№ 360.

1630 г., Мая. Письмо Царицы Евдокии Лукьяновны патриарху Филарету, о получении его письма и о здоровье Царского семейства.

Царевиче, Князе Олексее и о мне и о дщери нашей, Царевне Ирине, ведати изволил еси: и мы, слыша о вашем государском душевном спасении и о телесном здравии, обрадовались и на вашем государском святителском отческом благословении и жаловании много челом бьем. И аще, великий государь святитель, и отец наш, произволиш спросити о моем здоровье: и я, Божиею милостию и пречистые Богородицы и за молитв святых твоих, дал Бог, здорова есмь. Молимжеся в Троице славимому Богу и пречистой Богородице и великим Московским чюдотворцом Петру и Олексею и Ионе и всем святым, яко да сподобить вас, великого государя отца нашего, всесилный Бог, достигнут царствующаго града Москвы на свой святителской престол здраво, и с веселием ваше святителское лице видети, и святителства вашего от руки благословитися и вам, великому святителю, поклонитися.

Подлинник писан столбцом, на одном листке. Начала недостает.