№ 87

1536 г, сентября 14. Ответное послание ("отпис") Сигизмунда I гетману Ю. М. Радзивиллу: о полученном из Москвы послании князя И. Ф. Оболенского; о том, чтобы гетман не распускал войско до королевского приказа; о встрече московского посланника и о других вопросах.

/л. 1 (84)/ Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману нашому навышшому, старосте городенскому, маршалку дворному, державцы лидскому и белицкому, пану Юрью Миколаевичу Радивилу.

Поведаем твоей милости, иж есмо з ласки Божее поспол с королевою нашою ее милостью и з сыном нашим, молодым [191] королем и великим князем Жикгимонтом, и с королевною их милостью в добром здоровьи.

Што пишеш(ь) твоя милость до пас, поведаючи, иж принесен к твоей милости лист на день нароженья панны Мареи в пятницу от маршалка нашого, державцы Мстиславского князя Васил(ь)я Андреевича Полубенского, в котором же листе своем он выписуеть о тых новинах, што к нему с Кричова пришли. Ино твоя милость оный лист его до нас своем в листе послал; и при том который лист дал твоей милости подстолий наш пан Никодим от князя Ивана Федоровича Оболенского, до твоей милости писаный, и твоя милость, оного листу не розшиваючи, такеж к нам прислал. Мы тот лист князя Иванов Оболенского казали перед нами вычести и инших листов, которыи до нас твоя милость послал, выслухали и всим речам с писанья твоее милости зрузумели. И што ся дотычет оного листу князя Иванова Оболенского, мы зася его до твоее милости шлем в сем нашом листе.

А што ся теж ткнеть ¹ писанья твоее милости о войско нашо, иж которыйи поветы давно з домов своих на службу нашу приехали, тыи вжо далей трывати не могуть. А иншии без ведома твоее милости з войска проч ся роз(ъ)еждчають, а иншии теж послушенства к твоей милости не мают, в чом же от нас жедаеш(ь) твоя милость науки, естли бы вжо мело тое войско нашо роспущено быти, або ни. Ино нам ся видело, жебы твоя милость ещо войска не роспущал и пред ся бы там на том местцы, от нас зложоном, мешкал и доброго нашого смотрел, яко на верную раду нашу прислушить; и сам бы твоя милость не рачил оттол(ь) ся рушати, ани войска до домов их роспущати до науки нашое. А ведже естли бы хто, будучи у войсце, не хотел к твоей милости послушенства мети и без воли твоее милости мел оттол(ь) от(ъ)еждчати, на таковых маеш(ь) твоя милость особливую науку нашу, в уставе военной в себе выписану, подле которое ж рач(и) ся твоя милость в том справовати. /л. 1 (84) об./

К тому, што писал твоя милость до нас за служебником своим Семашком, иж позвано их от нас ку бранью пенязей за поля, и сеножати, и млын войтовства луцкого и о положенье твердостей их, которыи бы они на то в себе мели, о чом же широко твоя милость в листе своем к нам выписуеш(ь), яко оныи поля и сеножати и млын в руки их пришол и которым обычаем на себе они то держать; и рад бы оный служебник твоее милости сам до нас ехал, леч(ь) твоее милости для попису войска [192] нашого и справы военное, и речей пришлых от себе отпустити его не видело; и жедал твоя милость нас, абыхмо тую реч(ь) аж по службе земской им отложили. Ино рач(и) твоя милость ведати, иж не одны они, але и иншии многии в той речи перед нас суть на рок позвани, и естли быхмо для него на иншии часы мели тую реч(ь) откладати, тогды бы и другии того ж ся по нас напирали. А ведже мает он матку и брат(ь)ю свою, а так нехай кому з них реч(ь) свою поручить, або прокуратора от себе моцного к тому року позваному пришлеть и черес него права твердости свои на оныи поля, и сеножати, и млын войтовства луцкого перед нами положить, бо нам ся не годить ку продолженью и шкоде речи нашое того отдаляти.

А што писал твоя милость до нас о посла московского, который до нас идеть, жебы по дорозе у панстве нашом участность была ему чинена, ино мы послали там дворянина нашого князя Федора Соломирицкого, и вжо подобно до того часу он там есть. Твоя милость рач(и) о том ведати.

Писал у Волкиникох под лет Бож(его) нарож(енья) 1536, м(есе)ца сент(ебря) 14 день, индикт 9.

Ф. 293. Д. 111. Подлинник. Двойной лист: (21,5 + 21,7) х 32,1 см. Нумерация (коричневыми чернилами, XVIII вв.?): в правом верхнем углу каждого листа – числа, соответственно, 84 и 85; в левом нижнем углу на л. 1(84) другими чернилами – 64.

Водяной знак на Л. 1(84) – кабан; подобный см.: Piccard. Wasserzeichen verschiedene Vierfuessler, Abt. II, № 75, 76 (1533 – 1534); отдаленно подобный (деформированный знак): Lauceviиius. № 3666 (1535 г.). На обороте л. 2(85): У правого края – красновосковая печать (диам. прибл. 3,2 см) под кустодией, с изображением герба ВКЛ ("погоня"). Рядом – скрепа: Михайло писарь. В центре — адрес (тем же почерком и чернилами, что и основной текст): Пану виленскому, гетману навышшому, старосте городенскому, маршалку дворному, державцы лидскому и белицкому, пану Юрью Миколаевичу Радивилу. Ниже, отступя: Отпис. Между этими двумя надписями – аннотация по-польски: List krola Zygmunta do P. Jerze(g)o Radziwila, Hetmana W° X^a L°, o listy od wiezniow у voiska rospussczienie. Anno 1536 septembris 14.

Комментарии

1. В ркп.: ктнеть.