Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

Месяца ноемвриа вь 25 день.

Мучение святаго священномученика епископа Климента.

Припержа Римъскую Церковъ четвертый святый Климентъ, иже художествомъ последова Апостолу Петру и учениемъ изряднымъ имже июдеемъ и елиномъ и всемъ крестьяномъ и людемъ угождаша, люблях[у] бо велми елини, имъже не /л. 104об./ леняся отъ своихъ имъ книгъ ответъ даяше, и скозаша имъ стку суть где ся родиша, мниши чтоми отъ т[ех]ъ бозий дело и искончание известными притчами сказаша, тако отдание отъ бога прияти утояше, аще техъ служений отвергутся отъ июдей симъ оброзомъ благодать имяше, имъже отца ихъ друзи Богу скозаше. Законъ же ихъ святыхъ и священъ глаголаше, и первое место имъже отъ Бога имети, аще своего закона тайная соблюдуть, не отметаю/л. 105/щеся Авраамль обетъ, иже до Христа скончася, зане отъ семене Авраамля благословити обешавъ языкы, и еже рече къ Давиду: отъ плода чрева твоего посажа на престоле своемъ. И паки Исаемъ пророкомъ: се девая 1 въ чреве прииметъ и родить сына, и наречется имя ему Емануилъ, иже нарицается крестиянъ, иже сего ради паче любимъ беаше, имъже всяко пособие, смиренаго и убогаго по именемъ при/л. 105об./любляше, а ученики на освящение освящаше и не ослаблеяше уча люди по вся дни, и крещение святое и пречисто подаа хранити симъ всемъ; Богови же и всемъ смысленымъ человекомъ угожати невозможно есть, еже Богу угодно является, сего убо ради не убояше дасажение несмысленыхъ человекъ, ихъже обети и восынение, его же ради бысть Клименту Римскому епископу. Друга же не ревнова 2 не боятися, его же /л. 106/ учиниемъ 3 жена Сисинова Феодора, обращьшися к Богу, молитву прилежно свръшаша 4, и ейже к мужу обалгане 5, въ зревно 6 ей, иде къ церкви во следъ ея. И внидущу ей вь церковь, Сисинъ другими дверма вниде, хотя известо испытати. Егда же святый Климентъ молитву возгласи, и людие реша ми 7, но въ тойже часъ Сисинъ слеп бысть и глухъ, не моги слышати и видети. Тъ глагола рабомъ /л. 106об./ своимъ: приимете мя рукама, ведете мя вонъ, яко не вижу [102] очима, ни ушима слышю 8. Отроцы же держаще хожаще по всей церкви, людемъ же на молитве стгящимъ мужеску полу и женьску, двери же, уду же вшедша, не можаху обрести, но блудя, обретаху, идеже стояще моляшеся Богови. Яже видевши рабы, со господомъ 9 симъ ходяще, перьвое уклонися отъ зла ихъ, мнящи, яко отверстама очима сущи /л. 107/ Сисину видятъ ю, и рече кь единому отроку: почто тако ходите съ господомъ 9 по церкви? и рече еи: господинъ нашъ хотя видети, еже его не достояще, и слышати тайны, ту ослепе и оглошеномъ же волитъ, яко могущемъ, да и отсюду изведемъ, и не дасться намъ извести. Егда же се слыша Феодора отъ отрока, падши съ слезами моляше Бога, да мужа ея оттуду 10 изведутъ, и въсклоншася ко слугамъ сущимъ съ нимъ /л. 107об./ и рече: имете за руку господина своего, ведете и къ домови, азъ бо не оставлю молитву, юже начахъ, и овошаю жертву мою Госповеди, и егда скончаются, тайно постигну вы, и приимши отроцы, и ведоша и домови, и възвращешася 11 къ госпожи, поведаша и глуха и слепа сущи еще. Феодора же паче къ Богу съ слезами моляшеся, яко да мужа ея милость его ворить. Егда скончается литургия, и прииде къ блаже/л. 108/ному Клименту Феодора глаголющи: подружие мое 12, искушая неизреченныя Господа нашего Иисуса Христа, ослепе очима и ушима оглоше. Святый же Климентъ въ той часъ прослезися, и рече сущимъ с нимъ народомъ: Господа молимъ, да мужеви ея подасть слухъ и зракъ, надеяся убо блаженный Климентъ молитве. Кончавъ молитву ни словеси слышаща и не слышаше гласа, поклоне же колене /л. 108об./ кь Богу, блаженный Климентъ рече. Господи Иисусе Христе, давый ключа царства небеснаго Апостолу твоему и моему учителю, и речеши, еже отверземъ, отверсто будетъ, ты и ныне, Владыко, повеле, да отвержется мужу сему слухъ и очи; Ты бо рече. Господи, егоже просите верующе и приимете, и завети твои пребыстию въ векы векомъ. И егда реша вси аминь, и отверзошася очи Сисинови и слухъ, и видевъ святаго /л. 109/ Климента стояща съ женою своею, дивяся помышляя, како убо во истину се есть чародей и льстецъ былъ. И рече слугамъ своимъ: [имете] Климента епископа, яко вниде къ жене моей, чарми и лестию ослепле [мя]; тии же мнящи Климента, имше столпы лежащая, вязаху и влечаху […хающе] 13, мня и сам Сисинъ 14, яко святаго Климента связавше держаша и [103] влачатъ, къ нему же святый Климентъ рече: жестъ сердца твоего /л. 109об./ обратится на камение, имъже бо чтеши и камение богы творя, то камение влачи, повалено ти есть. Онъже яко связана мня, хваляся глаголаше: азъ ти творю, да въ тчю 15 всемъ умреши. Тогда Святый Климентъ молитву створе, отъиде, заповедавъ Феодоре жене его не престати молящися, дондеже Господь свое посещение явитъ. Феодоре же плачущися и мольбу творящи ей при вечере, явися ей во сне етеръ мужъ сединами говеинъ, и рече: тебе ради целъ былъ Сисинъ, /л. 110/ да збудется 16 реченное братомъ моимъ Павлом Апостоломъ: святится мужь неверенъ женою верною, и се рекъ, отъиде. Темже во истину блаженнаго того Петра Апостола явления. Тогда Сисинъ глагола Феодоре: ей, молю тя, да молиши Бога своего, да не прогневается на мя: тебе бо ревнуя и приидохъ во следъ тебе в церковь и хотя видети деемое, послуша глаголемаго, слуха купно и зрака погуби, и вемъ, яка Климентъ вь посечение створи мя цела, /л. 110об./ и умолися ему, да пришедъ скажетъ ми, да разумею истину: азъ бо и отроцы мои во истину мнехомъ Климента со причетники своими связана влачаша, носи 17 камение и стлъпца вяжю[щ]е 18 влачаху. Тогда же Феодора текши сказа Клименту вся, яже виде, иже глагола мужь ея. Пришедъ же Святый Климентъ к Сисинию, есьли 19 на устехъ души его все по ряду сказа ему, и веровавъ Богови в 20 твердь 21, и начатъ на колену падати Клименту вьпити, хвалу воздая Богови Вседръжи/л. 111/телю, яко ослепи мя, да прозрю утренима очима, и оглохъ, да услышу то, емуже 22 иногда не веруя ругахся: мнехъ бо лжу истину, а истину мнехъ лжу, тьму мнехъ светъ, а светъ 23 непщевахъ, сущи то луно, очистимися умъ отъ прелести Сотонины, во истину бо разумехъ, неприязнь прельщаше человекы, яко да не верующе въ Христа Сына Божия суща владятъ ими камение и мраморие 24 глухое и немое, яко и мню владяше досюду, и сице словеса сиимъ 25 подобнаа глаголющу: си нова 26 /л. 111об./ радость велия бысть, и [104] верова со всемъ домомъ своимъ и крестишася числомъ мужий и жены и детий 823. 27Отселе же Синови 28 мнози друзи, а друзии Нерува 29 царя къ Богу обратишася, въ то лета кумиромъ Съпувлиторку Атнанъ 30 видевъ бес 31 числа народъ Христу верующь, събравъ старейшины и светники, давъ имъ злато, убеди я, да воздвигнуть гонения на крестианы. Владущу же Мамертину Епарху граднымъ престоломъ и мятежь бысть въ Риме Климента ради; овии бо ихъ глаголющи: /л. 112/ что створи зло, что ли добра не исправи, аще къ болящему прииде, того исцели, аще ли шедъ къ нему печаленъ, то радуяся отъидетъ ниединомуже коли пакости створи, но паче пользу всемъ. А друзии духомъ неприязненнымъ распалени въпиаху: чаровными лестьми се творя, богомъ нашимъ службы отмещуть, диавола бо глаголеть не суща бога, нарькли же нашего схраника не чтетъ 32 дух глаголеть сушь. Авфродитъ же преподобную богыню нашу любодеицу /л. 112об./ сказаеть, а сию же великую богиню огнемъ сгоревшу губить честную богиню Атину, Артамъ же и Ермию купно и Кронь, Арна же облычаетъ, всемъ же именемъ богомъ нашимъ и црьквамъ дасажаетъ, да или пожретъ богомъ нашимъ, или да потребится. Тогда Мертинъ градный Епархъ, не терпя народа метущесь, повеле привести блаженнаго Климента, и видевъ же начатъ глаголать: отъ великаго рода сы, яко о тебе весь 33народ Римский сказаетъ, про что прельщае/л. 113/шися некоему Христу служа, а церквамъ богъ нашихъ дасажаешь, но достоить тебе, отвергьше великую ту лесть, [ди]внымь 34 бого-служити. Блаженный же Климент рече: моляхся противу твоего владычества мудрости ответъ ми имети, и [с]воими словесы написати противу многому мятежу ненаказанныхъ; аще бо пси мнози о нась лаютъ и растерзати хотят, егда могуть ти, еже мы есмы словеснии человецы, /л. 113об./ они не словесни лающе, мятежъ присно отъ ненаказанныхъ обретаютъ, яко да ничегоже известа обрящуть истинна. Темьже и молчати бы вещь, еюже о своемъ спасении словесный человекъ и самъ вся советы творить и глвголати начинаеть, да истоваго бога обрящеть и тому свою веру достойно предасть. Тогда Пувлитуркъ Атиянъ посла книги ко Трояну царю възвести о имени блаженнаго Климента, мятежнымъ кличемъ иже [105] не /л. 114/ престаетъ народ, но известъ 35 притча на нь не можеть излести 36. Троянъ Царь нанисареки 37 ему или съ нами богомъ 38 или чрезъ море вь пустыню прилежащу Керсуне, отъ земли посланъ будетъ. Егда же Трояне повеление прииде, отвеща Мамертиянъ: не лепо Климента отъ земля послати, но паче жрътвы богомъ да принесетъ. И блаженный Климентъ подвизашася и самого Христа превратити и самъ паче боляше отъ земли ити, нежели убоятися. /л. 114об./ Толику же Господь дасть благодать Клименту, яко плакатися Мертину епископу и глаголати: Богъ, емуже ты всею верою служишь, тогда поможет ти в се 39 послание земное, и отлучи корабль и все, емуже бе требе, и въ кладъ посла и, и наполнися корабль не бременъ точию, но людьми благоверными, грядущи по немъ. Егда же доиде въ место оземное, идеже сечаху мраморъ, бяше двою тысящу христианы обрете ту, многа лета имуща /л. 115/ осуженыя написаны. Оземли же, видевше святаго и блаженнаго Климента епископа и вси единою душею и единымъ въздыханиемъ и плачемъ пришедше глаголаху: моли за ны, преподобный и святый отче, да сподобимся обетованию Христову, яже разумевше святый Климентъ имени ради Божия оземли посланъ, рече: несть бо устроилъ Господь пути моего семо, но да причастникъ буду страстемъ вашимъ и терпению образы и утешение дамъ вамъ, пребыхъ у нихъ мало и разуме, яко отъ шести поприщь, но разумех 40 /л. 115об./ своихъ воду носятъ, и тогда абие святый Климентъ рече имъ, глаголя: помолимъ Господа Иисуса Христа, да исповедникомъ вере его источникъ воду отверзше и прорази камень въ пустыне Синайстей, и потекоша воды до избытокъ; то и намъ обильну воду подасть, да веселимся о подании его. Егда скончаша молитву и възревъ на десную нашу руку, узре агнець стоящь, яко показая место Клименту; тогда блаженный отець нашъ Климентъ и блюстель разуме Господа суща, /л. 116/ егоже инъ никтоже не виде, но точию в тъ самъ приступлей рече: во имя Отца и Святаго Духа, ударите в се место, и начаша копати около а нь 41 на месте, идеже стоя агнець. Тогда святый Климентъ вземъ матычицу малу и легъкъ ударивши то само место, еже бе подъ ногою агнецу 42, и ту источникъ искыпе и проливаниемъ краснымъ потече; тогда святый Климентъ всемъ радующимся притчу рече: речная [106] устремление /л. 116об./ веселятъ Божий. 43 Сия же ради главы снидеся область и пришедъше вси къ учению святаго Климента и обращахся къ Богу, и по все дни крестящеся 44 въ домъ радующеся. Изидущю же лету первому, бывиихъ 45 церковь 50 и 5 46 и вся телеса сокрушиша и церкви ихъ разориша, и древо, подъ немъже требы ихъ творяху, посекша пожгоша. Тогда ревнихъ дойду клеветы Трояна царя, глаголюща: превратися народъ многъ на веру учение Климента. Тогда Троянъ посла Авфиана болярина, иже многи муки 47 створи християномъ, видя же съ радостию текуще на мукы /л. 117/ вся, и ослаби народу, и начатъ единого святаго Климента и устрашати и запрещати, и видевъ утверженъ о Господе и не могуще оттинудъ обратитися и глагола къ своимъ: везша ихъ на глубину моря и привезавше на выи его котву 48 железну и връзете и, да не начнуть христиане въ Бога место чтити его. Сему же бывшу весь народъ христианескъ на брезе моря стояху плакахуся; тогда ученикаго его Корнилъ и Фивъ реста къ нимъ: вси купно помолимся Господу, да покажеть намъ мученика своего тело. Молящемжеся /л. 117об./ имъ, и вступе море въспять мала на три поприща, и вшедше по суху людие обретоша въ образъ мраморяный церковь храмину отъ Бога уготовану, и ту лежаше тело святаго Климента, и яко 49 съ нимъже верженъ близь его лежащь; откровено же бысть ученикомо его не изнести мощий отъ места, имаже то явлено бысть, яко на всяко лето въ день страсти его отлучатся море на 7 дний, грядушимъ сухошествие подавая, иже на похвалу имени его благоволи Господь /л. 118/ быти до днешняго дни. 50

Сему же сице тако бываему, вси насъ благочестно любовницы и по въспрошенеи гражане Херсонстии се слышавши, на видение чудесъ сористахуся, съ ними же инъ некто мужъ благочестивъ и съ благочестивою женою и съ чадомъ мужескимъ поломъ къ святей церкви святаго мученика Климента успе[шн]о идяста и места святаго уже доидоста и чудо по вся лета бываемое видевша, рукамо отрока приимша въ глубину богозданную церковь внидоста, у гроба ставша умильно святаго моляста; гре/л. 118об./хомъ прощение его ради прияти просяще и отрочати даровати моляще животъ продолженъ б[е]знуженъ, жизни же благоденство и плода житие чаду единородному просяща, [107] и яко молитву убо створиста и святаго мощи целовавше, вспять пакы възъвратишеся. Сима же сошедшема, вода пакы въ свое ложе притече, ейже възвращешесь и по чину узревше, въ себе помыслиша чаду взискати начаста; тоже беаше у святаго гроба осътавлено, и се не родительскымъ забвениемъ, но Божиимъ /л. 119/ благоволениемъ бысть, да имъ болма удивить мученика, якоже родителя чада не обретоша, но въ глубину оставлено забытю отроча, но разуместа, что убо изглаголати отчи рыдания и матери слезы; всесветлый бо онъ праздникъ въ плачь преложиста. Что бо не глаголаста? Что ли створиста? жалость бо, и то само камение на слезы подвизаше: ибо рожьшая отъ очию слезы изливаше и руце на высоту простирающе, сицевыя ко святому глаголы испущаше: тако ли твоя, святче, /л. 119об./ въздания? таковая ли къ тебе любовию притекающимъ възмездия? та отомщение, яко усердечне пострадахъ и претерпехъ, трудъ возмездия отдалъ еси. Где мое отроча? Кая утроба зверя морскаго мое отроча пожре? Кая волна свирепоя вставши, яко гробъ, того жива покры? Кого прочая очима страстныма узрю? О комъ ли помолюся? Кто ли моея старости жезлъ будетъ? Вскую мя, святый, обещницу сына моего смерти не створи? Якоже убо /л. 120/ рака дръжащи ту къ тебе приидохъ, тако понесе на руку держащии, тако люте въ адъ сошла быхъ. О море и глубино бысть кая! и въ своей пазусе держиши сына моего. Како же ли того питаеши! Увы мне! Увы мне! Небогое 51 чада мое въ часъ въсхищено. Чадо! како зайде отъ очию моею? Кима ногама възвращусь? Кого ли яко огня узрю играюще? Отецъ же пакы сицевая руками бивъ лице свое рыдаше: векую о святый! внезапу бещадна 52 мя еси створилъ. Почто тако нужною смер/л. 120об./тию мое чадо умертвити попустилъ еси? Векую супротивная моего чаяния стретоша мя? Съ таковымъ ли чаянием къ тебе грядущи биахомъ? Тацы ли съ любовию приходяще къ мученикомъ дарове? Но по истине яко мои тяжцы греси отроча морю предаша. О чадо мое! Кто твои очи умирающи покры? кто ли спрята? Кий ли гробъ предоброе и красное твое тело скры? и обаче твои очи покры море, спрята жъ глубина; утроба рыбъ тебе бысть 53. Такоже убо растерзающемася родителема рыданиемъ, и сошедшися тогда ту, едва не/л. 121/когда рыдание уставити створи, и лютыхъ слезъ худе препокоивше; и ожидасте убо пришествие лету, и святаго памяти паки дни пришедшу, сицевая къ себе глаголаста, воспомянувше свое чадо: гряди убо, да пойдеве ко святому, еже аще реши намо, что достойно мощно, еже невозможно останокъ чадо наю вземше по свориве, истяжемъ святаго, аще умреве тамо и смерти чадо наю приобщивеся, таковая себе общая словеса [108] препокоивша, путемъ грядоста, уже пришедша и /л. 121об./ место постигоша, морю уступающу по обычаю, Богу прословляющи 54 и о семъ мученика. Сии же свое 55 си чадо любовию и велениемъ аки жаломъ постракаеми, прежъ народа много сущи скоро къ глубине воряста 56; уже ко всечестней церкви приидоша мученика. Оле чюдо, еже узреста свое чадо живо и весело стояще безъ вреда, и якоже въ чудесехъ чудо получиста, ужасне удевлешесь дивному веледеланию. Первое убо похвалиста Бога, потомъ же святаго мученика Климента благо/л. 122/дарными воспеша глаголы. Ти тако обуимше отроча лобызаста, пытаста образа спасению возвестити могоста. Кого убо рекши хранящаго имелъ еси, и кого питающаго? Отрочищь же убо единою рукою держа за руку, другою же перстомъ кажа внутрь лежащаго, вопрошающимъ отвещеваше: се мой съ Богомъ хранитель и животу питаль 57; отъ бесолнечныхъ зверий отъ нападения хранитель твердый; се мя всегда светлене таяше. Рожешая же убо страхомъ и радостию /л. 122об./ одержима, веру же большую извещаша мученику, имъже мертва мнима сына жива прияста, первое рыдание на благодарение премениста, сицевая же святому въпиющи: чуденъ Богъ во святыхъ своихъ, волю боящихся его творяй, молитвы ихъ послушая, спаслъ еси сына наю, святый, и далъ еси намо не начаемого; о 58 небо и земли и глубинно! иже прежъ отъ наю проклинаема! о 58 изумение, паче естества 59 веледелания неутолимыя и незапныя горести и напрасныя беды; молитвъ же не забуди, святый, о /л. 123/ нихъже къ тебе скорбию растерзаемо створихове же и изрекохове, мертваго тобою въскресша, старости жезлъ на помощь паки имаве. Что ли много глаголемъ? не тридневное бо по 60всего лета мертвеца, но 61 землею, но водами покровенно, не отъ червий, яже суть телеси в естестве 62 своя расточена, но открывъ мняхове изъедена, ныне цела восприяхомъ благодатная, благо же и преславное, благъ же и пресиленъ благодеяний твоихъ, святый. Тако убо святаго теплыхъ слезъ пролитиемъ /л. 123об./ и превеликою радостию похваливша, отроча поимше, въ своя си путьшествовати, идеже пребывающа, и всемъ исповедаста величество преславного чудеси, еже створи съ нама премилостивый Господь своего ради [109]угодника 63, иже премножествомъ благости, яко мудрый зижитель, и неизреченнымъ промысломъ всю тварь чювъственую 64 же и разумную отъ небытия въ бытие приведъ 65, яко всесиленъ и богатодавецъ, не постави прекраснаго 66 [Солнца 67 на единомъ месте, а оттуду с высоты вселеную просвещающе, но и въстокъ, и полудень, и до западъ преходити ему, славно дарова на похвалу своему велелепному имени].

68Тако и сего церковнаго солнца, своего угодника, нашего же заступника, святаго реку достойно священномученика Климента; отъ Рима убо въ Херсонь, от Херсоня въ нашю Рускую страну створи приити Христосъ Богъ нашь, преизобильною милостию въ наше верныхъ спасение. Оле человеколюбие, благости неисчетна пучина! Не къ исьтвеннымъ приснымъ рабомъ створи своему угоднику приити, но къ врагомъ и уступникомъ, о нихъже речено бысть: пожроша сыны и дщери своя бесомъ; но да сбудется реченное: благодатию есте спасени, иде умножатся греси, ту преизъбилова благодать, идеже бо жертвицы бесомъ беша, ту святыя церкви, славятъ Отца и Сына и Святаго Духа, еже пришествиемъ святаго Климента створися и утвердися. Темъже и мы, убегающе не възблагодатиа, славимъ и хвалимъ и кланяемся въ Троице поему Богу, благодаряще того вернаго раба, иже умножи своего Господина талантъ, не токмо въ Риме, но всему и въ Херсоне, еще и въ Рустемъ мире, ркуще къ нему: мученикомъ похвала, святителемъ удобрение и неподвижимое основание церкви Христовой, ейже врата адова не удолеютъ, и присный заступниче стране Рустей, и венче преукрашенный славному и честному граду нашему и велицей митрополии же мати градомъ; тобою Рустии князии хвалятся, святители ликуютъ, иереи веселятся, мниси радуются, людие добродушьствуютъ, приходяще теплою верою къ твоимъ Христоноснымъ костемъ, святыню почръпающе и хваляще Бога, възвращаются во свояси, освящающа домы и храмы и телеса своя кроплениемъ, и мажющася и пиюща, приемлютъ здравие душамъ и теломъ твоими честными молитвами. Темже по истине всехъ градъ славне, имея всечестное твое тело, и весело играетъ [110] хвально воспевая, якоже бо небо другое на земли истинно показася, владычня матере церкви божественная, въ нейже по истиньне честное твое тело лежа, аки солнце просвещаетъ вселенную. О Апостоломъ сопрестольниче, Ангеломъ равночестне! Беси прогоними бываютъ и недузи отбегаютъ, рати безъ успеха възвращаются, и еретицы проклинаются, преславная же вера възрастаетъ наипаче, тобою обилне наполняющеся, благоденьствуемъ греховъ прощение тобою угодниче Христовъ, надеемся получити о уповании жизни вечныя, юже буди намъ наследовати, все пристрастие отложащимъ, обоюду же добродетельми готовящимся. Но якоже сохранилъ еси отъ бессолньчныхъ зверий нападения отроча въ мори, тако и любящая тя отъ невидимыхъ зверий наподания въ мире сохраняй, христолюбивому же и верному князю нашему полезная испроси, да къ нынешнему добропребыванию вечныхъ благихъ сподоблени будутъ. Тако прародителескъ добродетели обещникъ, церковь твою обновляя, якоже бо сего благороднаго благоверный праотець христолюбивый сий, по истине же мучениколюбецъ, со многимъ потщаниемъ, пребольшею верою, оттуду бо дозде любезно и благочестно принесе твоя пречестныя мощи, на освящение и спасение себе же и всему роду своему, рекъ же и стране нашей, якожъ и веруемъ. Тако и тый и апостольский подобниче Клименте, тою изчадие, где добро управлей, отсюду же со всеми на небесная обителища принеси, сиа убо, о преподобниче! молимъ твоимъ ученикомъ обрестися. Ныне же убо да веселуется, старейшинъствуя въ князехъ, яко блаженъ есть во истинну обладая скипетры твоими молбами, яко имея присно собою. Радуется старейшинствуя въ святителехъ, яко блаженъ есть прикасаася твоея святости и люди верныя освящая. И да ликоствують гражане старейшинствующаго во градехъ града нашего, яко блажени суть твоимъ заступлениемъ и яко суща воини с тобою. Да празднуетъ светло блаженный твой клиросъ, яко старей всего клироса твоимъ ходатайствомъ, яко и свойствене тебе служа, да торжествуютъ красне чтущи твою паметь верою и любовию, яко вложени суть милостыню нищимъ, яко ти помиловани будутъ. Треблаженъ по истине ты явился, Клименте, иже за Троицу пострада, и тако научивъ створити; того ради Господомъ великъ наречется намъ недостойнымъ, ихже бо являемо любиши своего блаженства богатно даруя, отче честный, подобя своему владыце Христу, любовно приемля, яко убогия вдовица съ похвалою две медницы худоразумныи и грешныи душа верою принесеное, яжа детища собрахомъ, худе твою великую хвалу чтуще. Ты же свыше посещай насъ милостию, яко достигъ обещанныхъ благъ, яже уготовалъ есть Богъ любящимъ его. По истине блаженъ еси! того ради вся ны схрани тебе любяща, [111] и отци бо суть чадолюби, не гнушаются младенъствующихъ при разуме и губнующи 69 языкомъ, но паче любятъ и присвояютъ; того ради непотребныи языкы врагъ ныне понуженъ, благороднымъ богочетцомь отъ многа мало налисавъ, аще не починувъ 70, яко грубъ сый, но надеяся твоимъ честнымъ мольбамъ, архиерею честный Христовъ, и сподоби ны всегда съ всеми блазеугожешими тамошнихъ добротъ бессытости присно насыщатися. Мы же ныне единодушно, по твоего гласа учению, славу и благодарение возсылаемъ даровавшему тебе разумъ, богозванне, и веру соблюсти и течение свершити и отъ бедъ избавляти, ныне имя буде благословено самого владыки, единопреблагаго Бога нашего, въ Отце и въ Святемъ Духе славимаго, ныне и присно во вся безконечныя и непроходимыя веки невечерняго дни въ векы векомъ, аминь.

Комментарии

1. В ркп. разделено карандашом: дева я.

2. На полях карандашом: Неронова.

3. В ркп.: учинениемъ, но зачеркнуто чернилами.

4. В ркп. первоначально: спрашаша; исправлено чернилами.

5. В ркп. отдельно; соединено чернилами.

6. Так в ркп. Должно быть: възревнова.

7. На полях карандашом: аминь.

8. ю исправлено карандащом из у.

9. В ркп. господином; ин зачеркнуто карандашом.

10. Второе т исправлено из другой буквы.

11. … исправлено чернилами из

12. … исправлено чернилами из и.

13. В ркп. ……. исправлено карандашом.

14. В ркп. …. Первое Си добавлено сверху карандашом.

15. тчю зачеркнуто и вновь написано карандашом. Должно быть притчю.

16. з исправлено из с.

17. Следует читать: но си.

18. ю исправлено из у карандашом.

19. В ркп.: ели; исправлено карандашом. Должно быть: елико.

20. В ркп.: въ; исправлено карандашом.

21. ь исправлено из ъ карандашом.

22. емуже подчеркнуто карандашом.

23. На полях карандашом добавлено: тьму.

24. В ркп. мраморне; исправлено чернилами.

25. В ркп. первоначально с нимъ; исправлено карандашом. На полях правильное чтение: Сисину.

26. В ркп. Синова; разделено карандашом. На полах правильное чтение: Сисину.

27. Отсюда и до лл. 118–118об. на полях частично сохранились разночтения по Мучению из полях частично сохранились разночтения по учению из [ВМЧ] Успенского собора.

28. Должно быть: Сисинови.

29. В ркп. Инерува; исправлено карандашом. Должно быть: Нерона.

30. Следует читать: съ Пуелмторку Атнанъ. Более правильное чтение: кумосъ [Пунли Торкуатианъ] [(κομης ΠουβλιοςΤορκυτιανος)].

31. В ркп.: безъ; исправлено карандашом.

32. В ркп.: чистъ; исправлено карандашом. Более правильное чтение: чистъ.

33. Е вставлено карандашом.

34. В ркп.: духовнымъ. Духо карандашом взято в скобки, сверху – точки (..внымъ).

35. Далее в ркп. пропуск в несколько букв. Должно быть: известъныя.

36. Далее в ркп. пропуск в несколько букв. Должно быть: Тогда.

37. Так в тексте. Следует читать: написа, реки. Далее в ркп. пропуск в несколько букв. Должно быть: достоить.

38. Далее в ркп. пропуск в несколько букв. Должно быть: молится.

39. В ркп.: все; исправлено карандашом.

40. Сверху карандашом вписано: раменехъ. Следует читать: на рамехъ (раменехъ).

41. В ркп. слитно. Исправлено карандашом.

42. е исправлено чернилами из ь.

43. Должно быть: градъ Божий.

44. Сверху карандашом добавлено: отхожаху.

45. Так в тексте. Следует читать: бысть в нихъ.

46. Цифры 50, 10, 5 (должно быть: 50 и 5) вписаны карандашом в оставленное место.

47. к исправлено чернилами из ж.

48. в исправлено чернилами из к.

49. Должно быть: якорь.

50. На этом текст Мучения св. Климента заканчивается; далее следует рассказ о чуде над отроком.

51. В ркп. отдельно; соединено карандашом.

52. щ исправлено чернилами из зч.

53. Должно быть: утроба рыбъ гробъ тебе бысть.

54. Второе о исправлено карандашом из а.

55. В ркп.: своей; й зачеркнуто карандашом.

56. Подчеркнуто карандашом. На полях карандашом: NB (лигатура).

57. Должно быть: питатель.

58. В ркп. отъ; тъ зачеркнуто карандашом.

59. В ркп. ества; первое ест добавлено сверху карандашом.

60. Должно быть: но.

61. Должно быть: не.

62. В ркп. естве; первое ест добавлено сверху карандашом.

63. Этим кончается заимствование из греческого сказания о чуде; далее следует собственно русское заключение.

64. Первое ю исправлено из у; ъ добавлен карандашом.

65. ъ исправлен карандашом из е.

66. На этом рукопись обрывается. Последующий текст, в квадратных скобках, до слов «велелепному имени», приводится по тексту Чуда о отрочати (ГБЛ.Тр № 39. Л. 99; Лавров П. А. Жития... С. 44).

67. На поле, внизу листа 123об. стоит пометка карандашом: NB (лигатура) Солнце? со знаком вноса, вероятно, в рукописи XVI в. зто слово отсутствовало.

68. Далее публикуется окончание Слова по изданию М. А. Оболенского в «Киевлянине» ([Кн. 3.] С. 144–147).

69. Ю.К. Бегунов исправляет на гугнующи. (Ук. соч. С. 36).

70. Ю. К. Бегунов исправляет на по чину. (Ук. соч. С. 36).

 

Текст воспроизведен по изданию: "Слово на обновление Десятинной церкви" по списку М. А. Оболенского // Архив русской истории, Вып. 1. 1992

Главная страница  | Обратная связь
COPYRIGHT © 2008-2021  All Rights Reserved.