№ 73.

1620 г., Июня 2. Письмо Царя Михаила Феодоровича патриарху Филарету, о болезни своей и об облегчении ее.

Пречестнейшему и всесвятейшему о Бозе отцу отцем и учителю Христовых велений, евангелския проповеди рачителю, церковному благолепию, изрядносиятелному столпу благочестия, превысочайшему во архиереех, богодухновенну в человецех, великому государю отцу нашему, святейшему Филарету Никитичю, Божиею милостию патриярху царствующаго града Москвы и всея Великия Росия, сын вашего по плоти благородия, паче же и по духу свойства, Царь и Великий Князь Михаил Федорович всеа Русии челом бьет. Маия, государь, с 30-го числа в ночи, по греху моему, прииде скорбь телеси моему, помянулся старой конской убой и поскорбел стороною; а чаю, государь, что к нынешнему пешему ходу кровь пришла: и того ж дни к утру пооблехчило. А не писал есмя к тебе, ко государю, о немощи моей, чтоб тебе, государю отцу нашему, в том печали и скорби не навести; а велел тебе, государю, известити словом. А ныне, государь, Божиею милостию и вашего отческого преподобия теплейшими молитвами, от болезни пременение получихом и во всем здравствуем, и по обещанию нашему скончеваем течение: и Июня в 1 день мы и мать наша, государыня благородная инока Марфа Ивановна в село наше во [72] Здвиженское пришли; и наутрее того пошли есмя, дал Бог, здорово и уж честныя обители близ есмы. Молим же, государь, ваше святителство, да возслеши о нас и о матери нашей ко всемогущему Богу честныя ваша молитвы, яко да сподобит нас Бог во обители святыя Троица, по обещанию нашему, благодарны я молитвы принести и оттоле здраво к царствующему нашему граду возвратитися, и с веселием равноангелное ваше лице зрети и руку вашего святителства целовати со усердием и стопам вашим поклонитись и челом ударить.

Отпуск писан столбцом, на одном листке. Внизу помета: Июня в 2 день, с жилцом с Богданом Исаковым сыном Спешневым.