№ 14

1532 г. сентября 10. Лист Сигизмунда I гетману Ю. М. Радзивиллу о прекращении преследования подданного королевы Боны – Богдана Вертибеса.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману навышшому великого князьства, старосте городенскому, маршалку нашому дворному, державцы лидскому и белицкому, пану Юрью Миколаевичу Радивиловича.

Мовила нам королевая наша ее милость и великая княгиня Бона о том, штож которыи подданыи наши з Городна Богдан Вертибес а Торас, маючи от многих подданых наших великии кривды, з волею нашою господарьскою далися в опеку и в оборону королевой ее милости; то пак деи твоя милость, на них ся звазнивши, усказал на том Вертибесе некоторому ч(е)ловеку там [67] в Городне шкоды его [правити] ¹, которыи он поведил от него быти собе поделаны и на чом бы теж он присягу вчинити мел, ино деи он хочет присягнути на трех сот копах грошей. А прото штобы твоя милость тому подданому королевое ее милости казал дати упокой и тых пенязей правити на нем не велел. А естли ² бы кому было которое дело до него, и он нехай в том королевую ее милость знайдует, а ее милость з ним, яко с подданым своим, кажет справедливость вчинити. Якож мы вжо и первей сего до твоей милости о том писали, даючи то вам знат(и), леч тому ся дивуем, иж у таковой важности листы наши суть. А так и тыми часы жебы твоя милость тому подданному ее милости во всем казал дати впокой, бо тот и листы Вертибес первей того ещо увесь статок свой по животе своем королевой ее милости отписал: ест(ь) в моцы и в обороне ее милости.

Писан у Кракове под лет Бож(его) нарож(енья) 1532, м(есе)ца сен(тебря) 10 день, индикт 6.

^3-Справа пана Михаила писара.^-3

Комментарии

1. Слово в ркп. пропущено.

2. В ркп.: стли (пропущена первая буква).

3-3. Запись сделана тем же почерком, что и основной текст.