40

1561 г. мая 2. — Уставная грамота, данная Соловецким монастырем крестьянам села Никольского Пузырева в Бежецком Верху

Благословение Филиппа игумена Соловецкого монастыря яже о Христе с братьею в Бежицкой Верх в Мещерской стан в село в Никольское Пузырево крестьяном нашим, сельчаном и деревеньщиком, лутчим и середним и молодым и всем без омены. Прислали есте к нам бити челом Никольского села крестьянина Ивана Клевнева о том, что будто се на вас паши приказщики емлют наш оброк и пошлины [54] не по нашим жаловальным грамотам и не по окладу и дела делати велят не по уложению, через наш оклад; а которым крестьяном наш приказщик дает хлеб в заем, и емлет деи с того хлеба насопь на две третью и поминки, и коли хлеб дорог, и тогды хлеб дает в деньги по торговой цене, а не в заем; и пашню деи велят пахати сверх окладу лишек; також и доводчики наши емлют на вас свои пошлины и хоженое не по грамотам же и не по окладу; и нам бы вас пожаловати, оброк и пошлины свои всякие, и пашню пахати, и дело всякое делати, и доводчику своя пошлина и хоженое велети имати по окладу старцов, старца Офонасья Ежева, да старца Капитона. И яз игумен Филипп, о том с братьею соборовав, вас благословил есмя и пожаловали, вперед приказщиком своим ходите у вас велели по сей нашей жаловальной грамоте и по окладу. Имати у вас оброк хлебной с 30-ти вытей и с 3-х вытей на год с выти по 4 четверти ржы да 4 четверти овса в новую меру в городецкую; да с тех же вытей на год с выти на Оспожин день по сыру по сухому; а не люб сыр, и за сыр 2 ден.; да в осень на Покров святей богородицы по 50 яиц да по хлебу да по калачу. А пашню пахати на монастырь в селе Никольском, а сеяти семяны монастырьскими, с выти по четверти ржы да по 2 четверти овса, и всее пашни пахати на монастырь, сеяти в поле 30 четвертей и 3 четверти ржы, а овса 60 четвертей и 6 четвертей. А похощет приказщик сеяти пшеницу, или жито, или горох, или гречу, или лен, и крестьяном то пахати, на которых десятинах приказщик излюбит. Такоже волостью на приказщика, и на слугу, и на доводчика крестьяном рожь на хлебы и солод на квасы молоти. Да с тех же с вытей, с выти привозити на монастырьской двор по 2 возы дров да полененых по третьему возу съсновых дров на квасы, да по 10-ти полен лучины також крестьяном. А повоз везти к Вологде с выти по лошади, а на лошади везти по 4 четверти ржы, а овса по шти четвертей; а с Вологды везти в село в Никольское, или на Городецко, или на Киасову Гору на тех же конех, на выть по полутретьядцати пудов соли; а пшеница, и горох, и семя, и крупа запарная, и толокно класти против ржы, а солод и гречневая крупа класти на лошадь по 5-ти четвертей. А случится повоз везти к Москве, или на Белоозеро, или ближе Вологды, или дале Вологды, и крестьяном с приказщиком в том счет против Вологоды. А не лучится крестьяном которого году повозу везти, ино на них взяти за подводу по 4 гривны московскую. Також и доводчику имати своя пошлина, с тех [55] же вытей, с 30-ти вытей и с 3-х вытей, с выти празничных кормов на Велик день 2 ден. московская, а на Петров день такоже 2 ден. московская, а на Рожество христово 4 ден. московская. Да с тех же вытей доводчику на год с выти по 2 алт., то ему и осенчина, и всего доводчикова доходу на год с выти по гривне по московской; да доводчику же въезжего, на всякой год, с всякого дыма по 2 ден.; а кого даст на поруку доводчик в селе, и ему имати хоженого деньга московская, а по кого поедет в волость на поруку давати, и ему имати езду на версту по деньге по московской, а на правду с суда вдвое. Також есмя вас благословил и пожаловали о суде и о пошлинах: судити приказщику, а с ним быти в суде священнику да крестьяном пятма и шестмя добрым и середним. А на виноватом имати пошлина с рубля по алтыну. А лучится приказщику ехати на межу или на протраву или кого лучится послати, и на виноватом взяти за боран алтын, и доводчику имати езду на версту по деньге, а на правду с суда вдвое. Случится у кого свадьба, выдаст за волость дочерь, и приказщику куница 10 ден. да с отводин хлеб да колачь, а доводчику 2 ден.; а женит сына, и приказщику алтын новоженой да хлеб да колачь, а доводчику 2 же ден. А лошадь или корову продаст за волость или менит за волостью, и с лошади и с коровы явки по московке; а меж собя купят или меняют, и приказщику не имати ничего. А кто продаст хоромину с места, или стог сена, или копну ржы, и приказщику явки с хоромины и со... деньга. А кто продаст хоромину, и того дати на поруку в том, что ему на том месте хоромина такова ж поставити, какову продаст. А двор монастырьской и гумно крестьяном поделовати, и которые хоромины пристареют, и в тех хором место новые хоромы ставити. И приказщика слушати во всем и на монастырьское дело ходити на солнечном всходе, как десяцкой весть подаст. А кто не придет, на том заповеди приказщику 2 ден., а доводчику с десяцким 2 ден. А коли приказщик позовет на монастырьское дело крестьян в честь, сверх урочного дела, и кто придет, и приказщику тех людей кормити монастырьским хлебом. А у которых крестьян в полях рощици, и им тех рощиц беречи, а на дрова и на жерды к изгородам не сечи. А кому понадобится столп, или подпор, или переклад, и им сечи тот запас, доложа приказщика. А кто учнет сечи без докладу, и на том взяти заповеди приказщику полполтины на монастырь. Також есмя вас благословил и пожаловали, велели давати хлеб в заем, рожь и овес, без наспу и не в цену, а имати у вас пылового [56] и на умер на год с четверти со ржы по 4 ден. по московскую, а овса ^- с четверти ж по 2 ден. по московскую. А по грехом которого году хлебу недород, ж которые крестьян за нужу учнут тем заемным хлебом окладываться, и при казщику имати то пыловое с четверти на год со ржы по 4 ден., а с овса по 2 ден. с четверти, с того окладного; хлеба на всякой год. Також есмя вас благословил и пожаловали, вольно вам меж собя дворы и землями меняти и продавати, доложа приказщику. А кто свой жеребей продаст или променит, и приказщику имати на том явки меновного, с обеих половин, на монастырь полполтины. А кто продаст свой жеребей, а сам пойдет за волость, и на том имати похоромное сполна, а с купца имати порядное, посмотря по земле и по угодью. А по грехом, кому не поживеться и похочет пойти из волости вон, а купца на его жеребей не будет, и на том имати похоромное сполна, а его выпущати по сроку. Також есмя вас благословил и пожаловали, вперед кому будет вам дело до доводчика, или до монастырьских слуг, и яз велел вам на них управу давати приказщиком в селе в Пузыреве. А будет приказщику не, мочно учинити управы: в чем, и будет и мочно в чем управа учинити, а приказщик не учнет управы давати, и вы к нам пишити на приказщиков, и мы вам управу дадим на приказщиков. К сей жаловальной грамоте Соловецкого монастыря игумен Филипп яже о Христе с братьею велели казначею печать домовную казенную приложити. Писана в монастыре в Соловках лета 7069 маиа 2 день.

А. А. Э, т. I, № 258.