I.

Договорная Грамота Великого Князя СИМЕОНА ИВАНОВИЧА с братьями его родными Князем Иваном и Князем Андреем: о бытии им между собою в согласии и вечном мире; о взаимном вспоможении противу общих их неприятелей; о управлении всякому своими землями, по учиненному Отцом их разделу, и проч.— Писана 1341 года.

Се язъ Князь Великий СЕМЕНЪ ИВАНОВИЧЬ всея Руси съ своею братьею молодшею со Княземъ съ Иваномъ и съ Княземъ Андреемъ целовали есмы межи собе крестъ у Отня гроба. Быти ны за одинъ до живота, а брата своего старейшего имети ны и чтити во отцево место; а брату нашему насъ имети ...... А кто будеть брату нашему старейшему недругъ, то и намъ недругъ: а кто будеть брату нашему старейшему другъ, то и намъ другъ. А тобе, Господине Князь Великий, безъ насъ не доканчивати ни съ кимъ: а братье твоей молодшей безъ тобе не доканчивати ни съ кимъ. А кто иметь насъ сваживати наш ....... исправа ны учинити, а нелюбья не держати, а виноватого казнити по исправе ....... целовали есмы по душевной грамоте Отця нашего, како ны Отець нашъ розделъ далъ, того ти подъ нами блюсти, а не обидети. А что есмы съступилися тобе на старейшинство, тобе полтамги ...... полтамги, да тобе соколничий путь, и садовници, да конюший путь, и кони ставити ......хъ, и ловчий путь тоже; и потомъ на старейший путь, кто будеть старейший, тому полтамги, а молодшимъ двумъ полтамги; а опрочь того все на трое, и бортници въ перев...... ахъ, и Добрятиньская борть. А селъ Князю Великому: Новое село па Купавне, Вышневьское село; а Князю Ивану и Князю Андрею: Михалевское село, Микульское село на Пруженке, Микифоровьское село, Парфеньевское село ...... кого изъ насъ Богъ отъведетъ, печаловати Княгинею его и детми какъ при животе, такъ и по животе; а не обидети тобе, ни имати ничего ото Княгини и отъ детий, чимь ны кого благословилъ Отець нашъ по розделу. А по животе, кто исъ Бояръ и слугъ иметь служити у нашихъ Княгинь и у детий, ...... нелюбья не держати, ни посягати безъ исправы, но блюсти какъ и своихъ. Или кто изъ насъ брате ....... что примыслилъ или прикупилъ, или кто по семь что кто [96] прикупить или примыслить чюжее ...... своимъ волостемъ, и того блюсти, а не обидети. Или что мя благословила которыми волостми тетка моя Княгини Анна Заячковымъ ...... Тешевымъ, ......тиною свободкою, или что есмь прикупилъ Забереги ...... куплю, и того ...... моей ...... обидети кто что нашему ...... блюсти, а не обидети ..........................а то ........................................................................... тись съ нами ......................................................................................... ..................... а намъ въ твой уделъ не слати ...... Московски имуть бити челомъ тобе Князю Великому на нашихъ Бояръ и слугъ Московскихъ; аже будешь на Москве, тобе судити, а мы съ тобою въ судъ шли, Господине: опрочь Москвы, слати къ твоему Наместнику и къ нашимъ ...... чинять исправу Московскимъ Бояромъ и слугамъ, а приставовъ ти не слати. Удари ................. мъ тобе Князю Великому изъ Вели...... .........на нашихъ Бояръ. Господине, пристава; а намъ...... имъ послат............. и къ тобе къ Великому Князю....... пошлые къ городу пр...... емь Отци изъ......хъ волостий и изъ н...... нашихъ уделехъ не купити, ни твоимъ Бояромъ, ни слугамъ безъ ........ ... ни нашимъ Бояромъ, ни слугамъ селъ въ твоемъ уделе, и у численыхъ ............... имети ........... всимъ ............ Отци ................ не держати .................. дворъ Москов... ........... всимъ. А которыи люди по нашимъ волостемъ выиманы ны н...... .......... войны ...... намъ къ собе не приимати: а которыхъ людий Отець нашъ Князь Великий выималъ изъ ...... въ службу, те такъ и знають свою службу, въ которую кто уряженъ, а намъ ихъ къ собе не приимати. А вольнымъ слугамъ воля, кто въ кормленьи бывалъ и въ доводе при нашемъ Отци и при насъ. А чимь ны благословилъ Отець нашъ, волостми ли, порты ли, или инымь чимь, а тымь ся есмы поделили, того ны не поминати. А где ми будеть всести на конь, всести вы со мною; а где ми будеть самому не всести, а будеть ми васъ послати, всести вы па конь безъ ослушанья. А что ся учинить просторожа отъ мене, или отъ васъ, или отъ моего Тысяцьского и отъ нашихъ Наместниковъ, исправа ны учинити, а не нелюбья не держати. А Бояромъ и слугамъ вольнымъ воля; кто поедетъ отъ насъ къ тобе къ Великому Князю, или отъ тобе къ намъ, нелюбья ны не держати. А что Олексе Петровичъ вшелъ въ коромолу къ Великому Князю, намъ Князю Ивану и Князю Андрею къ собе его не приимати, ни его детий, и не надеятись ны его къ собе до Олексеева живота; воленъ въ немъ Князь Великий, и въ его жене и въ его детехъ. А тобе, Господине Князь Великий, къ собе его не приимати же въ Бояре: а мне Князю Ивану, что далъ Князь Великий изъ Олексеева живота, того ми Олексею не давати, ни его жене, ни его детемъ, ни инымь ни чимь не подмагати ихъ. На семь на всемь целовали есмы крестъ межи собе у Отня гроба по любви въ правду. А туто были Петръ Архимандритъ Московьский, Филимонъ Архимандритъ Переяславский, Василий ........ Тысяцьский, Михайло Олександровичь, ...... Васильевичь, Василий Окатъевичъ, Онанъя Околнич..... Иванъ Михайловичъ.

К сей Грамоте, которая во многих местах обветшала и стерлась, привешены две восковые печати, столько поврежденные, что никакого на них изображения видеть не можно.

(Перепечатано изъ С. Г. Г. и Д., т. I, № 23, стр. 35-37).