плоти благородия, паче ж и по духу свойства, Царь и Великий Князь Михаил Федорович, всеа Русии, челом бьет. По благословению, государь, вашего святителства, по обещанию ж нашему, мы и мать наша, государыня благородная инок Марфа Ивановна в преславней обители трисиятелныя и триипостасныя Троица, на празник Сшествия Святаго Духа, вечерняя пения и всенощная и утреняя славословия и молебная благодарения и святыя литургии слушати, вкупе ж и вечерняя коленопреклонения в духовней радости всесилному и вся содержащему, в Троицы славимому Богу нашему принести сподобихомся. И того дни произволили есмя во обители святыя Троица передневати покоя ради нашего; а из обители, государь, святыя Троица и чюдотворца Сергия пойдем Июня в 5 день. Молим же ваше крайнее святителство, да возслеши о нас ко всесилному Богу своя святителския молитвы, яко да сподобит нас, молитвами вашего отческаго преподобия, путное шествие радостно прейти и, царствующаго нашего града достигнув, святолепное ваше лице с веселием зрети и пречестную руку вашего святителства с радостию целовати и стопам вашим поклонится и челом ударити.

Отпуск писан столбцом, на двух листках. Внизу второго помета: Июня в 5 день, в понеделник, с жилцом с Федором Михайловым сыном Чередова.