2

1361-1365 гг. — Жалованная грамота тверского великого князя Василия Михайловича и удельных тверских князей Тверскому Отрочу монастырю на податные льготы монастырским людям

Се милостыня князя великого Васильева Михайловича и его братаничев, княжа Всеволожа, княжа Михайлова, [14] княжа Володимерова, княжа Андреева Олександровичев, княжа Еремеева, княжа Семенова Костянтиновичев, княжа Михайлова Васильевича, церкви святое Богородицы Отрочью монастырю. Во имя святыя троицы отца и сына и святого, Духа. Се мы раби святые троица, князь 'великий Василей Михайловичи и его братаничи князь Всеволод, князь Михайло, князь Володимер, князь Андрей (Александровичи, князь Еремей, князь Семен Костянтиновичи, князь Михайло Васильевичи по отца моего и нашего деда князя великого Михайловым грамотам, бога деля и своего деля спасенья, пожаловали есмы отца своего архимандрита, кто ни будет у святое Богородици, дали есмы сю милостыню церкви святое Богородици Отрочью монастырю, на память преставльшимся от сего житья роду шашему, а нам пребывающие в житьи сем за вздоровие. Архимандриту святое Богородици и игуменом тех монастырей, что тягнут к святой Богородици Отрочью монастырю, Вскресенье за Волгою, Богородица на Бору, Спас на Зьзех, Воскресенье и Богородица на Шеше, Богородица на Гостомле, и попом, и дьяконом, и дьяком, и конархистом, и черньцем, и стороником, и всему Церковному исполнению, и слугам монастырьским, и ключником_; и вольным людем, не надобе им никоторая дань, ни ям, ни подвода, ни тамга, ни осмьничее, ни иныи который пошлины к городу, ни к волостем. Тако же и сиротам, кто имет седети на земли святое Богородици Отрочья монастыря и тех монастырев в нашей отчине, в Тферьских волостех и в Кашиньских, по единому слову со отци своими с владыкою Федором и со владыкою с Васильем, пожаловали есмы тех сирот, не надобе им никоторая дань, ни ям, ни подвода, ни тамга, ни осмничее, ни сторожевое ни писчее, ни корм, ни медовое, ни иныи который пошлины к городу ни к волости, ни служба, ни дело княже ни дворьскии ни старосты ать их не займают ни про что. Тако же и наместници наши и волостели ать не въездят и не судят тех людий и не всылают к ним ни по что; и данници наши, и ямьщици, и писци, и пошлиньники, кто ни буди, ать не въездят, ни всылают к монастырьским людем ни по что. Про все те люди знают архимандрита службою и подможеньем дому церковному святое Богородици. А архимандриту монастырьским хлебом кормити крилошан и черньцев, а преставлыпихея архимандритов память их правити. А к тому кого еще людий перезовет архимандрит из зарубежья во отчину нашю, на землю святое Богородици, или кого в городе посадит во Тфери и в Кашине, а тем по тому же не емлют на них [15] ничего же. А что ся учииет, или розбой, или душегубство, или татьба, который суд ино будут межи монастырьских людий, судит их и дворян дает монастырьский тивун один; а нашим судьям не надобе ничто; а смешаютьоя судом монастырьскии люди с волостными людьми, судит монастырьский тивун с посельским вместе с нашими судьями, а прибыток им наполы, а дворян дает тот, на чьем ищуть, и суд туто же, а на правду ездять обои. А хотя коли повелим имати на тех, у кого будут грамоты наши жаловальныи, на монастырьских людех, ни тогды никто не емли ничего, по сей нашей грамоте.

А. А. Э., т. I, № 5.