Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

65

1602 г. августа 26. — Жалованная грамота патриарха Иова Коистантино-Еленинскому монастырю о неподсудности крестьян и слуг монастырских владимирскому патриаршему наместнику, с определением повинностей крестьян в пользу монастыря

Божиею милостию се яз смиренный Иев, патриарх царствующего града Москвы и всеа Русин. Бил мне челом Володимерского уезда нашие богомольи Царя-Констянтиновского монастыря архимарит Рафаило с братьею, а сказал: емлют деи по них и по слуг и по крестьян того монастыря заволостные люди из нашего Двора грамоты и зазывные и челобитные подписные в напрасных поклепных искех в деловую пору и в пашенное время, и им деи от того чинятца убытки и продажи великие. И нам бы их пожаловати велети им дати свою жаловальную грамоту, кому на них чего искати, и нам бы учинити им один срок в году. И яз смиренный Иев, патриарх царьствующаго града Москвы и всеа Русии, Царя-Констянтиновского монастыря архимарита Рафаила с братьею, или кто по нем иный архимарит в том монастыре будет, пожаловал свою жаловальную грамоту дати им велел: кому будет чего на архимарите и на братье, и на слугах, и на крестьянех того монастыря искати, и яз смиренный Иев патриарх архимарита Рафаила с братьею и слуг и крестьян сам сужу или мой Дворецкой; а срок им велел учинити один в году, в той же день, по Крещенье христове; а кто возмет по них грамоту или зазывную или безсудную или челобитную подписную не на тот срок, которой в сей нашей грамоте писан, в какове деле не буди, и яз смиренный Иев патриарх к ответу ездити им не велел; а кто возмет управную грамоту, или зазывную, или безсудную, или подписную челобитную не на тот срок, и та грамота не в грамоту [89] и безсудная не в безсудную. Также есми архимарита Рафаила с братьею и слуг и крестьян пожаловал, своих дворцовых сел приказщиком и детем боярским и их людем незваным к ним ездити не велел, а кто приедет незван, и они тех незваных людей высылают вон безпенно. Такоже есми пожаловал того архимарита Рафаила с братьею: кто у них в монастырских селех и в деревнях учнут жити монастырских слуг, и наместник наш Володимерской не въезжает и людей своих к ним не посылает ни по что и не судит их ни в чем; а кому будет на их слугах и на крестьянех чего искати, ино их судит архимарит Рафаило, или того монастыря приказщик; а лучитца того монастыря монастырским людем, попом, и диаконом, и слугам, и крестьяном, или церковному причету смесной суд с волостными людьми, и наместник наш тех людей судит, а архимарит Царя-Констянтиновской или его приказщик с ним же судит; а прав ли, виноват ли волостной человек, и он прав или виноват своему судье, а архимарит или его приказщик в волостного человека не вступаетца; а прав ли, виноват ли монастырской человек, и он прав или виноват своему судье. А пашню крестьяном на монастырь пахати на выть по десятине, а сеяти монастырскими семяны, а мерити десятину в длину по 80 сажен, а поперек по 30 сажен, И с тех десятин крестьяном хлеб жати и в монастырское гумно возити и скласти и молотить и в житницы сыпати; а навоз возити крестьяном на монастырскую пашню с конюшенного и с коровья и с гостина двора на выть по 80-ти телег; а сено косити крестьяном на монастырской обиход по 20-ти копен волоковых на выть и грести и метати то сено им же. А оброку им в монастырскую казну за сыры, и за масла, и за яйца, и за пшеницу, и за конопли, и за овчины имати по полтине с выти; а крупы и толокно делати крестьяном в монастырском хлебе по 4 четверти на выть овса или гречи. А лучитца архимариту ехати к Москве, и на крестьянех имати ему по подводе с выти одинова в год. А лес им для монастырского строенья ронити и в монастырь возити, где архимарит Рафаило лесом промыслит, и тем лесом монастырь городити и кельи ставите, и конюшенной, и коровей, и гостин двор делати, и огороды, и гумна монастырские городити; а дров возити крестьяном по сажени на выть. А которые крестьяне того монастыря женятца, и им имати знамена венечные у архимарита, а архимариту имати от знамени с отрока по 2 алт. с двоеженца по 4 алт., с троеженца по шти алт. А пожалует архимарит которого слугу сельским и деревеньским [90] приказом и доводом, и тому слуге имати себе на крестьянех въезжего на 4 празники: на Рожество христово, на Велик день, на Петров день, на Семень день, на празник с выти по алтыну, да по полуосмине ржи, да по осмине овса на год; а судные пошлины имати по государеву цареву и великого князя Бориса Федоровича всеа Русин указу и по Судебнику с рубля по гривне; а кто побьет челом убитого осмотрить, и смотреного имати по 4 алт., а доводчику хоженого по 2 ден., а езду на версту по денге, а на правду вдвое; а кто судной список запишет, и ему записки 3 ден.; а которой крестьянин выдаст за волость девку или вдову, и за выводную куницу приказщику гривна; а которой крестьянин женитца в своей волости или за волостью, и приказщику имати убрусного 10 ден.; а которой крестьянин продаст за волость или в своей волости лошадь или корову, или меняет, и с того имати явки по 2 ден.; а которой крестьянин продает за волость или в своей волости хоромину, или одонья ржи, или овса, или стог сена, или купит, и с того явки по 4 ден.; а которой крестьянин подымет на межу из борана, и на виноватом за боран 2 алт.; а которой крестьянин сварит пиво, и явки имати с пива с четверти по деньге; а которой крестьянин сварит пиво не явясь, и на том крестьянине имати пени на монастырь по 2 рубли; а велети пити смирно, чтоб бою и грабежу и никоторого воровства отнюдь не было; да приказщику ж имати со крестьян в осень по куряти да по поярку с дыму; а что которой приказщик доходу себе сберет, и то велети писати в книги, и те книги отдавати в монастырскую казну, чтоб архимариту и братье было известно. Дана грамота на Москве лета 7110 августа в 26 день.

А. Ю. Б., т. I, № 43.

Главная страница  | Обратная связь
COPYRIGHT © 2008-2021  All Rights Reserved.