XII.

Запись Государя и Великого Князя ВАСИЛИЯ ИОАННОВИЧА, писанная при отбытии его с войском в Казань: о подтверждении преждеписанной им духовной грамоты и приписного к оной списка, и о поручении оных Московскому Митрополиту Даниилу; также о продолжении, по обещанию, строения Новодевичьего в Москве монастыря, и о даче в оной одного или двух дворцовых сел и денег 3000 рублей — за подписанием помянутого Митрополита Даниила.— Писана в Июне месяце 1523 года.

Во имя святыа жывоначяльныа Троица, и по благословению отца нашего Данила Митрополита всеа Русии, пишу сию запись, идучи на свое дело хъ Казани. Се язъ худый рабъ Божий ВАСИЛЕЙ, что есми напередъ сего писалъ свою духовную грамоту, да списокъ приписной къ духовной грамоте ¹, а подписалъ ту духовную грамоту и списокъ Варламъ Митрополитъ всеа Русии своею рукою, да и печять свою Варламъ Митрополитъ къ той духовной грамоте и къ списку приложилъ, а язъ къ той духовной грамоте и къ списку свою печать приложилъ: и язъ ныне свою душу и свою Княгиню, по той духовной грамоте и по тому приписному [44] списку, приказываю отцу своему Данилу Митрополиту всеа Русии, да и ту духовную грамоту и тотъ приписной списокъ емужъ отцу своему приказываю. Да коли есми зъ Божиею волею досталъ своей отчины города Смоленьска и земли Смоленьские, и язъ тогды обещалъ поставити на Москве на посаде Девичь манастырь ², а въ немъ храмы во имя Пречистые, да Происхождение честнаго креста и иные храмы; а которые храмы въ томъ манастыре поставити, и язъ тому велелъ написати запись диаку своему Трифану Ильину своею рукою, да дати печатнику своему Ивану Третьякову. А дати есми обещалъ въ тотъ манастырь изъ своихъ селъ дворцовыхъ село или два, а пашни въ техъ селехъ, въ одномъ поле тысячя четвертей, а въ дву полехъ по томужъ; да на строение тому манастырю три тысячи рублевъ денегъ; и ныне есми того манастыря състроити не успелъ. И нечто Божьа воля надо мною състанется, а того манастыря при своемъ жывоте не успею състроити: и язъ приказалъ казначеемъ своимъ и приказнымъ своимъ людемъ на томъ месте тотъ манастырь състроити, и изъ селъ изъ своихъ изъ дворцовыхъ въ тотъ манастырь велелъ есми дати село или два, въ одномъ поле на тысячю четвертей, а въ дву полехъ по томужъ; а на строение тому манастырю нашы казначеи дадутъ три тысячи рублевъ денегъ. И сию запись отецъ нашъ Данилъ Митрополитъ всеа Русии подписалъ своею рукою, и печать свою къ сей записи приложилъ; а мы къ сей записи свою печять приложыли. А кто сию мою запись черезъ мой приказъ порушытъ, и тотъ судится со мною предъ Богомъ. А коли есми сию запись писалъ, и тогды былъ у отца нашего Данила Митрополита всеа Русии у сей записи старецъ Васьянъ Княжъ Ивановъ, да отецъ мой духовной Василей протопопъ Благовещеньской. А сию запись писалъ диакъ мой Меншыкъ Путятинъ, лета *** тритцать перваго, месяца Июня (то есть 7031, от Рожд. Хр. 1523 года, Июня).

На подлинной подписано:

Грешный и худый инокъ Данилъ, милостию Божиею Митрополитъ всеа Русии.

К сей грамоте привешены две восковые печати: Митрополичья черного воску на черном шелковом снурке, а Государева красного воску на красном шелковом снурке.

(Перепечатано из С. Г. Г. и Д.. т. I, № 150, стр. 416-417).

Комментарии

1. Ни духовной грамоты, ни приписного списка, ниже упоминаемого летописцами в 1533 году при смерти Великого Князя ВАСИЛИЯ ИОАННОВИЧА завещания, в Архиве Коллегии Иностранных дел не имеется.

2. Монастырь сей построен помянутым Великим Князем в 1525 году, у Москвы реки, против Воробьевых гор.