Х.

Договорная Грамота Великого Князя ИОАННА ВАСИЛЬЕВИЧА ¹ с Можайским Князем Михайлом Андреевичем: о бытии им, детям и братьям их в вечном союзе и дружбе; о незаключении ни с кем мира без общего согласия; о управлении всякому своими землями, как им так и по смерти детям их, по старым рубежам; о уступке Вышегорода с волостьми, Плесни и других волостей обратно Великому Князю; о ведании Орды Великому Князю, и о даче Можайскому Князю для Ордынского выхода дани; о непокупке и незакладывании с обеих сторон во владении другого вотчин; о судах и расправах — за подписанием Московского Митрополита Филиппа.— Писана около 1465 года.

+ Милостью Божьею и пречистые его Богоматери, и по благословлению отца нашего Филипа Митрополита всея Руси, и по нашой любви. На семъ на всемъ, брате молодший Князь Михайло Ондреевичь, целуй ко мне крестъ къ своему брату стареишому Великому Князю ИВАНУ ВАСИЛЬЕВИЧЮ: держати ти собе мене братомъ старейшимъ, и моего брата молодшого Князя Юрья Васильевича держати ти собе братомъ жо старейшимъ, а брата нашого Князя Ондрея держати ти собе братомъ, и нашу меншую братью Князя Бориса и Князя Ондрея держати ти собе братьею молодшою; а мне Великому Князю держати тобя собе братомъ молодшимъ. А мене ти Великого Князя и мое Великое Княженье держати честно и грозно, безъ обиды; а мне Великому Князю, и моему брату молодшому Князю Юрью и Князю Ондрею, и меншой нашой братьи тобя держати въ братстве и въ любви и во чти, безъ обиды. А хотети ти мне Великому Князю, и моему брату молодшому Князю Юрью и Князю Ондрею, и меншой нашой братьи добра везде и во всемъ и до жывота; и быти ти со мною съ Великимъ Княземъ, и съ моимъ братомъ молодшимъ со Княземъ съ Юрьемъ и со Княземъ съ Ондреемъ, и съ меншою нашою братьею везде за одинъ и до жывота на всякого недруга, и твоимъ детемъ съ моими детми: а мне Великому Князю, и моему брату молодшому Князю Юрью и Князю Ондрею, и меншой нашой братьи хотети добра тобе своему брату молодшому везде и во всемъ и до жывота; и быти ми съ тобою везде за одинъ и до жывота. А хто будетъ мне Великому Князю, и моему брату молодшому Князю Юрью и Князю Ондрею, и меншой нашой братьи (другъ) ², то и тобе другъ; а хто будетъ мне Великому Князю и моей братьи молодшой недругъ, то и тобе недругъ. А не канчивати ти, ни съсылатися ни съ кемъ безъ моего веданья Великого Князя; а мне Великому Князю такъ жо безъ тобя не канчивати, ни съсылатися ни съ кемъ. А съ кемъ язъ Князь Велики буду въ докончяньи, и мне и тобя съ темъ учинити въ докончяньи; а съ кемъ будешь ты въ целованьи, и тобе хъ тому целованье сложити. А мне [123] Великому Князю тобя жаловати, и печяловатися тобою и твоею отчиною. А чемъ тобя благословилъ отець твой Князь Ондрей Дмитреевичь по душевной грамоте отца своего, деда твоего, а моего прадеда Великого Князя Дмитрея Ивановича, въ Москве, и Вереею съ волостьми и съ отъежыми месты, и Белымъ озеромъ съ съ волостьми, и что къ ному потягло изъ старины по душевной грамоте отца твоего Князя Ондрея Дмитреевича; и что примыслъ отца твоего и твой, и что собе примыслишъ: того мне Великому Князю всего подъ тобою блюсти, ни обидети, ни вступатися, ни моему брату молодшому Князю Юрью и Князю Ондрею, и меншой нашой братьи, ни моимъ детемъ подъ твоими детми. А жыти ми съ тобою въ Москве по душовной грамоте деда твоего, а моего прадеда Великого Князя Дмитрея Ивановича; а отчинами твоя держати подъ тобою по душовной грамоте отца твоего Князя Ондрея Дмитреевича, и блюсти и не обидети, ни вступатися, ни моему брату молодшому Князю Юрью и Князю Ондрею, и меншой нашой братьи, ни моимъ детемъ подъ твоими детми. А чемъ мя благословилъ отець мой Князь Велики Василей Васильевичь въ Москве, и Коломною съ волостьми, и всемъ Великимь Княженьемъ; и что примыслъ отца моего Великого Князя и мой, или что язъ собе примыслилъ, или что дастъ Богъ собе примышлю: и тобе подо мною Великого Княженья не хотети, ни подъ моимъ сыномъ подо Княземъ подъ Иваномъ, пи подъ моими детми, кого ми еще дастъ Богъ; такъ жо ти и подъ моею братьею молодшою подъ Княземъ подъ Юрьемъ и подо Княземъ подо Ондреемъ, и подъ меншою нашою братьею подъ Княземъ подъ Борисомъ и подъ Княземъ подъ Ондреемъ ихъ уделовъ блюсти и не обидети, и не вступатися, ни твоимъ детемъ. А что тя былъ пожаловалъ отець мой Князь Велики, да и язъ Князь Велики Вышогородомъ своею отчиною съ волостьми и съ путми и зъ селы, да Плеснью, опроче Плесеньского села и деревень того села, да Смоляными, да Сохною, да Зарадыльемъ, да Зеремомъ, да Торусицкими бортъники въ вотчину и въ уделъ; и ты, мой брате, тое моее отчины отступился мне самъ со всемъ съ темъ, какъ тя былъ пожаловалъ отець мои Князь Велики, да и язъ Князь Велики: и того ти, брате, подо мною всего блюсти, ни обидети и не вступатися, ни подъ моимъ сыномъ подъ Княземъ подъ Иваномъ, ни подъ моими детми, кого ми дастъ Богь, ни подъискивати. А по грехомъ отойметъ Богь мене Великого Князя; и тобе подъ моими детми Великого Княженья не хотети, ни твоимъ детемъ, и блюсти, ни обидети, ни вступатися: а отойметъ Богъ тобя нашого брата молодшого; и мне Великому Князю, и моему брату молодшому Князю Юрью и Князю Ондрею, и меншой нашой братьи въ твою отчину по вступатися, ни моимъ детемъ подъ твоими детми. А Орда знати и ведати мне Великому Князю, а тобе Орды не знати; а имати ми у тобя выходъ по старымъ дефтеремъ, по крестному целованью: а коли язъ Князь Велики выхода въ Орду не дамъ, и мне и у тобя не взяти. А Князей ти служобныхъ съ вотчинами не приимати. А где мне Великому Князю всести на конь самому, и тобе со мною пойти; а где ми тобя послати, и тобе пойти безо ослушанья. А хто иметъ жыти твоихъ Бояръ и детей Боярьскихъ и слугъ въ моей отчине въ Великомъ Княженье, и мне ихъ блюсти какъ и своихъ; а хто иметъ жыти моихъ Бояръ и детей Боярьскихъ и слугъ въ твоей отчине, и тобе ихъ блюсти какъ и своихъ. А хто которому Князю служитъ, где бы ни жилъ, тому съ темъ и ехати, которому служитъ; а городная осада, где хто жыветъ, тому туто и сести, опроче Бояръ въведеныхъ и путниковъ. А Бояромъ и детемъ Боярьскимъ и слугамъ межы насъ волнымъ воля. А селъ ти въ моей отчине въ Великомъ Княженье не купити, ни закладней не держати; такъ жо мне Великому Князю въ твоей отчине селъ не [124] купити, ни закладней не держати. А даному, положоному, холопу, робе отъ века судъ; а татя, беглеца по исправе выдати; а заемному и поручному, и всему обидному межы насъ судъ бесъ перевода; а судьямъ нашимъ третей волной. А на семъ на всемъ, брате молодший Князь Михайло Андреевичь, целуй ко мне крестъ къ своему брату старейшому Великому Князю ИВАНУ ВАСИЛЬЕВИЧЮ въ правду, по любви, безо всякие хитрости.

На подлинной подписано:

+ Смирены Филипъ Архиепископъ всеа Руси.

На обороте Грамоты написано:

Докончалная Княжа Михайлова, коли отдалъ Вышегородъ, ина у него взята, а новая ему дана, что онъ подо всею братьею Великого Князя въ молодшихъ.

(Перепечатано из С. Г. Г. и Д., т. I, № 92, стр. 220-222).

Комментарии

1. Великий Князь, приняв намерение все удельные в России Княжества присоединить к своей державе, и темъ мало по малу ослабить могущество удельных Князей, сим договором, учиненным съ Можайским Князем, лишил его Вышегорода и других земель, которые ему сам же прежде сего пожаловал. Сия первая причина была сего договора; вторая же: внесение впервые в сей договор имени своего сына Князя Ивана.

2. Сие слово в подлиннике пропущено.