ЧАСОСЛОВ ЭФИОПСКОЙ ЦЕРКВИ

II. НОЧНЫЕ СЛУЖБЫ

(нумерация страниц «через одну» связано с тем, что в печатном издании параллельно дан эфиопский текст, опущенный по техническим причинам. – прим. расп.)

Переходя к ночным службам, считаю не лишним присоединить следующее к моим вступительным замечаниям. Как уже было сказано, разделение их, проведенное в единственной из бывших в моих руках рукописи Р⁹, не соответствует нашему; но при первом же взгляде на источники, идущие из разных эпох, нельзя не заметить, что главное различие между ними начинается именно с того пункта, который был предельным для коптской *** *** («полунощи»); всего, что следует за этим, мы не находим в эфиопских рукописях нового типа и почти во всех часословах (кроме старого Р¹), а лишь в следованных псалтирях. Неизвестно мне пока и отдельных рукописей службы, параллельной изданной Туки Θεοτοκια.

Во время печатания первой части издания, я имел возможность получить в распоряжение еще одну рукопись часослова, благодаря любезности А. И. Пападопуло-Керамевса, во владении которого она тогда находилась ¹. Об этом у меня сделана подстрочная заметка на стр. 74. Рукопись на пергаменте (у меня она обозначается П), судя по палеографическим соображениям, довольно древняя. (Из приложенных к каталогу Wright таблиц только первая — начала XV века — приближается к ней). Древность ее сказывается также и в том, что службы даны в редакции более полной, приближающейся к L², В², Р, равно как и в некоторых формах. Переписчик неизвестен; в разных местах расписались небрежно и безграмотно позднейшие владельцы. Кроме полного часослова мы находим еще обычные Веддасе Марьям; но, что особенно важно, для первых трех дней недели даны и *** Спасителю, которые раньше мне были известны только по двум парижским рукописям и коптскому переводу. Псалмы на службах не выписаны in extenso, а только перечислены. В рукописи 68 листов, исписанных в один столбец. Длина листа 128 mm., ширина — 101. Переплет деревянный, обтянутый кожей. Пред *** на свободной странице уродливое изображение человека по пояс с надписью *** (?); на обратной стороне двух последних листов нарисованы лошади. [107]

Между полунощницей, изданной Туки в его Diurnum ² и находимой в эфиопских рукописях можно отметить следующие главнейшие различия:

а) После обычного начала последние дают «Востаните, о сынове света» и проч. до псалмов. Коптский чин помещает это в начале службы Феотокий.

b) Песнь Езекии, помещаемая в коптских книгах в конце полунощницы, в эфиопских рукописях оказывается включенной в канон на утрене.

c) Замечаются кое-где разногласия в показаниях Евангельских чтений.

d) Петербургская рукопись заканчивает полунощницу отпустительным «О Господи, Господи наш Иисусе Христе, Сыне Божий», не встречающимся в коптском и принадлежащим в эфиопском к числу молитв, заканчивающих службу Феотокий.

В последней, которая в древних парижских рукописях является несомненной утреней, замечаются, кроме того, еще следующие различия против коптского:

α) нет *** *** — избранных стихов из псалтири — чего-то в роде не то антифонов, не то кафисм, не то избранных псалмов (на праздники) ³.

β) нет воскресных тропарей ⁴.

γ) на рубеже полунощницы и службы феотокий рукоп. Р¹³ дает молитву «Яко вознесеся имя Того Единого» и часть большой молитвы «Вся воинства Ангел», которая целиком вычитывается на полунощнице по типу L 150 и 151^а и другой своей частью — по типу Р⁸⁶ и В⁷. Другие рукописи (напр. Р⁹) дает указания на нее; Р¹ помещает ее назади. Связь этой молитвы с ночным богослужением несомненна, но я не решился теперь издавать одну часть ее и, во избежание повторений, решился отложить до издания ее в полном виде по большему количеству рукописей.

δ) Между отдельными песнями канона эфиопская редакция дает прошения ектении.

ε) В эфиопском гораздо больше молитв. Напр., кроме «Господи наш, Иисусе Христе, вземляй грехи мира», следующей в коптском [108] непосредственно за феотокиями ⁵, мы кое-где встречаем ссылку на молитву Богоматери: *** *** ⁶. Мне встретилась одна молитва, начинающаяся такими словами в рук. Р¹, помещенная вне всяких служб, а также в некоторых чинах полунощницы по типу Р. 86, В. 7. Вторая, кроме двух начальных слов, во всем совершенно отлична от первой и, не будучи уверен в том, какая из них имелась в виду, а также вследствие того, что обе известны мне по одной лишь рукописи, я счел за лучшее пока удержаться от внесения их в чин.

ζ) После молитвы «Господи наш Иисусе Христе, вземляй грехи мира…» в коптском чине ⁷ мы встречаем удивительные вещи. Прежде всего нас поражает заметка: «*** *** *** ***» со следующим указанием на 140 пс. и другие, на вечерний и повечерный гимны. Затем идет: *** *** *** ***, указание на псалмы и in extenso все то, что мы издали после них на 1-м часе, т. е. Поклонимся Отцу... О свете истинный... Тысящи тысящ... Милости Твоя ... Славословие великое. Радуйся ... Величаем Тя... и Символ веры. Затем следуют песнопения святым в два приема, потом масса новых феотокий, вероятно назначенных для месяца хойак и только после них встречаем мы песни Богородицы, Захарии и «Ныне отпущаеши», отдельные части которых чередуются с новыми тропарями и гимнами на подобие нашего канона. Наконец, после еще одной молитвы, следуют стихиры: «О родивыйся от Дева» etc. Эфиопский чин в этом случае остался более верен древности. Он дает после феотокий продолжение канона ⁸, включая сюда песни Анны и Езекии и помещает после них славословие великое, а затем непосредственно переходит к заключительным молитвам, которых в нем гораздо больше. Есть, между прочим, молитва св. Евстратия: «Величая, величаю Тя», помещаемая у нас на субботней полунощнице и чине 12 псалмов. Что касается последнего, то вообще нельзя не заметить некоторого сродства его с коптской полунощницей и даже с римскими ноктурнами.

η) В эфиопских рукописях не встречается «на ряду» песнопений святым, занимающих в коптских Θεοτοκια такое видное место. Не сделано на них даже ссылки. Впрочем, эфиопские рукописи ничего не помещают на ряду (даже песни в честь Спасителя и феотокии вынесены за конец) и нет ничего невероятного, что среди массы гимнов, [109] наполняющих рукописи, где-нибудь найдутся и соответствующие коптским ⁹.

В Р13 после конца всей службы идут молитвы и ектении, встречающиеся обыкновенно, несколько в ином порядке, в рукописях служебников пред чином литургии, Произносились ли они действительно здесь, не сказано. Во всяком случае связь их с ночным богослужением несомненна: их дают рукописи по всем трем чинам. Тем не менее, я считаю более целесообразным издать их со временем отдельно в более строгом порядке.

Считаю необходимым заметить, что феотокии мной не изданы в виду существования книжки Fries'a — Weddase Marjama. Lpz. 1892. Что касается рукописей, то, как уже было сказано, чин второй части ночного богослужения находится только в Парижских рукописях XV в. Р¹, Р², Р⁹, Р¹² и Р¹³; все они, кроме первых двух — следованные псалтири. Лучшей из них следует признать Р¹³. В критических примечаниях я старался идти по тому же пути, что и прежде, игнорируя орфографическое шатание и очевидные ошибки и сохраняя, для характеристики рукописей, их правописание в вариантах.

В заключение считаю долгом еще раз выразить глубокую благодарность многоуважаемому В. В Болотову за то живое участие, с каким он относился к настоящему ученому предприятию, просматривая корректуры, с готовностью делая указания и подавая советы относительно перевода и внешнего порядка издания.

Во имя Отца и Сына и Святого Духа, Единого Бога, молитва полунощи.

Глаголи: Отче наш. И молитву благодарственную и Милости Твоя... Трисвятое. Пресвятая Троице.

Отче наш... Радуйся... Величаем Тя... Символ веры.

Востаните, о сынове света, да прославим Господа сил, да дарует нам спасение душ наших, внегда стояти нам пред ним плотски. Отряси, Господи, сон уныния от очес наших и даруй нам бодрость, да разумно станем пред Тобою во время молитвы и возслем Тебе славу и благодарение, якоже подобает, и приимем оставление грехов наших многих.

Слава Тебе, Человеколюбче благий.

Пс. 133: Се ныне благословите Господа... до конца.

И глаголи тав пс. 118, 169-176: Да приближится молитва моя пред Тя... ¹⁰. [112-113]

И глаголи по два слова ¹¹: Слава и ныне...

Слава Тебе, Человеколюбче. Слава Матери Твоей Деве со всеми святыми. Слава Тебе, Троице святая. Помилуй ны. Да воскреснет Бог и расточатся врази Его и да бежат от лица Его ненавидящии Его и вси ненавидящии имя святое. И людие Твои да будут благословенны благословениями по тысящи тысящ и тме тем, творяще волю Твою. Господи, устне мои отверзеши и уста моя возвестят хвалу Твою.

И глаголи псалом 50.

Псалмы: 3, 6, 12, 69, 85, 90, 116, 117, 118.

И глаголи Алеф и в конце единыя коеяждо (буквы) ¹².

Славословие Господу: Господи, Иисусе Христе, прости ми и помози ми. Прости ми. Аллилуиа.

Евангелие Мф. 25, 1-13.

И глаголи: Се жених грядет в полунощи ¹³. Блажен раб, егоже пришед господин его обрящет бдяща, раб же, егоже обрящет небрегуща, недостоин шествовати с ним. Блюди убо душе моя, да не успнеши, ниже сном отяготишися, да не приидет тебе нечестие, яко да [114-115] не смерти горцей предана будеши, и станеши вне царствия, но воспряни и бодрствуй и пожди глаголющи: свят, свят, свят еси, Боже, Богородицы ради помилуй нас.

Слава ¹⁴: День он страшный помышляющи, душе моя побди, и возжги свещу твою елеем радования, не веси бо, когда приидет к тебе глас глаголющий: «се жених грядет». Блюди, о душе моя, да не успнеши, и не станеши вне толкущи, яко пять дев юродивых, но бодрствующи пожди, да усрящеши Христа со елеем маститым, да дарует ти чертог божественныя славы своея.

И ныне ¹⁵: Ты еси стена спасения нашего, Богородице Дево, прибежище нерушимое. Тебе молимся, да тщетны сотвориши советы врагов наших. И рабов твоих плач на радость преложи, и грады твоя огради, о царех православных ратуй, и о спасении мира мира умоли, яко ты еси, Богородице, упование наше.

И глаголи: Царю небесный... ¹⁶. [116-117]

Слава: Яко посреде ученик ...

И ныне: Во храме стояще ...

И глаголи: Кириалайсон 51. Трисвятое. Пресвятая Троице. Отче наш.

И молитву сию: Приими молитву нашу, о святая Троице небесная, спаси ны стоящия на земли и славящия Тя, и да будем угодны Тебе, Человеколюбче неусыпаемый, и виждь очами Твоими слабость и убожество наше; даруй нам смирение и приими молитву нашу и даруй милость душам нашим, и да не вотще будут моления наша, яже творим о отпущении грехов, яко от начала создания раби Твои есмы. И сподоби певцы стати со всеми святыми, иже глаголют: Слава Отцу и Сыну и Святому Духу, ныне и присно и во веки веков. Аминь.

И глаголи: Отче наш... И молитву благодарственную.

Псалом 50 и к сему 10 псалмов вечерни (119-129) ¹⁷ паки глаголи.

Евангелие Луки VII, 36-50.

И глаголи моления сия: Слезы ми даждь ¹⁸, Господи, якоже подал еси [118-119] древле жене грешнице и сподоби мя, да омочу нозе Твои, яже свободиша мя от пути прелести и принесу Тебе елей маститый и стяжу покаяние, житие чисто, да услышу глас Твой радостный, глаголющий: вера твоя спасе Тя, иди в мире.

Слава ¹⁹: Егда воспомяну дела моя злая, и приидет в помышление мое оный суд страшный и обдержит мя трепет и к Тебе прибегаю, Боже Человеколюбче, не презри мене, молю Тя, едине безгрешне, даруй души моей смиренней страх прежде скончания дней моих и спаси мя.

И ныне ²⁰: Небесная ублажают тя, благодатная невесто неневестная, и мы славословим неизреченное твое рождество, Богородице, предстательствуй о спасении душ наших.

И глаголи: Царю небесный... Кириалайсон 5l ²¹.

Трисвятое. Пресвятая Троице. Отче наш. Радуйся. Величаем Тя. [120-121]

И молитву сию: О Царю, Спасителю и Господи наш Иисусе Христе, соблюди и спаси ны из глубины бездны, исполненныя волн, сиречь жизни сея, и приведи в пристанище благодати Твоея и улови душу мою удою Твоею словесною, и возведи мя от грехов моих, в няже впадох. Простри, Господи, души моей десницу Твою невидимую, да укрепит мя, внегда воевати на мя врагом моим, и да будет утешение Твое души моей, в час сей, в нем же обретаюся, в сей боязни сердца и оскудении надежды, и напой мя потоком радости Твоея и всели в сердце мое щедроты Твоя, да обрящет душа моя прохладу от пламене браней их, облежащих ю, и да исполнится душа моя от огня, иже не бывает вотще, иже от Духа Святого, да попалит терние грехов, прозябающее в души моей; яко Ты еси податель всякого блага и проливаяяй всякую премудрость, и Тебе покланяюся, Господи, якоже прокаженный оный, и глаголю сей единый глагол, якоже и той: аще хощеши, Господи, яко Ты можеши, да очищуся аз. Ей, Господи, сподоби мя гласа, егоже рекл еси [122-123] тому: хощу, очистися. И абие очистися от проказы своея. Очисти мя, Господи, от проказы душевныя и телесныя и мене, раба Твоего (имя рек), и омый мя от скверны плоти, яко Ты очищаеши всех чистых, и вложи квас Твой в тричастное Твое муки моея, еже есть душа моя и тело мое и дух мой, да буду квас новый Святому Духу, да предстану Ти со светлым лицем и не посрамлен буду, и явлюся достоин со всеми святыми Твоими, яко Ты еси един, Господи, свят и во святых почиваяй и Ангели служат Тебе, Иисусе Христе, Господи наш, и Тебе слава и честь со Отцем Твоим благим и со Святым Духом, ныне и присно и во веки веков. Аминь. [124-125]

Во имя Св. Троицы, молитва в 3-й час нощи.

Глаголи молитву благодарственную и Отче наш. И паки глаголи псалом 50 и псалмы повечерия.

Евангелие Матфея XXV, 31-46.

И по сем глаголи священия сия: О Господи ²², призри оком благоутробия на нищету и смирение мое, яко помале жизнь моя увядает, и от дел моих несть ми спасения, и сего ради молюся и глаголю: призри, Господи, оком благоутробия на нищету мою и спаси мя.

Слава: Яко судии грядущу ²³ попецыся душе и внемли оному дневи и оному часу страшному и ужасному, суд бо без милости есть не соделавшим милости; и сего ради умилосердися о мне, Спасе, яко един еси милосерд к роду человеческому. [126-127]

И ныне: О врата жизни мысленная ²⁴, Богородице Дево, притекающим к тебе верою. Спаси от ада души их, да славословим рождество твое всесвятое, Богородице, предстательствуй о спасении душ наших.

И глаголи: Царю Небесный ... до конца.

И глаголи: Κυριε ελεησον 51. Трисвятое. Отче наш ²⁵.

Иже на всякое время.

И по сем молитву сию ²⁶: Яко вознесеся имя Того Единого, боящиися Господа, не упустите полунощи, молитеся, яко в ту звезды небесныя, свет солнца и луны, молния и облацы, ангели и начала их, славы и господства и вся воинства, бездны, моря и реки, источницы, огнь и вода и роса и всяк нисходящий дождь и ветр и вси души праведных и святых хвалят Его, и иже выну молятся, причтутся естеству Божию. Сие убо творяще, вернии, подвизайтеся между собою. Молитеся, просите и славословите имя Его.

И глаголи молитву ²⁷: Вся воинства ангел... [128-129]

И поеже скончати ти псалмы и рещи вся молитвы, глаголи Славословие Аллилуйное.

И посем глаголи прошение о мире: Молитеся о мире церкве христианския единыя единственныя, собрания апостольского, да спасет Господь людей своих и сотворит спасение всем местом ²⁸ и оставит нам грехи наша. Господи, помилуй.

Прошение о болящих: Молитеся об отцех и братиях наших болящих всякими болезнями, иже суть в месте ²⁸ сем и иже во всех местех ²⁸, яко да исправит Господь нас и их и оставит нам грехи наша. Господи, помилуй.

И глаголи жизнь Моисея пророка ²⁹.

И по ней глаголи: И взят Мариам пророчица тимпан руками своими и идоша вся девы в след ея с тимпаны и славословии. И начат Мариам пред ними, глаголющи: «Поим Господеви, славно бо прославися: коня и всадника вверже в море. Аллилуиа Отцу. Аллилуиа Сыну. Аллилуиа и Св. Духу. О Троице святая, помилуй нас. И бе Моисей пророк пред ними, водяй их, дондеже приведе их в пустыню Синайскую. Жезлом, им же удари по водам моря и бездне глубокой бысть место проходимо. На землю, яже не явися, возсия солнце и по пути непроходимому проидоша ногами. Вода разделися и ста ³⁰ дивно и славно. Фараон и колесницы его погрязоша во глубине, сынове же Исраилевы преидоша ногами. [130-131] И вси воспеша Богу песнь сию новую, глаголюще: «Поим Господеви, славно бо прославися. Молитвами Моисея, верховного пророка, даруй нам, Господи, оставление грехов наших. Предстательством Владычицы всех нас святыя Марии, предстательством владык наших, отец наших апостолов, даруй нам ... Предстательством собора ангельского, даруй нам, Господи, оставление грехов наших.

Покланяемся Тебе, Христе, со Отцем Твоим благим и Духом Святым, яко пришел еси и спасл еси ны.

Прошение о путешествующих ³¹: Молитеся о отцех и братиях наших путешествующих и путешествовати хотящих во всех местех, да споспешествует им во всех путех их, аще в пустыни, аще в мори, аще по рекам, аще по безднам, аще в прохождении пути и всяким образом пришельствия, яко да Господь Бог наш возвратит их в жилища их в мире и оставит нам грехи наша. Господи, помилуй.

Прошение о дожде: Молитеся о ниспослании дождей и плодов и ветров небесных в лето сие благости Твоея, яко да Христос Бог наш благословит и проведет до меры его и возвеселит лице земли и препитает нас человеков и помилует скоты и оставит нам грехи наша. Господи, помилуй. [132-133]

И глаголи псалом 135 ³².

И посем глаголи: Исповедаимся Христу Богу нашему со псалмопевцем Давидом пророком, глаголюще: сотвори небеса и силу их, основа землю и утверди ю на водах, светила великая солнце и луну и положи их, да просвещают до воздуха; изведе ветры от сокровищ своих, да веют на древеса во еже дати им листвие; одожди дождь на лице земли, да произрастит и даст плод свой. И изведе воду из камене и напои люди своя в пустыни. Сотвори человека по образу своему и подобию своему, да благословит Его. — Молитвами псалмопевца Давида пророка даруй нам... Предстательством Владычицы всех нас святыя Марии Богородицы... Предстательством господей отцев наших апостолов... Благословен еси воистину, Христе, со Отцем Твоим благим и Духом Святым, яко пришел еси и спасл еси ны.

Прошение о царе: Молитеся, яко да подаст нам Господь милость и благоутробие пред судищем великих судей и смягчит сердце их к нам ради благости во всякое время и подаст спасение царю нашему (имя рек) и оставит нам грехи наша. Господи помилуй.

Прошение об архиереех: Молитеся об отцех и братиях наших, иже от начала усопших и почивших в вере Христовой отцех наших [134-135] святых архиепископах и отцех наших епископах и отцех наших наместницех и отцех наших иереях и братиях наших диаконах и отцех наших монасех и отцех наших мирских и о упокоении всех христиан, яко да упокоит Господь души их и оставит нам грехи наша. Господи, помилуй.

И глаголи молитву триех отроков ³³ (8) и посем: Прилепихомся к Тебе всем сердцем нашим и боимся Тебе и взыскахом лица Твоего, Господи Боже наш, не посрами нас, но сотвори с нами милость по благости Твоей. Да взыдет молитва наша пред Тя, Господи, яко жертва овнов и агнцев тучных. Не забуди завета, егоже завещал еси со отцы нашими Авраамом, Исааком и Иаковом, Исраилем святым. Благословите Господа все людие и племена и страны и языцы, хвалите и благодарите Его и возвещайте величие Его во веки. — Молите Бога о нас, о трие святии отроцы Седрах, Мисах и Авденаго, да дарует нам оставление грехов наших. Предстательствуй о нас пред Господем, о Владычице наша чистая Богородице, да оставит нам грехи наша. Молитеся за ны лик мученик, иже страсть подъемших за Христа, яко да оставит нам грехи наша. Молися о нас лик праведных, скончавших подвиги в пустыни, да оставит нам грехи наша. Благословен Отец и Сын и Святый Дух, Троица совершенная; поклонимся Ей и прославим Ю. [136-137]

Прошение о приносящих. Молитеся о пекущихся о жертве и приношении, и вине, и кадиле, и сосудех святилища, яко да Господь Бог наш воздаст им во Иерусалиме небесном и оставит нам грехи наша. Господи, помилуй.

Прошение о меньших из христиан: Молитеся о меньших христианах, народе нашем, да благословит Господь на нас и на них и укрепит их в вере христианской до последняго издыхания и оставит нам грехи наша. Господи, помилуй. [138-139]

Во имя Святыя Троицы, молитва при пении петуха.

И глаголи псалмы 148, 149 и 150.

И глаголи по три словеси, и на коеждо трисловие глаголи: Аллилуиа ³⁴.

И посем глаголи: Вкупе благословим Тя и Тебе возсылаем славословие. Услыши моления наша.

Славословие утреннее: Глас народа ³⁵.

И глаголи, аще изволиши гласа Эзель: Во свете Твоем узрим лице Твое, и в правде Твоей узрим свет. И буди светлость Господа Бога нашего на нас, и дела рук наших исправи на нас.

И глаголи: Михаил Архангел... ³⁶.

И рцы стихословия Господу нашему Иисусу Христу, глаголемая пред Веддасе Марям ³⁷:

Взысках Тя из глубины сердца моего, о Господи мой Иисусе, помози ми. Разреши ми узы грехов [моих]. О... Буди ми помощник да спасеши мя. О... Покрый мя кровом крилу Твоею. О... В шесть дний создал еси весь мир. О ... Седмерицею на всяк день благословлю имя Твое. О... Вся тварь благословит славу имене Твоего. О... Тебе сила [140-141] и власть. О... Потщися, Боже мой, да спасеши мя. О... Всяко колено поклоняется пред Тобою. О ... Всяк язык благословит вкупе имя Твое. О ... Отврати липе Твое от грех моих. О ... Вся грехи моя потреби. О ... Ты веси помышление мое и испытуеши утробы моя. О ... Сердце чисто созижди ми. О... И Духа Твоего Святого не отыми от мене. О... Приклони ухо Твое ко мне и услыши мя. О... Сотвори мне закон Твой на пути правды Твоея. О... Царство Твое, Боже мой, царство во век. О... Ты еси Сын Божий, верую в Тя. О... Вземляй грех мира, помилуй мя. О... Остави ми множество грехов моих. О... Всякое дыхание благословит согласно имя Твое. О... Потерпи на мне и не погуби мя вскоре. О... Востану рано и благословлю имя Твое. О... Иго Твое благо и бремя Твое легко. О... Во время благоприятно послушай мене. О ... Возлюбленно имя Твое святое. О ... Потреби от мене вся грехи моя. О... Всади в мя плод правды Твоея. О... Даруй ми мир Твой истинный и остави ми грехи моя. О... Внегда пети нам молитву сию, благословим имя Господа нашего Иисуса. О ... Благословим Тя, Господи наш Иисусе, спаси ны ради имене Твоего, яко уповахом на Тя. Да славим Тя со Отцем Твоим благим и Духом святым, яко воскрес ³⁸ еси и спасл еси ны.

Слава и ныне.

Псалом: Вознесу Тя, Боже мой, царю мой… ³⁹. [142-143]

И глаголет сие в праздник Пасхи до месяца тахсас в неделю. О воскресении ⁴⁰.

Христос Бог наш воскресе из мертвых, яко Той есть начаток усопших. И явися Марии Магдалине, и глагола с нею сице, и рече ей: «рцы братии моей, да идут в гору Галилеи, и ту видят мя». И прииде Мариа Магдалина ко апостолом и рече им: «аз видех Господа нашего» и сия рече ей. И сего ради славим Тя и взываем, и глаголем: благословен еси, Господи, яко воскресл еси и спасл ны еси. Благо воистину бысть бдение Марии святыя Магдалины. Прииде ко гробу во едину от суббот и испыта со тщанием о воскресении Господа нашего. И узре ангела седяща на камени, иже возгласи и рече: се воста, несть зде. И сего ради славим Тя и глаголем: благословен еси, Господи Иисусе Христе, яко воскресл еси и спасл еси ны.

Песнь в понедельник. Тысящи тысящ и тмы тем славят и благословят Господа нашего Иисуса Христа. Всем глаголющим: «Господи Иисусе», бывает меч в руках их и посекают им враги. Яко воистину возносим Тя зело на небесех и земли. Воистину вси, иже угодиша Господу, поучаются в законе Его. И Господь пребудет с ними и имя Его святое во устех их во всякое время. Велика зело благостыня Твоя, о судие праведный, Господи истинный Иисусе. Сей есть Эммануил, пища истинная, древо живота безсмертного. Соберитеся ко мне, о вся помышления моя, да прославлю и благословлю Господа Иисуса. Иисус есть Господь мой; [144-145] Иисус есть Бог мой; Иисус есть упование христиан. Вмале сотворим память Твою и благословим имя Твое, Господи Иисусе. Вся дела лукавая отрясем от нас и очистим сердца наша во имя Господа нашего. Буди имя Господне в нас, да просветит внутренняя сердец наших. Кто в бозех подобен Тебе, Господи? Ты еси Бог истинный, творяй чудеса. Благословен еси воистину, Господи Иисусе Христе, и Отец Твой благий и Дух Святый. Кадило многоценное имя Твое святое, о Господи Иисусе. О Агнче воистину Бога Отца, сотвори милость с нами во царствии Твоем. Уста Отца Твоего — свидетель Твой глаголющий: Ты еси Сын Мой возлюбленный, и Аз днесь родих Тя. Предстоят Тебе Серафими и Херувими, не могуще зрети Тя. Мы же зрим Тя во вся дни на жертвеннице и приемлем тела и крове Твоея честныя. Вся хваления, яже в законе, несть в них, еже довлеет Тебе. Се есть камень истинный многоценный, егоже ради муж купец продаде вся имения своя и купи его. Даруй нам ныне камень сей, да просветит в сердцах наших. Украшение душ наших и радование сердец наших имя Твое, Господи Иисусе. О милостиве и щедре, богатый [146-147] сокровищницей щедрот, Господи Иисусе. Херувими и серафими плещут крилами и славят имя Твое. Зайде солнце и луна и слава их и величие их; Ты же тойжде еси, и лета Твоя не оскудеют. Попечением благости Твоея приклонил еси небеса, и сошел еси к нам, яко премудрый ⁴¹, воистину податель врачевства, исцелил еси вся болезни наша. Призри на ны, Господи Иисусе, оком благоутробия милостию Твоею. Отжени от нас, Господи Иисусе, вся помышления лукавая, яже губят души наша ⁴². Молим Тя, Господи Иисусе, сотвори с нами милость во царствии Твоем. Внегда собратися нам на молитву сию, благословим имя Твое, Господи Иисусе. Благословим Тя, о Господи наш Иисусе, спаси нас имене ради Твоего, якоже уповахом на Тя, да восхвалим Тя со Отцем Твоим благим и Духом Твоим Святым, яко воскрес еси и спасл еси ны.

Слава и ныне.

Песнь во вторник. Прииди к нам днесь, о царю наш Христе, просвети ны Божеством Твоим вышним, посли на ны благодать сию великую Духа Твоего Святого Утешителя, да возглаголем мало в честь имене Твоего святого и благословенного, егоже слава во устех праведных Твоих, иже пришельствоваша в горах и пустынях, во гладе и [148-149] жажде, во хладе и мразе, лишени, озлоблени, якоже рече Павел Апостол, но во имя Твое святое, Господи Иисусе, буди им помощник во всех скорбех их во имя Твое, Господи Иисусе, избави их от всех напастей их и буди им хлеб истинный, иже питает души и телеса их вкупе. И буди источник воды живыя сладок в гортани их паче меда. И внегда глаголати им о сем, возвеселятся сердца их и украсятся телеса их; и внегда глаголати им о сем, просветятся сердца их и вознесутся помышления их паки к высоте. И внегда собратися нам на молитву сию, благословим имя Твое, Господи Иисусе. Благословим Тя, Господи наш Иисусе Христе, ради имене Твоего, яко мы уповахом на Тя со Отцем Твоим благим и Духом Твоим Святым, яко воскрес еси и спасл еси ны.

Слава и ныне.

В среду. Да возрадуются и возвеселятся призывающии Господа, подвизающиися во всякое время, размышляющии о имени его святом. И тии суть древа, о нихже глаголет Давид во псалме: насаждены при исходищах вод, и дают плод. Исходища вод есть Господь наш и Спас наш Иисусе Христос, живяй души приближающихся к нему. Известихомся во святом писании, еже есть от Духа Святого, да будем [150-151] милосерды ко всякой твари, юже сотвори, яко любовь николиже отпадает, якоже рече премудрый апостол Павел, и паки любовь, о нейже глагола апостол святый, есть имя Спаса нашего Господа нашего Иисуса Христа. И аще любим имя Господа нашего Иисуса Христа, да творим милость друг ко другу и да исполним закон Его. Ради милосердия благоугоден бысть Авраам и прият Господа и ангелы Его святыя. Ради милосердия спасеся Лот от напасти лютыя, нашедшия на Содом. Ради милосердия сподобися Корнилий прияти крещение от руки отца нашего Петра. И аще лишени есмы сокровищ мира сего и не имамы ничесоже, да подадим милостыню, есть в нас камень воистинну маргарит многоценный — имя сладкое, исполнь славы, Господь наш Иисус Христос, и аще восприимем его в сердца наша, Той сотворит ны богаты, яко и иным подати. Не сокровищ мира сего преходящих взыщем, но спасения душ наших, и да размышляем о имени Его святом, внегда пети нам и глаголати сладким гласом: о Господи Иисусе Христе, сотвори милость с душами нашими.

Слава и ныне.

В четверток. И паки, возлюбленнии мой, отвержим от себе путь ⁴³ сердец наших лукавый, ведый ко греху, и возлюбим имя Господа нашего Иисуса Христа с велиим тщанием вопиюще и глаголюще: О Господи мой Иисусе Христе, родивыйся от Отца прежде всех век, помилуй ны по велицей Твоей милости. О Господи Иисусе Христе, [152-153] родивыйся от Девы в Вифлееме Иудейстем, спаси ны и помилуй ны. О Господи мой Иисусе Христе, крестивыйся в Иордане, очисти души наша от скверны греховныя. О Г. И, постивыйся нас ради четыредесять дней и четыредесять нощей, свободи ны от грехов наших. О Г. И., пригвоздивыйся на древе крестном, покори сатану под ноги наша. О Г. И., вселивыйся в гроб, сокруши жало смерти. О Г. И., воскресый из мертвых и вознесыйся на небеса, вознеси мя силою Твоею. О Г. И., грядый во втором пришествии Твоем, сотвори милость и любовь с нами в день судища Твоего страшного. Ныне, волею Тебе Единого и благоволением Отца Твоего и Святого Духа Твоего, пришел еси и спасл еси ны. Внегда пети нам и глаголати сладким гласом: Господи мой Иисусе Христе, сотвори милость с душами нашими.

Слава и ныне.

В пяток. Воистинну полагаю начало мое великому началу, еже есть имя Спаса нашего Господа Иисуса Христа. И даде знамение рабом Своим, боящимся Его, еже убежати от лица лука. Господь Иисус Христос даде знамение рабом Своим боящимся Его, еже заградити уста львов. Господь наш Иисус Христос дает знамение боящимся Его рабом Своим, еже угасити силу огненную. Господь наш Иисус Христос дает знамение рабом Своим боящимся Его, еже изгоняти демоны. Господь наш Иисус Христос даде знамение рабом Своим боящимся Его, [154-155] да обладают враги своими. Се есть имя Господа нашего Иисуса Христа и крест его животворящий, на нем же пригвоздися. Блажен человек, иже остави от себе мир сей и дела его, яже полна есть суеты и погуби душу и ношаше крест свой во вся дни и положи главу свою во имя Спаса нашего Иисуса Христа. Веселится сердце наше и радуется язык наш, внегда пети нам имя Спаса нашего и Господа нашего Иисуса Христа. И сего ради славословим Господа нашего Иисуса Христа и Отца Его благого и Духа Святого, внегда нети нам и глаголати сладким гласом: О Господи Иисусе Христе, сотвори милость душам нашим.

Слава и ныне.

В субботу иудейскую. Даруй нам радость душам нашим, внегда воспомянутя нам имя святое Твое, Господи наш Иисусе Христе, Спасе наш благий. Вся тварь благословит Тя, небесная и земная. Господи Иисусе Христе, Спасе наш благий ⁴⁴, Ты еси один достоин, да благословим Тя. Истинно, воистину Тебе подобает слава и честь. Благословят имя Твое святое вся племена земная. Седмерицею в день мой хвалих имя Твое святое. Воистину благословим Тя, воистину славословим Тя ⁴⁵. Красота имене Твоего святого во устех святых Твоих. От утра до вечера благословят имя Твое святое. На всякое дыхание, от мене [156-157] исходящее, благословлю имя святое Твое. Вси делающии беззакония отступите от души моея. Всякое дыхание да хвалит Тя, якоже рече пророк. Превознеслся еси над всяким начальством; Ты еси царь царей. Слава Тебе со Отцем Твоим и Духом Твоим Святым. Имя Твое сладко и благословенно в устех святых Твоих, Яко уста моя благословят Тя и язык мой возхвалит Тя. Не ослабнем во век и не престанем благословити Тя. Всякое песнословие благословения возсылаем Ти в вышняя. Тебе слава, честь и благодарение. Свят Господь, свят Бог наш истинный. Всякое дыхание славит Тя, всякое колено преклоняется Тебе. О имя, исполнь славы, о имя, исполнь благословения. Во веки веков не престанем благословити Тя. И Тебе подобает благословение и слава и честь. В благословении благословим Тя и в славословии славим Тя. Дондеже живи есмы славим Тя, дондеже живи есмы, благословим Тя. Во исполнение всякого благословения бысть имя Твое святое. Приими молитвы наша от нас грешных. Даждь нам мир истинный и остави нам грехи наша. Внегда пети нам и глаголати сладким гласом: о Господи Иисусе Христе, сотвори милость душам нашим.

И глаголи Веддасе Мариам ⁴⁶.

И молитву: О Господи наш Иисусе Христе, вземляй грехи мира.

И молитву Владычице Богородице, глаголемую в нощи: Воспеваю благодать Твою ⁴⁷. [158-159]

И глаголи молитву Богородицы и молитву Захарии и молитву Симеона и Анны и молитву Езекии ⁴⁸ и Славословие Великое. И сподоби, Господи. Трисвятое. Отче наш. Величаем Тя. И символ веры. И молитву Евангелия.

Евангелие Луки XI, 5-13.

И глаголи: О Родивыйся от Отца прежде создания мира, о свете от света, Боже истинный от Бога истинного, рожденный и не сотворенный, равный Отцу Божеством, им же вся быша и без него же ничтоже бысть еже бысть. Благодарим Тя, о Господи наш Иисусе Христе, и просим от благости Твоея, Человеколюбче, молитвами Владычицы нашея и похвалы рода нашего чистыя Приснодевы святыя Марии, яже сподобися быти мати Твоя в последок дней и молитвами святого отца нашего Марка Евангелиста Апостола и молитвами всех отец наших, святых Твоих, помилуй ны по множеству щедрот Твоих и остави нам вся грехи наша и спаси ны от прегрешений наших, бывших и бываемых, и избави и сохрани ны силою Твоею и соблюди ны, да не впадем паки в прежнюю леность нашу; и благодать Духа Святого владычняго обнови во утробе нашей и всели в ны в сем веце и в грядущем.

Слава ⁴⁹: Радость, пребывающая во век, да пребудет на рабех Твоих, скоро, о Христе Боже наш, и внегда унывати духом нашим, [160-161] не разучайся от душ наших в скорбех и не удаляйся от сердец наших во обстояниях. Прииди и приблизися нам, везде сый; якоже со апостолы Твоими всегда еси и познался еси им, такожде и любящия Тя сохрани, щедре, да славим и поем Тя непрестанно.

И ныне ⁵⁰: Блажат тя вси роди, Богородице Дево: от тебе бо благоволи воплотитися невместимый Христос Бог наш. Блаженни есмы и мы, яко предстательствуеши о нас день и нощь, и оружие царей наших твоею молитвою утверждается; тем же величаем Тя и вопием, глаголюще: радуйся, Благодатная, Господь с Тобою.

И глаголи Кирьялайсон 51. Трисвятое. Отче наш.

И сей отпустителен: О Господи, Господи наш Иисусе Христе, Сыне Бога живого предвечный, просвети сердца наша светом Твоего познания, да уразумеем глас Твой животворящий и воздвигни ны от нечистоты греховныя, душепагубныя и постави ны, да будем праведны [162-163] в делании добрых дел, и внегда приидеши судити миру, сподоби ны услышати глас Твой всерадостный; приидите ко Мне, благословеннии Отца Моего, наследуйте уготованное вам царствие от сложения мира. Ей, Господи Боже наш, сподоби ны быти в час сей без страха и смущения и не воздаждь нам по грехом нашим, молениями Владычицы нашея Богородицы и всех мученик праведных. Аминь. Яко благословен еси и Тебе подобает слава и честь и поклонение со Отцем Твоим благим и Духом Святым ныне и до века веков. Аминь ⁵¹.

Молитва иная ⁵²: Величая величаю Тя, Господи, яко призрел еси на смирение мое и не предал мя еси в руки враг моих, но спасл еси от напастей душу мою. И ныне, Владыко, да покрыет мя рука Твоя и да приидет на мя милость Твоя, яко смятеся душа моя и болезненна есть ради исхождения своего от сего телесе окаянного, да не срящют по темнии князи лукавии и не удержат ю на воздусе и не изженут ю во мрак ради грехов, яже сотвори во дни жизни своея разумом и неразумием. О Владыко, буди ми милостив, да не узрит душа моя взора [164-165] лукавых демонов мрачных, но да приимут ю ангели радостнии светлии во славу имене Твоего святого. И возведи мя силою Твоею к чертогу Твоему божественному и в день суда моего, да не приимет мя князь мира сего и не пленит грешника суща в глубину адову. Но востави мя и буди ми спас и помощник: мучения бо сия телесная, отяготеша на рабех Твоих. Господи, помилуй душу мою, яко осквернихся страстьми мира сего; приими ради покаяния доброго и исповедания чистого, яко благословен еси во веки. Аминь.

Молитва ко Владычице нашей, Богородице Марии Деве:

Мнози и велицы дарове, имиже одарен бых от Бога Создателя моего. Бых ко всему без памяти и не благодарих Его аз окаянный и приложихся скотом несмысленным и уподобихся им, нищ бых добродетельми и грехми же и окаянствы богатеяй; облекохся срамом и лишихся благодати Божией; плачут о мне Ангели и смеются демони; биен есмь ради помышлений моих и посрамлен ради дел моих, нечист и мертв до смерти и осужден прежде суда, казни предан прежде осуждения. Сего ради прибегаю к помощи и прибежищу твоему, о Владычице моя Богородице, яко заях тысящу талант, и расточих богатство мое [166-167] с блудными блудих и преступих закон и бых чужд милости, сосуд всякой мысли лукавой и сокровищница всякому делу нечисту и блуду и странен от добродетелей и дел добрых. Умилосердися о окаянстве моем, о Владычице моя святая и помилуй немощь мене убогого, зане у тебе благодать, яко приемлет моление твое родивыйся от тебе паче нежели от всякия твари. И аще хощеши, ничтоже тебе неудобно есть. И сего ради молютися и прошу у тебе, не отвержи моления моего и не отрини стенания моего и не забуди скорби сердца моего и не посрами надежды моея и веры моея в тя, но яко любвеобильная Мати, молися Сыну твоему благому и милостивому, да сподобит мя убогого милости своея, да возвратит мне прежнюю доброту мою и отымет от мене поношение, зрак осквернен страстьми, да свобождуся от грехов и поработаю правде, оставлю нечистоту плоти и облекуся во святыню души и чистоту, умру миру и поживу лучшему. Аще путешествую, последуй ми молитвою твоею и буди ми прибежище крепкое от бесов; бодрствующа мя укрепи; спяща мя сохрани, и аще скорблю, утеши мя. И аще унывает душа моя, укрепи мя, и аще болен есмь, помози ми, и омраченна мя просвети, и аще впадаюся в напасти, восхити мя. Ей, Владычице моя, услыши глагол мене убогого и не [168-169] посрами мене от чаяния моего и еже на тя упования. И предстани в час исхода души моея из тела сего окаянного. Молютися, да спасеши мя от смущения сего видения лиц диавол темных и избавимся от осуждения вечного молитвами твоими, да буду достоин радоватися вечери Единородного Сына твоего Иисуса Христа Господа нашего в раю сладости, идеже пребывают вси с радостию, славословяще и воспевающе Отца и Сына и Святого Духа, ныне и присно и во веки веков. Аминь.

Евангелие Марка XIII, 32-37.

Евангелие Матфея XXV, 14-30.

И глаголи: Господи помилуй 3. О Святая Троице, Боже наш и упование наше, помилуй создание Твое и спаси души наша. 0 Господи Боже, помилуй нас.

И глаголи молитву сию: Господи наш, Иисусе Христе, вземляй грехи мира, сопричти ны овцам Твоим, иже стоят одесную Тебе, и внегда приидеши в пришествии ⁵³ Твоем паки втором, не даждь нам услышати [170-171] глас страшный: «не вем вас». Но сподоби услышати глас оный, исполненный всякия радости милостию Твоею, зовущий и глаголющий: «приидите ко мне благословеннии Отца моего, наследуйте царствие на веки». Приидут мученицы, носяще страдания своя, приидут праведницы, носяще подвиги своя, приидет Сын Божий во славе Своей и во славе Отца Своего и воздаст коемуждо по делом его, яже сотвори. Христе, Слово Отчее, Единородне, Боже, даждь нам мир Твой, исполненный радования, якоже дал еси святым апостолом Твоим, и рцы нам с ними: мир Мой даю вам, мир, егоже приях от Отца Моего, оставляю вам отныне и до века. О ангеле дне сего восходяй в горняя во славе сей, помяни нас пред Господем, да оставит нам грехи наша. Недужныя уврачуй и усопшия упокой. О Господи! помози нам и братиям нашим, иже в напастех. О Боже! благослови ны и да благословится имя святое Твое, во всякое время хвала его в устех наших до века. Благословен Отец и Сын и Святый Дух, Святая Троица совершенная. Поклонимся Ей и прославим Ю.

Отцы мои господие мои, иже изволиша убожество мене грешного, и тии глаголют благословение. [172-173]

И глаголи молитву благословения св. Василия.

Ей Господи, давый нам власть наступати на змию и на скорпию и на всю силу вражию! покори главы змиины вскоре под ноги наша и расторгни от нас всякое зло уз иже противятся нам, яко Ты еси царь наш и Тебе подобает слава и хвала и поклонение со Отцем Твоим благим и Духом Святым животворящим, ныне и присно и во веки веков. Аминь.

Ты еси приклонивый небеса, сошедый и пришедый и вочеловечивыйся ради спасения рода человеческого. Ты еси седяй на Херувимех и Серафимех и смиренныя призираяй. К Тебе и ныне паки, Господи, возводим очи сердец наших, сотвори ны покровенны в крове крилу Твоею. О Господи, остави грехи наша и спаси души наша от погубления, да поклонимся благости Твоей животворней, неисчисленней. Молимтися, Господи, и просим у Тебе, яко да подаси нам мир, вся бо дал еси нам. Стяжи ны, Боже, разве бо Тебе не иного вемы и имя Твое святое призываем. Обрати ны, Господи, к любви Твоей и познанию Твоему, сподоби ны быти в наслаждении доброт Твоих со всеми уповающими на Тя и приклонившия главы своя пред Тобою, возвыси в подвиг милостию Твоею и украси их красотами Твоими и сподоби всех нас небесного царствия благоволением Бога Отца Твоего и Святого животворящего Духа, ныне и присно и в веки веков. Аминь.

И посем: О царю мира, мир Твой даждь нам и утверди в нас мир Твой и остави нам грехи наша. И изыдем в мире. [174-175]

Диакон: Молитеся о мире единыя церкве, единыя, единственныя святыя соборныя апостольския церкве и спасении людей, укреплении и соблюдении на всяком месте в мире.

Иереи: В Нем же Тебе с Ним слава и честь и держава подобает и Святому Духу животворящему, равночестному Тебе, ныне и присно и во веки веков. Аминь.

Комментарии

1. В настоящее время она приобретена Азиатским Музеем Академии Наук.

2. Перевод ее издан у Bute, Coptic Morning Service, 140-144.

3. Tuki, Theot., 10-20. В его Rituale, 553-564 этот самый *** назначен на воскресные дни и месяц хойак, тогда как в качестве рядового выступает указанный нами на стр. 111 (прим. 1). Это и понятно в виду того, что книга Theotokia имеет в виду гл. обр. хойак.

4. Tuki, Theot. 20-23 указаны: «Воскресение Христово видевше ...» и «Ангельский собор удивися ...».

5. ibid. 138.

6. В новой рук. П приведена наша утренняя молитва (т. наз. «песнь полунощная»): «Воспеваю благодать Твою, Владычице ...».

7. Tuki, Theot., 140.

8. В П песней канона совсем не указано.

9. Я раньше склонен был предполагать, что все, изданное Туки, Theot. 160-205 представляет ряд изменяемых песнопений в роде напр. тропарей на праздники и общих. Однако в коптской рукописи № 5 Азиатского Музея Академии Наук большая часть их приведена на утрене великой субботы.

10. За каждым стихом этих двух псалмов: «Слава Тебе, Человеколюбче». В изданном Туки *** *** *** *** ***... (Rituale) 549-553 они приведены в качестве будничного избранного псалма (*** ***). На праздники положены особенные избранные псалмы, которые у Туки изданы дальше.

11. Т. е. слава-припев и ныне-припев (Слава Тебе, Человеколюбче), а не припев + пс. 113.

12. Т. е. стихи 1-8-й 118-го псалма, составляющие первое («алеф») из 22-х подразделений его, обозначенных буквами еврейского алфавита, должны в виде припева повторяться после каждого из следующих подразделений.

13. ‘Ιδου ο Νυμφιος ερχεται...

14. Δοξα. Την ημεραν εκεινην την φοβεραν...

15. Και νυν. Σε το απορθητον τειχος...

16. Βασιλευ ουρανιε... κτλ.

17. В II; Петерб. 12 дает: *** *** *** ... «все псалмы вечера».

18. Δακρυα μοι δος ο Θεος, ως ποτε τη γυναικι τη αμαρτωλω (‘Ηχος πλ. δ’, Κατανυκτικον).

19. Δοξα. ¨Οταν λαβω κατα νουν... (ibid.)

20. Και νυν. Τα ουρανια υμνει σε, κεχαριτωμενη...

21. Βασιλευ ουρανιε... κτλ.

22. ‘Ομματι ευσπλαγχνω, Κυριε...

23. Δοξα. ‘Ως του κριτου παροντος...

24. Και νυν. ‘Η νοητη πυλη της ζωης...

25. В рукоп. нового типа L ¹, В ¹, Петерб. 12 следуют обычные молитвы: Трисвятое, Пресвятая Троице, Отче наш, Радуйся, Величаем Тя. Потом Ев. Луки, положенное в древних рукописях после канона. В некоторых полагается и молитва благословения.

26. Эта молитва и след. полагаются еще на полунощнице по типу L 150 и 151.

27. Положена в полном объеме на службе по чину L 150 и 151. По Р. 86 и В. 7 — другой отрывок. В рукоп. П порядок обратный: сначала «Вся воинства», потом «Яко вознесеся».

28. Вероятно = коптск. топос = монастырь.

29. ‘Ωιδη πρωτη: Τω Κυριω ασωμεν...

30. *** эфиопского текста обязано происхождением коптскому оригиналу *** ***, сб. «стоял на ногах».

31. По-видимому, эти прошения соответствуют нашим малым ектениям между некоторыми песнями канона,

32. Вторая песнь эфиопского и коптского канона, вероятно, зашедшая сюда из нашего полиелея. В коптском она прямо называется *** *** (Tuki, Theot. 28).

33. ‘Ωιδη ογδοη: Ευλογειτε, παντα τα αργα Κυριον...

34. Т. е.: «Хвалите Господа с небес. Аллилуиа. Хвалите его в вышних. Аллилуиа». И т. д., как показано у Tuki, Theot., 46 сл.

35. Эти ритуальные заметки, встречающиеся в Р ⁹, не совсем понятны.

36. Молитва, начинающаяся этими словами, является непременною частью всех служб по чину L ³, L ^2a, имеется ли здесь в виду эта молитва, или какая-либо другая, не знаю.

37. В коптском по алфавиту. Это — род хвалитных стихир, изменяемых по праздникам и входящих, между прочим, в состав рукописи № 4 Азиат. М. Весьма многие из них начинаются стихом «Господь воцарися» (*** *** ***), а потому, я думаю, не представляет ли книга *** *** (Wright, Catal. № 180-186) собрания эфиопского перевода этих стихир.

38. В коптск. (Theotok. 54) *** = пришел.

39. В коптск. нет. Здесь следует Веддасе Марьям для воскресенья.

40. В коптском это песнопение состоит из трех частей, за каждой из которых припев: «И сего ради славим Тя ...». Первой части здесь совсем нет, третья, озаглавленная «** ***», начинается с «Благо воистину...».

41. Коптск. *** врач.

42. В коптск.: *** *** *** *** *** : *** *** *** * *** *** = созижди в нас сердце правое, да благословим Тя, о Господи Иисусе.

43. В коптск. (Theot. 107) *** *** ***... м. б. в эфиопск. вм. *** должно стоять ***.

44. Это за каждым стихом. В этом стихословии, так же, как и в назначенном на понедельник, стихи в коптском оригинале расположены по алфавиту (коптскому).

45. Коптск. 2я половина: *** *** ***.

46. Не оставляются даже в 1-й день св. Пасхи.

47. Тожественна с нашей «песнью полунощной» в молитвах утренних.

48. Иногда (напр. в Пасху) все это, по-видимому, выпускается.

49. Δοξα. Ταχειαν και σταθηραν... (‘Ο οικος της Πεντηκ).

50. Και νυν. Μακαριζομεν σε πασαι αι γενεαι κτλ. (Μεσονυκτικον).

51. Здесь в Р ⁹ след. Евангелие и прочее до конца; следующие молитвы вынесены за конец службы, написаны другой рукой и полустерты. В Р ²² их вовсе нет. В Петерб. 12 конец молитвы: *** *** *** *** *** *** *** *** ***::. В Петерб. 12 после этой молитвы следует : «Иже на всякое время. Господи помилуй. Кирие елейсон 41. Конец молитвы полунощи в мире Бога прославляемого. Аминь. Молитва благословения. Саламы. В П — молитва благословения и молитва: «Господи Иисусе Христе, вземляй грех мира...».

52. Μεγαλυνων μεγαλυνω σε... (Ευχη του αγιου Ευστρατιου).

53. Сб. «явление, как Мессия».

Текст воспроизведен по изданию: Часослов эфиопской церкви. Издал и перевел на основании нескольких рукописей Б. Тураев // Записки императорской академии наук по историко-филологическому отделению, Том I. № 7. СПб. 1897