Текст княжеского помянника из Киево-Печерского патерика в редакции Иосифа Тризны публикуется по правилам издания документов XVII в., но сохраняется буква ѣ, а киноварные буквы выделяются полужирным шрифтом.

Прежде кресщения Русския земли во времена княжения прежде воспомянутых князей Аскольда и Дира егда нѣции ¹ россове чюдеси удивльшеся еуагелию невредиму во огни сохранился, яко же выше рѣхом, святым кресщением просвѣтишася и церковь поставиша в Киевѣ во имя святого славнаго пророка Илии, иже естъ над ручаемъ конец Пасынча Беседы, иже и соборную нарицаху, или иноко мнится кому быти, трудолюбне изобрѣть и нас да просвѣтит, молимъ ². Мы же вину вземше от начала княжения их, егда князь Олег Константинград со многими воинствы обтече и с нимъ царь Греческий Леон и Александер Васильевичи мирное устроение сотвориша. Приидоша ³по семъ гречестии послы от Царяграда³ в Киевъ къ князю Игорю построите перваго мира и по обычаю нашему християнскому в церкви соборной святого пророка Ильи роту свою имѣху, пред поставльше животворящии крестъ и еуагелие; руссомѣ же, пред истуканными положше щиты и мечи, стрѣлы и лук, кляхуся по обычаю своему, яко же хронограф свидѣтелствуетъ.

По семъ блаженная Ольга восприимѣши святое кресщение во Царѣграде при царѣ Иоаннѣ Цим ⁵ от царяградскаго патриарха, нареченная во святомъ крещении Елена, жена Игоря Рюриковича, мати Святославля, бабка Владимера Великого. И по крещении поживѣ лѣт 14 /л. 361 об./ в Киевѣ, преставися в лѣто 6477 мѣсяца июля въ 11 день на память святыя мученицы Еуфимии, и погребена бысть, идѣ же сама заповѣдала. И не сыпаше могилы над нею, не велѣ бо и тризны творите над собою; отпѣвъ иереи над гробом ея, бѣ бо втаинѣ прсзвитера имѣ. И сеи похорони блаженную Ольгу. Господь же по смерти нетлѣнно тѣло ея соблюде.

Блаженный Владимер крестися, наречен быстъ во святом кресщении Василии.

В лѣто 6496. И всю землю Рускую крести. Постави же церковь каменну первую во имя свое святаго Василия, идѣ же стояше кумир Перун.

[221] В лѣто 6477 ⁶. Постави другую церковь каменну святаго Георгия и повелѣ праздновать ноевриа въ 26 день.

В лѣто 6499. Созда соборную церковь каменну Успение пресвятыя богородицы и нарече ю Десятинная и соверши ю в лѣто 6504 и украси ю довольно.

В лѣто 6504. Благодарение воздая богу, соблюдшему его от Печенегъ, во Василевѣ ⁷ созда церковь каменну, на Берестове святого Спаса в Киеве, яко же выше написано обращеши.

В лѣто 6523. Преставися благовѣрный и христолюбивыя великии князь Владимеръ во святом крещении Василии, положенъ есть во церкви десятинной Успения пречистыя богородицы, юже сам созда, в гробѣ мраморнѣ. /л. 362/

В лѣто 6519. Преставися великая княгиня Владимерова Анна, сестра греческих царей Василия и Константина Багрянородных, была за великим князем лѣтъ 13. Положена есть в церкви пресвятыя богородицы Десятинной.

В лѣто 6509-го. Преставися князь Изяслав, отецъ Брачиславль, сын Володимера Великого.

В лѣто 6511. Преставися князь Всеслав, сынъ Изяславль, внукъ Владимера Великого.

В лѣто 6515. П ⁸ оба в церковь Десятинную Успения пресвятыя богородицы.

В лѣто 6601. Преставися Ростиславль ⁹ князь, сынъ Мстиславль, внукъ Изяславль, мѣсяца октоврия въ 1 день и погребен бысть ноеврия въ 16 день во церкви святыя богородицы Десятинной.

В лѣто 6666. Преставися великии князь Киевскии Георгии Долгорукии Владимерович Манамаховъ, внук Ярославль, мѣсяца маия въ 15 день в среду на ночь, а заутра в четвертокъ собравшеся архиереи со свещенники и диаконы и со множеством народа со благохвальными пѣсньми, яко же лѣпо княземъ, честнѣ положиша тѣло его въ церкви святого Спаса на Берестовомъ в монастыри.

В лѣто 6680. Преставися благовѣрный великии князь Глѣб, сынъ Георгиевъ Долгорукого, внук Владимеров Мономаха, княжив 2 лѣта. Положиша его на Берестовом у святого Спаса в церкви в монастырѣ, идѣ же отецъ его лежит Юрии Долгорукии. Престави же ся князь Глѣб /л. 362 об./ генваря въ 22 день.

[222] Великии князь Ярослав Владиморович ¹⁰созда великую каменну пречюдну святую Софию и всю мусиею и списав в лѣто 6545 и митрополию в неи сотвори, матерь градовом¹⁰ нарѣкъ, и врата Златы ¹¹ граду устрой и на вратѣх церковь Благовѣщение пресвятыя богородицы постави. Святаго великомученика Георгия церковь созда и монастырь при неи устрой. Святыя Ирины церковь постави, иже есть Мир Христа моего, и монастырь при неи устрой, и ины многи церкви постави и монастыри устрой.

В лѣто 6562. Преставися великии князь Ярославъ Владимерович мѣсяца февраля 20 в суботу 1 недѣли святаго поста и положен есть во церкви святыя Софии с великою честию во гробѣ мраморне. Поживе же всѣх лѣт Ярославъ 76.

В лѣто 6558. Преставися великая княгиня Елена Ярославля жена февраля въ 10 день и положена бысть въ церкви святыя Софии вкупѣ со своим мужем княземъ Ярославом.

В лѣто 6571. Преставися князь Судиславъ Владимерович, брат Ярославль, бысть в заточении во Псковѣ, сидѣл в порубѣ 24 лѣта, а во иноцех 4 лѣта жил в Киеве, положен есть /л. 363/ в монастыри святого Георгия.

В лѣто 6586. Убиенъ бысть великии князь Киевскии Изяслав Ярославич у села на нивѣ Нежатинѣ, мѣсяца октоврия въ 3 день. Вземше же тѣло его везоша в лодьи до Киева и поставиша противу Городца. И изыде противу ему весь град Киевъ и возложиша на рамена своя, понесоша с пѣсньми с великою жалостию всѣх и плачемъ. Бѣ бо христолюбецъ, ко всемъ милостивъ и нищелюбив, святому Феодосию зѣло любезенъ. И положиша его во святѣи Софии в Киеве. И бысть всѣхъ ¹² княжения его 24.

В лѣто 6601. Преставися великии князь Киевскии Всеволодъ Ярославич, внук великого Владимера, мѣсяца апрѣля 14 дня, погребен бысть съ честию въ ¹³ велицеи церкви святыя Софии, в великии четвертокъ. Сеи благовѣрный князь Всеволод измлада бѣ любя правду, милуя убогия, воздая честь епископомъ и презвитеромъ, по премногу же любяше черноризцы и подаваше требование им. Бѣ же сам воздержался ¹⁴ от пияньства и похоти, тѣм и любим бѣ отцемъ своим Ярославомъ, яко глаголати отцу его к нему: "Сыну мои, благо тебѣ, яко слышу от тебѣ кротость и радуюся, яко ты покоиши старость мою. Аще ти богъ подастъ прияти власть стола моего по братии своей с правдою, а не с насилиемъ, и егда отведет тя богъ от [223] жития твоего, здѣ положенъ будеши, идѣ же аз, у гроба моего, поне же люблю тя /л. 363 об./ паче всея братии твоея”. Еже и збысться по глаголу Ярослава Великого, княжив в Киевѣ лѣт 15.

В лѣто 6633. Преставися великии князь Киевскии Владимер Мономах Всеволодич, внукъ Ярославль, майя въ 19 день, княжив лѣт 13, в Киеве. Сеи бысть страшен сопротивным, загна Половцы за Обезы, Великого Дону воду пил шеломом золотым. Родися от царицы к ¹⁵ грекини Манамахи и нареченъ быстъ Владимеръ Манамах, бѣ бо за Всеволодомъ дщи греческаго царя Константина Манамаха. Положенъ бысть в церкви святыя Софии.

В лѣто 6601. Ростислав Всеволодич, брат Владимера Манамаха единоматеренъ, в Стугне ¹⁶ рецѣ утопе под Треполемъ, от Половцовъ бѣжа. Положенъ в церкви святыя Софии.

В лѣто 6663. Преставися великии князь Киевьскии Вячеславъ Владимеровичь Манамаха, положенъ въ церкви святые Софии, идѣ же лѣжит Ярославъ, прадет ¹⁷его, и Володимер Мономах, отець его.

В лѣто 6570. Преподобных святых отецъ трудами создана быстъ церковь Печерская Успение пречистые богородцы каменна преподобнымъ Феодосиемъ, иже наречена быстъ послѣди ветхии монастырь.

В лѣто 6581. Основана бысть на другой /л. 364/ горѣ церковь каменна небеси подобная Успение пресвятыя богородицы маниемъ божиим и строительствомъ пресвятыя богородицы при великомъ князе Святославле¹⁷ Ярославиче, яко же извѣстися прежде, и монастырь устроенъ бысть царьскии, в неи же положены пресвѣтлые князи.

В лѣто ж 6599. От пещеры во великою ¹⁸ церковь принесенъ быстъ при игуменѣ Феоктисте и положен быстъ на правой сторонѣ во гробѣ каменне.

В лѣто 6580. Благовѣрный, христолюбивыя князь Симон Африканов сынъ варяг принесе пояс златыи, мѣру тоя же ¹⁹ церкви, и вѣнецъ з главы и сосуды къ преподобнымъ отцемъ Антонию и Феодосию от отечества си, от них же слышав пророческий глас, в той богозданнѣи церкви положену ему быстъ, еже и збысться по неложному их обещанию. И бысть положенъ первый на лѣвой странѣ противу гробу святого Феодосия.

В лѣто 6630. Преставися сынъ его Георгии Симонович внук Африканов, князь Суждальскии, и иже велию /л. 364 об./ вѣру имыи къ [224] пресвятѣи богородицѣ и ко преподобному Феодосию, его же и гроб сребромъ окова и златом позлати. Положен быстъ в Печерском монастыри в церкви подлѣ отца своего Симона.

В лѣто 6599-го. Преставися благородная и христолюбивая Мария Яневая воеводиная Киевская, мати преподобнаго Варлаама ²⁰, и положена бысть въ церкви Печерской по пророчеству преподобнаго Феодосия на шуеи странѣ противу гроба преподобнаго.

В лѣто 6614. Преставися Янъ Вышатин воевода Киевскии в старости глубоцѣ, живъ 90 лѣт, живъ по закону божию. У него же аз слышахъ многа словеса, яже впишах ²¹ в лѣтописецъ. Бѣ бо муж благъ и кроток и смиренъ, отгребаяся от всякия вещи, положен бысть в Печерской церкви в притворѣ в головах жены своея мѣсяца июня въ 24.

В се же лѣто преставися великая княгиня Ирина, Всеволода дщерь, положена в Печерском монастыри.

В то же лѣто пострижеся во иночество великого князя Всеволода Ярославича дщи Еупраксия мѣсяца декавриа въ 26 день. Престави же сь Евпраксия в лѣто 6617 июля въ 9 дня ²², и положено бысть тѣло ея в Печерском монастыри у дверей, яже къ югу. И согвориша над нею божницу, идѣ же лежит тѣло ея. /л. 365/

В лѣто 6626. Преставися великии князь Глѣб Всеславичь септеврия въ 13 день, положен бысть при гробѣ в головах преподобнаго Феодосия. Сеи бысть великии милосник великия лавры Печерския и много имѣния вда.

В лѣто 6666. Преставися блаженная княгини Глѣбова Всеславича, дщи Ярополча Изяславича, сидѣвши вдовою по князѣ своемъ лѣт 40, а всѣхъ лѣт 84, и положена бысть в Печерскомъ монастырѣ со княземъ Глѣбом во гробѣ в головах святого Феодосия. Бысть же преставление ея мѣсяца генваря въ 3 день во 2 час нощи, а вложена во гроб во 4 день. Сия бо блаженная княгини великую имѣяше любовь со княземъ своим къ пресвятѣи богородицы и преподобному Феодосию, ревнующи отцу своему Ярополку. [Сеи бо Ярополкъ вда свою всю жизнь Неблскую волость и Деревъскую, и Луцкую, и около Киева в монастырь Печерский] ²³. Князь же Глѣб вда в животѣ своемъ со княгинею 600 гривенъ сребра, а 50 гривен золота. А по княжемъ животѣ княгини вда 100 гривен сребра и 50 гривен злата, а по своемъ животѣ вда княгини пять селъ и з челядью и все, даже и до повоя ²⁴. /л. 365 об./

[225] В ²⁵ лѣто 6911. Князь великии Киевъскии Скиргаило Ольгердовичь, вторые жены правовѣрныя сынъ Улияны ²⁶, брат единоматеренъ Якгеилу, кралю Польскому, отравлен бысть зелием от нѣкоего клирика софиискаго Фомы из Уфова. По седми днех разболѣвся, преставися в Киевѣ генваря въ 10 дня в среду. И собравшеся киянѣ вси, понесли его на главах со свѣщами и кандили. Священникомъ и диякономъ поющим отходныя пѣсни и с великою честию и жалостию всего народа принесше въ церковъ пресвятыя Богородицы Печерскаго монастыря. И положенъ бысть князь Скиргаило чюдныи и добрый подлѣ гроба святого Феодосия Печерскаго. /л. 366/

Великии князь Киевскии Всеволод Ярославич созда церковь святого Михаила архистратига на Выдубичи и монастырь при неи устрой в лѣто 6571. И освящена бысть преосвещеным ²⁷, митрополитом Иоанномъ и епископы Лукою Бѣлогородцкимъ, Исаиемъ Ростовским в лѣто 6096 ²², игуменство тогда держащу того монастыря Лазару.

В лѣто 6706. Великому князю Рюрику Ростиславичю княжащу в Киевѣ мѣсяца декабря въ 6 день, созда церковь каменну святых Апостол в Бѣлѣгородѣ; благовѣрный князь Рюрикъ, приехав из Киева, святи церковь каменну святых Апостолъ, епископия Бѣлогородская, великим священием, блаженным митрополитомъ Никифором и епископом Адреяном, тоя церкви стол добрѣ правяща, епископом Юрьевъским. Созданѣ еи бывши благовѣрным и христолюбивым князем Рюриком Ростиславичем, высотою же и величеством и прочим украшением удивив удобреннѣ, по приточнику глаголющему: "Вся добра возлюбленная моя и порока нѣсть в тебѣ". Тогда же князь со единомысленную княгинею и съ богоснабдѣнными дѣтьми созва духовный той ²⁸ пир, епископа Андреана Юрьевъскаго и архимандрита Василия Печерскаго игумена ²⁹, и Моисея игумена святого Михаила Выдубицкаго, и прочии игумени и черноризцы и презвитеры, и весь священнический чинъ, и чредив я немалый дары великими, почтив я, от великих даже и до малых, и яко ни еди/л. 366 об./ному же облишену ³⁰ быти от требующих.

Того ³¹ же лѣта созда великии боголюбивыи князь Рюрикъ церковь святого Василия, во имя свое, в Киевѣ, на Новом дворѣ; и священа бысть великим священием митрополитом Никифором, и епископом Бѣлогородцким Андреаном и Юрьевским [226] епископом, мѣсяца генваря въ 1 день. В тое же время благоволи богъ, наполняя милость свою от ³² насъ благодатию единородного сына своего господа нашего Исуса Христа и благодатию пресвятого и животворящаго духа, и вдохнув мысль ³³ благу во богоприятно сердце великому князю Рюри-кови, по порожению же еже от божественныя купли духомъ пронаречено Василию, сыну Ростиславлю: той же с радостию приемъ, яко благии раб и вѣрный подщася немедлено сугубити дѣломъ, да не истязан будет сокрывшии талантъ. Того бо ³⁴ лѣта, мѣсяца нуля въ 10 день, на память святыхъ мученик 45, иже в Никополии мученых, суботѣ же имущи путь, заложи стѣну каменну под церковию святого Михаила у Днѣпра, иже на Выдубичи. О неи же мнози не дерьзнуша помыслити от древних ³⁵, 100 бо и 18 лѣт имать отнеле же создана бысть, и в толико лѣтъ мнозии самовидцы преидоша, держащии стол княжения Киевскаго, от того же боголюбиваго Всеволода, иже созда церковъ ту, родов 4, и ни един же вослѣдова любви его к мѣсту тому. /л. 367/ Сеи же богомудрыи князь Рюрик пятый бысть от того, якоже пишет о правѣднемъ Иевѣ от Авраама: Всеволод бо роди Владимера, Владимер ³⁶ же роди Мстислава, Мстислав же роди Ростислава, Ростислав же роди Рюрика и братию его. Брата же его быша добра и боголюбива, овыи старѣиши его, инии же меншии: но не благоволи богъ о дѣлѣ стѣны тоя ³⁷, время бо требоваше слуги своего. Сеи же христолюбецъ Рюрикъ лѣты не многи сыи, чада прижи себѣ по плоти, от них же бѣ время сказанию положити: по духу же паче прозябение ему бысть, о ³⁸них вѣща³⁸ царь он: "От дни сего дѣти сотворю, яже возвѣстят правду твою, господи, спасениа твоего. Тебѣ его мудролюбия начинаниа, от страха господня воздержание, яко нѣкое основание полагаше, по Иосифу же целомудрие и Моисѣову добродѣтель, Давыдову ³⁹же кротость³⁹ и Константиня правовѣрие, и прочая добродѣтели прикладая въ соблюдение заповѣди владычни; тии тако философствоваше, моляся по вся дни тако сохранену быти, имѣя же к ним милость от великихъ даже ⁴⁰ и до малых, и подание [227] къ требующим без скудости, хотѣние же и монастыремъ и ко всемъ церквамъ, и любовь несытну о здании их. Тако же христолюбивая его княгини, тезоименна сущия Аннѣ родительницы матере бога нашего, яже и Благодать нарицается, ни на что же ино упражняшеся, /л. 367 об./ но токмо о церковных потребах, и о миловании укоренныхъ маломощех и всѣх бѣдующих; оба же вкупе патриаршескии труд совершающи, да и венець от мздодавца общии восприимета, их блаженства насытитася, возвѣщеннаго во еуангелии; тому же вослѣдованию и богонабдимыя си дѣти учаща. И вся болша тѣх исправляя великии князь Рюрикъ, потщався паче праотеческим стопам вослѣдовати трудолюбием ко архистратигу Михаилу, препоминаемому монастырю, иже извѣстно всѣм богомудрымъ дѣломъ показа: изобрѣте бо подобна дѣлу и художника и во своих си приятелех, именем Милонег, Петръ же по крещении, аки Моисеи древле оного Веселеила, и приставника сотвори бого-изволенну дѣлу, и мастера не проста преже написания стѣны; и тако яться зданию не тощно, въ соблюдение храма, ни от кого же помощи требуя, но самъ о Христѣ возмогая, поминая господа глаголющаго: "Яко вся мощно вѣрующему". Того же лѣта совѣрши стѣну, мѣсяца сентября въ 24 день, на страсть святыя первомученицы Феклы. В той же день приѣха в монастырь великии князь Рюрик, кир Василии, со христолюбивою си княгинею, и съ сыном Ростиславом и Володимером, и съ дщерию своею Предсла/л. 368/вою, и со снохою Ростиславлею, и л. 368 постави кутью у святого Михаила, и молитву принесе о приятии труда подщания своего. Таже помяну писание Златаустаго:

"Добра молитва, яже усты; вельми же паче, яже маломошми"; и сотвори пир немалъ и трапезу со приуготованием; и накорми игумена з братьею всею, и всякого чина церковнаго, и подари вся от первых даже и до послѣдних, не токмо ту сущая, но и прилучившияся тогда; и возвеселися духовно о пришедших в дѣло таково царьскои мысли его. Игумен же Моисѣи и вся братия, яже о Христѣ, велегласно похвалиша бога и святого Михаила и великого князя здоровие, яко единѣми усты глаголюще: "Дивна днесь видѣста очи наши; мнозии бо прежде нас бывшии и желаше видѣти, яже мы видѣхомъ, и не видѣша и слышати не сподобишася, яже богъ намъ дарова твоим княжением: не токмо бо отъял еси уничижения наша, но и со славою приятны, поставив на пространѣ нозѣ раб твоих; мы же смирении что воздамы ти противу благодѣянию ти, яже твориши и сотворил еси к нам? И сам бо им не требуеши, но точию воздыхания и молитвы о здравии и спасении твоем. Богъ же милость воздастъ ти противу трудом ти и архистратиг Михаилъ, ему же еси послужил нелесно. Но о Христѣ державно милосердуяи и о всѣхъ, по обычаю благому, и нашея грубости приими, аки дар словесен на похваление /л. 368 об./ добродѣтели: в газфулакию [228] бо княжения твоего о ⁴¹ любовь и хотение вовергше, аки вдовица она двѣ мѣдницы, и прочее на милость твою надѣющеся слову нятися о господѣ дерзаем. И тоже не от скудости нашего нищеумия, но от дѣл твоих притчю приобрѣтше, и съ преподобный Мефодием глаголем: "Днесь бо зъбытие ⁴² бысть божественных словес его, яже положил во своих ему писаниих, вѣщая: "Малое небо богомудраго душа, выну повѣдающи славу божию, правостию вѣры, и словесы истинными и дѣлы доброми ⁴³; небеса безсловесное естество суще и сѣчювственно⁴³и самовластно, точию свѣтлостию солнца и растением луны, украшениемъ звѣздъ, и непременно хранящая уставы временем, владычня повеления повѣдают славу его, яко же всемъ добрѣ сматряющим творца о том похвалити, добраго ради уряжения". Здѣ же преболѣ нам того от тобѣ является: словеса бо честна и дѣла благолюбъна и держава самовластна, къ богу изваяна славою паче звѣздъ небесных, не токмо в руских концѣх вѣдомо, но и сущим в мори далече, во всю бо землю изыдоша, по пророку: "Богомирная словеса твоя, и в конецъ вселенныя христолюбная твоя дѣла, ими же о всѣх владыка твои славится". "Да вѣдѣвше бо, — вѣща еуангелист ⁴⁴, — дѣла ваша добрая, прославят отца вашего, иже есть на небесех". От днесь бо мнозии боголюбцы познаются, без лѣности тещи во след тебѣ ревнующи и обретше тя проводника, яко и Моисея новый сеи Израиль, и возводящаго от работы немилосердия и от мрака скупости. Отселе бо не на брезе ставше, но на стенѣ твоего создания, пою ти пѣснь победную, /л. 369/ аки Мариамъ древле. Днесь, по Исаии, поновляются острови, а рекутъ праведных душа, видяще поновление честнаго храма господня утвержением твоим о господѣ, яко и при Зоровавели свобожшиися от Вавилонска начинания ⁴⁵. Днесь ⁴⁶ и множество вѣрных ⁴⁷ киянъ и насельницы их больше потщание и любовь ко архистратигу господню имѣти начинают, не токмо ради спасения своего, но и новаго ради ⁴⁸ чюдеси, иже во дни царства твоего совершися; утвержающи бо неподвижнѣ нозѣ свои на удобреннѣмъ ти здании, и очима си любезнѣ сматряющи, отвсюду веселие души привлачающи, и мнятся якое радости глаголаше, и тако любовию отходят, похваляюще богомудрство твое. Блажении же не [229] видѣвше, но вѣрою радуются, яко же вѣща Соломан: "Похваляему праведнику возвеселятся людие". Днесь от мног сердецъ помышления суетна и глаголы маловѣрнии: овии бо глаголаху, яко златом власомъ поверженна есть церкви от небесѣ и тѣмъ же утверженна, а овии, яко поступает церковь в монастырь, инако же мнози; и ни от единых же бѣ помощи истинны утешению, донде же приидет ему же щадѣно бысть: благодать и милость во преподобныхъ его и носещение во избранныхъ его. Еще же и мы должнии ти молитвеницы, наш присный господине, единомысленно суще ко избранному сему мѣсту, надѣемся не забытно Познани быти, жаждуще от тебе милости, /л. 369 об./ яко же елень на источники водныя. И богъ милости и отецъ щедротамъ, и любы единочадого сына его, и причастие святого духа да будетъ съ царствомъ твоимъ, купно съ любимый тобою, архистратиг Михаилъ, и покрова и храня кровомъ крылу твоею, нынѣ и присно и во вѣки вѣкомъ. Аминь.

В лѣто 6590. Великии князь Всеволод созда церковь святаго апостола Андрея Первозваннаго при Иоаннѣ митрополитѣ Добромъ и сотвори у церкви той монастырь дѣвичь, в нем же пострижеся дщи его дѣвою именем Янка. Сия же совокупи чериоризицъ много, пребываніе с ними по монастырьскому чину. Посвященна же бысть церковь святого апостола Андрѣя в лѣто 6639.

В лѣто 6619. Преставися великая княгини Всеволодова ⁴⁹ Еуфросиния, дщи греческаго царя Константина Маномаха, мѣсяца октовриа въ 7 день и положена бысть честнѣ царскою лѣпотою сыномъ ея Владимером Манамахом во церкви святого апостола Андрѣя в монастыри Янчинѣ.

В лѣто 6620. Преставися блаженная Янка, дщи великого князя Всеволода, сестра Володимера Монамаха, ноевриа въ 3 день и положена бысть в церкви святого апостола Андрѣя, юже бѣ создал отецъ ея. Ту бо и постриглася во церкви той дѣвою сущи, близ матери великия княгини. /л. 370/

В лѣто 6647. Преставися великии князь Ярополкъ Володимерович Монамахов мѣсяца февраля въ 18 день и положенъ бысть с великою честию во гробъ каменный в церкви святого апостала Андрѣя въ монастыри Янчинѣ близ гроба Янчина.

В лѣто 6679. Преставися великии князь Володимер Андрѣевичь Стратилата, генваря 28 дня, положен бысть в монастыри [святого апостала Андрѣя] ⁵⁰ Янчинѣ в церкви.

Великии князь Киевскии Святополкъ, во святом крещении нареченъ Михаилъ, Изяславичь, внук Ярославль созда церковь прекрасну во имя святого архистратига Михаила, во свои [230] ангелъ, и верхъ ея позлати в лѣто 6606, и нарече ю Фанарь свѣтлости ради, и монастырь при неи устрой.

В лѣто 6621. Преставися благовѣрный великии князь Михаилъ Изяславич, внук Ярославль, зовомыи Святополкъ, мѣсяца апрѣля въ 16 день за Вышгородом. И привезоша его къ Киеву, и плакашася по нем зѣло княгиня его с чады и боляре, и дружина. И опрятавше тѣло его, возложиша на рамена свои и понесоша съ достойною честию. Архиереомъ, первомъ, диакономъ с кандилы и свѣщами пред идущимъ со обычными пѣнии. И положиша его въ церкви святого архистратига Михаила, юже бѣ /л. 370 об./ сам создал. Княгини же его много раздѣли богатства монастырем, священником и убогимъ, яко дивитися всѣм человѣком, яко такия милостыни никто же прежде не сотвори.

В лѣто 6698. Преставится князь Святополкъ сынъ Георгиевъ ⁵¹, шюринъ Рюриков, апрѣля въ 19 день и положен бысть въ церкви святаго Михаила Золотоверхого, юже бѣ создал прадѣд его великии князь Святополкъ Михаил.

В лѣто 6703. Преставися благовѣрный князь Глѣб Туровскии, шуринъ великого князя Рюрика, сынъ Георгиев, марта въ ⁵² день. И привезоша его в Киевъ, и стрѣте тѣло его Никифор митрополитъ Киевскии и игумены съ священики, и дияконы, и весь клирос, и сам великии князь Киевскии Рюрикъ. И тако проводиша его со обычными пѣсньми. И пожалова Рюрикъ шурина своего, бѣ бо любимъ ему. И опрятавше тѣло его, положиша въ церкви святого Михаила Золотоверхого. /л. 371/

Великии Киевскии Мстислав Владимеровичь Мономаха, внук Всеволода Ярославича, во свое княжение въ Киевѣ созда церковь каменну пречюдну святаго великомученика ⁵³ Феодора Тирона и монастырь при неи устрой в лѣто 6637 и украси ю всѣми довольствы церковными.

В лѣто 6641. Преставися великии князь Мстислав Володимеровичь Монамахов в Киевѣ и положен бысть с достохвальными пѣсными чеснѣ въ церкви святого Феодора во гробѣ каменнѣ, южь бѣ сам создалъ.

В лѣто 6662. Преставися великии князь Изяслав Мстиславичь, внук Володимера Монамаха, положен въ церкви святого Феодора в монастырѣ от ⁵⁴нихъ⁵⁴.

В лѣто 6676. Мѣсяца марта въ 14 день преставися благочестивый великии князь Киевъскии Ростиславъ Мстиславич, внук Володимера Манамаха, княжив в Киевѣ 8 лѣт, а в Смоленску прежде много лѣт княжив. Положен во гроб каменный во церкви святого Феодора во отечном ему монастыри.

[231] В лѣто 6678. Преставися Ярополѣк князь, сынъ Изяславль Мстиславича, марта въ 7 день. Положиша тѣло его в церкви святого Феодора в монастыри, идѣ же отецъ его лежитъ. /л. 371 об./

В лѣто 6682. Преставися благовѣрный великии князь Володимер Святославич маия въ 30 день и положиша тѣло его в церкви святого Феодора во отечни ему монастыри, княживъ в Киевѣ 4 мѣсяца.

В лѣто 6695. Преставися Мстиславъ Давыдович князь Вышегродскии, маия въ ⁵⁵день, положенъ в церкви святого Феодора в Киевѣ в монастырѣ.

В лѣто 6702. Преставися князь Изяславъ Ярославичь Меншии февраля въ⁵⁵ день, и положиша тѣло его в церкви святого Феодора близ отца его гроба.

В лѣто 6590 ⁵⁶. Блаженный Стефанъ игуменъ монастыря Печерскаго, егда изгнан бысть, состави на Кловѣ монастырь и церковь каменну постави пресвятые богородицы Положение честнаго ея пояса.

В лѣто 6619. Преставися князь Давыдъ Игоревич майя въ 25 день, и положено бысть тѣло его въ церкви пресвятыя богородицы Влахернѣ на Кловѣ, юже созда Стефан епископъ Владимерскии.

Великая княгиня Мария Всеволодова сооружи церковъ святаго Кирилла под Киевомъ и монастырь при неи устрои ⁵⁷ в лѣто 6680.

В лѣто 6686. Преставися великая княгини /л. 372/ Киевская Всеволодова Святославича Мариам, приимши на ся чернеческую великую схиму, и положена бысть в Киевѣ в монастырѣ святого Кирила, его же бѣ сама создала. Бѣ же сия княгини дщи короля Казимира.

В лѣто 6702. Преставися великии князь Святославъ Всеволодич Святославича и положенъ бысть в церкви святого Кирила во отечнѣ ему манастыри.

В лѣто 6710 ⁵⁸. Преставися дщи Всеволодова именемъ Елена и положена бысть въ церкви святого Кирила в материнскомъ монастырѣ.

Великии князь Мстислав Володимерович, брат Ярославль, по раздѣлении великаго княжения Киевского между собою со Ярославом Великим под Листвином у Городца за Оручемъ по Днѣпръ, возвратившися во свои градъ Чернигов, начат здати церковь каменну многим тщанием и иждивениемъ пресвѣтлаго [232] Христова Преображения посредѣ богохранимаго града Чернигова в лѣто 6540, недокончана бывши.

В лѣто 6542. Во един от днии изыде на ловы сеи благовѣрныи князь Черниговскии Мстислав Владимерович, /л. 372 об./ разболѣся и, мало поболѣв, преставися к вѣчнымъ обителемъ, его же опрятовше царское тѣло со многою честию епископъ Черниговскии и со всѣмъ освященнымъ клиросомъ, князи и з боляры и множеством народа проводиша тѣло его, вземше на рамена своя и принесше, положиша его въ церкви святого Спаса, юже бѣ самъ начат здати и нарещи ю хотяще епископию, еже и бысть, бѣ бо создано ея при нем в вышину, яко на кони стоячи рукою достати. Бѣ же Мстиславъ дебел тѣлом, черменъ ⁵⁹ лицем, велики имѣя очи, храбръ на рати и милостивъ, любяше дружину повелику, имѣния не щадяше, ни пития, ни ядения не браняше и милостив бяше ко всемъ, служащим ему.

В лѣто 6541 ⁶⁰. Князь Евстафии Мстиславич Черниговского ⁶¹ сынъ преставися. Положенъ бысть в церкви святаго Спаса.

В лѣто 6546. Глѣб Святославич князь Смоленский, внукъ Ярославль, убиен бысть в Заболочи ⁶². Бѣ же Глѣб милостивъ на убогия и страннолюбив, тщание имѣя къ церквам, теплъ на вѣру и кроток, взоромъ красен. Его же тѣло положено бысть в Чернигове за святымъ Спасомъ июля въ 23 день,

В лѣто 6584. Преставися великии князь /л. 373/ Святославъ Ярославин, внук Володимера Великого, декабря 27 день от рѣзани жолви и положенъ бысть в Чернигове в церкви святаго Спаса, княжив 4 лѣта в Киевѣ.

В лѣто 6623. Преставися князь Олегъ Святославичъ, внукъ Ярославль, августа въ 1 день, а въ 2 день погребен бысть в Чернигове в церкви святаго Спаса у гроба отца его Святослава.

В лѣто 6631. Преставися Давыдъ Святославич князь Черниговскии, внук Ярославль, отецъ Николы Святоши, положен бысть честнѣ в Печерскомъ монастырѣ в предѣлѣ святого первомученика Стефана.

В лѣто 6655. Великого князя Игоря Ольговича, брата Святославля, граждане киевские весь люд ⁶³ возмутивше, монастыря церкве святаго Феодора извлекше, жалостнѣ убиша. И положиша тѣло его во церкви святаго Симеона, бѣ бо тот монастырь отца его Ольга и дѣда его Святослава Ярославича на конец града Киева. По сем принесен бысть Святославом ⁶⁴ [233] Ольговичемъ в Черниговъ, и положен в церкви святаго Спаса во епископии в теремѣ.

В лѣто 6659. Убиенъ бысть на рати Владимеръ Давыдович и положен в церкви святаго Спаса в Черниговѣ. /л. 373 об./

В лѣто 6706. Преставися князь Черниговскии Ярославъ Всеволодичь. Епископъ же и игумени и сыновцы его, опрятавше тѣло его честнѣ, положиша в церкви святаго Спаса у епископии града того.

В лѣто 6704. Преставися князь Черниговскии Всеволодъ Святославич, брат Игоревъ, майя въ ⁶⁵ день, положиша тѣло его въ церкви святыя Богородицы в Черниговѣ в монастыри.

В лѣто 6707. Преставися сыновецъ великого князя Всеволода Великого Гнѣзда Юревича Ярославъ Мстиславичь, внукъ Юриа Долгорукого.

В лѣто 6708. Преставися Ярославъ Всеволодичь, князь Черниговскии.

В лѣто 6709. Преставися князь Володимеръ Всеволодичь Черниговскии.

В лѣто 6710. Преставися Игорь Святославичь Черниговскии.

В лѣто 6712. Преставися Олег Святославичь, князь Черниговскии, внук Святославль Ольговича. /л. 374/

В лѣто 6598. Блаженный епископъ Ефремъ Переяславский сооружи церковь каменну святаго Михаила архистратига во своей епископии.

В лѣто 6622. Преставися князь Святославъ, сынъ Володимера Мономаха, положен бысть въ церкви святаго Михаила в Переяславли, ту бо отецъ ему дал стол.

В лѣто 6695. Преставися князь Володимеръ Глѣбовичь Переяславъскии, положен бысть в церкви святаго Михаила в Переяславли.

В лѣто 6658. Преставися Ростиславъ Георгиевичь в Переяславли, свитающу великому пятку. И положиша и братиа Андрѣи и Глѣб, и Мстиславъ въ церкви святого Михаила близ стрыя своего Андрѣя и Святослава.

В лѣто 6649. Преставися боголюбивыи князь Андреи Владимеровичь Монамах въ Переяславли генваря въ 22 день и положен есть въ церкви честнѣ святаго Михаила въ епископии.

В лѣто 6692. Великии князь Изяслав Глѣбович /л. 374 об./ Переяславскии ходи на рать со князем Всеволодом Юрьевичемъ на Болгары и тамо устреленъ бысть стрѣлою под сердце, тамо и преставися. И положен бысть в Володимѣре Залѣском въ церкви пресвятыя Богородицы Златоверхой.

Комментарии

1. Буква ѣ написана по букве е, а первая буква п — по букве ы тем же почерком.

2. Буква ъ переделана из буквы ѣ.

3-3. Против этих слов на боковом поле сходным почерком и сходными чернилами написано в лѣто 6452.

4. Буква о написана по букве и теми же чернилами.

5. Далее оставлено чистое место на 4-5 букв. Должно было быть Цимисхии.

6. Так в рукописи.

7. В рукописи Василебѣ. Исправлено по: ПСРЛ. Т. 15. Стб. 117.

8. Далее оставлено чистое место для 6-7 букв. Видимо, здесь должно читаться пренесена или пренесены.

9. Последние буквы ль позднее зачеркнуты киноварью.

10-10. Так в рукописи.

11. Перед этим словом над строкой неразборчиво написаны и зачеркнуты несколько букв.

12. Далее должно было бы следовать лѣт, но это слово пропущено.

13. В рукописи ошибочно вместо ъ написано ѣ.

14. Так в рукописи.

15. Так в рукописи.

16. Буква т написана тем же почерком и теми же чернилами по другой букве.

17-17. Так в рукописи.

18. Так в рукописи.

19. Далее тем же почерком и чернилами написано слово ѣже, но затем зачеркнуто другими чернилами. Этими вторыми чернилами иным почерком написано далее слово божии.

20. Буква л написана по букве а тем же почерком и теми же чернилами.

21. Буква ш переделана из буквы щ.

22. Так в рукописи.

23. Скобки в рукописи проставлены киноварью.

24. Вторая буква о написана по букве а тем же почерком и теми же чернилами.

25. На боковом поле против первых двух строк текста другим почерком XVII в. и другими чернилами сделана помета: Наречен во святом крещении Иоан.

26. Далее в рукописи оставлено чистое место на 9 букв.

27. Так в рукописи.

28. Буква о написана по другой букве теми же чернилами.

29. Буквы игу написаны по букве и тем же почерком и теми же чернилами. Первоначально читалось имена.

30. После буквы о в рукописи стояла выносная буква т, позднее зачеркнутая.

31. Первая буква о подправлена другими чернилами.

32. В рукописи от с выносным т.

33. Буква м написана по букве в тем же почерком и теми же чернилами.

34. Буквы бо написаны по смытому месту.

35. Буква д подправлена теми же чернилами. Далее оставлено чистое место на 14 букв.

36. В рукописи ошибочно Вмадимер.

37. Буква я переделана из буквы ѣ тем же почерком и теми же чернилами.

38-38. Первоначально было от ннх отвѣща. затем лишние буквы т и от были зачеркнуты сходными чернилами и получилось о них вѣща.

39-39. Первоначально было Давыду же кро, затем другим почерком черными чернилами переделано в Давыдову же кротость.

40. Первоначально было ж (выносное ж) да, затем другим почерком. черными чернилами ж было зачеркнуто, а над да приписано ж.

41. Так в рукописи.

42. Буквы зъ написаны по буквам сѣ сходным почерком и чернилами.

43-43. Так в рукописи.

44. После буквы и видна смытая буква с.

45. Первая буква и переделена из буквы е сходными чернилами.

46. Первоначально читалось господне (буквы гдне и буква с под титлом). Затем буква г была зачеркнута.

47. Буква ѣ переделана из буквы о тем же почерком и теми же чернилами.

48. Первоначально было род с выносным д. Затем более светлыми чернилами о было переправлено на а и дописана выносная буква и.

49. Третья буква о переделана из буквы а тем же почерком и теми же чернилами.

50. Скобки поставлены более светлыми чернилами.

51. Буква в переделана из буквы м сходными чернилами.

52. Далее оставлено чистое место для цифр, обозначающих число марта месяца.

53. В рукописи великомуч с выносным ч.

54-54. Так в рукописи. Следовало бы ожидать отни.

55-55. Далее в рукописи оставлено чистое место для цифры, обозначающей соответствующее число месяца.

56. Цифры ч (90) написана цифре е (5) тем же почерком и той же киноварью.

57. В рукописи урои и выносное с под титлом.

58. Цифра ф (700) написана цифре х (600) тем же почерком и той же киноварью.

59. Буква м написана по другой букве тем же почерком и теми же чернилами.

60. Цифра ф (500) написана по цифре х (600) тем же почерком и той же киноварью.

61. Первая буква г написана по букве и тем же почерком и теми же чернилами.

62. Так в рукописи.

63. Буква ю написана киноварью по букве ѣ тем же почерком.

64. В рукописи Святослав с выносной последней буквой в.

65. Далее оставлено чистое место для цифры, обозначающей число месяца.

(пер. )
Текст воспроизведен по изданию: Такла-Хайманот у Коптов // Записки Восточного отделения императорского русского археологического общества, Том XVIII. СПб. 1908