№ 58

1535 г. июня 3. Лист Сигизмунда I горвольскому наместнику Б. Шалухе и волостному старцу о посылке людей под Гомель для строительства там крепости после взятия города литовским войском.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Наместнику горвол(ь)скому пану Богдану Шалусе и старцу и всим людем волости Горвол(ь)ское. Тых часов отпустили есмо от нас гетмана нашого великого пана Юр(ь)я Миколаевича Родивила и з ыншими гетманы, и з войски нашими великими, и з делы в землю неприятеля нашого Московъского на Северу и [140] казали есмо им, Бога вземши на помоч, замъков наших отчизных северских добывати. И естли б Бог милый да помог напервей замку Гом(ь)я достати або огнем его спалити, приказуем тобе, ажбы еси того часу, как гетман нашь великий пан Юр(ь)и его милость ¹ листом тебе обошлеть, ты бы обрал с тое волости Горвол(ь)ское двадцать ч(е)ловеков добрых с топоры, которыи бы мели тот замок Гомей зарубити, и там их послал, жебы люди московскии не впередили а зася того замку Гомъя не заробили, и паки теж войски наши оттол(ь) з земли не выйдут. А ты бы, старче, того часу тых людей двадцать ч(е)ловеков с топоры с тое волости выгнал и жадного дня не умешкал. А иночей бы еси того не въчинили.

Писан у Вилни под лет Бож(его) нарож(енья) 1535, м(есе)ца июня 3 день, индикт 8.

Под текстом – красновосковая печать (диам. прибл. 3 см) под кустодией, с изображением герба ВКЛ ("погоня"); справа от нее скрепа: Горностай. Водяного знака нет.

Нумерация (темно-коричневыми чернилами, XVIII в.?): в правом верхнем углу – 68, в левом нижнем. – 50. Лист был сложен в виде пакета.

На обороте: в центре – аннотация беглой скорописью по-польски (XVI в.): List Krola Zygmunta do Bohdana Szoіuchy, dzierzawcy Horwolskie(g)o, у do starca toj wlosci, zeby, gdy P. Jerzy Radziwil Zamek Homel wezmie albo spali, dali ludzi na zarobienie te(g)o Zamku. A(nn)o 1535 ².

Комментарии

1. В ркп. ошибочно: милости.

2. Год в ркп. подчеркнут.