Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

1

1338-1340 гг. — Жалованная грамота великого князя Ивана Даниловича архимандриту Юрьева монастыря Есифу о привилегиях монастырским людям, живущим на Волоке

Се яз князь велики Иван Данилович всеа Руси пожаловал есмь, бога деля и святого деля Юрья, архимарита Есифа и всей братьи: что земля святого Юрья на Волоце, кто сядет на земли святого Юрья, дал есмь им волю, не надобе им потягнути к городу ни в которую дань, ни в подводы, ни в кормы, ни в стан, ни в который протор; а волостелем их Волоцким на Волоце не судити, опроче татьбы и розбоя и душегубства, а то судит их человек святого Юрья промежи собою; а по великого князя слову волостелем их Волоцким блюсти, а не обидети, бога деля и святого деля Юрья; а коли розмирье князю великому с Новымгородом, а тогды их в безадщину не ставити, ни обидети их в то время, но живут оприснь в брезе князя великого; а архимариту тяглых людий Волоцких не приимати, такоже и из очины князя великого из Москвы людий неприимати; а кто детий моих, или братьи моее, мое данье порушит, а то судит ему бог и святый Геворгий в страшное свое пришествие, а князю великому даст сто рубля. А дал есмь сю грамоту и в веки.

А. А. Э., т. I. № 4.

Главная страница  | Обратная связь
COPYRIGHT © 2008-2021  All Rights Reserved.