Фрагмент Тверского летописного свода на лл. 144—155 рукописи Гос. исторического музея. Музейское собр. № 1473

/Л. 144/ В лето 6822. Преставися Василеи князь Брянскии Александровичь. Того же лета приидоша новгородцы ратию ко Твери и пожгоша села за Волгою; и пояша к себе Юрья Даниловича, и Юрья посла брата своего Афонасия, а самъ иде к Москве. [34]

6000 всмъсот 23. Бысть благовещение светлыя недели во вторникъ по пасце. Того же лета прииде великии князь Михаило из Орды, а с нимъ Татарове сильны ¹, Олтон, Темир, со многими Татары; и иде к Торжку с Татары и со князи Суздальскими, бишася с новгородцы у Торжку, и поби великии ² князь новгородцы; и побита новгородцевъ боле 1000 и пожже пригородокъ, а новгородцы бежаша в Новгородъ, а из Новагорода предашася. И повеле князь имати их, и яша Даниловича Афонасия и другаго князя Феодора Ржевского и бояръ их и кто надобенъ князю, а иных омиривъ посади, а Кремликъ ³ повеле рознести. А сия победа бысть февраля въ 30 день ⁴ во вторникъ, на мясопустнои недели, а у вели каго князя мало бысть пакости. Марта в 19 день, в пятокъ на ночь, светающи суботе на средокрестнои недели, зажегся град Кремликъ во Твери и множеством людеи погашенъ бысть, и згоре боле 20 дворов.

Месяца того же въ 28 день недельныи преподобныи /Л. 144 об./ епископъ Тверскии Андреи остави свою епископию и иде в монастырь. Тогда же великии князь Михаило собра вои многи, иде к Новуграду, и лихия его вожи заведоша его в лихия места, и князь возвратися вспять и много бысть пакости в полку его, а у иных кони помроша. Того же лета мор бысть на скотъ ⁵. Того же лета пред великимъ заговениемъ причтенъ бысть епископъ Варсонофеи Тверскии. Прииде князь Юрьи ис Татары ⁶, приведе посла сильна именемъ Кавгадыя, и срете его великии князь Ми хаило у Костромы, а с нимъ вси князи Суждалстии; и стояще у Волзе реке много время и, сослався с Кавгадыемъ, уступися ⁷ великаго княжения Михаило, а самъ поеха во свою отчину во Тверь и заложи большои Кремликъ. Тое же осени бысть знамение на небеси сентября въ 17 день в суботу: в полобеда явися круг над градом над Тверью, мало не ступися на полунощь, имущъ три лучи, два к востоку, а третеи на запод. Тое же зимы Юрьи князь с Кавгадыемъ и со всеми князи Суздальскими поиде с Костромы к Ростову, а от Ростова к Переславлю /Л. 145/ и много зла творя христианомъ. А из Переславля в Дмитров, а из Дмитрова в Клинъ. А в то время приидоша новгородцы в Торжекъ на великого князя Михаила, в по мощь князю Юрыо и стояще 6 недель в Торжку, ссылаючися со княземъ Юрьемъ, укладаючи срокъ как поити ко Твери: Юрью князю от Волока, а новгородцы от Торжку. Изыдоша новгородцы из Торжку, начата воевати по рубежу, а великии князь Михаило не дождався сроку их поиде проти ву имъ и бысть им бои под Торжком, не мало и убиша новгородцев 200 человекъ и начата ссылатися к великому князю с челобитьемъ и, вземъ миръ, поидоша в Новгород; а Юрьи князь с Татары и со всею Суздальскою силою почаша воевати Тверскую волость, села пожгоша и святыя ⁸ люди в полонъ поведоша и приидоша близ града за 15 верстъ и стояще на месте том 5 недель, а всего мотчания во Тверскои земли 3 месяца. И ездиша послове от Кавгадыя к великому князю Михаилу ⁹ много с лестию, и не бысть между ими миру. И поиде Кавгадыи к Волзе и Юрии князь и вси суздальстии князи и стояху на пере/Л. 145 об./возе у Волги. А великии князь Михаило, совокупи свою силу мужи тверичи и [35] кашинцы, поиде противу Юрья, а Юрья ополчися противу, и ступишася полцы обои, и бысть сеча велика. Пособи богъ великому князю Михаилу, многи же избиша, а князи многи руками изымаша и приведоша во Тверь, а кня гиню Юрьеву скончаша ¹⁰, а Юрьи князь бежа в Новград в мале дружине; а Кавгадыи повеле дружине своеи и стяги поврещи, а сам нелюбуя ¹¹ поеха в станы. Се же бысть декабря въ 22 день, на память святыя мученицы Анастасии, в четвергъ, в годину вечернюю, за три дни рожества Христова, а в пятокъ великии князь Михаил, видевся с Кавгады емъ, взя миръ и поя его во Тверь з дружиною и, почтив его, отпусти. Тое же зимы прииде князь Юрьи с новгородцы к Броду, и изыде ему проти ву великии князь Михаило и взя мир. Тое же зимы великии князь Михаиле посла сына своего Костянтина во Орду.

6826. Посла великии князь Михаило Алексу Марковича посольством на ¹²Москву ¹² о любви, и уби его Юрьи /Л. 146/ князь и прия нужную смерть; и бысть между имя ¹³ нелюбие. Того же лета поиде в Орду князь Юрьи Даниловичь с Кавгадыемъ. Тое же осени, сентября в понедельникъ светающу, загореся Тверь город и множеством людеи угошенъ бысть; и погоре большая половина города, а церквеи 6. Дошедшу же Орды князю Юрью, а с нимъ начальнику всего зла беззаконному и треклятому Кавгадыю, наставляеми и учими диаволом, начата вадити на великого князя Михаила беззаконному царю злая глаголющи: «Князь Михаилъ по городом собра многие дани, хощет в Немцы итти, а х тебе ему не бывать». Разгнева же ся царь, повеле сына его Константина гладомъ морити, и затвориша единаго в храмине. Сему же бывшу, нецыи рекоша ко ца реви: «ты уже его убиешь, отцу его не бывать к тебе», и повеле его пустити ¹⁴.

И приеха во Орду благоверныи князь и ¹⁵сходяшу ему ¹⁵ к морю Сурожску, иде же течетъ Донъ река, сентября в 6 день на память чюдеси архистратига Михаила, и по обычаю одари князи и царицу, после самого царя. Бывшу же блаженному Михаилу /Л. 146 об./ во Орде единъ месяцъ, рече царь рядцемь своимъ: «что ми есте молвили до князя Михаила, судите его сь Юрьемъ». Судивше же, не рекоша праведно, но виною рекоша ко царю, оболгаша. В девятую неделю поставиша и связана на суд и осудивше и, тако рекоша ко царю: «достоин есть Михаило смерти». Наутрия же, в субботу, возложиша сухо от тяжка древа на выю святаго Михаила. Бывшу же ему в таковои нужди и в безмернои тягости 26 днеи за рекою за Теркою, под градомъ Тетяковым, под великими горами под Яскими и Черкаскими, на реце на Севенчи. Рано в среду востал блаженныи Михаило и повеле начати иереови утренню и часы, сам же прилежно послушаше, со многими слезами и горькимъ воздыханиемъ. Потом повеле начати правило святого причащения и, поя самъ по книгамъ, со многимъ умилениемъ моляся и, скончавъ, седе, председящу у него сыну его Костянтину. И рече блаженныи: «даите ми псалтирь, яко печальна ми есть душа», и разгнув обрете /Л. 147/ псаломъ: «внуши боже молитву мою», и проче ¹⁶е ¹⁶ до конца, в тои бо часъ прииде ответъ от царя на убиение его. И се единъ от предстоящихъ его вскочи в вежу и рече: «се, господине, Кавгадыи и людие едутъ от Орды прямо твоеи вежи». Святыи же рече: «вемъ на что едут, на мое убиение», и вборзе отпусти сына своего к царице. Кавгадыи же и Юрьи [36] сседоша у торгу, близъ вежи блаженнаго, а убиицъ послаша. Посланиии же убиицы, яко лютии зверие, немилостивии кровопиицы, напрасно вскочившие в вежу, блаженныи же стоя в недоумении. И похватиша созади свя таго и удариша и велми и позложиша на вежу и проломися стена; он же паки воспрянув. И мнози похвативше повергоша его на землю и бияху пятами и се, единъ от беззаконных убиицъ, именем Романецъ, извлекъ великъ ножъ, удари в сердце блаженнаго в десную страну и вихляя ножемъ отрезая ¹⁷ сердце. И тако предастъ духъ свои в руце божии блаженныи и христолюбивыи и великии князь Михаилъ, по еуангельскому слову прия нужную смерть за христианы и за отчину свою, ноября въ 22 день, на память святаго апостола Фили/л. 147 об./мона, среду въ 6 часъ дне. Оттоле князь Юрьи посла честное и святое тело блаженного князя Михаила,привезше, к Москве, положиша в церкви святого Спаса ¹⁸.

Лета 6831 ¹⁹.Прииде князь Юрьи из Орды и с нимъ князь Костянтинъ Михаиловичь и боляре отца его. Того же лета приеха Прохор владыка Ростовскии и Ярославскии и ²⁰князь ²⁰ Стародубскии, зовуще князя Александра ко князю Юрью в любовь по целовании ихъ. А князь Александръ во Володимир на Петров день приеха, кончал со князем сь Юрьемъ честно, еже и святое тело великаго князя Михаила, отца своего, нземше с Москвы привезоша во Тверь сентября въ 6 день, на память чюдеси архангела Михаила. Тогда изыде весь народ во стретение ему, епископъ Варсунофии со игумены и презвитеры и диаконы с кандилы и со свещами и черноризцы мнози и княгиня его Анна с сыны своими со княземъ Димитриемъ, со Александром, с Василиемъ и боляре и вси людие, плачь велик сотворшпа и рыдание много. И вземше тело блаженнаго стра/Л. 148/дальца принесше во град и пение над ним иадгродное певше, поло жиша в церкви всемилостиваго Спаса. Сеи благоверныи и христолюбивыи великии князь Михаил Ярославичь, внукъ великаго князя Ярослава Всеволодовича, бяше телом преболии человек, крепокъ и сановитъ вельми и ²¹смысленъ паче многихъ, взоръ имыи ²¹ и грозенъ и преудивленъ излишше всякого человека, страшенъ бывъ ратным, во мнозех временах показа мужество свое, добронравие, всегда божиимъ пособиемъ одолеваше ратнымъ. Слава о немъ проиде в далныя страны, богу тако прославляющу своя угодники. Бяше бо святыи и блаженныи из детска боголюбивъ и смиренъ зело, в сладость послушан божестьвенных книгъ по вся дни, нищих любя и правду, воздая честь епископом и попом ²², паче же любя черноризицъ и падая потребная имъ. Бе бо самъ воздержанъ от пиянства, тем и любимъ бе материю своею княгинею Ксениею, бяше же не преслушая ся ни во едином словеси; ревность же имея в сердцы божественную часто воспоминати подвиги и терпение и мучение, иже пострадаша /Л. 148 об./ веры ради Христовы, желая самъ тоя же чаша испити; темъ и сподоби богъ единаго за много народа христианска прияти блаженную смерть; аще же веры ради убиенъ бысть блаженныи, яко жесвятии мученицы, но по заповеди, исповеждь ²³во еуангелии рече ²³; «больши сея любви несть, иже кто положит душу свою за други своя». Заповедь божию христолюбивыи князь со успехом сконча, неуклонно шествуя за порученное ему богом люди и тако радуяся причтенъ яко верныи строитель своему [37] владыце. Тое же зимы к великому говению оженися князь Александръ Михаиловичь.

Преставися князь Борис Даниловичь маия въ 29 день и положен бысть в церкви святыя богородицы в Володимире. Того же лета к Филипову заговению оженися князь Констянтинъ ²⁴ Михаиловичь у великого князя у Юрья Софиею и венчанъ бысть на Костроме. Тое же зимы за князя Димитрия Михаиловича приведоша княжну Марию из Литвы, Гедимонову дщерь, и венчанъ бысть в церкви все/Л. 149/милостиваго Спаса епископомъ Варсонофиемъ. Тое же зимы приходил из Орды Бадера ко князю Юрью и много пакости ²⁵ святымъ церквамъ и людем татбою в Володимире.

В лето 6833. Приезжал в Кашинъ Гончаръ татаринъ з жидовином з должником и много тягости учинили Кашину. На ту осень князь Юрьи со всею силою низовскою и суздальскою собрався в Пореславль, хотя ²⁶ х Кашину иттит[ь]. Князь же Димитрии Михаиловичь з братиею со Тверскимъ полкомъ и Кашинскимъ противу ему изыдоша к Волзе, и кончавъ мир меж ими владыко Андреи, и разыдошася кождо во своя си. Тое же зимы князь Юрьи, поимав сребро у Михаиловичев выходное по докончанию, и не шол противу царева посла, но ступил с сребром в Новград великии. А у Александра князя родися сынъ именемъ Леонтии на сырнои недели, в четвертокъ февраля.

В ²⁷лета ²⁷ 6834. Поиде благоверныи великии князь Димитрии Михаилович ²⁸ во Орду в великии постъ на средокрестнои недели, а на Русь выиде посолъ силенъ от царя, именем Ахмут по Юрья князя, а с ним князь ²⁹ Иван Даниловичь /Л. 149 об./ и по низовскимъ городом много зла сотвориша христианом, овехъ посекоша, а иных без числа в полонъ поведоша, Ярославль весь град пограбиша и огнем пожгоша. Тое же осени седе на великом княжении Димитрии Михаиловичь. Заложена бысть церковь ка менная святыи Феодоръ во Твери. Того же лета февраля въ 14 день пре ставися Андреи епископъТверскии во своемъ монастыре на Шоше у святыя Богородицы, а на завтрее владыка Варсонофии со игумены и с попы оттоле принесоша ко всемилостивому Спасу и с надгорбнымъ ³⁰ пением положиша во святеи церкви Введения, в малои церкви. А великии князь Димитрии во Орду пошел. Того же лета совершена бысть церковь святыи Феодоръ; а на зиму князь Юрьи Даниловичь мертвъ бысть во Орде. Того же лета заложена бысть на Москве церковь святыя богородицы Успения. 6834 ³¹. А великии князь Дмитрии Михаиловичь во Орде убиенъ бысть, а брату его Александру дано великое княжение и пришед седе на великое княжение. /Л. 150/ Того же лета благоверная княгиня Мария пострижеся в черницы. По том, летом маломъ минувшимъ, за умножение грех ради наших, богу попустившу, диаволу вложившу злая в сердца беззаконнымъ Татаром глаголати беззаконному царю: «аще не погубиши князя великаго Александра и всехъ князеи рускихъ, то не имаши власти над ними». И беззаконныи и треклятыи и всему злыи начальникъ Шевкал, разоритель христианскии, отверзъ скверная уста своя глаголати, дияволом учимъ: «Господине царю, аще ми велиши и я иду и разорю христианство, а князеи их избию и княгиню и дети их к тебе приведу». И повеле [38] ему царь сотворити тако. Беззаконныи же Шевканъ ³² приемъ ответ от царя и поиде в Русь со многими Татары и прииде во Тверь.

В лета 6835. Мало днии пребывшу ему, много зла сотвориша христианомъ, сего же не терпяще христиане, имша и убиша, а иныя огнемъ по жгоша. И послышав беззаконныи царь на зиму посла рать на Русскую землю и людеи множество погуби/Л. 150 об./ша, а иныя в полонъ поведоша, а Тверь и вся грады огнемъ пожгоша грехъ ради наших. Великии же князь Александра не терпя безбожныи крамолы, оставль княжение свое руское и все отечество и иде во Псков со княгинею своею и з детьми своими. А князь Костянтинъ, по рати, з братом своимъ с княземъ Василиемъ и с матерью и ³³з бояры ³³, приехавши во Тверь, преставше от туги, помолися всемилостивому Спасу и всем святымъ, хотя того же, дабы в них молитва по прежнему была, и кто избысть от безбожных Татаръ, а те бысть опять были по своимъ местамъ, и укрепи их любовию. А самъ князь Костянтинъ лета 6836 со князем Иоанном Даниловичемъ поидоша вкупе во Орду. Того же лета треслася земля в великом Новеграде. Того желета Феогнастъ митрополитъ греческии прииде на Рускую землю, а на зиму преставися владыка Варсунофеи.

Лета 6837. Божиимъ изволениемъ выиде из Орды князь Костянтинъ во свою отчину во Тверь и нача княжити тогда тихо мирно, /Л. 151/ а бояре и слуги по Твери и людие изгибшия ³⁴ от безбожных Татар утвердишася о немъ и церкви пожьженныя ³⁵ по прежнимъ поставиша по своимъ местам, и молитвы в них утвердишася. А князь Юрья Даниловичь выиде на великое княжение из Орды и бысть тишина христианомъ, божиимъ милосердиемъ и управлением.

Лета 6838. Оженися князь Василеи Михаиловичь во Брянску. Того же лета поставиша епископом Феодора во Твери. Того же лета Феодора Стародубскаго убиша во Орде.

Лета 6839. Преставися князь Александръ Суждальскии. Того же лета князь Костянтинъ Тверскии пошел во Орду.

В лета 6840. Погоре Псковъ. Того же лета на зиму поиде великии князь Иоаннъ ратию к Новуграду и воротился от Торжку. Тое же зимы князь Костянтин прииде из Орды.

6841. Прииде ратию Дмитреи князь Брянскии на Смоленскъ с Татары и со многими воеводы и взяша миръ со княземъ Иоанном. Тое же зимы прииде ³⁶ Сараи по князя Ивана и поидоша во Орду. Лета 6842. Выиде великии князь /Л. 151 об./ Иоаннъ из Орды, а князь Дмитровскои преставися во Орде.

Лета 6843. Преставися князь Феодор ³⁷ Галицкии. Того же лета прииде князь Феодоръ Александровичь из Орды, а с ним посол Авдул.

6844. Прииде князь Александръ изо Пскова во Тверь и взя сына своего князя Феодора и поиде во Псковъ. И по малех днехъ помысли в сердцы своемъ:«аще прииму смерть зде, убо языцы на мя возопиют: обещася князь смерть прияти; а.дети мои лишени будут княжения своего, лутче бо мне умрети бога ради, неже жити зле». И посла бояръ своих к Феогнасту митрополиту благословения ради и молитву приим от него и благослове ние от всех святителеи и поимъ бояръ своих и слугъ.

Лета 6845-го Князь Александръ поиде изо Пскова во Орду, обшедъ всю Рускую землю, и прииде к безбожному царю Азбяку и рече ему: [39] «господине царю, аще много зла сотворил ти, во всемъ пред тобою готов есмь на смерть». И отвеща ему царь: «аще тако сотворил еси, то имаши живот получити, многи /Л. 152/ послы посылах по тя и не приведоша тя». И приятъ пожалование ³⁸ от царя и восприемъ свою отчину.

6847-го. Прииде князь Александр из Орды во Тверь, а с нимъ послы сильны Киндякъ и Авилдил ³⁹, беша в годину осеннюю и много сотвориша тягости христианомъ, а бояря многие отъехаша к Москве, к великому князю Иоанну. А на зиму, князь, Александръ посла сына своего князя Феодора со Авдулом во Орду, а князь великии Иоаннъ с Москвы поиде во Орду же. Сего же ненавидя вселукавыи и злыи советник ненавидяи добра человеку, вселися посреде беззаконных людеи, учаше, аки своих домочадцевъ, на князя Александра и наполниша беззаконному царю горесных слов лстивых, изыде смрадная слова изо ⁴⁰ устъ его, и призвав единаго от слуг своих, именемъ Исторчея, нача ему вещати отметные слова: «иди в Русь и призови ми семо князя Александра не яростию, но тихостию». Он же вскоре поиде в Русь.

В лето 6847. В весне прииде Исторчеи во Тверь и нача глаголати ве ликому князю Александру: «поиди, зовет тя царь». И он ему /Л. 152 об./ возглагола: «всю волю твою сотворю, яко же хощиши ⁴¹ И поимъ сына своего князя Феодора идяше.

Великии же князь Александръ, ведыи и не ведыи безбожнаго лесть, и бысть в распалении ума и помышляше в сердцы своемъ, глаголя: «аще поиду, то разлучен буду з животомъ, аще ли не поиду, то много будет християном пакости». И тако оставль вся помыслы своя, поиде во Орду и уповаше на словеса божия. Епископъ же со игумены и со священнымъ собором, а князь з детьми своими проводиша его об ону страну Кашинкы ⁴² реки до всемилостиваго Спаса и служивъ службу у всемилостиваго Спаса, молитву сотворше за князя и за друговъ его, и тако их отпустиша со многимъ плачемъ и с рыданиемъ. А князь поиде в насад, и воста ветръ силен, онемъ гребущимъ, а насад назад иде; и тако проидоша землю рускую. А братъ его князь Василеи и з бояры и слугами проводиша до Святославля поля; а брату его князю Констянтину в болезни слежащу ⁴³, и плакася о немъ князь /Л. 153/ Александръ, глаголя: «сеи наставникъ отчине нашеи, о нем же утвердишася людие в рати сеи. И прииде во Орду князь Александръ и по обычаю своему царя почти, а сына своего князя Феодора здрава обрете, и пребы единъ месяцъ во Орде, много лети прият от без законных Татаръ; инии глаголаху: «княжение великое дастъ ти царь»; инии же глаголаху: «убиту ти быти». Он же крепляшеся силою свыше, на всяко время господа призываше чистым сердцемъ на всякъ часъ, глаголя: «Господи Иисусе Христе, сподоби мя прияти горькую сию смерть за род христианскии». И приближися память великомученика Димитрия, прииде весть о убиении его, глаголя: «потрехднех зле гонзеши ⁴⁴ живота». Князь же великии не поведа того никому, но воздыхаше из глубины сердца. На утрии же, по празнице Христова мученика Димитрия, повеле пети вечернюю и тако, воздавъ хвалу богу, ляже спати. Наутрееже святых мученикъ Терентия и Неонилы и святыя мученицы Парасковии повеле пети утренню и прилежно послуша Давыдовы псалмы, глагола ше: «господи, что ся умножиша стужающии мнози /Л. 153 об./ глаголютъ на мя, [40] мнози глаголют о души моеи». Сия слышав, испусти слезы от очию своею, глаголя: «убо царь толикия труды подъя, азъ же како не хощу пострада ти», и скончав заутренню и всед на конь и нача ездити, весть переимая о смерти своеи. А иного к царице посла. И переняв весть приехавъ в станъ князь великии Александръ, а слуга его у царицы пребываше, ездя, и глагола ко дружине своеи: «уже, братие ⁴⁵, остахом и государя своего князя Александра и сына его князя Феодора». И великии князь Александръ, повелъ пети часы, се же скончавшимъ и возведъ очи свои и виде черкасъ идуща прямо к своеи вежи, а с нимъ Татарове и выскоча противу их. Они же, немилостивии, похвативше и возломиша руце его назад и оборваша порты с него и поставиша его пред убиениемъ нага связана. Оно му же беззаконному стоящу на коне и множество Татар с нимъ, и испусти окаянныи гласъ: «убиите его». Они же имше князя Александра и сына его князя Феодора без милости убиша и прободоша /Л. 154/ и повергше на землю и главы имъ отсекоша. И тако скончашася, приимше такую кончину за христианы. Бояре же и слуги их разбегошася, а друзии вземше телеса их привезогла на Русь. И бывшим в Володимире срете их Феогнастъ митрополитъ со игумены и с попы,певше надгробное пение, отпустиша ихъ. Братия же его князь Костянтинъ и князь Василеи сретоша его в Переславле и епископъ Феодоръ Тверскии и Гавриилъ епископъ Ростовскии совокупишася, певше над ними у всемилостиваго Спаса в Переславле и отпустиша их во Тверь, и сретоша их граждане у святаго архистратига Михаила, вземше несоша их во град на главах ко всемилостивому Спасу в соборную церковъ. Мати же ихъ и братия и княгиня Евдокия з детми своими и вси граждане плакахуся горько. Епископ же со игумены и с попы певше над нимъ и гробу предаша.

Князь Симеонъ прииде из Орды лета 6847, а князь великии Иоаннъ во Твери у всемилостиваго Спаса взял колокол к Москве. /Л. 154 об./

6848. Преставися князь великии Иоаннъ Даниловичь постриженъ и посхимленъ апреля ⁴⁶в 1 день ⁴⁶. Того же лета погоре великии Новград. Тогда же пошли князи Рустии во Орду. Того же лета погоре Смоленскъ. Тое же осени князь Симеонъ седе на великом княжении, а князь Костянтинъ прииде из Орды во Тверь. Тое же зимы убиенъ бысть князь Глеб Святославичь во Брянску от коморников ⁴⁷ а князь Симеон великии прииде ратью к Новуграду и взя мир с новгородцы в Торжку.

Лета 6849. Царь Азбякъ мертвъ бысть, а на зиму Жданибекъ уби два брата: Тинивека и Хитрибека, а самъ седе на царство.

6850-го. Пошли князи Рустии во Орду, митрополитъ Феогнастъ поиде же во Орду. Того же лета выиде из Орды князь великии Симеонъ и князь Костянтинъ Михаиловичи Тверския. Тое же осени преставися владыко Феодор Тверскии.

Лета 6851. Выиде Феогнастъ митрополит из Орды. Тое же осени погоре Москва. Тое же осени какъ былъ /Л. 155/ на Костроме.

[6]852-го. Прииде Феогнастъ митрополит с Феодором епископом Тверским февраля въ 8 день от святыя Троицы из Кашина. Того же году мор бысть на люди во Твери и пришед боголюбивыи епископ Феодоръ сотвори со игумены и с попы и со всеми православными христианы молитву и постъ, и божиею волею преста мор.

Комментарии

1 Написано над строкой.

2 В рукописи: великии великии.

3 В Рогожском летописце Кремник.

4 В рукописи описка: в феврале 30-го дня нет\в Рогожском летописце февраля 10.

5 Буквы с и т переделаны из других букв.

6 В Рогожском летописце ис татаръ.

7 В Рогожском летописце съступися.

8 В рукописи стыя. В Рогожском летописце слова святыя нет.

9 Написано над строкой тем же почерком и теми же чернилами.

10 Так в рукописи.

11 Буква у подправлена.

12 Написано над строкой тем же почерком и теми же чернилами.

13 Можно прочесть также има; последняя буква переделана из какой-то другой.

14 После слова пустити оставлено чистое место на половину строки.

15 Написано над строкой тем же почерком и теми же чернилами.

16 В Рогожском летописце прочте и.

17 В Рогожском летописце отъреза.

18 После Спаса была написана буква с.

19 Буква а (1) слегка переправлена бледными чернилами на в (2).

20 Написано над строкой.

21 Написано над строкой тем же почерком и теми же чернилами. После имыи различаются еще буквы е и и.

22 В рукописи потом.

23 Так в рукописи; в Рогожском иже въ еуангелии рече.

24 Первоначально написано Михаило.

25 В рукописи с пакостию. Пропущен глагол учини.

26 В рукописи хотят; исправлено по Рогожскому летописцу.

27 Написано другим почерком.

28 Написано на поле. Буква м переделана из другой буквы.

29 Слово князь написано над строкой.

30 В рукописи нагробнымъ.

31 Написано неясно, другими чернилами.

32 Так в рукописи.

33 Написано над строкой.

34 Так, вероятно, по описке, вместо избывшии (см. Рогожский летописец).

35 В рукописи пожпоженныя. :

36 в рукописи прииде де.

37 В рукописи вместо выносного р, выносное т.

38 В рукописи пожавание.

39 В Рогожском летописце Авдулъ.

40 Буква и переделана из другой буквы.

41 Так в рукописи.

42 В рукописи Кашины.

43 Так в рукописи.

44 В Рогожском летописце гоньзнеши.

45 В рукописи брати (ср. Рогожский летописец).

46-46 Написано над строкой.

47 Так в рукописи. В Рогожском летописце коромолници... убиша.

Текст воспроизведен по изданию: О тверском летописном материале в рукописях XVII века // Археографический ежегодник за 1957 г. М. 1958