Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

77

Ермолай-Еразм. Благохотящим царем правительница и землемерие

Премудрость Соломоня глаголет: "Слышите убо, царие, и разумейте и навыкните судна концем земли, внушите держащий множества и гордящеся о народех языческих, яко дася от господа держава вам и сила от вышняго". Аще же убо верных царь в нынешнее время испытоваем, во всех языцех, кроме русийскаго языка, не вемы правоверствующа царя. Аще же убо верою прав есть, достоят ему неленостно снискати, разсмотряя, яже ко благополученнию всем сущим под ним, не единеми вельможами еже о управлении пещись, но и до последних. Вельможа бо суть потребни, но ни от коих же своих трудов довольствующеся. В начале же всего потребни суть ратаеве; от их бо трудов есть хлеб, от сего же всех благих главизна: богови в службу бескровная жертва хлеб приносится и в тело христово претворяется, потом же и вся земля от царя и до простых людей тех труды питаема. Сии же всегда в волнениях скорбных пребывающа, еже не единаго ярма тяготу всегда носяще. Подобно бы убо в лете един тяжательный ярем носити сим, яко бо всяка тварь птицы и зверие и скоти единою летом изнемогают линьством. Ратаеве же безпрлстаня различима работныя ига подъемлют: овогда бо оброки дающе сребром, овогда же ямская собраниа, овогда же ина. Елицы, иже от даропитательных сих ради царских собраний к ним послани бывают, и сии убо подле царскаго уставления и себе с них многа збирают, еще же сих ради посланий, яждениа ради конем в ямская расточения многа сребра расходящеся. Многа же и ина [104] ратаем обида от сего, еже царскиа землемерительнии писарие яздяху с южем делом мерным, отделяюще царевом воином землю и меру земли вразнь всяку четверть полагающе, и сим много медлящим изъядаху многа брашна у ратаев. И многа убо царства прочтохом и сего обычая не видехом. Видехом же се: егда бе Иосиф вь Египте, строяще все Фараона царя бытие и во время гладу предержа неизглаголанное множество пшеница, от его же руку египтяня вси взимающе пшеница, сокровища вся своя издаяху ему, и уже никому же не имеющу, что дати, Иосиф даяше им пшеницу и таку дань возложи на них, яко егда приидет жатва, да приимет каждо жит своих 4 части, пятая же часть жит их да будет царю Фараону. И емляше у жнущих жита пятую часть, кроме же сего ничесо же не имаше. И после же сего во всех языцех кийждо человек своему цареви или властели воздает урок от приплод своея земля: ид еже бо ражаетея злато и сребро, ту и воздают злато и сребро, а идеже плодятся множество великих скот, ту и воздают скоти, а идеже плодятся зверие, ту и воздают зверие. Зде же в русийстей земли ни злато, ни сребро не ражаетея, ни велицыи скоти, но благоволением божиим всего дражайши ражаются жита на прекормление человеком. Достоит убо и дань у ратаев царем и вельможам всем имати от жит притяжаниа их пятую чясть, яко же Иосиф въ Египте учреди. Иосиф бо, пишется, продан бысть в Египет на тридесят сребреник во образ господень. Како же правоверным царем и вельможам их не достоит сему ревновати, еже в своих селех и весех имати от притяжаниа жит у ратаев житом пятую чясть, кроме же сего ничесо же, злата же и сребра ратаеве недоумеюще, откуду притяжати. Аще же гладни лета, тогда убо мнози мучими суть, их же и видехом. Како бо о сем мучению достойни, яко лето мала притяжениа сподобльше. Ратаеве же мучими сребра ради, еже в царску взимается власть и дается в раздаяние вельможам и воином на богатество, а не нужда ради. Нужда бо ради кийждо от вельмож своя ратая имут и сими довольни будут, пятую часть у коегождо ратая приемляще и цареви от сего служаще, их же ратаем ничто же иного никому же не достоит подаяти, ни ямскаго собраниа своих ради вельмож и воинов. Ямская же правлениа вся подробну достоит устраяти, от града по расписанию и до другаго града. Сим елицыи во градех купующе и продающе и прикупы богатеюще, достоит сим сий ярем межу всех градов носити, понеже суть стяжатели многа прибытка. Кроме же сего ярму, ничесо же никиих улишений, да [105] не сподобятся, но во вся грады безо всяких воздаяний, сирен пошлин, купующе и продающе и сего ради нарицаемая ямская правлениа от града до града по написанию исправляти сим достоит. Се бо всякого мятежа о земных умалится: писарем умаление, зборы престанут, мзды неправедный отлучатся. А еже землемерительнии писарие, четвертию меряще и ратаем многу скорбь от объяданиа приносяще, о сем убо тако достоит разумети: скорости ради мерный и вражды и тяжеб межных — мерити достоит и отделяти поприщми. Вемы бо искус меры счетованиа к сеянию подробну: яко бо мужеско обою руку едино сяжение в долготу, и тако же в преки имать в себе ржаных семян сеяниа тысящный и двосотный жребий единыя четверти; 10 же сажений в долготу и в преки сих жребий 100, имат же вторый на десят жребий четверти. Едина бо осьмина, аще мерою четверогранна — единака и в долготу и в преки — имать 25 сяжений равно обое; аще же ту же осьмину в преки хощеши вь едину сяжень, и в долготу будет 600 сяжен, но единако в сей же долготней не доравнает 25-ти сяжен пред четверогранною мерою, 24-го жребиа осьмины, а четверогранную меру 25-го жребия осьмины. Четверогранно еже поприще — в долготу и в преки по обема концема мужеск обою руку сяжен 1000 — имат в себе ржаных семян сеяниа 833 четверти с третью; в 3 же поля разделениа ради житнаго поприще таково наречется 278 четвертей без полу осьмины в поле, а в дву полях по толицей же мере. Се убо поприще удоб есть дати за 250 четвертей в поле и в дву тако же, понеже 28 четвертей без полуосьмины излишняго к коемуждо полю за сена и за лес достоит дати, излишняя же та, аще будет земли чисты, сеи лепши: с сего приим хлеб и продав, и купует сено и лес. И тою мерою землемерительння писарие скорее поспеют четвертныя меры в десятерицу: кими деньми ныне град описовати, теми деньми возмогут 10 град описовати понеже четвертинная мера в частости мешкано, сия же поприщми около вдруг все оградит. Сего ради и о землях тяжа не имат быти: аще бо кто хощет прекривити, и убо мера его обличит, яко излишняя чюжая восхити; у кого же отъят, тако же мера обличит, яко обиден есть.

Тако убо удобно есть царем повелевали землемерие учрежати поприщми, а не четвертьми. Аще убо сам царь во всех своих градех елико восхощет себе, поприщ своея ради потребы прияти, и аще будет где в долготу и в преки четверогранно по обоима концема 10 поприщ, — ту есть по сему счетованию 25000 четвертей в поле, а в дву полех [106] по толицей же мере, да кроме того за сено и за лес 2775 четвертей в поле, а в дву полях по толицей же мере, и повелит на себе житных плодов на лето пятую чясть отделити. А бог даст, аще в земли зерно родит пять зерен, и вь едином граде будет его ржы 25000 четвертей, да яри того вдвое. Аще убо во 100 градех по селику, и в едино лето будет ржи 2000 тысящ и 500 четвертей ржы, да яри того вдвое. Есть бо что из сего и продати на собрание сребра, а ни един ратай не будет слезен и мучен в недостатцех, еже имати у них з земли хлеб, с лесов же зверие и мед, с рек же рыбы и боброве; аще ли же где лес вполится, удобно есть медвений и звериныя уроки отставляти, понеже уже хлебом дадят с того пятую часть.

Тако же убо достоит и боляром и воином даяти поприщми а не четвертьми камуждо по его достоинству. Аще убо есть от боляр совершение кому 1000 четвертей достоит прияти, сему убо в долготу 2 поприща и в преки 2 же поприща, четверогранно по обойма концема, удоб есть дати по сему счетованию за 1000 четвертей в поле, а в дву полех по толицей же мере, кроме того, еже ему будет за сено и за лес, по 111 четвертей в поле. Аще же мний сего, кому от воевод достоит 750 четвертей прияти, сему убо в долготу 2 поприща, в преки полтора поприща на обема концема удоб есть дати по сему счетованию за 750 четвертей в поле а в дву полех по толицей же мере, кроме сего, еже ему будет за сено и за лес, 83 четверти в поле. Аще ли же кому воину достоит прияти 500 четвертей, сему убо в долготу 2 поприща, а в преки едино поприще, по обема концема удобь есть дати по сему счетованию за 500 четвертей в поле а в дву полех. по толицей же мере, кроме того, еже ему будет за сено и за лес, по 55 четвертей с осминою в поле. Аще ли же кому достоит прияти 400 без 25 четвертей, сему убо в долготу полтора поприща, а в преки едино поприще до обема концема удобь есть дати по сему счетованию за 400 без 25 четвертей в поле, а в дву полех по толицей же мере, кроме того, еже ему будет за сено и за лес, по 41 четверти с осьминою в поле. Аще ли же кому достоит прияти полтретьяста четвертей, по сему убо в долготу и в преки четверогранно поприще по обема концема удобь есть дати по сему счетованию за пол-300 четвертей в поле а в дву полех по толицей же мере, кроме того, еже ему будет за сено и за лес, по 28 четвертей без полуосьмины в поле. Аще ли же кому достоит прияти 125 четвертей, сему убо в долготу поприще, а в преки полпоприща по обема концема удобь есть дати по сему счетованию за 125 [107] четвертей в поле, а в дву полех по толицей же мере, кроме сего, еже ему будет за сено и за лес, по 14 четвертей в поле. Аще ли же где будет поприще поприщу землею неравно, — есть бо тако и людие: суть во едином удобствии, сиречь равенстве, имут же некая отстояния, межу себе суще неравна по человеку убо разсмотряй, поприща разделяет лучешим лучешая.

Приемляй же землю болярин или воевода или воин имат своих ратаев довольство по сему достоинству. Аще бо пятую чясть жит взимали, семей же убо не вдает ратаем. Аще же благоволит бог, в земли едино зерно сотворит 5, и комуждо убо вдано есть поприще едино, сий возьмет у своих ратаев пятыя чясти полтретьяста четвертей ржы, а яри того вдвое, и сим убо доволен будет. Не достоит бо никому же боляром и воеводам и воином, своя ратая имуще, со инех же сребро имати. Аще бо кто предо инеми воины и велик есть, то по достоянию его больши стяжет ового вдвое, а инаго втрое, инех же в седьмеро и в осьмеро. Сей тако велик есть, аще и воеводствовати и болярствовати удобен, но неудобь же есть ему предо инеми воины яко государем быти. Се есть излишнее и богатество и гордость, еже у своих ратаев удобная довольствиа взимая, к сему же и с чюжих сребро взимаяти. Аще же убо комуждо на потребу удобь будет сребро, имат кийждо, излишняя жита своя и се безпошлинно продал градцким жителем и елицы и хлеб купуют, и сим на потребу свою сребро притяжет. Како бо у ратаев сребра хотети и того ради их, яко же видим муками томити? Сии бо сребра неззидают, но хлеб назидают. Сего ради у них хлеб достоит и приимати по Иосифа Прекраснаго уставу пятую чясть, тако же и сена и дров пятую пясть достоит приимати.

Противу же ратным изходити достоит тако. Иже имат Царскаго даяниа во одержании земли в долготу и в преки четверогранно поприще, сему подобает быти самому и с ним слузе во бронях. А прочим по тому же счетованию: на толицей бо мере земли 20 ратаевых полных жребий по 2 четвертей с осьминою во всяком поле, кроме сена и лесу сего ради десять единонадесятаго к воинству сподобят. Аще ли же царь восхощет дабы воинество его противу ратным во един день собиралось, подобно есть ему всем воином повелети в селех и в весех не жити, но жити во градех, яко да уставленное свое повелят привозити к себе ратаем а приемлют хлеб и сено и дрова у ратаев своих, сами же жительствуют во градех; сего ради, яко едина царева грамота о воинстве приидет к ним, и единаго часа вси, слышав, [108] у срамятся друг друга отлучимся но единомысленно и в един день вси грядут на порученную им службу.

Аще ли же сам царь восхощет, дабы ему за всю землю не отвещати, яко же коемуждо человеку за свой дом, рече бо господь: "ему же дано боле, и взищется боле от него, и ему же дано множайши, множайши и просят от него”; глад голет же и апостол к галатом: "яко блудницы и прелюбодейцы и пьяницы царствиа божиа не наследят". Зде же видим, яко во граде, нарицаемем Пскове и во всех русийских градех корчемницы и блудницы. В корчемницах бо пьяницы без блудниц никако же бывают. Аще же не будут ивведении корчемницы — се есть ведомо, еже есть и пьянство и блуд хластым и прелюбодейство женатым, — ответ же будет о сем иже сим богатеющим. Но, господи, умилосердися и дажды цареви нашему в разумение, еже сиа извести и не едино же се, но и всяко пьянственное питие. 11

В. Ф. Ржига. Литературная деятельность Ермолая-Еразма. Лет. зан. Арх. Ком., вып. 33, стр. 193-199.

Главная страница  | Обратная связь
COPYRIGHT © 2008-2021  All Rights Reserved.