ГРАМАТА,

данная Князем Андреем Владимировичем в Киево-Печерском монастыре в 1446-м году

(Почтенная особа, доставившая нам сей любопытный акт, сказывала, что он списан был ею из собрания более нежели двадцати грамат, относившихся к событиям Литвы, Волыни и Киева, и хранившихся, несколько лет тому, у одного любителя Отечественных древностей. Где теперь это собрание, не известно. Печатая сию грамату, не можем не изъявить желания, чтобы и другие, вместе с нею находившиеся, были доведены до сведения просвещенной публики. Хранить подобные сокровища под спудом, право, хуже скупости. Изд. Телегр.)

* * *

Во имя Отца и Сына и Святаго Духа. Се аз, раб Божий, Князь Андрей Владимирович приездил есмь в Киев, с своею женою, и с своими детками, и были есмо в дому Пречистые, и поклонилися есмо Пресвятому Образу ее, и Преподобным Отцем Антонию и Феодосию, и прочим Преподобным и Богоносным Отцам Печерскым, и благословились есмы у Отца нашего [563] Архимандрита Николы, и у всех Святых старцев, и поклонихомся отца своего гробу Князя Владимира Олькгердовича, и дядь своих гробом, и всех Святых старцев гробом в Печере, и размыслих на своем сердци: колико то гробов, а вси тыи жили на сем свете, а пошли все к Богу; и помыслил есмь: по мале и нам тамо пойти где отцы и братии наша, и подумал есмь с своею Княгинею, и с отцем своим Николою Архимандритом Печерскым, и с Святыми старцы, и своими бояры, и отписал есмь своей жене Княгине Марии, и своим детем и ее детем, свою отчину, и свою выслугу, иже есмь выслужил на своих Государех, своею верною службою, на Великом Князи Витовте, и на Великом Князи Жигимонте, и на своем Государи, Великом Князи Казимире, имение превое (первое?) Айноу Словенеск, Могылное, Каменец, Лосожеск, Илемници, Полоное, а также что есмь подовал имения бояром своим, а кто всхочет жене моей, и детем моим служить, и они служат с тых имений жене моей, и детем моим, а кто не всхочет жене моей и детем моим служить, и аз тые имениа дал жене своей, и детем своим, а вся тая имения поляцил и дал есмь жене своей Княгини Марии, и сыну своему Князю Глебу, и дочьце своей Княжне Овдотии, а притом были Отец наш Никола Архимандрит Печерскый, Уставник Иона Философ, Ключник Давыд, Келарь Герасим, и иных господы нашее старцев много, и наши бояре, и наши маршалкы, Князь Глеб Дмитриевич, боярин наш Александр Самотечин, Иванко Давыдович, [564] и ины бояре наши и слугы притом были. А кто се слово наше нарушит, а имет в тые имения вступатися, разсудится со мною пред Богом, и буди ему клятва, от Бога Отца, и Сына, и Святаго Духа, и от Пречистые Владычиця нашея Богородица и Приснодевы Mapиa, и от всех Святых Ангел, и от Пророк и Апостол, и от четырех Евангелист и от Святых Отец иже на седьми Соборах бывших, и ото всех Мученик, и Преподобных, и Богоносных Отец Антониа и Феодосиа Печерскых, иже есмь то вернее выслужил у своих господарей. А писана в Киеве, в обители царстей, в Печерском монастыри, Пресвятые Богородица, и Преподобных Отец Антониа и Феодосиа, в лето 6954, месяца Июня в 16, на память Священномученика Тихона, а писал Старец Пахнотий Дихачев брат.

На подлинной печать, с изображением в виде церкви, и надписью вокруг: Печать Князя Андреа Владимеровича.