№ 38

[1534 г.] августа 1. Копия вестового листа полоцкого воеводы Я. Ю. Глебовича Сигизмунду I о прибытии в Дубровну бежавшего из московского плена жолнера Войтеха (посылаемого вместе со списком его "речей" к королю), с изложением разведывательной информации о положении на границе, планах великолуцких воевод и о посольствах, побывавших в Москве.

/л. 1 (37)/ Копея з листу воеводы полоцкого.

Наяснейший милостивый господарю! Поведаю вашой милости, господарю нашому милостивому, иж до замку моего Дубровенского прибег з Москвы жолнер в середу перед святым Якубом, именем Войтех, который поведает, иж взят у Смоленска на он час, як еще отець мой Смолнеск держал; которого ж врядник мой дубровенский ку мне прислал. Ино як давно з Москвы вышол, и на которыи месца шол, и которыи речи передо мною поведил, – то все списавши на особном списку, в сем листе моем зашитом, ку вашой милости, господарю нашому милостивому, послал. Поспол с тым самим жолнерем шлю, с которого ж списку и з его теж устное повести тым речам рач(ь)те, [97] ваша милость, господарь наш милостивый, добре зрозумети. А другий список, в тое ж слово, его повести послалом к Менску, до пана гетмана и до панов их милости.

Теж, милостивый господарю, мам за то, иж есть памятно вашой милости, господарю наш(о)му милостивому, што есми, будучи у вашой милости, вказывал вашой милости лист чернца заволоцкого, который до мене писал о справе земли неприятельской, мешкаючи в той волости Заволоцкой, о которой есми не однокрот до вашой милости писал, иж у сторону московъскую и з ыншими некоторыми волостми вашое милости полоцкими привернена. А так воеводы луцкии, доведавшися на того чернца о том ку мне писанью и пославши, казали его за то поимати; которого ж на Луках держали, алиж его тепер(ь) на присягу его, перед святым Якубом за чотыри недели, зася к церкви его заволоцкой отпустили. И я, того доведавшися, а хотячи от него о способе неприятельском ведати, и сослалом козаков на него, которого жь козаки, поимавши, до мене привели. А тот чернец в Заволоч(ь)и в дому, з Лук пришодши, не был тол(ь)ко тыидень; /л. 1 (37) об./ который же ничого иншого не поведает, одно поведил, иж на Луках люди суть тыи ж, о которых есми ку вашой милости вжо не однокрот писал. А к тому, што есми ку вашой милости писал о людex, которыи в Порхове лежали з Михаилом Воронъцовым, поведаючи, же ся с Порхова рушили до Лук, – ино тот чернец поведил, же слышал, иж тым людем не казано еще до Лук ехати, але казано деи им стати межи Ржова и Лук, стерегучи, жебы от вашое милости людей которое шкоды тым волостям их не было; и с тых же деи людей послали до Острея полтораста голов для сторожи: скоро деи послышат о войску вашой милости, где ся обернет, там деи напротив войска вашой милости тыи вси люди мают ити.

А здеся с стороны их у сторону вашое милости земли Полоцкое никоторых зачепок не чинят, а мы теж им не чиним, водле росказанья вашое милости господарьского, которое есмо первей от вашой милости, господаря нашого милостивого, мели, а и тепер(ь) через лист князя бискупа его милости виленского маем. И ваша милость, господарь наш милостивый, рач(ь)те о том ведати и нам науку свою господарьскую дати, естли так маем здеся без зачепок мешкати.

Писан у Полоцку август(а) 1 день.

Наменший слуга ваш(ое) милости, господаря нашого милостивого, [98] Ян Юр(ь)евич Глебовича, низ(ко) ч(ело)м бьет. /л. 2 (38)/ Списан с списку воеводы полоцкого.

А к тому, милостивый господарю, поведаю вашой милости, господарю нашому милостивому: кгды-м вжо тот лист ку вашой милости, господарю нашому милостивому, написал, въсказал ку мне шпекг мой, которого на границы московской маю, поведаючи, што теж через него наказал ¹ один москвитин, который ми завжды о способе неприятельском дает ведати, оповедаючи, штож был на самой Москве, а при нем приежчал до Москвы посол от Ослама-солтана, которого ж деи пятого дня з Москвы отправено; а волоский деи теж посол приехал, але не ведает, с чим: бо тот москвитин поведает, иж в тот час з Москвы выехал, як тот посол волоский там приехал; а люди, поведает, по всим городом московским водле того, яком о том в первых листех до вашой милости вжо не однокрот о них писал. Ваша милость, господарь наш милостивый, рач(ь)те о том ведати.

Ф. 293. Д. 84. Список XVI в. Двойной лист: (21,2 + 21,3) х 33 см. Водяной знак (на первом листе) – корона (тиара), близкий см.: Piccard. Die Kronen-Wasserzeichen, Abt IX. № 23 (1531-1535 гг.). Нумерация (XVIII в. ?): в верхнем правом углу первого и второго листов проставлены, соответственно, числа 37 и 38; в левом нижнем углу первого листа – номер 32. Листы были сложены как для пересылки в конверте (сохранились линии сгиба).

На обороте л. 2 (38): беглой скорописью, коричневыми чернилами аннотация по-польски: List Р. Hlebowiczow do Krola, oznajmiiac co sie dzieie w Moskwie.

Хронологический комментарий

Хотя ни в списке "речей" Войтеха, бежавшего из московского плена, ни в сопроводительном листе полоцкого воеводы, который переслал эти "речи" королю, год не указан, его нетрудно определить по упомянутым в этих документах событиям. Датирующим признаком, в частности, может служить упомянутое Войтехом местонахождение русских воевод: так, пребывание князя Андрея Старицкого с войском в Боровске, а кн. С. Ф. Вельского и И. В. Ляцкого в Серпухове зафиксировано в разрядах применительно именно к лету 1534 г. (Разрядная книга 1475-1598 гг. М., 1966. С. 84). Другой датирующий признак – описание тем же Войтехом строительства земляного города в Москве (будущий Китай-город): летописи относят это событие к маю – июню 1534 г. (ПСРЛ. Т. 8. СПб., 1859. С. 287; Т. 29. М., 1965. С. 12).

Войтех покинул Москву, по его словам, в "четверг, день панны Марии навеженья", т.е. 2 июля, а прибыл в Полоцк, как доносил королю тамошний воевода Я. Ю. Глебович, "в середу перед святым Якубом", т.е. 22 июля 1534 г.

Комментарии

1. После первого слога (на-) зачеркнуты 2 буквы (иа?), затем продолжено: – казал.