Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

ПОВЕСТЬ О ПРЕПОДОБИЕМ ОТЦЕ НАШЕМ СТАРЦЕ НИЛЕ И О ТОГО ЧЕСТНЕЙ ОБИТЕЛИ, ИЖЕ ЕСТЬ ВО ОБЛАСТИ БЕЛА ЕЗЕРА В СОРСКОЙ ПУСТЫНИ.
В НЕЙ ЖЕ СКИТСКОЕ ЖИТЕЛСТВО ЕСТЬ ПО УСТАВУ СВЯТЫХ И ДРЕВНИХ ОТЕЦ

Исперва убо, преступлыну человеку заповедь Божию, прелсти того враг и тако им облада и отъят ему власть. И князь он века сего, и владыка человек бе исперва от Бога поставлен бысть. Ни бо огнь на нь возмогаше, ни же вода потопляше, ни зверь вреждаше, ни ядовидое на нем свое деиствоваше. А отнели же прелести повивса, предаде прелстившем[у] началство и во глубину прелести низведе[н] // бысть, и во дворех ада вселися. И от многаго убо. яко же без растояния удалыцися от Бога душа, не мощно же той бе приступите и познати Создателя своего. Но Бог первее убо пророки обращаше ю к себе и призывайте, и к познанию своему влечаше, последи же и сам пришед он, и отъят убо забыть, отъят же и прелесть, и [16] адовы двери разверзе, к прелщенной вниде души, се образ сей положив, им же мощно ей бе угодити ему. Таже апостолы и мученики и святители и множество святых преподобных отец по вселенней по различных странах, яко же здъзды 1 многоразличною славою в славе сияющих показа, яко да сих, подобных ей, божестве-ною славою и человеческою честию сияющих зрящих, ноне всяко себе воздвигнет душа к Богу. И понеже они убо преподобны [е] отцы // послушливи Владыце и Создателю своему быша, и невозвратно и вседушно последоваша ему, и грады, и веси, и села, и ина вся, яже на вселенней, оставиша, и в пустынях, и в горах, и в разселинах горских от мира скрыяху себе Божия ради любве, инии по иных местох, недалече от мира отстоящих, особящеся — не яко человеки омражающе, но недостойных себе творяху человеческому сожитию, и [с] скоты дивиими в пустынях паче изволяху жити, помышляюще, яко скотско в миру преже пожиша, и сии тако смириша, и уничижиша себе, и от мира потаишася. Но Бог тех прослави яко своя угодники. Друзии же в скитох преже бывающе, нецыи же затворение избравше в домех иночьских, тамо паче тело смиряюще и оставляюще // его, немоту[ю]ще, исполнити правило свое со всякою болезнию. Но и тяжкия недуги, достизающая их, в сладость терпяху во всем животе своем, и от их же ни же поне стати на ногу своею или молитву обычну принести, или славословити можаху во своих устех, но ни же псалом, ни же ино что и от их же в телеси совершаемых творяху: удовле им едина телесная немощь и безмолвие вместо всех правил. И сей образ во всех днех их 2 и во все[й] мниме[й] празности. И сице они, яко же можаху, в’мещаху противу силе своей — подвизахуся о спасении своем.

Обаче же нужно убо, вмених, о возлюблении, и сия ныне зде не крыти от вас, яже о святем старце Ниле. Понеже бо святый старец сей, аще // и в последняя времена бысть, но ни чим же убо онех великих мужей и древних святых богоносных отец мнее бысть в мужестве же, и подвизех духовных, и храбрости яже на бесы, и мудрости словесней. Сущую бо в нем духовную [и] словесную 3 премудрость и жития добродетел[ь] явленно творят и главизны слога его, [и] святая же она и честная обител[ь], в ней же сей великий старец многотрудне и богоугодне поживе. Отселе убо вам, подражателем и рачителем пустыннаго и безмолвнаго жития и лобзающим покаяние, о той дивней пустыни сице поведати начнем.

Русийскаго бо и Словенскаго государьства на северной стране, во области Бела езера есть пустыня, Сорская зовома 4. // В сей убо пустыни есть церковь Предтечи Иоанна, в ней же — мощи святаго отца нашего Нила землею покровены и ни от кого же не видимы.

Сей убо преподобный отец наш Нил каковых бе родителей или от коего си града от[е]чество имяше, или каковых лет мира отвержеся, сего мы достоверно не свемы.

Но токмо се от слышания прияхом, яко родившуся и воспитану ему бывшу в царьствующем граде Москве и того ж царьствующаго града Москвы судиям книгчию чином ему бывшу; иноческий же образ в велицей лавре Кирилла Белоезерского чудотворца восприимшу; и по сих убо к царьствующему Константину [граду] отшед, та же и во Афонскую // гору доиде, и в Русию паки возвратися. И пришед, Богом наставляем, в прежереченную ону Сорскую пустыню. И поживе в ней неколико время, благоугождая Господеви Богу постом и молитвами, и от всех злых воздержанием. И по сих убо сей святый старец, преподобный отец наш Нил, вечным | сном о Господе успе в лето 7016 год[а], майя в 7 де[нь].

И отолле убо благоволением Божиим и молитвами преподобнаго отца нашего старца Нила в пустыни его Сорстеи уставися скитское жител[ь]ство по уставу и по; преданию святых древних отец, даже и до сего дне совершаемо в славу Отца и Сына и Святаго Духа, единаго Бога, и пречистыя его Богоматере, владычицы нашея и госпожи Богородици и приснодевы Марии. //

Имат же в себе та пустыня и древеса некая — ели токмо и мало берез и сосен, и мхи великия и непроходимый. Обретаемы же бывают в той пустыни и ягоды: клюква и брусника, морошка и черница. Иных же древес или овощи в той пустыни отнюдь тамо несть обрести.

Не имат же ся в той пустыни ни до мала что обрестися яковолюбо, что угодно к населению любящим житие [17] света сего, но понеже ничто же видети в ней подвижущаго к молвам и воплям и к прочим сплетением мира сего и за еже не имети им в пустыни той ни скота, ни осла, ни служащих, ни служимых, пи чаляди и ни иного чего бываемаго во общих житиях. Сице бо изводи преподобный // отец наш Нил, еще ему сего маловременнаго жития 5 не отошедшу, такожде и по себе благослови во своей пустыни един [он] равным учеником своим жити и еже соблаговолят воли его: отнюдь общежителных орудий ничего не имети. Удаляти же ся делом заповеда и молвы, бываемая телесных ради лихоимъств, яко напоения смертоносна, понеже сие, рече, разлучает нас от Бога. Питати же ся рукоделием заповеда токмо. Аще же хитростем мира сего не учен кто будет и немощен есть делом от руки своею питати себе, таковый убо милостыни мало да приемлет, отнюду же благодать Божия усмотрит. Излишняго же отнюдь ошаятися. Заповеда же в пустыни своей и женам отнюдь входа не имети, тако же и мужеска полу // младовидным и от скот раждающих, понеже сими всеми иноческаго чина общий враг наш, диявол, зело наветует; подиг бо ему, рече, еже чрез естественых паче инока осквернити.

Правило же церковное в той Сорстей пустыни сице бе творимо бывает. Дважды бо в коей[ждо] седмицы собираются в церковь и творят всенощное бдение в неделю и в среду вечер на свет четвертка. Аще ли прилучится в седмицы приздник 6 господьский, или некий от великих святых, ему же бдение бывает, и тогда убо они оставляют еже в среды вечер бдение и творят в неделю и празднику: яко да токомо совершити две бдении в коейждо седмицы. В прочая же дни по келиям упражняются и пекутся кийждо их о своем спасении яко же можаху противу силе своей. Не вси бо равно тщание или пра//вила количество в келиях своих имут, но поелику бо их кто верою, яже к Богу, растяше, потолику пред Ним и молитвою предстояше.

Келейное же им сицево бе житие обычно, еже: отнюдь двема братома во единой келии не жити. Аще кто и от славных мира сего будет, и честней 6 человек, еще же и [с] писменем не учившихся, не приемлют в пустыни той. Но по едино[му] брату в келии живут, яко же древних святых богоносных отец скитское жителство обдержит, и грамоте изучившиися жителствуют тамо. Келия же от келии у них толико отстоит, елико им друг друга не слышати, кийждо их кто что в келии своей творяше или к Богу како подвизашеся. Видети же токмо по единой келии // от другая келии. От единой же келии всех келий не мощно есть видети, занеже лесу зело превелику и чаща межу келиями быти. Текут же и потока два сквозе ту пустыню. Хранят же и сие предание живущии ту иноцы преже бывших отец: места того, еже окрест келей отнюдь не сещи лесу, ни на кую скитскую потребу, но подалее от скита на всяку потребу секуще древеса, дабы не объявилася каяждо келия к друзей келии.

Имут же у себе и стража единаго токмо, иже и часы уставляет и в зимнее время притвор церковный нагревает и на кийждо день братию посещает, аще здрава суть. И по сих к настоятелю приходит и о здравии ему тех возвещает. Аще кому от братии случится // в немощь впасти, то брату тому послужит, дондеже и создравеет.

[К]ормля же им бе из казны великого, государя царя Словенского и Росийскаго и инех многих язык и государств обладателя и самодержца, толика доволна бяше, елико мощно в житии своем иноку тело свое окормляти. От тех же уроков и одежду себе изообретают, ею же наготу своего тела прикрывающе, Божиих благих дарований одеяниею паче.

А елика им бе скорбь случается от уныния и человеческаго ради нивидения, сего словом сказати немощно есть или познати от плотская мудръствующих. Но токмо тии сведят, иже умную память присно имеют. Сии бо слово се разумеют, занеже // и тем не всегда бе или равно радость Божия пребывает. Есть бо яко же куплю деющим случается — овогда бо тем, прибытки своя зрящи, радоватися, овогда же тщеты ради печаловати. Сице бо и при духовных, деющих куплю; плоть убо на злате заповедей продающим, дух же купующим, подобно видети есть: овогда бо тии, к Богу приближающеся, радуются, яко же пророк глаголет: «Помянух Бога и возвеселихся» 7, «сердце бо мое и плоть моя возрадовастеся о Бозе живе» 8, овогда же, от него удаляеми, унывают. Того бо ради и никто же тамо постризаху, но прежде во общих житиях обучившихся приимаху, яко сведищим тризненое бедство. Но и сим сице бывает, аще кто от них оставит [18] келейное свое // правило. Таковый убо духом уныния скоро изгоним от скита бывает и во вселенную отходит. И бывают последняя горше первых. Еже бо в жителстве своем и совершение оставити количество правила своего, и ина сим последующая злая случается ему. Сия убо быша ему от еже безмолвия не претерпети ему. Аще ли же отшедый брат от скита поспешив будет душею и аще тепл верою, и помянув первый ревности начало и теплых помысл своих, с ними же изыде прежде от дому своего, и возвратится в скит паки, они же, Сорския тоя пустыни иноцы, яко изкуснии борцы, понеже и сами всегда от диявола напастуеми, вскоре брата того с радостию приемлют, яко же и апостол глаголет: «Иже пострада, искушен // быв, может и напаствованому помощи» 9, и по первому обычаю брата того жити уставляют. Он же, яко тепле сый верою, и первым подвигом касается, укрепляющу его Богови и преподобному отцу нашему Нилу споспешествующу. Аще бо еси святый отец наш Нил и телом от нас отиде, но духом с нами всегда есть, и помогает нам в напастех всегда, и радуется яко отец присный и о малом нашем исправлении, видя нас когождо тщащихся о спасении душ наших.

А иже внове аще кто к ним приидет, хотя с ними сожителствовати, настоятель-же и братия вся во едину келию сошедшеся, и сматряют брата того, — аще мощно есть ему с ними и наедине в келии жити. Не сладце же брату тому исперва // будет. Не бо се от злобы творяще, но яко да познают терпение брата того. И аще мощна его видят еже с ними и наедине в келии жити, то убо настоятель поемлет его во свою келию и упокоевает его, дондеже то[й] брат келию свою приустроит. Не от основания же приустроит, приходящим бо тамо готовый келии даются, со святыми иконами, и книгами, и со всякою посудою и орудием келейным. Таже убо по сих и живущая ту братия на кийждо день новопришедшаго брата того упокоевают у себе, и сказующе ему вся наводимая им от диявола. Паче же всего живущих зде, рече, о брате, борет бо зело диявол леностию и разслаблением, яко да сим низложив // их, отторгнет его от тёлесныя молитвы, ея же убо оставление намнозе бывает иноку во уме велие падение. От сего убо мы избавитися потщимся благодатию и человеколюбием Господа Бога и Спаса нашего Иисуса Христа, ему же подобает всяка слава и честь и покланяние купно со Отцем и со Святым Духом ныне и присно и во веки веков, аминь.


Комментарии

1. Так в ркп.

2. «их» приписано писцом на поле, заменяет первоначальное «своего».

3. Приписано под строкой.

4. Слово написано дважды.

5. Написано над строкой.

6. Так в ркп.

7. Пс... 76,4.

8. Пс., 83,3.

9. Ср.: Евр., 2,18.

Текст воспроизведен по изданию: Повесть о Нило-Сорском ските // Памятники культуры: новые открытия. Письменность, искусство, археология. Ежегодник, 1976. Л. Наука. 1977

Главная страница  | Обратная связь
COPYRIGHT © 2008-2021  All Rights Reserved.