№ 73

1535 г. июля 22. Ответное послание ("отпис") Сигизмунда I гетману Ю. М. Радзивиллу на его донесение о взятии Гомеля (с припиской о данном подскарбему Ивану Горностаю распоряжении послать гетману селитру, порох и ядра для пушек).

/л. 1 (81)/ Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману навышшому великого князьства, старосте городенскому, маршалку нашому дворному, державцы лидскому и белицкому, пану Юрью Миколаевичу Радивилу.

Поведаем твоей милости, иж есмо з ласки Божее поспол с королевою нашою ее милостью и з сыном нашим Жикгимонтом, королем и великим князем молодым, и с королевною их милостью тых часов в добром здоровьи. [163]

Што твоя милость писал до нас, оповедаючи нам ласку Бога милосердого, которую его насветшая милость за справедливость нашу вчинити рачил и замок наш отчизною панства наш(о)го, великого князьства Литовского, Гомей, который первей того несправедливе от неприятеля наш(о)го Московского есть взят, зася в руки наши дал. И пишеш(ь) твоя милость, иж сам твоя милость приехал к Гом(ь)ю во второк, а пан гетман Коруны Польское и пан калишский – назавтрей, в середу; нижли того дня дела наши еще были не пришли в тот час з их милостью порану; аж у вечере драби и дела пришли. А так в середу весь день з дел твоее милости на замок стрел(ь)ба была. А потом с середы на четверг всю ноч(ь) и в четверг мало не весь день з наших дел стрел(ь)бу чинили, гдежь князь Дмитрей Оболенский и вси люди, которые на том замку с ним были, видячи добрую справу вашое милости, панов гетманов наших, и таковое моцное а сильное прихоженье войска нашого за справою вашое милости, далей того на том ся замку боронити не могли и вышли к вашой милости, а его вам подали; который же замок з Божею помоч(ь)ю без великое шкоды в людех к рукам нашим господарьским пришол.

Которую ж ласку Бож(е)скую мы слышачи, с того его св(я)тую милость хвалим и естесмы тому велико вдячни, /л. 1 (81)/ а твоей милости пану раде и гетману нашому высоце дякуем, иж твоя милость таковую хтивость в послугах наших господарьских и речи посполитое земское маешь и там под тот замок сам своею парсуною, не лютуючи горла своего, еще вперед пришол, гдежь тот замок таковым способом и доброю справою вашою есть в руках наших господарьских. Которая ж верная а хтивая служба твоее милости, дали Бог, часов пришлых будет твоей милости от нас отдана ласкою нашою господарьскою, яко пану а раде нашому. И вперед жедаем твоее милости, абы твоя милость, поспол с паны гетманы польскими, поступуючи межи собою згодливе, таковою ж справою и под иншии отчизныи замки наши северскии, несправедливе от того неприятеля наш(о)го забраныи, подходили и их моцным способом доставали, яко быхмо мы з Божею помоч(ь)ю и за доброю справою вашое милости, гетманов наших, зася в руках наших господарьских их мели. И што ся такового вперед там у войску нашом водити будеть, о том бы ваша милость нам ведати давали и нас без вести не держали.

Писан у Василишках под лет Бож(его) нарож(енья) 1535, м(есе)ца июля 22 день, индикта 8. /л. 3( 83)/ [164]

¹ А што твоя милость писал до подскарбего земского пана Ивана Горностая о салетру и порох, и о кули к делом нашим, ино мы росказали ему там ку твоей милости послати тыи вси потребы: салетру, и порох, и кули, и свинец; и с тым дворянина наш(о)го Щастного Толочкевича велели есмо отправити, гдеж што чего послано, то черес него в листе нашом есть до твоее милости писано. Твоя бы милость о том ведал.

Нумерация листов (коричневыми чернилами, XVII – XVIII вв.?): в верхнем правом углу каждого листа – числа, соответственно: 81, 82 и 83; в левом нижнем углу (другими чернилами) на л. 1(81) – 62, на л. 3(83) – 63. Водяной так на л. 1(81) – корона (тиара); близкий см.: Piccard. Die Kronen-Wasserzeichen. Abt. IX. № 72a (1533-1540 гг.). На л. 3(83) – фрагмент того же знака.

На обороте л. 2(82): У правого края – красновосковая печать (о ?3,2 см) под кустодией, с изображением герба ВКЛ ("погоня"); рядом скрепа: Горностай подскарбий зем(ский). В центре получившегося конверта – адрес (тем же почерком и теми же чернилами, что и основной текст письма): Пану виленскому, гетману навышшому великого князьства, старосте городенскому, маршалку нашому дворному, державцы лидскому и белицкому, пану Юрью Миколаевичу Радивилу. Ниже, отступя: Отпис. Между этими двуми надписями – аннотация по-польски: List Krola Zygmunta stare(g)o, pisany do Pana Jerze(g)o Radziwila, Pana Wilenskie(g)o, Hetmana W° X^a L°, wdzieczny bedac, ze on Zamek Homel od Moskiewskie(g)o odyskal, ktуry wzial bez szkody w ludziach. A(nn)o 1535.

Комментарии

1. Приписка на отдельном листе-вкладыше.