№ 30

1534 г. июня 31 (!). Послание Сигизмунда I гетману Ю. М. Радзивиллу с ответом на просьбу о присылке в войско подскарбего с казной, а также по поводу проекта военного устава.

/л. 1 (23)/ Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману нашому навышшому, старосте городенскому, маршалку дворному, державцы лидскому и белицкому, пану Юрью Миколаевичу Радивиловича.

Поведаем твоей милости, иж есмо з ласки Божее поспол с королевою нашою ее милостью, и з сыном нашим молодым королем и великим князем Жикгимонтом, и с королевною их милостью у добром здоровьи. Што твоя милость пишеш(ь) до нас, абыхмо подскарбего с пенязми и с сукны до твоее милости у войско послали, жебы он на той службе земской с скарбом при твоей милости мешкал, – ино што ся дотычеть сланья подскарбего, поведаем твоей милости, иж перед тым николи того не бывало, и никды есмо того не чинивали, жебыхмо коли [85] подскарбего у войско с скарбом слати мели. А так, коли есмо перед тым того не делывали и подскарбего у войска с скарбом не посылали, и тепере теж нам ся того чинити не видить.

Затым што твоя милость писал до нас, яко есмо росказали лист наш о уставу твоей милости дати, которым бы обычаем княжата, панята, рыцеръство, подданыи наши, будучи у войсце, мели ся справовати и яко бы теж твоя милость винных а выступных карати мел; ино бы тот лист уставный не потому был справен, яко бы была его потреба. А так што ся ткнет листу, мы его справити поручили пану воеводе его милости виленскому, яко канцлерю, и мнимамы, иж пан воевода так оный лист справити казал, яко ся /л. 1 (23) об./ годило и як теж обычай того есть.

Писан у Рудникох под лет Бож(его) нарож(енья) 1534,

м(есе)ца июн(я) 31, индикт 7.

Нумерация (XVIII в.?): в правом верхнем углу – номер 23 (коричневыми чернилами), в левом нижнем – 21 (бледно-коричневыми чернилами). Лист был сложен в виде пакета (оборотной стороной наружу) и запечатан.

На обороте: У правого края – небольшая (диаметр примерно 1,8 см) красновосковая печать (перстневая) с изображением польского герба ("орел"), под кустодией. Рядом с ней – скрепа (чернила и почерк те же, как в основном тексте): Михалко писарь. В центре, перпендикулярно к тексту письма, – адрес: Пану виленскому, гетману нашому навышшому, старосте городенскому, маршалку дворному, державцы лидскому и белицкому, пану Юрью Миколаевичу Радивиловича. Ниже, отступя: Отписъ. Между этими двумя записями – аннотация по-польски (беглой скорописью, коричневыми чернилами): List krola Zygmunta do Р. Wilenskie(g)o Radziwila, Hetmana W° X^a L°, о sprawach woienych. A(nn)o 1534. У левого края вверху – архивная помета XVIII в.: № 51. Fasc: 2. Woien(nych).