№ 21

1534 г. июня 19. Бланк окружного листа Сигизмунда I о починке мостов и гатей перед литовским войском и о посылке для руководства этими работами господарского дворянина.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Князем и паном, воеводам и старостам, наместником и тивуном, княгиням, паням, вдовам, и бояром, и дворяном, и всим людем нашим тым, которыи мешкают на той дорозе, которая идет ... Што есмо тых часов росказали гетману нашому великому з войски на службу нашу на войну пойти, а так есть того потреба, абы везде по дорогам на тых местцах, где войска ити мают, мосты и гати добре были справены – так, яко бы гетман нашь никоторое трудности з войски не приимовал. Для чого ж послали есмо там дворянина нашого ² ... и приказуем вам, ажбы есте вси князи и панове, княгини, пани и подданыи наши тыи мосты и гати на оных дорогах людем своим заробити и добре их справити казали по тому, яко тот дворянин нашь з волею а наукою пана гетмановою в том росказывати им будет; и штобы есте жадного сплошенства в том не мели и жебы тыи люди чим нарыхлей оныи мосты и гати справили так, яко бы была [75] потреба. А пак ли бы ecтe чим-колве в том омешкивали, а тых мостов и гатей людем своим справовати не казали, мы велели тому дворянину нашому яко наших людей, так и ваших княз(ь)ских и панских к той роботе моцно выгоняти и тыи мосты и гати тою дорогою добре заробити. И приказуем вам под закладом нашим пят(ь)масты копами грошей, ажбы есте тому дворянину нашому в том противни не были и никоторое переказы в той роботе ему не чинили – конечно, абы то инак не было.

Писан у Рудниках под лет Бож(его) нар(о)ж(енья) 1534, м(е)с(е)ца июн(я) 19 день, индикт 7.

На нижнем поле, в середине – остатки красновосковой печати (изображение не видно); справа от нее скрепа: Михайло писарь. Ниже – надпись бледно-коричневыми чернилами (в перевернутом виде по отношению к основному тексту грамоты): Жикгимонт (начало другого документа?)

Нумерация (коричневыми чернилами, XVIII в.?): в верхнем правом углу – номер 14, в левом нижнем – 13.

На обороте листа архивная помета XVIII в.: №... (выскоблено) Fa[sc], 2. Woiennych.

Комментарии

1. Далее оставлено место примерно для пяти слов.

2. Далее оставлено место примерно для трех слов.