№ 126.

1621 г., Сентября 25. Письмо Царя Михаила Феодоровича патриарху Филарету, о прибытии из Троицкого Сергеева монастыря в село Воздвиженское.

Пречестнейшему и всесвятейшему о Бозе отцу отцем и учителю Христовых велений, истинному столпу благочестия, евангелския проповеди рачителю, недремателну оку, церковному благолепию, кормчию Христова карабля, неблазнено той направляющу во пристанище спасения, великому государю отцу нашему, святейшему Филарету Никитичю, Божиею милостию патриарху Московскому и всеа Русии, сын вашего по плоти благородия, изряднее ж по духу свойства, Царь и Великий Князь Михаил Федорович, всеа Русии, челом бьет. По благословению, государь, вашего святителства, по обещаниюж нашему, мы и мать наша, государыня благородная старица инока Марфа Ивановна, во обители святыя и единосущный Троица, у целбоноснаго гроба великого в чюдесех преподобнаго Сергия всенощная пения и утреняя славословия и молебная благодарения принести и божественная литоргии слышати сподобихомся; а из монастыря, государь, пошли есмя и на стан, в село наше Воздвиженское, пришли Сентября в 25 день ввечеру. Молим же ваше святителство, да возслеши ко всемогущему Богу о нас и о матери нашей честныя твоя молитвы, яко да сподобит нас всещедрый Бог царствующаго града достигнута, и святолепное ваше лице видети в радости, и с веселием целовати вашего святителства руку и челом ударити.

Отпуск писан столбцом, на двух листках. Внизу второго помета: 130-го, Сентября в 25 день, ввечеру, с жилцом с Степаном Унковским.