№ 13

1532 г. сентября 9. Лист Сигизмунда I гетману Ю. М. Радзивиллу с распоряжением дать управу на его урядника Гайка, ограбившего жорославского подданного королевы Боны Ивана Припечка.

Жикгимонт, Бож(е)ю милостью король польский, великий князь литовъский, руский, пруский, жомоитский, мазовецкий и иных.

Пану виленскому, гетману навышшому великого князьства, старосте городенскому, маршалку нашому дворному, державцы лидскому и белицкому, пану Юр(ь)ю Миколаевичу Радивиловича.

Мовила нам королевая наша ее милость и великая кн(я)гиня Бона о том, штож деи врядник твоей милости индурский Гайко, наехавши на дом ч(е)ловека ее милости жорославского Ивана Припечъка, жону и дети с того домку его выбил и его самого, поймавши, двадцать недель у везеньи держал; и который деи фол(ь)варок зоставил был ему там подле Жорославки служебник твоей милости Михайло Костомолотский ¹ у десяти копах грошей, он деи тот фол(ь)варок отнял от него безвинне и так ему шкоды великии поделал. Якож он лист купчий на тот фол(ь)варок перед нами покладал, с которого ж мы копею казали списати и до твоей милости послати с подпис(ь)ю руки писаря [66] нашого, державцы медницкого, пана Михаила Васил(ь)евича, о чом жо есмо первей сего до твоей милости писали и дворянина нашого Миколая Новицкого посылали, ажбы твоя милость в тот фол(ь)варок его ничим ся уступати не казал, ино деи и за тым и росказаньем нашим того не вчинил. А прото мы и тепер(ь) для того послали там того ж дворянина нашого Миколая Новицкого и казали есмо ему тот дом подати и в то его моцно увязати, и твоя бы милость вжо в тот дом черес то никому уступати ся не казал, абы вжо королевая наша ее милость о то нам болши того не впоминала.

Писан у Кракове под лет Бож(его) нарож(енья) 1000 пятьсот 32, м(есе)ца сентебря 9 день, ин(дикт) 6.

^2-Справа пана Михаила писаря.^-2

Ф. 293. Д. 48. Список 40-х годов XVI в.: 20,7 х 32,5 см.

Комментарии

1. В ркп. пропущена буква с: Костомолоткий.

2-2. Запись сделана тем же почерком, что и основной текст.