№ 76

[1535 г.] июля 22. Послание подскарбего земского Ивана Горностая гетману Ю. М. Радзивиллу о том, как восприняли при дворе известие о взятии Гомеля, и о других придворных новостях.

Велможный пане, господине и добродею мой великий, /л. 1 (4)/ мне особливе ласкавый! Здоровье, сщастье и всего доброго розмноженье твоее милости, пана и добродея моего ласкавого, поспол с твоее милости панею и з Богом данными детми ваш(ое) милости рад бых слышал на кождый час.

Што твоя милость рачил прислати до господаря его милости с таковою доброю новиною, оповедаючи его милости ласку Бож(е)скую и верную послугу свою, иж ваша милость Гомей взяли; которую ж новину его милость слышачи, невымовне был тому вдячен, и с того есмо вси Бога милосердого хвалили, а звлаща, иж твоя милость таковую верную а пилную хтивую послугу в том с себе оказал и там наперед иных ся поспешил. Што его милость господарь велми рад слышал, и неприятели твоее милости то слышачи, поникли очима своими и таковыи звяги вси первыи, што несправедливе о парсуне твоее милости хотя будуть и плодили, перестали. А так, Боже сотворителю, дай вперед его милости господарю нашому таковую фартуну и вашой милости звитяженье над неприятели его милости, абы ваша милость частокроть с таковыми вестьми до господаря его милости присылали. [168]

А иншого, милостивый пане, писати нечого: у двора господарьского жадных новин нет. А мы здеся при его милости едучи, горюем: часом стоим в лазнях, а иногды у свинарнех, за таковою доброю справою пана Петра того Белого, который рад нам тую легкость завжды выряживати и поведает, иж ваша милость на тот час ему и маршал(ь)ство дворное полецыл. А так лепшии господы роздает прачкам-курвам, нижли нам, врядником земским, чого ся /л. 1 (4) об./ и Бог милый пожал таковое легкости земское. А так мусим то на тот час ради и не ради терпети до ласки Бож(е)ское и приеханья ваш(ое) милости. А пан воевода, господине, виленский вернулся от господаря его милости з Радуни. Твоя милость рачи о том ведати. С тым ся ласце твоей милости панской полецам.

Писан у Вилни июля 22.

Иван Горностай, подскарбий земский, низ(ко) члом бьеть.

На обороте: остатки красновосковой печати. В центре получившегося конверта – адрес (тем же почерком и теми же чернилами, что и основной текст): Велможному пану господину и добродею моему ласкавому, пану Юр(ь)ю Миколаевичу Радивилу, пану виленскому, гетману навышшому великого князьства, старосте городенскому, маршалку господарьскому дворному, державцы лидскому и белицкому. Ниже – аннотация по-польски: List Р. Jwana Hornostaia, Podskarbie(g)o W^o X^a L^o, do P. Jerze(g)o Radziwila, Hetmana W^o X^a L^o, po wzieciu Homla. Ниже (другим почерком и другими, бледно-коричневыми чернилами) – архивный шифр XVIII в.: № 40. Fasc. 2. Woiennych.