Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

XIII.

Договорная Грамота (в копии) Великого Князя Рязанского Ивана Васильевича 1 с братом его родным Князем Феодором Васильевичем: о бытии им и детям их в союзе и дружбе; о управлении каждому своими землями по учиненному между ими разделу, и об отдаче, въ случае безнаследственной его Великого Князя кончины, Рязанского Великого Княжения меньшому брату Кн. Феодору; о ведании Орды старшему брату, и о даче Кн. Феодору для Ордынского выхода дани; о рубеже, судах, расправах, мытах и пошлинах.— Писана в Рязани 19 Авг. 1496 года.

Божиею милостию и пречистыа его Богоматери, и по благословению отца нашого Семиона Владыки Рязанского и Муромского, и по нашей любви. На семъ на всемъ, брате молодший Князь Феодоръ Васильевичь, целуй ко мне крестъ къ своему брату старишему къ Великому Князю Ивану Васильевичю: держати ти меня себе братомъ старишимъ; а мне Великому Князю держати тобя себе братомъ молодшимъ. А меня ти Великого Князя и мое Великое Княженье держати чесно и грозно безъ обиды; а мне Великому Князю тебя держати въ братстве и въ любви и во чти безъ обиды. А хотети ти мне Великому Князю добра везде во всемъ и до живота; и быти ти со мною съ Великимъ Княземъ везде за одинъ и до живота на всякого недруга, и твоимъ детемъ съ моими детми; а мне Великому Князю хотети ти добра тебе моему брату молодшему везде во всемъ и до живота; и быти ми съ тобою везде за одинъ и до живота. А кто будетъ мне Великому Князю другъ, и то и тебе другъ; а хто будетъ мне Великому Князю недругъ, то и тебе недругъ. А что ти слышевъ о моемъ добре или о лисе отъ хрестьянина или отъ Литвина или отъ иноверца, то ти поведати намъ въ правду безъ примышленья. А не канчивати ти, ни ссылатися ни съ кемъ безъ моего веданья Великого Князя; а мне Великому Князю такжо безъ тобя не канчивати, ни ссылатися ни съ кемъ. А съ кемъ язъ Князь Великий буду въ докончаньи, и мне съ темъ и тобя учинити въ докончаньи; а съ кемъ будешь ты въ целованьи, и тебе къ тому целованье сложити. А хто къ тебе учнетъ присылати на наше лихо, и тебе то намъ поведати въ правду безъ хитрости; а того тебе безъ моего веданья не отпустити, кого къ тобе пришлютъ. А мне Великому Князю тобя жаловати, и печаловати ми ся тобою и твоею отчиною. А чемъ тобя благословилъ отецъ нашъ Князь Великий Василей Ивановичь, а, и язъ Князь Великий Иванъ Васильевичь съ своею матерью Великою Княгинею Анною отделили есмя тебе въ Переаславли Перевитескъ и Рязань старую съ волостьми и со отъеждими месты: и того мне Великому Князю всего подъ тобою блюсти и не обидети, ни вступатися, ни моимъ детемъ подъ твоими детми. А жити ми съ тобою въ Переславли по тому, какъ отделилъ тобя язъ Князь Великий и мати наша Великаа Княгини; а отчина ми твоа держати подъ тобою, и блюсти и не обидети, ни вступатися, ни моимъ детемъ подъ твоими детми. А чемъ меня благословилъ отецъ нашъ Князь Великий Василей Ивановичь [139] Переславлемъ и Ростиславлемъ и Пронскомъ, и всеми волостьми и со отъеждими месты, и всемъ Великимъ Княженьемъ: и тебе подо мною Великого Княженья не хотети, ни твоимъ детемъ подъ моими детми, ни обидети, ни вступатися. А по грехомъ отойметъ Богъ меня Великого Князя: и тебе подъ моими детми Великого Княженья не хотети, ни твоимъ детемъ подъ моими детми, и блюсти и не обидети, ни вступатися; а не будетъ у меня детей, и мне Великому Князю Великимъ Княженьемъ благословити тобя своего брата. А отойметъ Богъ тобя нашего брата молодшаго: и мне Великому Князю въ твою отчину не вступатися, ни моимъ детемъ подъ твоими детми; а не будетъ у тобя детей, и тебе моему брату своей отчины не отдати никоторою хитростью мимо меня Великого Князя. А что мати наша Великая Княгини Анна взяла у меня у Великого Князя изъ моего Великого Княженья четверть во всемъ, и то мати наша ведаетъ до живота: а по грехомъ отойметъ Богъ матерь нашу, и та четверть моа и есть со всемъ, а тобе въ то не вступатися. А что мати наша взяла у тобя у моего брата исъ твоей трети четверть, и то мати наша ведаетъ до живота: а отойметъ Богъ матерь нашу, и та четверть твоя и есть со всемъ, а мне Великому Князю въ то не вступатися. А Орды знати и ведати мне Великому Князю и Царевичевъ ясакъ Сатылгановъ, или хто иной Царевичь будетъ на томъ месте; а имати ми у тобя выходъ и Царевичевъ ясакъ съ твоей отчины треть по старымъ дефтеремъ, по крестному целованью: а коли язъ Князь Великий въ Орду не дамъ и Царевичю ясака, и мне и у тобя не взяти. А где ми Великому Князю самому всести на конь, и тебе со мною самому пойти; а где ми тобя послати, и тебе пойти безъ ослушанья; а где пошлю своихъ Воеводъ, и тебе послати съ моими Воеводами своево Воеводу съ людми, а делать ти велети мое дело въ правду безъ хитрости. А хто учнетъ тобя моего брата обидети, и мне съ тобою стояти за одинъ въ правду. А промежъ насъ розделъ земли отъ Оки реки по Вакиныхъ деревню, да по Голцово, да по Ивачеву деревню; а Вакиныхъ деревня и Голцово въ Великого Князя стороне, а Романовское соло и Ивачева деревня во Княжи Феодорове стороне; а отъ Ивачевыхъ деревни по р. ..........сници на низъ до речки до Мечи, да на низъ по Мечи до речки до Пилеса, да Пилесомъ въ верхъ по лесу по Каринскому къ Мосоловской деревни, а Мосоловская деревня во Княжи Феодорове уделе; а отъ Мосоловской деревни внизъ по Осетру до устиа, и по рубежу те деревни пашни свои и ухожаи ведаютъ по старине. А рубежъ Переславлю съ Рязанью отъ Оки реки по Лубяной въ верхъ на право къ Переславлю, а на лево къ Рязани; а отъ верху Лубяной по перевертамъ къ Исьи, а отъ Исьи по Щучьей въ верхъ, а отъ Щучьей по перевертамъ къ Исьи, да по Исьи на низъ до устиа, да на низъ по Оке реке до усть Прони, да Пронею въ верхъ до Жорновищъ, отъ Жорновищъ подле лесу позадъ заполья, да позадъ березовой поляны до рубежа до Мещерского, куде наши Бояре ехали; а въ лесе ходити Великого Князя людемъ, и Княжимъ Феодоровымъ, и Владычнимъ и Боярскимъ все свои ухожаи по старине. А что мое село Переславичи въ твоемъ уделе, а сидятъ въ немъ мои холопи Шипиловы: и то село зъ данью и съ судомъ и со всеми пошлинами мое Великого Князя. А что есмя, брате, отделили тебе Княженейскихъ дворовъ въ городе, и посадъ и мелници, и поле у города и лугъ, и въ городской тамги треть: и мне Великому Князю въ то не вступатися, ни моимъ детемъ подъ твоими детми. А города ти Переславля рубити, брате, своею отчиною треть. А что въ городе въ Переславли мои люди тяглыи, кои пословъ кормятъ, и мыта и иные пошлины: и тебе въ то не вступатися, ни твоимъ детемъ подъ моими детми. А что дворы въ [140] городе въ Переславли, купля матери нашей Великие Княгине: и въ техъ дворехъ матери нашой воля. А мне Великому Князю новыхъ пошлинъ не замышляти; а тебе, брате, въ своей отчине новыхъ пошлинъ не замышляти; а ведати пошлины по старине, а въ церковные намъ пошлины не вступатися. А что моя Мордва деленая съ вотчинами во Цне, и въ Корабугинскомъ уезде бортники съ оброки, и въ Пластикове и въ Бовыкине и въ Вороножи, и Донъ и рыбья ловля въ моемъ Великомъ Княженьи, а Романцевъ весь мой Великого Князя, и Братиловъ весь, и Ясеновские бортники, и Пронские бортники, и окологородные бортники, и волости Мещерьские съ оброки и со всеми доходы по старине: а те мои бортники и Мордва деленая со всеми доходы моя и есть по старине. А что наши люди деленыи ловчане, и они свои места и ухожаи ведаютъ по старине, и городские рыболове, истобники, псари, подвозники меховыи, подвозники кормовыи, и садовники ястребьи, подвозники медовыи, и гончяры, неводчики и бобровники, и иные кои мои люди деленыи, а конокормы по рубежъ: и въ то тебе моему брату во все не вступатися, ни подъискивати, ни твоимъ детемъ подъ моими детми. А что наши села въ Мордве на Цне и на Украйне, и те села ведати намъ по записемь. А что твоа Мордва деленая во Цне, и въ Корабугинскомъ уезде бортники, и въ Бовыкине и въ Вороножи въ верхнемъ, и Тешевъ весь, и въ Дону реце жеребей. и Перевитские бортники, и Рязанские бортники, и Мещерские волости со оброки и съ доходы по старине, что ся тебе въ делу достало. А что твои люди деленыи ловчане, и они свои места и ухожаи ведаютъ по старине, и Рязанские рыболове, истобники, псари, подвозники меховые, и подвозники кормовые, и садовники ястребьи, и подвозники медовые, и гончары, неводчики, бобровники, и иные которые твои люди деленые, а конокормы по рубежъ: и мне Великому Князю въ то не вступатися, ни моимъ детемъ подъ твоими детми. А что есмя, брате, съ тобою делили свою отчину по записемъ, и те у насъ записи на обе стороне. А судъ мужству по рубежъ, а по судеревнымъ знаменамъ судъ вопчей. А въ городе въ Переаславле быти, брате, твоему третчику съ моимъ Намьстникомъ зъ болшимъ въ душегубстве и въ розбои и въ татбе съ поличнымъ, и на посаде межи моихъ людей и твоихъ людей, и межи чьихъ людей ни буди, ино пристава дастъ мой Наместникъ Великого Князя. А прилучится твоего третчика приставъ туто, и онь съ нимъ идетъ и на поруку дастъ; а не прилучится, и приставъ моего Наместника одинъ идетъ безъ твоего третчика пристава и на поруку дастъ, и поставитъ передъ моимъ Наместникомъ, и мой Наместникъ судитъ: а твой третчикъ прилучится туто, и онъ съ нимъ же судитъ; а не прилучится туто, и мой Наместникъ безъ него судитъ одинъ, а твой третчикъ смотритъ своего прибытка. Да и въ иныхъ делехъ во всякихъ на гостей и на черныхъ людей, опричь кладежныхъ людей, кои пословъ кормятъ въ Переславли, пристава дастъ и судитъ мой Наместникъ Великого Князя: а твой третчикъ прилучится туто, и онъ своего пристава дастъ, да и судитъ съ моимъ Наместникомъ; а не прилучится туто, и мой Наместникъ судитъ и безъ него, а твой третчикъ въ прибытке и въ пошлинахъ Наместничихъ ведаетъ свою треть. А коли приедутъ твои люди изъ твоего уделу въ Переславль, а прилучится у нихъ въ Переславли душегубство, или розбой и татба съ поличнымъ, и надъ ними судъ въ душегубстве и въ поличномъ въ Переславли моего Наместника и твоего третчика; а безъ моего Наместника пристава приставу твоего третчика въ душегубстве и въ поличномъ на поруку не дати: а тобе моему брату своихъ людей въ Переславли въ душегубстве и въ розбои и въ татбе съ поличнымъ самому не судити. А будетъ каково иное дело межи твоихъ людей, которые [141] живутъ въ городе въ Переславле и на посаде, опричь душегубства и розбоя и поличнаго: ино ихъ судитъ твой приказщикъ, и доложитъ тобя моего брата; а не будетъ тобя въ Переславли, и ему дождати тобя, какъ будешь въ Переславли, а исъ Переславля твоему приказщику въ твой уделъ техъ людей къ тебе къ докладу не водити. А хто приедетъ въ Переславль торгомъ, да протамжится; или твой человекъ приедетъ изъ твоего уделу въ Переславль, да протамжится: ино въ протаможьи дасть на него пристава мой Наместникъ, да и судитъ его одинъ безъ твоего третчика; а кого передъ нимъ въ протаможьи утяжютъ, и онъ велитъ таможникомъ взяти на немъ протаможья два рубля, а ему взяти отъ суда четыре алтыны, и те четыре алтыны емлетъ мой Наместникъ одинъ, а твоему третчику исъ техъ четырехъ алтынъ нетъ ничего. А тобе моему брату въ Переславли своихъ людей въ протаможьи не судити, ни твоему третчику: а мне Великому Князю въ душегубстве, и въ розбои и въ татбе съ поличнымъ, и въ протаможьи, и въ какове деле ни буди, твоихъ людей судити и казнити воля во всемъ; и на комъ урку что язъ Князь Великий продажи своему Наместнику, и въ томъ уроце твоему третчику треть. А хто здешний жилецъ Переславецъ, городской человекъ или загородской взыщетъ чего на твоемъ третчику, или на его тиуне или на его доводчикехъ: ино его язъ Князь Великий самъ сужду, и его тиуна и его доводчиковъ. А что домъ великихъ мученикъ Бориса и Глеба, и отца нашего Семиона Владыки въ нашей отчине и волости и села и земли бортные и воды: и мне Великому Князю во Владычни волости и села и земли бортные и въ воды не вступатися, а знаютъ Владычни люди мою Великого Князя дань и ямъ, и городъ рубятъ; а судъ мой Великого Князя надо Владычними людми въ душегубстве и въ розбои и въ татбе; а межь моихъ людей и Владычнихъ людей судъ и приставъ вопчей, а межъ Владычнихъ людей Владычнь судъ. А что въ моей отчине монастырские села и земли бортные и воды: и мне Великому Князю въ то не вступатися; а межъ своихъ людей монастыри судятъ сами, и приставъ ихъ за ихъ людми, а ведаютъ своихъ людей по старине. А что великихъ мученикъ Бориса и Глеба и отца нашего Семиона Владыки домовыи волости и села и земли бортные и воды въ твоей отчине моего брата: и тобе моему брату во Владычни волости и села и земли бортные и воды не вступатися, а знати Владычнимъ людемъ твоя моего брата дань и ямъ, и городъ имъ рубити; а судъ твой моего брата надо Владычними людми въ душегубстве и въ розбои и въ татбе; а межъ твоихъ людей и Владычнихъ людей судъ и приставъ вопчей, а межъ Владычнихъ людей Владычнь судъ. А что въ твоей отчине монастырские села и земли бортные и воды: и тобе моему брату въ то не вступатися; а межъ своихъ людей монастыри судитъ сами, и приставъ ихъ за ихъ людми, а ведаютъ свои люди по старине. А хто иметъ жити твоихъ Бояръ и детей Боярскихъ и слугъ въ моей отчине Великомъ Княженьи, и мне ихъ блюсти какъ и своихъ; а отчинъ ми у нихъ и купленыхъ земль не отнимати: а хто иметъ жити моихъ Бояръ и детей Боярскихъ и слугъ въ твоей отчине, и тобе ихъ блюсти какъ и своихъ; а отчинъ ти у нихъ и купленыхъ земль не отнимати. А хто которому Князю служитъ, где бы ни жилъ, тому съ темъ и ехати, хто которому служитъ; а огородная осада, где хто живетъ, тому туто и сести, опрочь Бояръ введеныхъ и путниковъ. А Бояромъ и детемъ Боярскимъ и слугамъ и христьяномъ межъ насъ волнымъ воля. А селъ ти въ моей отчине Великомъ Княженьи не купити, ни закладней не держати; а мне Великому Князю въ твоей отчине селъ не купити, ни закладней не держати. А которыхъ делъ не искали до нашего докончанье, и темъ деламъ на обе стороне судъ. А [142] даному, положеному, холопу, робе отъ века судъ; а татя, беглеца по исправе выдати; а заемному, поручному и всему обидному межъ насъ судъ безъ перевода; а судьямъ нашимъ третей волной нашие земли. А пошлинъ съ холопа съ семьи два алтына, а съ одинца алтынъ. А на семъ на всемъ, брате молодший Князь Феодоръ Васильевичь, целуй ко мне крестъ къ своему брату старишему къ Великому Князю ИВАНУ ВАСИЛЬЕВИЧЮ, по любви, въ правду безъ хитрости. А писана въ Переаславле лета ***, Августа въ *** день (то есть 7004, от Р. Хр. 1496, Августа 19).

На обороте Грамоты написано:

Списки зъ грамотъ зъ докончалныхъ съ Резанскихъ Великому Князю Ивану зъ братомъ его со Княземъ съ Феодоромъ; а самые грамоты докончалные съ печятми лета 7004 .......... къ Резанской къ Огрофене съ ее человекомъ съ Медведемъ.

(Перепечатано из С. Г. Г. и Д., т. I, № 127, стр. 320-324).


Комментарии

1. Грамота сия двух братьев родных Князей Рязанских, Вел. Князя Ивана и Князя Феодора Васильевичей, коих мать Анна была родная сестра Великого Князя Московского ИОАННА ВАСИЛЬЕВИЧА.

Еще больше интересных материалов на нашем телеграм-канале ⏳Вперед в прошлое | Документы и факты⏳

Главная страница  | Обратная связь
COPYRIGHT © 2008-2024  All Rights Reserved.