№ 136.

1622 г., Сентября 23. Письмо Царя Михаила Феодоровича патриарху Филарету, о прибытии в село Воздвиженское.

Пречестнейшему и всесвятейшему о Бозе отцу отцем и учителю Христовых велений, истинному столпу благочестия, евангилские проповеди рачителю, недремателну оку, церковному благолепию, кормчию Христова карабля, неблазнено той направляющу во пристанище спасения, великому государю отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, изряднее ж по духу свойства, Царь и Великий Князь Михайло Федорович всеа Русии челом бьем. В село, государь, в Воздвиженское мы и мать наша, государыня благородная старица инока Марфа Ивановна пришли Сентября в 23 день на вечер, дал Бог, здорово; а из Воздвиженского, государь, пойдем Сентября в 24 день. Молимжеся вашему превысочайшему святительству, да возшлеши о нас ко всемогущему Богу честныя твоя и Богу приятныя молитвы, яко да сподобит нас всесилный Бог, по благословенно вашего святителства, по обещанию ж нашему, достигнут пречестныя обители святыя и единосущьныя Троицы и великого в чюдесех преподобного Сергия, и тамо молитвы и благодарения принести и светло в радости духовней праздновати, и оттоле к [111] царствующему нашему граду Москве возвратитися здраво, и с веселием зрети святолепное ваше лице, и стопам вашим поклонитися и челом ударити.

Отпуск писан столбцом, на двух листках. На обороте второго помета: послана с жилцом со князем Иваном княж Ивановым сыном Горчакова, в 4 часу ночи.