№ 12

1532 г. сентября 8. Лист Сигизмунда I гетману Ю. М. Радзивиллу с распоряжением дать управу на его урядника Гайка, причинившего ущерб жорославским подданным королевы Боны.

Жикгимонт, Бож(е)ю милостью король польский, великий князь литовский, руский, пруский, жомоитский, мазовецкий и иных.

Пану виленскому, гетману навышшому великого князства, старосте городенскому, маршалку нашому дворному, державцы лидскому и белицкому, пану Юрью Миколаевичу Радивиловича.

Мовила нам королевая наша ее милость и великая княгиня Бона о том, штож деи врядник твоей милости индурский Гайко з многими почты людей, наехавши моцно кгвалтом на подданных ее милости жорославских, многии жита их пожали, а иншие потоптали и побили через заруки наши, а к тому деи их самих там побито, и многии речи в них побрали, и шкоды великии им поделано; для чогож мы первей сего посылали там дворанина нашого Миколая Новицкого и казали есмо ему тыи вси кривды и шкоды подданых ее милости на ре[и]стр ¹ списати и то нам отказати, якож он тыи вси шкоды подданых ее милости списал и нам то отказал. А так мы и тепер(ь) для того посалали там дворянина нашого Миколая Новицкого, и твоя бы милость на того врядника своего индурского Гайка в том право дал и справедливость вчинил, и тые вси щкоды казал добре оправити и за то досыт(ь) учинити перед тым дворянином нашим [65] – так, яко бы тым подданным ее милости того жаль не было, а королевам наша ее милость абы вжо болши того о том нам не впоминала. И словом расказали есмо тому ж дворянину нашому от нас твоей милости мовити.

Писан у Кракове под лет Бож(его) нарож(енья) 1532, м(есе)ца сентеб(ря) 8 день, индикт 6.

^2-Справа пана Михаила писаря.^-2

Комментарии

1. В ркп. одна буква пропущена: рестр.

2-2. Запись сделана тем же почерком, что и основной текст.