№ 178.

1624 г., Мая 17. Письмо Царя Михаила Феодоровича патриарху Филарету, о намерении отправиться в тот же день из Троицкого Сергиева монастыря в село Воздвиженское.

Пречестнейшему и всесвятейшему о Бозе отцу отцем и учителю Христовых велений, истинному столпу благочестия, евангелския проповеди рачителю, недремателну оку, церковному благолепию, кормчию Христова карабля, неблазнено той направляющу во пристанище спасения, великому государю отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, изряднее ж но духу свойства, Царь и Великий Князь Михайло Федорович всеа Русии челом бьет. По благословению, государь, вашего святителства, по обещанию ж нашему, мы и мать наша, государыня благородная старица инока Марфа Ивановна в преславней обители святыя и единосущныя Троицы всенощная пения и утреняя славословия и молебная благодарения и божественыя литоргии слушати, вкупе ж и коленная преклонения принести сподобихомся. И того, государь, дни произволили есмя во обители святыя Троицы передневать; а изо обители, государь, святыя Троица в село наше Воздвиженское пойдем Maiя в 17 день. Молимжеся вашему превысочайшему святителству, да возслеши о нас ко всемогущему Богу честныя твоя и богоприятныя молитвы, яко да сподобит нас всесилный Бог, молитвами вашего преподобия, царствующаго нашего града Москвы достигнути здраво, и с веселием целовати освященную вашу главу и руку, и святолепное ваше лице зрети и челом ударити.

Подлинный отпуск писан столбцом, на двух листках.