49

1584 г. июля 80. — Приговорная грамота духовного собора о прекращении вкладов земли по душе и продажи монастирям имений и о временной отмене тарханов ⁴

Благословлением бога и отца и споспешением сына и содейством святаго духа в троицы славимаго бога нашего и во единстве поклоняемого, милостию пречистыя и преблагословенные владычицы нашия богородицы молитвами, и великих чудотворцов молитвами, повелением благоверного царя и великого князя Феодора Ивановича всеа Русин мы преосвященный Деонисей митрополит всеа Русии (далее следует перечень чинов собора) собрахомся в преименитом граде Москве некоторых ради царских вещей, паче ж и о настоящаго ради греха всего христьянства, что божьим судом великий государь блаженные памяти благочестивый царь и великий князь Иван Васильевич всеа Русии, во иноцех Иона, оставль земное царство, отиде в небесное царство. А по благословенью отца своего великий государь благочестивый царь и великий князь Феодор Иванович всеа Русии самодержец, взем скифетр Росийскаго царствия, советоваху с отцом своим и богомольцом с преосвященным Деонисьем митрополитом и со всем освященным собором и со всеми бояры, и со всем синклитом: како совокупишася на христьяны туркове, и агаряне, и литовской король, и все области немецкие, и распыхахуся дивиим образом, гордостью дмящеся, хотяху потребити православие. И мы сих ради со благочестивым царем нашим поболехом зелне, и многая попечения о сем благочестивый же царь [66] наш Феодор Иванович всеа Русин с своими бояры и со всем своим синклитом сотвори, якоже довлеет его царской власти. В сих же и в нас внесена быша некая, яко возложеная, яже по священным епископиям и по святым монастырем в пустош изнуряютца ради пьянственаго и непотребнаго слабого жития многообразие, многая жив запустения приидоша; и якоже убо по монастырем сия запустеваху, а х тому от мирских живущее прилагаху, не токмо ж по благословней вине, но и с ухищрением и тяжего и прибытка никоего ж несть, но развее токмо по монастырем в пустош изнуряетца на пьянственныя и на иные проторы, яже не токмо иноком, но и мирским свыше потребы не подобает творити; и сия убо по монастырем в пустош изнуряхуся паче потребы, а воинственому чину от сего оскудение приходит велие. И преж убо о сем блаженные памяти при благочестивом царе и великом князе Иване Васильевиче, а во иноцех Ионе, и сыне его блаженные памяти царевиче князе Иване и при освященном Антоние митрополите всеа Русин и всего освященнаго собора и всего царского синклита, уложена быша сице, и на утвержение грамоту написавше, утвердиша в лете 7088-го году генваря в 15 день: что с того году и с того дни митрополиту и архиепископом и владыкам и монастырем вотчин не покупати, и по душе ни по ком вотчин в монастыри не имати для воинского оскуденья, что воинство велие прииде во оскудение. И тое бы грамоту переписати и укрепити по тому ж. Другое ж и о том советоваху и утвердихом, с повелением благочестиваго царя и великого князя Феодора Ивановича всеа Русии, смиренный Деонисей митрополит со всем освященным собором и со всем царским синклитом, о тарханех, чтоб вперед тарханом не быти; что земли митрополичи, и архиепископли, и владычни, и монастырские в тарханех, и с тех никакие царские дани и земских розметов не платят, а воинство служилые люди те их земли оплачивают; и сего ради многое запустение, за воинскими людьми в вотчинах их и в поместьях, платячи за тарханы; а крестьяне, вышед из за служилых людей живут за тарханы во льготе, и от того великая тощета воинским людем прииде. И сего ради, для великих нуж и тощеты воинским людем, по совету благочестиваго царя и великого князя Феодора Ивановича всеа Русии, мы преосвященный Деонисей митрополит всеа Русии и со всем освященным собором и со всеми бояры и со всем царским синклитом уложихом сице: да церкви божия и священный места без мятежа будут, а воинской чин на брань противу [67] врагов креста Христова ополчатца крепце, и сице устроихом и утвердихом по тому ж, как отец его, государь блаженные памяти царь и великий князь Иван Васильевич всеа Русии и сын его, блаженные памяти царевичь князь Иван Иванович утвердили прежнюю грамоту: елико, есть земель и земляных угоден, и елико недвижимых вещей, еже есть села и деревни, и пожни и сеножати, что до сего даная, с лета 7088-го генваря месяца 15 дня, и возложенная богови в митрополие и в епископиях и по монастырем, да ничтоже претворяетца и из митропольи и из епископьи и из монастырей не исходит, и вотчины никоторым судом ни тяжею у митрополита и у владык и у монастыря с того лета не емлют и не выкупают; хоти которое место и не утвержено крепостьми, и у того монастыря не выкупить; и вперед с монастыри о вотчинах не тягатися, а в монастыри вотчин не давати. Также от сего году, лета 7093-го месяца сентября 1-го числа, на время, до государева царева и великого князя Феодора Ивановича всеа Русии указу, для воинского чину и оскудения тарханы отставити, покаместа земля поустроитца, и помочь во всем учинитца царским осмотрением; а платить тарханом всякие царские подати и земские розметы всяким тарханом от священных и боярским и княженецким со всеми людьми ровно всей земле, как тарханом, так и всяким служилым людем, и тамга тарханом и всяким людем в то время до государева указу платить, хто ни почнет торговать, чтоб воинство конечне во оскудение от того не было, для ради тое вины, и государеве казне в том убытка не было. И вотчинником вотчин своих вперед, по прежней грамоте и по нынешней, по душам не давати, а давати за них в монастыри деньги, которое село чево судит, а село имать вотчинником; а будет у кого роду не будет ближнего, и та вотчина имати на государя, а деньги за нее платити ис казны, чтоб в службу служилым людем земли прибавливати. А митрополиту и владыкам и монастырем земель не покупати и закладней не держати. А хто после сего уложенья купит землю в которой монастырь или закладня учнет за собою которой монастырь держати, и те земли имати на государя безденежно. А которые ныне закладни за митрополитом и за владыками и за монастыри, и те земли поимати на государя; а в деньгах ведает бог да государь, как своих богомольцов пожалует. А вперед княженецких вотчин в монастыри не имати. А хто возмет без государского ведома, и те вотчины взяти на государя безденежно. А которые монастыри покупили княженецкие [68] вотчины, и те вотчины взяти на государя; а в деньгах ведает бог да государь, как своих богомольцов пожалует. А вперед митрополиту и владыкам и монастырем земель не прибавливати никоторыми делы; жити им на тех землях, что ныне за ними, с того лета, как приговор был преж сего, и ныне с лета 7088-го генваря месяца 15 дня. А всякие царские дани платить всяким тарханом от священных и от бояр и от князей с служилыми людми ровно до государева указу; и в закладчикех за собою торговых людей, с которых идет царские дани, как от священных, так от мирских царского синклита, не держати. А которое место убогое, земли будет мало, или не будет, и он бьет челом государю, и государь с митрополитом соборне и з бояры приговоря, и устроят тот монастырь землею, как будет пригоже, как бы ему мочно прожити. А на большое утвержение царь и великий князь Феодор Иванович всеа Русин к сей грамоте печать свою приложил; а митрополит Деонисей всеа Русии к сей грамоте печать свою привесил и руку свою подписал. А архиепископы и епископы печати свои привесили и руки свои подписали. А архимариты и игумены и старцы руки свои приложили. Утвержена бысть сия грамота в преименитом и царствующем граде Москве лета 7092 году месяца июля в 20 день.

С. Г. Г. и Д., ч. I, № 202.