ПРИЛОЖЕНИЕ

Предание об основании Угрешской обители.

«В лето 6874, Августа 4 дня, при Киприане Митрополите, благополучно скипетр Российския державы правящу Благоверному Великому Князю Дмитрию Иоанновичу Донскому, Божиим попущением грех ради наших бысть нашествие нечестиваго Царя Мамая Татарскаго на Российскую землю. О чесом ему зело скорбящу, в то время преподобный Сергий, игумен Радонежский, благоразумными своими словесы его подтверждая, подаде ему не малое утешение, и молитвою своею вооружи его, и о преславной на враги победе пророчествова глаголя: изыди противу варвар, всякое от себе отвергши сумнение, Богу ти помогающу враги, победиши, и здрав в отечество свое возвратишися. И тако вооружен убо быв Благоверный Великий Князь Димитрий Иоаннович, послушав того благоразумнаго советника, изыде из града Москвы противу Мамая злочестиваго врага сущаго, и отшед от Москвы 15 поприщь, ста в шатрах на месте злачнем для преупокоения с воинством своим, и на месте оном явися ему пречуден образ, вапою украшен, Святаго Христова угодника Николая Чудотворца, весь звездами светло окружен, стоящь о себе на воздусе над древом зовомым сосною, ту стоящей, ни ким же держим, и то видя явление, Благоверный Великий Князь Димитрий Иоаннович, страхом и радостию одержим, притече с верою несумненною с воинством своим, с Благоверными Князи и Боляры под то древо, и молящимся им тепле со слезами новоявленному чудному оному образу Угодника Божия Николая Чудотворца, и еще ему молящуся, услыша Господь молитву и моление его, сниде сама с высоты святая оная икона и вдадеся в честные руце его, он же радостно и умильно прият ю на рамы своя со слезами, и облобыза ю. О блаженныя руце, яже неоцененный таковый дар удостоишася от Бога прияти! Блажен еси и сам ты, Благоверный Княже! Яко с пречудным тебе иконы смертных бед и всем злостраждущим и напаствующим во всяких бедах их явлением скорая победа на враги явися, купноже не без пролития крови христианския. Тогда защищением Угодника Божия нечестивии и [24] злобнии от лица меча Российскаго, яко дряхли, вси в бег обратишася, инии же, мечем погибоша, и тако преславная на враги победа и счастливое на них врагов одоление тебе Благоверному Великому Князю даровася. Едва бо точию приближашеся Благоверный Великий Князь Димитрий Иоаннович с воинством своим к варварским полкам, то невидимо Угодник Божий Николай чудным судом Божиим претя им устраши, и внезапу на них страх и трепет и ужас, и трепетни бывше, вси смятошася, подвигошася, и в бегство обратишася, и с безчестием, яко немощни и злочестивии от Благочестивейшаго Великого Князя, и абие прогнашася. И возвратився Благоверный Великий Князь благополучно от брани с преславною победою, достиже паки оного места, на нем же оный образ с явлением чудесне в честныя руце ему вдадеся, и о дарованней ему победе на враги благодарив всесвятаго Бога и Угодника Божия Николая, моляся совершив моленное пение с воинством своим и Благоверными Князи и Боляры, и в то время сам Благоверный Великий Князь Димитрий Иоанновичь нарече оное место прозванием Угреша ¹, яже зовется тем именем и до сего дне в лепоту пречудне ². И тако от пречуднаго образа множайшия чудеса правоверным сердцем даровашася; инии неизреченную радость к почитанию святых икон [25] возбудишася, якоже и у самого Благовер. Вел. Князя, тогда сердце радостно согреяся, и от туда Духом Святым наставляем, и ревностию повеле на оном месте соорудити храм церковь Святую во имя и в честь Святителя Угодника Христова Николая Чуд. и воздвигнути обитель славну, и удовольствова ю всеми потребными неоскудну в пречестное и святое прославление имени Божия, дивная и славная во святых своих действующаго. Тако любит Господь своих Угодников, яко по успении их в иконах прославляет, и Благоверным Царем и Великим Князем победы над враги, ради прошения их, дарует. Такожде и прочим всем православным всякого чина и достоинства прибегающим и молящимся ему и просящим у него милости скорый услышатель и избавитель в великих напастех ревностный и незамедлимый помощник и защитник, Аминь».

Комментарии

1. Думаю — по речке, ибо говорилось на Угреше. «Монастыря Св. Николая Чудотворца в 15 верстах от Столицы вниз по Москве на речьке Угреше. См. Больш. Черт. И. Г. Р. Том XII. Прим. 435.

2. Здесь замечу, что Донский возвратился Болванским путем и вступил в Москву чрез Андроников монастырь, и так он должен был нарочно заезжать на Угрешу, ближайшую к Брашевскому пути, и потом снова своротить на Болванский к Андроникову. Тогда, как бы ни спешил кто домой увидеть жену и детей, не почитал тягостным замедлить свой путь заездами в храмы и обители, прославленные чудотворениями от их Икон. Сомнителен только сворот с Котлов на Угрешу, еще на пути из Москвы к Коломне, при выходе в поход.

В Истории Российской Иерархии, ошибочно означено основание обители в 1371 году. Людиковские монахи, также там упомянутые, могли возобновить ее, обветшавшую, или населить прибывшею братиею.

Текст воспроизведен по изданию: О древней русской истории (Письмо к М. П. Погодину) // Москвитянин, № 3. 1845