№ 10

1532 г. сентября 8. Лист Сигизмунда I гетману Ю. М. Радзивиллу о возврате имущества, отнятого по приказу последнего у "человека" королевы Боны Алексея.

Жикгимонт, Бож(е)ю милостью король польский, великий князь литовский, руский, пруский, великий ¹ мазовецкий и иных.

Пану виленскому, гетману нашому навышшому, старосте городенскому, маршалку нашому дворному, державцы лидскому и белицкому, пану Юр(ь)ю Миколаевичу Радивиловича.

Мовила нам королевая наша ее милость и великая кн(я)гиня Бона о том, штож который ч(е)ловек добровол(ь)ный на имя Олексей первей сего за твоею милостью мешкал, а потом, кды оная земля, на чом он седел, с права королевой ее милости одышла ², тогды теж он, будучи яко ч(е)ловек вол(ь)ный, за ее милость ся заложил, то пак деи твоя милость для того казал ве[сь] дом ³ его зграбити и, што-колве мел, то все велел в него забрати, а он деи тепер(ь) ни при чом ся зостал. А так мы для того послали там дворянина нашого Миколая Новицкого, и твоя бы милость тыи вси статки его, што-колве будет в него в тот час побрано, велел ему поотдавати и за то досыт(ь) вчинити перед тым дворянином нашим конечно – так, как бы ему того жаль не было, а нам бы вжо черес то королевая наша болши того о том не впоминала. [63]

Писан у Кракове под лет Бож(его) нарож(енья) 1000 пятьсот 32, мес(е)ца сен(тября) 8 день, индикт 6.

^4-Справа пана Михаила писаря.^-4

Комментарии

1. Так в ркп. Далее, возможно, пропущено слово князь.

2. Так в ркп.

3. В ркп. ошибочно: ведом.

4-4. Запись сделана тем же почерком, что и основной текст.