№ 25

1534 г. июня 20. Лист Сигизмунда I дворянину Дмитрию Богдановичу о починке мостов и гатей по дороге от Молодечна до Полоцка.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Дворянину нашому пану Дмитрею Богдановичу. Што есмо перво сего росказали тобе мосты тою дорогою от Молодечна до Полоцка людми князьскими и боярьскими заробити так, яко бы была потреба, якож ся ты сам поднял тыи мосты, ничого не мешкая, справити. А так тых часов послали есмо гетмана великого з войски на службу нашу на войну, и того есть потреба, абы войски наши никоторые трудности тою дорогою не приняли. Протож и тым-то листом нашим тобе приказуем, ажбы еси того часу, ничого не мешкая, мосты и гати тою дорогою добре справил – так, яко бы была потреба. А пак ли бы еси чим омешкал, и в час тых мостов и гатей не справил, и росказанью нашому досыт не учинил, а естли бы которую шкоду гетман або войско нашо приняло, – ведай певно, иж того всего кажем на тобе смотрети.

Писан у Рудникох под лет Бож(его) нарож(енья) 1534, м(есе)ца июн(я) 20 день, индикт 7.

Под текстом – красновосковая печать (диаметр примерно 3,5 см) под кустодией, с изображением герба ВКЛ ("погоня"); справа от нее – скрепа: Михайло писарь.

Нумерация (XVIII в.?): в правом верхнем углу – номер 20, в левом нижнем – 18 (другими, бледно-коричневыми чернилами). Лист был свернут в виде пакета (видны линии сгиба).

На обороте: архивная помета XVIII в. (бледно-коричневыми чернилами): № 5. Fasc. 2. Woiennych.