№ 2.

1553 г. * - Из грамоты польского короля Сигизмунда Августа крымскому хану Девлет-Гирею с поздравлением по поводу возвращения из похода на землю «пятигорских черкас» ¹⁷.

(* - Датируется по содержанию и на основании датированных документов на л. 84 об. и 109 об. той же книги Литовской метрики)

/л. 95/ От Жикгимонта Августа, божею милостью короля Польского, великого князя литовского, руского, пруского, жомойтского, мазовецкого и иных, Великое Орды великому цару Давлет-Кирею, брату нашему.

Што еси брат наш с послом нашим великим паном Юрьем Тишкевичом своих послов до нас прислал, здоровья нашого навежаючи, а о своем здоровью поведаючи и братскую приязнь твою нам указываючи. А за ними еси у борзде гоньцом маршалка вашого князя Асенцевуша к нам прислал. И через него до нас пишете поведаючи. - Иж того прошлого лета июня месяца, на конь ваш шесливый вседши, з великим войском вашим тягнули есте из замку цесара турецкого Озова до земли пятигорских черкас на Албуздуя, которий лихий умысл на паньство ваше взял был, змовившися с княжем великим московским, и вы его землю за то воевали, а с помочью божею и самого его достали есте, и жону и з детьми, и теперь у везенью своем маете ¹⁸. А сам ты, брат наш, в добром здоровьи со всим войском до земли и паньства своего вернулся. И припоминаете нам, абыхмо вашого посла и з упоминки, и не уводячи в зиму далеко, до вас отпустили, даючи нам ведати, какову трудность послы наши и ваши, зимою идучи, приимут.

Ино мы, слышачи здоровье твое, брата нашого, и таковое щастье над неприятелем нашим, с того сердечне веселимся и зычим тобе, брату нашому, здоровья, а на каждого неприятеля нашого щастья, как сами собе, киды ваш неприятель заровно нам, как и наш неприятель, и каждое шастье ваше нашое правое веселье есть, а тое приязни братское вдячны есьмо же нам о здоровью своем и о фортуне таковой своей ведати даете... (Опущены сведения о конском падеже в Польше, о посылке поминок и др., не относящиеся к теме сборника (л. 95 об.— 96 об.))

Комментарии

17. Грамота послана с паном Василием Тишкевичем (ф. Литовская метрика, оп. 2, кн. 591, л. 95).

18. Очевидно здесь имеется в виду поход крымского хана, упомянутый в сообщении Никоновской летописи под 1553 г. (см. выше). Польский король Сигизмунд-Август видел в крымском хане возможного союзника в случае войны с Русским государством и осуществил этот союз в период Ливонской войны.