№ 24

1534 г. июня 20. Окружной лист Сигизмунда I державцам приднепровских волостей о посылке людей для мощения мостов и починки гатей.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Державцам волостей наших поднепрьских: речицкому, горвол(ь)скому, пропойскому, чичерьскому, могилевскому, любошанскому, свислоцкому.

Што есмо тых часов росказали гетману нашому великому з войски на службу нашу на войну пойти; а так есть того потреба, абы везде по дорогам на тых местцах, где войска ити мают, мосты и гати были справены – так, яко бы гетман наш, идучи з войски, никоторое трудности не принял. Для чогож приказуем вам, ажбы есте того часу, ничого не мешкая, скоро сесь наш лист до вас принесен будеть, кождый з вас у держаньи своем людем тых волостей наших мосты по дорогам казали намостити и гати добре направити – так, яко бы была потреба. И естли теж Бог милый поможет гетманови нашому которых замъков неприятеля нашого Московского добыти, а были л(и) бы которыи огнем спалены, а пан гетман хотел ли бы их зарубити и людми осадити, и скоро его милость вам науку дасть, – вы бы того ж часу людей с тых волостей наших до гетмана нашого великого, пана виленского, старосты городенского, маршалка дворного, пана Юр(ь)я его милость Миколаевича Радивиловича послали, кол(ь)ко его милость вам роскажеть, и в том бы есте жадного сплошенства не мели, конечно. А то вам приказуем под утратою тых держав ваших, абысте иначей того не вчинили.

Писан у Рудникох под лет Бож(его) нарож(енья) 1534, м(есе)ца июн(я) 20 день, индикт 7.

Ф. 293. Д. 65. Подлинник: 21,8 х 32,8 см. Водяного знака нет. На нижнем поле – остатки красновосковой печати под кустодией ¹, справа от нее – скрепа: Михайло писарь.

Лист пронумерован: в верхнем правом углу – номер 17, в левом нижнем – 16. Лист был сложен в виде пакета (на сгибах бумага потерта). На обороте листа: помета XVIII в (бледно-коричневыми чернилами): № 7. Fasc: 2. Woiennych.

Комментарии

1. Кустодия – квадратная полоска бумаги, вырезанная из другой грамоты; на ее внутренней стороне видны слова: [з]доровье, щастье и розмно[женье]...[до]бродея моего весполок... ...ных детек рад бых слышал.