КАЗИМИР IV

Устав Казимира, Короля Польского ¹

Казимир Божию милостию Король Польский, Beликий Князь Литовский и Русский, Княже Пруское в Жомонтоскый и иных. Чиним знаменито сим нашим листом. Это как посмотрит или чтучи услышит. Ижь мы с Князьми и с Паны Рады нашего Велыкого Князьства Литовьского и с всим поспольством согадавши оурядили семо так што слицом приведут татя: Будетли чим платити ино заплатити истинну. Пакли чого оу домоу не будет. А будетли то жона ведала здетми оужо и зрослими жоною и детми заплатити самаго нашибеницю. А што боудут малыи дети ниже семи годов тыи (sic.) втом невинно. Пакли злодей неимети будет чим платити ино и лица оу двор не имать. Ворошити истсцю оу кого оукрадено. И просокы [145] половину вергнути а злодеа на обешение, a просока по старому. А вкого будет украдено што судьи пpисудят. Ино право заплатити истьцю а потом исподарь тати тою вину свою бери, а коле выдадут жоноу любо дети татиный. А оу колце судьи скажют, а потом возможт ли ся вину пити а любо Осподарь их усхочет выкупити и они могут ее выкупити. А боудет ли того дому старых татя того и он домовыми статны плати. Олидобы не было чим платити здому ино жоною и детми платити как у верхоу писано. А коли бы злодеи што оу кого оукрав, а и где украдено, там его оухватят слицом о он удом не принил, жона и дети того не поживали, злодей терпи а жона и дети и дом их невинен. А коли злодей издому оукрадет што и потеряет а либо што извест, о кроме жоны и детей, или домовыми статкы, што того татя влосное заплатити, а жона и дети и статкы женки от того порожия. А коли человек оузлодейств оупадет, а будет сподарь его тое ведал, а любо и сним оудел имел, а боудет на то довод и тот так терпит как который злодей. А которы боудет лежни держати оу своем дому тайно, a суседно околници не оповедаст, а втом часоу што оу кого изгинет, а боудет на то давать аже лежьни дряжал: ино дати томоу ран другим и третии, ижбы того лежня поставил а их себ извел. А пакли на ран на последнии не поставил, заплатит, а того ищи, а нашод и праву поставити, недеи исправляется, а то оуже заплачено. А коли бы наш чедовек а виноу дал Князькому, или Паньскому или [146] Боярскому чоловеку, а в котором повеше над нашим ли наместничеством, или Тивуньством, и нашему Наместнику, а любо Тивоуноу обослати ижбы нашему человеку сталися право, а пакли оусхочет на обши след ино им на обши суд пустить и ран дати. А боудетли на нашом человеце, Князькый или Паньскый или Боярскый люджи чого искати ино тому соуд а право пред нашими наместникы и шивоуны, который от нас где дрожат. А нашим оурядником даши право на обе стороны. А которому человеку Князькому или Паньскому или Боярьскому до Князькых и до Паньскых или до Боярскых людей дело ино это ищет на ком. Eхати ему искаши правом пред Осподарем его, а не оуделает ли права ино обчии суд ран положив со обоу сторон, а вожды оуделати и справедливости. Пакли будет некоторыи отводити, ино нам дати децькою, а коли злодея выдадут исправа, а чем его оузымят казнити по его делом. А кому татя выдадют, а тот не оусхочет его казнити, а оусхочет на нем заплатоу побрати а его пустити, а любо его собе вневолю взати, а на то будет довод, то тоуже исправя выступает и нам и спаны радою нашею, Великого Князьства Литовского, о том погадав как его казнити, а исказнити его чого будет достоин, а над злодеем милости не надобе. А хто оукрадет выше полукопья, а любо каровоу того оузвечиши. А который первое оукрадет, а дотуля будет некрадывал, ино за первую татьбу виною его казнити, аже будет ниже полтины, домовыи речи крал, домовымиж речьми платити, хотя [147] пан первее оукрал, ано его обесити. А который хотя первое оукрал, а паньская тотьба коня оукрал слицом приведоут того узвесити. А коли татя привдут и на кого сон усочит, а домоучатся татьбы, а боудет перво того крадывал и кому плачивал, а околица та будет выдать и безлица обесити. А пакли сон усочит на того а лица не будет, a перво будет, оукрал. И околица будет первое его злодейство ведати, а будет никому не плачивал, ино платити ему татбоу истьцю и виину. А смертною виною не казнити коли тать дасться на муку зелие злое а знатникы будут добрыи на него, сон усочит, а будет первее и того крадывал, а либо мучивал, а исведомо то околици, ино того зелейника хотя не домучатся, ино его обесити. А коли если паробьки оукрадут што оукого. А как оусем листу верху писано, как за которую татьбу казнити, коли первое украдет ино его не вешати и заплатити бондою его, а не будет бонды, ино Осподарь за него заплатит, а паробка сказнити и пробити, а коли имел часто красти после того выше полукопья, ино его оузвесити. А також кому будет до кого какое дело боудет земно дело ино езданы побрати. А боудоут иныи которыи дела, ино судьи побрати, а искати правом а порубов и наездов не надоб никому же чинити. А которыи бы сами собе порубы делали, а либо наезды и чинили, ино комоу сталася кривда тот имает ся нам жаловати. И пакли не пригодится нас у Велком Князьстве Литовьском, и он имает паном раде нашой жаловати. И велети пред [148] собою моцво поставить. А и досмотреть боудет-ли то того чиним. А оусадити его оуказнь и держати до нашего исчастного приехания бо тот исправа земьского. А над права сягнул как верху писано, мы пань саем ся с паны радою нашою Великого Князьства Литовского смотрим того, какою казнью того казнити. А коли бы два мелися правовать а озьмоут собе ездокы и соуди, ино оучинити им рон, а дати ведомо за чотыри недели, штобы ся оба два згатовили атомоу рану перед тыи судьи, судьям и ездоком там выехати на реченое местеце. А которыи бы из двоу тых сутяжаев, не выехал тот без суда виноват, а которыи выехал того оправити втом чого будет искати. И аж коли пригодилася бы нашя земьская слоужба, а либо болесть тым того неистратить. А коли бы хто коня а любо клячю знашол блоудящюю, или иныи которыи речи изнайденыи, споведати околици неизнайдет лица истец до 3-х днов ино повести на Королевскый Двор но давномоу до переемь свой возми. А пакли которыи утаить восхочет собе покорыстовать а боудет на то довод, тот такый злодей как который будет люди выводити, а любо челядь невольною, а уватят слицом, того нашибеницю, а изнайдетли сон, ино томоу право, как у сем листу верху писано потому его судити. А також где которыи мосты мощивали, за дядю нашего Великого Князя Витовта и за Великого Князя Жигимонта, ту бы в нине каждыи свои мостоници замостили и заделали как надобе, а штобы не мешкали сегож лета уделали. А на чьей делницы [149] щекота ся станет, образить ногу изломить, томоу платить. А пакли которыи незаделают своих дельниц сего лета, а исплотить тот исправа выступил, на том нам вины десять рублев. Протож како у сем на том листу выписано, по тому бы есте листу рядили.

А истого не выступали ².

Комментарии

1. Списанный одним из знатоков древностей Русских и Польских, и важный для Истории нашей Юриспруденции. Мы за долг почитаем благодарить почтенную особу, доставившую сей любопытный акт для помещения в Телеграфе. Изд.

2. Выписано из находящейся в Румянцовском Музее Кормчей книги (№ 3, в конце. В сей-же Кормчей находится и хороший список Устава о судах церковных). Не это-ли узаконение называет Г-н Воcтоков (Рассуждение о Славянском языке, в ч. XVII Трудов Общества Любит. Росс. Словесн., стр. 48 и сл.) Судебником Казимира (IV) Короля Польского, принадлежащим Графу Н. П. Румянцову? Но Г-н В. приводит из Судебника некоторые слова, коих здесь нет, как то: Судебник, Судомир.