№ 58.

1619 г., Октября 31. Письмо Царя Михаила Феодоровича патриарху Филарету, с изъявлением желания скорее с ним свидеться.

Всесвятейшему и превысочайшему пастырю Христова стада, достохвалному в подвизех, терпения столпу, по зримому убо человеку естеством, произволением же ангелу, великому государю отцу нашему, святейшему Филарету Никитичю, Божьею милостию патриарху Московскому и всеа Русии, сын вашего по плоти благородия, паче ж по духу присвоения, Царь и Великий Князь Михаил Федорович всеа Русии челом бьет. Обычай есть человеком, дражайший отче государь и владыко наш, егда во уме любезнаго восприимет, тогда от радости в слезы производится. Что же ли в человеческом естестве любезнейши рожшаго и что сладчайши рожденнаго? И сего ради сыновним послушанием понуждаемы есмы от естества свойства, никакож приемлю мал час беспамятствовати о вашей, государя моего, нынешней болезни. Писание убо вашего святителства о облехчении вашея болезни радость нам прннесе, но паки другия твоея немощи приложение немалу скорбь совнесе нам: паки ж радость привлачит нас отческия вашея государския любве, яко близ есть день и час, в он же, великаго Бога милостию, надеемся честное ваше и равноангелное лице видети и толико желаем предобрый ваш глас слышати, яке жедателный елень напаятись и, паче медоточвых струй, языка вашего словесы насытитися. Но в лепоту глаголют врачевстии сынове: яко сладчайшему меду со естественною сладостию и в радость некую посред немоты, иж убо и ныне нам случилось. Желание убо серца нашего, еж зрети святолепное лице вашего чеснейшества, яко мед сладок, во устех наших обноситца и хотящая быти радость от зрения очес ваших внутреняя наша услаждает; но разстояние и неудобство пути, яко в радость некую, посреде сладости вводит. И сего ради мы и мать наша, государыня великая старица инока Марфа Ивановна, ни един час не можем належащия нам скорби, яж о вашей, государя отца нашего, немощи, молчанием преминути, послали есмя ваше государское здоровье видети боярина нашего Бориса Михайловича Салтыкова. Молим же, драгий наш отче государь и владыко, яко да частее нас о вашем душевном спасении и о телесном здравии от скорбных наших в радостным писанием повелиши возводити; наше ж непрестанно желание к Богу, яко да сподобит нас видети, вкупе ж и надеемся руку вашего святителства целовати и, належащую от пренемогания скорбь отринув, желателно и радостно вам, государю отцу нашему, челом ударити.

Отпуск писан столбцом, на двух листках. Внизу второго помета: Октября в 31 день.