№ 9

1532 г. сентября 8. Лист Сигизмунда I гетману Ю. М. Радзивиллу с распоряжением дать управу на его служебника, виновного в ранении слуги (перевозчика) в имении королевы Боны.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману навышшому великого князьства, старосте городенскому, маршалку нашому дворному, державци лидскому и белицкому, пану Юрью Миколаевичу Радивиловича.

Мовила нам королевая наша ее милость и великая кн(я)гиня Бона о том, иж писал до ее милости врадник ее милости жорославский Юрей Зелепуга, штож деи служебник твоей милости Лубницкий после оного розъезду, которое право твоей милости было з ыменья ее милости Жорославки а твоей милости именья Котры, приехал был на именье ее милости Жорославку у сту коней збройных людей а пятдесят пеших; и в тот деи час там одного ч(е)ловека ее милости, перевозника, змучили и зранили, и ледва он жив зостал. Прото мы для того послали там дворанина нашого Миколая Новицкого, и твоя бы милость и на того служебника своего Лубницкого в том бои перевозника ее милости право дал и справедливость учинил без всякое отволоки, и тыи наездки, и бои, и шкоды казал добре оправити и за то досыти вчинити перед тым дворанином нашим – так, яко бы [62] кролевой ее милости того жаль не было, и нам бы ее милость о том болшь того не впоминала.

Писан в Кракове под лет Бож(его) нарож(енья) 1000 пятсот 32 м(есе)ца сен(тебря) 8 день, индикт 6.

^1-Справа пана Михаила писаря.-¹

Ф. 293. Д. 44. Список XVI в.: 20,9 х 32,6 см. Водяного знака нет.

Комментарии

1-1. Запись сделана тем же почерком, что и основной текст