ЧАСОСЛОВ ЭФИОПСКОЙ ЦЕРКВИ

I. ДНЕВНЫЕ СЛУЖБЫ

(нумерация страниц «через одну» связано с тем, что в печатном издании параллельно дан эфиопский текст, опущенный по техническим причинам. – прим. расп.)

Во имя Св. Троицы начинаем с помощию Божиею и благостию дарования Его, пишуще седмь молитв часов дне и нощи ¹.

Прежде всякого часа глаголи:

Господи помилуй ны, Господи помилуй ны, Господи благослови ны. Аминь. Аллилуиа ².

Слава Отцу и Сыну и Святому Духу, ныне и присно и во веки веков. Аминь ³.

Сподоби нас, Господи, отверсти уста наша и призвати имя Твое, и глаголати во благодарении: Отче наш ⁴.

И посем молитва благодарственная св. Василия:

Благодарим Благодеющаго нам Бога милосердого, Отца Господа нашего и Бога нашего и Спаса нашего Иисуса Христа, яко покрыл ны [4-5] есть и помогл есть нам и сохранил ны есть, и приблизил есть ны к себе, и приял ны есть к себе, и защитил ны есть, и укрепил ны есть и привел ны есть в час сей. Помолимся убо Ему, да сохранит нас в день сей святый и во вся дни живота нашего во всяком мире, Вседержитель Господь Бог наш. Молитеся. Владыко Господи Боже Вседержителю, Отче Господа и Бога и спаса нашего Иисуса Христа! Благодарим Тя о всех делех и ради всех дел, и во всех делех, яко покрыл ны еси и помогл еси нам, сохранил еси ны, и приблизил ны еси к Тебе, и приял ны еси, и защитил ны еси, и укрепил ны еси и привел ны еси в час сей. И сего ради молимся Тебе и просим у благости Твоея, Человеколюбче: даждь нам скончати день сей святый и вся дни живота нашего во всяком мире и страсе Твоем. Всякую зависть и всякое искушение и всякое действо диавольское и совет человеков злых и востание враг тайных и явных отжени от мене и от всех людей Твоих и от места сего святого Твоего. Благая и прекрасная повели нам, яко Ты еси давый нам власть наступати на змию и на скорпию и на всю силу вражию. И не введи нас во искушение, но избави нас от лукавого благодатию и щедротами и человеколюбием Единородного Твоего Сына Господа и Бога и Спаса нашего Иисуса Христа, Им же Тебе подобает слава и честь и держава с Ним и со Святым животворящим и единосущным Твоим Духом, ныне и присно и во веки веков. Аминь ⁵. [6-7]

Приидите, поклонимся ⁶, приидите, помолимся Христу, Богу нашему. Приидите, поклонимся, приидите, помолимся Христу, Спасу нашему. Приидите, поклонимся, приидите, помолимся Христу, Спасу нашему. О Господи наш, Иисусе Христе, Слове Божий, Боже наш, молитвами святыя Марии Богородицы и всех святых Твоих сохрани нас. И даждь нам начати благое начало и помилуй ны по воле Твоей до века. Се прейде нощь и прииде день, благодарим Тя, Господи, и молим Тя, да сохраниши нас в сей день без греха и спасеши нас.

Послания Павла к Ефеесем IV, 1-6.

И Един Сын Иисус Христос, Слово иже воплотися и умре, и воскресе из мертвых в третий день, и вознесе ны с собою. И Дух Святый Утешитель, един во ипостаси своей, иже от Отца исходит и освящает всю тварь, и наставляет ны. Поклонимся Троице Святей, Единому Божеству и Единому виду. Прославим и благословим Ю до века. Аминь.

И глаголи псалом Давида, Аллилуиа 50-ый. [8-9]

И посем глаголи сие постоянное ⁷ славословие утреннее: Приступаем к Тебе, Христе, царю наш и Боже наш, и от Тебе чаем отпущения грехов наших, о любяй праведныя и грешныя.

Прииди ко мне днесь, Давиде, царю, владыко псалтири прекрасныя, и стани предо мною в час сей, и внуши мне силу слова, еже чту. И внегда возбряцает язык мой, медленноязычный и гугнивый, не отторгнется от струн псалтири твоея.

Прииди ко мне днесь, Давиде пророче, любяй молитву, и стани со мною, и научи мя всякой глубине слова. И внегда бряцати языку моему медленноязычному и гугнивому, ты напряги мне гусли твои на куюждо от песней, да внегда напрягати тебе гусли твои, поразятся врата сердца моего ленивого ⁸, и отжени от мене на веки всякую тяжесть и скорбь. И сподоби мя обратитися в любви единонравно тебе, о Давиде пророче; к тебе взываю аз раб ленивый: отверзи ми входы сердца моего, да внидет слово твое прекрасное, и посли секиру словесе твоего, стены зависти разсецающую, да внидет слово твое духовное, яко рекл еси: «и в законе [10-11] Его поучится день и нощь». Просвети сердце мое и возбуди помышление мое, да помолюся Ему, Вышнему, и реку Ему, Вышнему, и воспою Ему, Вышнему, и воззову, глаголя: Аллилуиа. 3. Слава и ныне.

И глаголи псалмы: 1. 2. 3. 4. 5. 6. 10. 11. 12. 14. 15. 18. 26. 62. 66. 69. 112. 142 ¹⁰.

И посем глаголи трижды: Аллилуиа. Слава Господу. Аллилуиа.

Трижды: Слава Господу, Эммануилу Богу нашему выну, во всякое время и во всякий час.

Благослови владыко чести из Евангелия Иоанна ученика и Апостола Господа и Спаса нашего Иисуса Христа, Сына Бога Живого, Емуже слава выну, во веки веков. Аминь.

Евангелие Иоанна 1, 1-17.

Евангелие Марка 1, 1-3 ¹¹.

Поклонимся Отцу и Сыну и Святому Духу.

Мир церкви ангельстей. Мир Деве, родшей Спаса нашего. Мир Гавриилу благовестившему ей. Мир Михаилу Архангелу. Мир двадесяти четырем старцам небесным. Мир Серафимам. Мир Херувимам. Мир вам, вся воинства небесная. Мир Иоанну, великому Крестителю. Мир двунадесяти Апостолом. Мир отцу нашему Марку Евангелисту, сокрушителю идолов. Мир Стефану Первомученику. [12-13] Мир Святому Георгию, звезде утренней. Мир вам, вси мученицы. Мир авве Антонию и Макариям ¹². Мир всем святым, понесшим крест, иже угодиша Богу подвиги своими. О Христе, царю наш, сотвори с нами милость во царствии Твоем ¹³.

О свете истинный, просвещаяй всякого человека, грядущего в мир. И пришел еси в мир за человеколюбие и вся тварь возрадовася о пришествии Твоем. И спасл еси Адама от тли и свободил еси Еву от мучительства смерти. И дал еси нам дух всыновления. Славим Тя и благословим Тя со Ангелы Твоими. Яко се прииде утро. О Христе Боже наш, свете истинный, да возсияет в нас сияние света Твоего и да не покрыет ны тьма страстей, да прославим Тя разумно с Давидом и воззовем к Тебе, глаголюще: предвариша очи наша ко утру, поучатися словесем Твоим. Услыши молитву нашу по велицей милости Твоей. И спаси ны, Господи, по множеству щедрот Твоих. О Господи, промыслителю о всяком творящем добрая и подателю благих святым Его. [14-15] О покрове крепкий притекающих к нему и хотяй всем спастися и сохранитися благостию Твоею. Уготовал еси нам нощь и даждь нам день сей без греха. И сподоби ны воздети руки наша к Тебе без досады и без помышления лукавого. В утро сие управи входы наша и исходы наша в радости сени Твоея, да возвестим правду Твою во вся дни живота нашего. И прославим силу Твою с Давидом пророком. В мире Твоем, Христе Боже наш, почием и возстанем, уповающе на Тя. Се что добро или что красно, но еже жити братии вкупе и согласны в любви истинней ангельстей, яко Апостоли и яко миро, стекающее на главе Христовой и сходящее до брады и до подножия ног его. И умастятся во вся дни старцы и дети и юноши и слуги, техже собра себе Дух [16-17] Святый, яко струны псалтири. Восхвалят Господа во всякое время во псалмех и пении и благословении и славословии духовнем нощию и днем сердцем немолчно ¹⁴.

И Тя, о Мати света, преславная Богородице, носившая Слово необыменное и по рождестве пребывшая Девою в славословии и благословении величаем, яко Той волею Своею и благоволением Отчим и Святого Духа прииде и спасены ¹⁵.

О Богородице, кадило благовонное девства Твоего взыде ко престолу Отца паче кадила Херувимов и Серафимов, о Марие, Дево!

Мир ¹⁶ Ти, о Дево. Мир небу новому, еже сотвори Отец и положи место упокоения Сыну своему возлюбленному. Мир престолу цареву, егоже носят Херувими. Мир Заступнице душ наших. Ты еси воистину похвала рода нашего; молися за ны, Благодатная, ко Господу нашему и Богу нашему Иисусу Христу Спасу нашему, да укрепит ны в вере правой и сподобит ны отпущения грехов наших.

¹⁷ Тысящи тысящ и тмы тем Ангел и Архангел чистых и святых, иже предстоят престолу Вседержителя вопиют глаголюще: свят, свят, свят воистину! Слава и честь подобает Троице Святей! Предстательствы избранных Ангел сподоби ны, Господи, отпущения грехов наших ¹⁸. Отцы наши Апостоли проповедаша во всех языцех [18-19] Евангелие Господа нашего Иисуса Христа, и изыде вещание их во всю землю и глагол их пройде до конец вселенныя. Молитвами владык наших Апостолов да сподобит ны Господь оставления грехов наших ¹⁹. Венец неувядаемый положи Господь, на главу всех мученик изрядных; спасе их и избави их, яко тии прибегоша к нему. И радуются с ним во царствии Его. Молитвами всех мученик изрядных, да сподобит ны Господь отпущения грехов наших ²⁰.

Мир Илии пророку ревнителю и Елисею, изрядному ученику его, и великому проповеднику в пределех Египта Марку Апостолу, иже нача устрояти его. И ты, Мати Господня, Марие Дево, молися о нас, да помилует род наш. Великий во Архиереех авва Афанасие, учителю чистый, светильниче сердц наших, подвизавыйся веры ради пред всеми отцы нашими, угодившими Господу, ихже благословение чистое да будет с нами. Молитвами их да сподобит ны Господь оставления грехов наших.

Милости Твоя, Господи, без числа и премноги щедроты Твоя. Капли дождевныя изочтены суть и песок морской паки такожде пред очима Твоима есть: и кольми паче греси души моея явлены суть пред Тобою. [20-21] Грехи яже сотворих, не помяни, Господи, и презри беззакония моя, яко Ты оправдил еси мытаря, и спасл еси блудницу и помянул еси разбойника десного. И мене паки, Господи, мене грешного раба Твоего (имя рек), настави, да сотворю покаяние, яко Ты еси не хотяй смерти грешника ²¹, но еже обратитися ему и спастися души его ²². Обрати ны, Господи ко спасению Твоему и сотвори с нами по милости Твоей. Благ бо еси и милостив и по милости Твоей помилуй ны, Господи Боже Спасителю наш. Помилуй [22-23] всех нас по велицей милости Твоей, помяни их, Христе Владыко наш, и пребуди среди нас, яко возгласил еси и рекл еси: «мир Мой даю вам и мир Отца Моего оставляю вам». О царю мира, мир Твой даждь и утверди нам мир Твой и прости грехи наши и беззакония наша. Эммануил, еже есть сказаемо «Бог наш с нами» ныне во славе Отца Своего и Св. Духа да благословит всех нас и да освятит сердца наша, да уврачует болезни душ и телес наших. Покланяемся Тебе, Христе, и Отцу Твоему Благому и Св. Духу, яко пришел еси и спасл ны еси.

Заутра ²³ услыши глас мой, о Царю мой и Боже мой, и внуши глаголы моя, и разумей звание мое, и вонми гласу моления моего, яко к Тебе помолюся, Господи.

Слава: Стопы моя направи... Да исполнятся...

И ныне: Что тя нареку, о исполненная благодати? Небо? яко возсия нам из тебе солнце правды. Рай? яко прозябла еси нам цвет неувядаемый. Матерь? аще и Дева еси чистая, непорочная. Отроковицу? яко носила еси на объятиях твоих Сына, всех Бога. Того моли о душах наших. [24-25]

Славословие Ангельское ²⁴: Слава в вышних Богу, и на земли мир, в человецех благоволение. Хвалим Тя и благословим Тя и поем Тя; покланяемтися и исповедуем Тя и славословим Тя; благодарим Тя, великия ради славы Твоея. Господи, царю небесный, Боже, Отче Вседержителю! Господи, Сыне Единородный, Иисусе Христе и Святый Душе. Господи Боже, агнче Божий, Сыне Отечь, понесый грехи мира, помилуй нас; вземляй грехи мира, приими молитву нашу. Седяй одесную Отца, помилуй нас, яко Ты еси един свят и Ты еси един Вышний, Господь мой Иисус Христос и Дух Святый, слава Бога Отца. Аминь. На всяк день благословлю Тя и восхвалю имя Твое святое во век века. Аминь. От нощи утренюет дух мой к Тебе, Господи Боже мой, зане свет повеления Твоя на земли. И поучуся пути Твоему, яко был еси помощник мой. Заутра услыши глас мой, Господи; заутра предстану пред Тя и явлюся Тебе. Сохрани ны, Господи, в день сей без греха.

Благословен еси, Господи Боже Отец наших, и прехвально и исполнь славы имя Твое святое вовеки. Аминь. Буди милость Твоя на нас, [26-27] якоже уповахом на Тя. Яко очи всех на Тя уповают и Ты даеши им пищу во благовремении. Услыши ны, Боже, Спасителю наш, упование всех концев земли. Ты, Господи, сохраниши ны и спасеши ны и соблюдеши ны от рода сего и во век. Аминь.

Благословен еси, Господи, научи мя оправданием Твоим. Благословен еси, Господи, вразуми мя судьбам Твоим; благословен еси, Господи, просвети мя правдою Твоею. Господи, милость Твоя во век, дел руку Твоею не презри, Господи, яко был еси прибежище нам в род и род. Аз рех: Господи, помилуй мя и исцели душу мою, яко согреших Тебе. Господи, к Тебе прибегох, спаси мя и научи мя творити волю Твою, яко Ты еси Бог мой, и у Тебе источник живота. Во свете Твоем, Господи, узрим свет. Пробави милость Твою ведущим Тя и правду Твою правым сердцем. Господи, милость Твоя во век, дел руку Твоею не презри. Тебе подобает хвала, и Тебе подобает славословие и Тебе подобает святыня, Отче, Сыне и Святый Душе, ныне и присно, и во веки веков. Аминь. [28-29]

Благо есть исповедатися ²⁵. Трисвятое ²⁶.

Пресвятая Троице ²⁷, ущедри нас, пресвятая Троице, пощади нас, пресвятая Троице, помилуй нас. Господи, прости грехи наша, Господи, остави нам беззакония и прегрешения наша. Господи, посети немощныя в людех Твоих и исцели их имени ради святого Твоего. Отец и братий и сестер наших преставлыпихся упокой души. О едине безгрешне, помилуй ны. О Господи непорочне, помози нам и приими моления наша и спаси нас, яко Твоя есть слава, сила и величие, Троице Святая. О Господи, помилуй ны, Господи, благослови ны. Аминь.

Отче наш. И по сем глаголи: Аллилуиа ²⁸.

Радуйся, ей же зовем целование, святая, пречестная и преславная Приснодево Богородице, Мати Христова! Вознеси наша молитвы к Сыну твоему возлюбленному, да оставит нам грехи наша.

Радуйся, рождшая нам свет правды во истинну Христа Бога нашего, Дево святая! Молися о нас ко Господу, да сотворит милость душам нашим и оставит нам грехи наша. [30-31]

Радуйся, Дево Марие Богородице, о святая, Предстательнице верная рода человеческого. Молися о нас ко Христу, Сыну Твоему, да сподобит ны отпущения грехов наших.

Радуйся, Дево, царице истинная.

Радуйся, похвало рода нашего, рождшая нам Эммануила! просим у Тебе, да помянеши нас, о во истинну милосердая пред Господем нашим Иисус Христом, да оставит нам грехи наша.

Молитва ²⁹: Христе Боже наш ³⁰, свете от света истинного, просвещаяй всякого человека, пришедый в мир. Да знаменается на нас свет лица Твоего, да в нем узрим свет невидимый и направи стопы наша к деланию заповедей Твоих и ходатайством рождшия Тя, спаси нас.

Слава: Премудрости наставниче ³¹, смысла подателю, немудрых наказателю, Царю мой и обращение сердца моего, Владыко. Даруй ми слово сладкое, о Отчее Слово, се бо отныне устне мои не возбраню во еже звати к Тебе: Милостиве, помилуй мя падшего. [32-33]

И ныне: Матерь Христову ³², преславную, паче Ангел чистейшую славим сию немолчно сердцем и усты и исповедуем, яко роди Бога воплощенна. Молися о спасении душ наших.

Величаем тя, Мати света истинного, и воспеваем тя, святая Богородице, яко родила еси нам Спаса всего мира; иже прииде и спасе души наша. Слава Тебе, Христе царю наш, Апостолов похвало, праведных радование, мученик венче, церковное утверждение, отпустителю грехов наших. Возвестим Троицу Святую в едином Божестве. Поклонимся Ей и восхвалим Ю.

Символ веры православныя ³³. Зде глаголи Евангелие и ектению ³⁴ и глаголи: Отче наш. И глаголи: Ей Господи, приклонивый небеса ³⁵. И отпуст Сына. Кирие элейсон 41 ³⁶.

Свят, свят, свят ³⁷ Господь Савваоф, исполнь небо и земля святыни славы Твоея. Потреби и остави и прости нам, Господи, вся грехопадения наша, яже сотворихом волею нашею или неволею, яже сотворихом [34-35] ведением нашим или неведением; прости их нам, Господи, имене ради Твоего святого и спаси нас.

Господи ³⁸ Боже сил, сый от начала века и пребываяй до века, Творче всяческих, создавый солнце светити во дни, и нощь — покой всем человеком. Тя благодарим, Господи, яко превел еси нам нощь в мире и привел ны еси к начатку дне. Благодарим Тя и славим Тя и молимся Тебе, Царю всяческих, возсияй нам свет Твоего истинного познания, просвети на нас свет богоразумия и сотвори ны сыны света и сыны дне, да прейдем день сей в правде и чистоте и преподобии и совершим вся дни живота нашего без соблазна, яко благословен еси и Тебе подобает слава и честь и поклонение Отцу и Сыну и Св. Духу, ныне и присно и во вся времена до века веков. Аминь.

Далее в некоторых рукописях полного типа (напр. В ²) следуют тропари:

Владыко, Боже Отче, Вседержителю...

Боже Отец наших... Помилуй нас, Господи, помилуй нас...

Слава: Господи, помилуй нас...

И ныне: Милосердия двери ³⁹...

Последние три тропаря положены и у нас на междочасти 1-го часа. См. их все на повечерии. [36-37]

И сей отпустительный: Посылаяй свет, и идет ⁴⁰ возсияваяй солнце на благия и лукавыя, творяй утро и свет всему миру, просвети сердца наша, Владыко всяческих, даруй нам в приходящий день благоугодити Тебе и сохрани нас от всякого деяния лукавого и от всякого греха и от всякия силы сопротивныя, яко благословен еси и Тебе подобает слава и честь и поклонение, Отцу и Сыну и Св. Духу, ныне и присно и во веки веков. Аминь. Аминь.

И глаголется сия молитва на коемждо часе:

Иже на всякое время ⁴¹ и на всякий час на небеси и на земли поклоняемый и славимый Христе Боже наш, блаже и долготерпеливе и многоблагоутробне, иже праведныя любяй и грешныя милуяй, иже вся зовыи к спасению обещания ради надеемых благ. И сего ради, Господи, [38-39] приими от нас в час сей молитвы и исправи живот наш к деланию заповедей Твоих, души наша освяти, и телеса очисти, помышления исправи, мысли очисти и избави от всякого зла и скорби и болезни и огради ны святыми Твоими ангелы, да будем ополчениями их соблюдаеми и наставляеми и да достигнет в соединение веры и в разум неприступныя славы Твоея, яко благословен еси во веки веков. Аминь.

И глаголи сие при скончании коеяждо молитвы:

Господи помилуй. Господи помилуй. Господи помилуй. О святая Троице, Боже наш и упование наше, помилуй творение Твоего, спаси души наша. О Господи Боже Милосерде, помилуй нас ⁴².

Κυριε ελεησον μα’.

Молитва благословения ⁴³ Св. Василия:

О Троице Святая, Отче, Сыне и Душе Святый, благослови люди Твоя христолюбивыя благословением небесным и яви на ны благодать [40-41] Святого Духа. И сотвори врата храма Твоего отверсты нам милостию Твоею и верою и даждь нам веру троическую совершенну даже до конца. О наставниче мой, Иисусе Христе, посети страждущия в людех Твоих и исцели их и путеводи отцам нашим, иже путешествуют и пришельствуют и возврати их во обители их в мире и здравии. И благослови ветры неба и дожди и плоды земные лета сего благодатию Твоею и сотвори услаждение и обилие всегда по лицу земли. И утверди нам мир Твой и обрати сердце царей державных ко исправлению нашему во всякое время. И даруй благодать предстоятелем церкве, иже собрани суть во храме сем святом, всем по именам их, утеши их. И упокой отцы наши и братию, преставшияся и почившия в вере правой. И благослови труждающияся при каждении и возношении, вине и елее, покровах и книгах, чтении и сосудех дома святилищного, да воздаст им Христос Бог наш во Иерусалиме небесном. И над всеми, собранными с нами, умилосердися, Христе Боже наш, и над всеми, иже подают нам милостыню, пред престолом Твоим страшным. И утеши всякую душу обремененную и [42-43] сущия во узах и во изгнании и пленении и в работе горцей держимыя избави, Боже наш, по велицей милости Твоей. О наставниче мой, Иисусе Христе, помяни во царствии Твоем небесном всех прибегающих к нам, да поминаем их. О Господи, спаси люди Твоя и благослови достояние Твое, упаси я и вознеси я до века. И соблюди их в вере православней и вся дни живота их. И постави их в любви, превосходящей всяк ум и всякое помышление молитвами и предстательствы, яже творит о нас, Владычица всех нас, Богородица чистая и святая Мария и четыри велицыи светоноснии святии Михаил и Гавриил, Рафаил и Суриил, и четыри животна безплотная и двадесять и четыри старцы небеснии, и отцы наши святии и великоименитии и вознесеннии памятию патриарси Авраам, Исаак и Иаков, и святый Иоанн Креститель, и четыренадесять тысящ и четыреста младенцев и отцы наши верховнии Апостоли, и святый Марк Евангелист и седмьдесять и два Апостола и седмь святых отроков, и Стефан Архидиакон и Первомученик и св. Георгий и св. Феодор восточный и св. Меркурий и св. Мина и св. Кирик и св. Феодор и св. Виктор и св. Клавдий и св. Василид и св. Пантелеимон [44-45] и св. Филофей и св. Исидор и вси мученицы, и владыка мой отец великий и праведный авва Антоний и отцы наши святии Макарии и отец наш авва Иоанн Колов и отец наш авва Псой и отец наш авва Иоанн Кама и праведный авва Павел и отец наш авва Пахомий и отцы наши святии римляне Максим и Дометий и святый и премогий авва Моисей и отец наш авва Арсений, и отец наш авва Феодор, сын Пахомиев и отец наш авва Агафон, и отец наш авва Паламон, и отец наш авва Даниил пустынножитель, и 40 мученик ⁴⁴, и вси понесшии крест праведнии и доблии и Ангел дне сего благословенного. Благословения их да пребудут с рабом Твоим во веки веков, Аминь. [46-47]

Во имя Отца и Сына и Святого Духа, Единого Бога. Молитва 3-го часа.

Начало обычное стр. 2.

По Прииди ныне, Давиде... Псалмы: 19, 22, 23, 25, 28, 29, 33, 40, 42, 44, 45, 46.

Евангелие Иоанна XV, 26 — XVI, 4.

Молитва ⁴⁵: О Господи! Духа Твоего Святого, всеосвящающего, Егоже ниспослал еси на Ученики Твоя святыя и Апостолы чистыя в третий час, сего, Благий, не отыми от нас, но обнови в нас, в он же аще день призовем Тя.

Сердце чисто созижди во мне, Боже. Дух прав обнови во утробе моей. Не отвержи мене от лица Твоего и Духа Твоего Святого не отыми от мене.

Слава: Господи, ниспославый в третий час Духа Твоего Святого всеосвящающего на ученики Твоя святыя и посланники Твоя чистыя, Того, о Христе, не отими от нас, о Сыне и Слове Божий, но обнови во утробе моей Духа правого и животворящего, Духа чистоты и пророчества и Духа святости и силы, превозмогуща над всеми, яко Ты еси [48-49] Просветитель душ наших, о просвещаяй всякого человека, грядущего в мир, помилуй нас.

И ныне ⁴⁶: О Богородице! Ты еси лоза истинная, принесшая плод живота! Тебе молимся о спасении душ наших, о славимая, со Апостолы.

Благословен ⁴⁷ Господь Бог во вся дни и во всякий день. Поспешит в путех наших Бог наш, Бог спасати.

И по сем: Милости Твоя, Господи... Трисвятое. Пресвятая Троице... Отче наш. Аллилуиа. Радуйся...

Царю небесный... ⁴⁸.

Слава. Якоже был еси посреде ученик Твоих, Спасе, и дал еси им мир, прииди паки, пребуди с нами и освяти души наша.

И ныне. Внегда стояти нам в чертозе Твоем святом, на небеси стояти мним; отверзи нам двери милости Твоея.

Величаем Тя, Мати света...

Символ православныя веры. И по сем: Κυριε ελεησον 41. Свят, свят, свят... ⁴⁹. [50-51]

И отпустительный сей ⁵⁰:

Боже щедрот и Господи всякия власти, возвеселивый ны во всякое время силою святого Духа, хвалим Тя, яко определил еси нам помолитися в час сей святый, в оньже излиял еси благодать Духа Твоего Святого на ученики Твоя чистыя и Апостолы святыя в виде огненных язык. Хвалим Тя, о Господи Человеколюбче, приими молитвы всех нас и остави грехи наша. Посли благодать Духа Святого на ны и избави ны от всякого искушения плоти и духа и сподоби нас служити Тебе во вся дни живота нашего и приведи ны в подвиг добрый духовный, да ходим в Дусе Твоем и не творим похоти плоти нашея, силою Единородного Сына Твоего, Господа и Бога и Спаса нашего Иисуса Христа, Емуже подобает с Тобою слава и честь и со Святым Духом, ныне и присно и во веки веков. Аминь.

Господи Боже Вседержителю, Отче Господа и Бога и Спаса нашего, Иисуса Христа, молим и просим у величия благости Твоея, о Человеколюбче, услыши мя грешного раба Твоего и да внидет молитва моя пред Тя и да приближится моление мое пред Тя, яко аз уповах на Тя, Господи Боже мой; даждь ми благодать Духа Святого, да отыдет от тела и духа моего всякий грех и всякое помышление лукавое плоти и духа, да буду дом Духу Святому и да сподоблюся взыскати милость и благость Твою; даруй ми терпение и послушание и смирение, да восприиму со благодарением вся [52-53] находящая на мя, и сподоби мя во вся дни живота моего понести крест страстей Сына Твоего Единородного, Господа и Бога и Спаса нашего Иисуса Христа. Спаси мя, Господи, и избави душу мою благословением Твоим святым и возврати вся пленения души моя и тела моего милостию Твоею и Святого Духа. И да будет мне милость Твоея во всякое время, да улучу милость пред Тобою в преславный день суда страшного, пред престолом возлюбленного Сына Твоего, с Нимже подобает слава и честь и поклонение Тебе и Ему и Святому Духу, ныне и присно, всегда и во веки веков. Аминь.

О Господи Вседержителю, Отче Мессии, даждь ми плоть нескверную и сердце чисто, и помышление трезвенно и ведение негиблющее и всели в мя Духа Твоего Святого, да о Нем стяжу правду и благоволение у Мессии Твоего, с Ним же Тебе и со Святым Духом слава и честь во веки веков. Аминь.

И глаголи: Иже на всякое время... Господи помилуй. И молитву благословения. [54-55]

Во имя Св. Троицы, молитва 6-го часа.

Начало обычное.

Псалмы: 53, 56, 60, 62, 66, 69, 83, 84, 85, 86, 90, 92.

Аллилуиа, слава Господу 3.

Евангелие Матфея V, 1-16.

И глаголи молитву сию ⁵¹: Иже в шестый день и шестый час пригвоздивыйся на кресте волею Твоею ради греха, егоже сотвори Адам в раи, о Христе Боже наш, раздери долгов наших рукописание, на нем же написан грех наш, о Христе Боже наш, спаси нас.

Аз к Богу воззвах... Внуши, Боже, молитву мою... Вечер, и заутра, и полудне, повем и возвещу, и услышит глас мой, избавит миром душу мою.

Слава: Иже в шестый час пригвоздивыйся на древе крестнем, Христе Боже наш, и древом умертвивый грех, и смертию Твоею ожививый мертвого, иже есть человек, егоже создасте руце Твои и уби грех, умертви страсти наша страстию Твоею и гвоздьми, имиже распялся еси. Обрати ум мой от страстей дел мирских к памятствованию оправданий Твоих небесных, яко милосерд. [56-57]

И ныне ⁵²: Яко не имамы дерзновения за многия грехи наша, и сего ради приближаемся к Тебе и к рождшемуся от Тебе, о Дево Богородице, яко велика молитва Твоя и сильна и приятна есть пред Господом. О Мати! не отврати ны грешныя егда молимся к рождшемуся из Тебе, яко милостив есть и снасти нас могий, яко о нас пострада, да свободит ны.

Скоро да предварят ны щедроты Твоя...

Милости Твоя... Трисвятое. Пресвятая Троице... Отче наш... Аллилуиа. Радуйся.

И молитву сию ⁵³: Соделал еси спасение посреди земли Христе Боже, внегда простерл еси руци пречистыя Твоя на дрове крестнем. И сего ради вси языцы взывают к Тебе, глаголюще: слава Тебе, Человеколюбче!

Слава: Пречистому Твоему образу ... [58-59]

И ныне ⁵⁴: Славим Тя, [благодатная] препрославленная Приснодево Богородице, крестом бо Сына Твоего сокрушися ад и упразднися смерть и мертвии возстахом и живота сподобихомся и рай восприяхом древнее наслаждение. И сего ради поем и благодарим безсмертного Христа Бога нашего и вопием глаголюще: помилуй ны, Господи Спасе наш, ныне и присно и во веки веков. Аминь.

И глаголи: Величаем Тя... Символ веры. Κυριε ελεησον 41. Свят, свят, свят... Отче наш ⁵⁵...

И отпустительный сей: Благодарим Тя, Господи Боже Вседержителю, Отче Господа и Бога и Спаса нашего Иисуса Христа и славим Тя, яко дал еси нам время страстей Единородного Сына Твоего, время радости и молитвы. Приими убо моление всех нас и потреби рукописание долгов наших, написанное на ны, якоже растерзал еси в час сей святый крестом Единородного Сына Твоего Иисуса Христа, Господа нашего, и Спаса душ наших, имже разрушися вся сила вражия и даровал еси нам время благословенно и подвиг без порока и прочее время живота, [60-61] да благоугодим имени Твоему святому, емуже покланяемся, и да неосужденно предстанем престолу Единородного Сына Твоего страшному, и прославим Тя во веки со всеми святыми Твоими. Ты еси, о Отче Безначальный и Сын единосущный Тебе и Святому животворящему Духу, ныне и присно и во веки веков. Аминь.

На Тя, Господи, уповах, и не постыжуся во век ниже да посмеютмися врази мои и не остави мене, да не похвалятся о мне злии, но волею Твоею спаси мя от часа сего и сохрани под рукою Твоею крепкою и посли ми помощь Твою и избави мя от враг моих, да возслю силе Твоей славу и благодарение, яко благословен еси во веки веков. Аминь.

И глаголи: Иже на всякое время... Господи помилуй.

Κυριε ελεησον 41. И молитву благословения. [62-63]

Во имя Св. Троицы, молитва 9-го часа.

Начало обычное.

Псалмы: 95, 96, 97, 98, 99, 100, 109, 110, 111, 112, 114, 115.

Аллилуиа. Слава Господу. 3.

Евангелие Луки IX, 10-17.

И глаголи молитву сию ⁵⁶: О вкусивыи смерти плотию в час девятый нас ради! умертви мудрования сердец наших, Христе Боже наш, спаси ны.

Да приблизится моление мое пред Тя, Господи, по словеси Твоему вразуми мя. Да внидет прошение мое пред Тя и по словеси Твоему избави мя.

И отвещают такожде и глаголют.

Слава: О предавый дух Твой Отцу, вися на древе крестнем и разбойнику с Тобою распятому в рай путесотворивый вход, не презри мене, Благий, ниже отвержи мене отверженного, но освяти мою душу и просвети елей светильника моего и сотвори мя причастника в благодати таинств Твоих безсмертных, яко вкусив от красот Твоих принесу Тебе славу безпрестанно, желая доброт Твоих паче вещей, о Христе Боже наш. [64-65]

И ныне ⁵⁷: Иже нас ради рождейся от Девы и понесый крест, благий, и победивый смерть смертию Твоею и явлей воскресение воскресением Твоим, о Христе Боже наш! не презри, яже создал еси, рукою Твоею и яви человеколюбие Твое, Милостиве. И приими молящуюся за ны Рождшую Тя и спаси люди Твоя уничиженныя.

И не предаждь нас до конца... ⁵⁸.

И глаголи: Милости Твоя. Трисвятое. Пресвятая Троице.

Отче наш. Аллилуиа. Радуйся.

И молитву сию ⁵⁹: Видя разбойник начальника жизни...

Слава: Приявый исповедание разбойника на древе крестнем, приими и нас, достойных осуждения смерти грех ради и исповедающих, якоже той грехи наша. И мы богословим Тя и взываем с ним вси, глаголюще: помяни нас, Господи, егда приидеши во царствии Твоем.

И ныне ⁶⁰: Агнца и Пастыря и Спаса мира на древе зрящи висима Рождшая глаголаше слезящи: мир убо радуется приемля избавление, утроба [66-67] же моя горит, зряши Твое распятие, еже на нем терпиши, Сыне мой и Боже мой.

И глаголи: Величаем тя, Мати... Символ веры.

Κυριε ελεησον 41. Свят, свят, свят…

И отпустительный сей: Боже, Отче Господа и Бога и Спаса нашего Иисуса Христа, Сына Единородного Твоего, иже искупи ны и свободи ны от проклятия греха явлением своим на древе крестнем! Молимтися имене ради святого Его благословенного и великого: отврати сердца наша от помышлений земных и от пристрастий мирских к памятованию суда Твоего небесного и исполни нам щедроты Твоя, Милостиве, и постави молитвы наша в час сей приятны пред Тобою, и укрепи ны, да пойдем в заповедех Твоих и достойны будем звания Твоего, имже призвал ны еси, да внегда изыти нам от плоти нашея и поити, причтемся с поклонники истинными страстей Христовых и восприимем спасение со всеми святыми, иже благоугодиша Тебе воистину от века и до века веков. Аминь. [68-69]

Молитва 2-я ⁶¹: Обретеся крест Твой, Господи, посреде двою разбойнику мерило правды: овому низводиму тяготою хуления во ад, другому же востающу от прегрешений к познанию богословия Твоего, Христе Боже наш.

Слава ⁶²: Просветивый земная крестом Твоим и призвавый грешныя к покаянию, не отлучи мене от стада Твоего, о пастырю добрый, но взыщи мя и помилуй мя погибшего и причти ко стаду Твоему святому, яко Отец щедрот еси Ты, Едине Человеколюбче.

И ныне: Богородице, не отступи от мене, внегда просити ми от Тебе спасения и помощи и укрепления, яко на Тя уповах, помилуй мя.

Молитва: Вседержителю, Животе всех, ради человеколюбия Твоего и величия милосердия к грешным явился еси нам, Свободитель и Спаситель был еси на святом древе крестнем и предал еси дух Твой волею Твоею, да делом сим посрамиши работу вражию. Ты, Господи, силою победы Твоея животворящия, умертви страсти наша телесныя и грех, гнездящийся в удех наших, исторгни. И искорени от сердец наших вся помышления лукавая, не угодная благости Твоей и свободи ны от всякия душепагубного брани, яве и тайно противовоюющия. И сохрани безсоблазнен живот наш, егоже дал еси нам во крещении Твоем христианстем святем, имже в таинстве непреложно крестихомся. Вселися, [70-71] Господи, в души наша и телеса, яко Ты еси живот всех. Побори, Господи, силою Твоею борющии мя и очисти сердца душ наших телесныя, и даждь нам спасение во бранех предстательством Владычицы нашея Марии Богородицы и собора святых и мученик, яко благословен еси и Тебе подобает слава и честь, и поклонение со Отцем Твоим Благим Небесным и со Святым Животворящим, единосущным Твоим Твоим Духом, всегда, ныне и присно и во веки веков. Аминь.

Молитва: О Господи, измеривый небо и землю пядию Твоею и создавый шестокрылатая Херувим, от них же четыре носят [Тя,] немолчно глаголюще: «свят, свят, свят Господь Саваоф, исполнь небо и земля святыни славы Твоея», и четыре хранят древо жизни; слава имени Твоему святому! Свободи мя от руки соблазнителя и положи множество лукавств моих, забвенно пред лицем Твоим, и по множеству щедрот Твоих даруй ми вся дни прощение и милость, яко благословен еси во веки веков. Аминь.

Конец обычный. [72-73]

Во славу Святыя Троицы, молитва вечера.

Начало обычное.

Псалмы: 116, 117, 119, 120, 121, 122, 123, 124, 125, 126, 127, 128.

Евангелие Марка 1, 29-34.

Милости Твоя...

Слава в вышнях Богу и на земли мир, в человецех благоволение. Предстательством Владычицы всех нас Св. Марии Богородицы даруй нам, Господи, оставление грехов наших. Поклоняемся Тебе, Христе, со Отцем Твоим благим и Духом Святым, яко пришел еси и спасл еси нас.

И глаголются моления сия: Хотех слезами изгладити ⁶³ падение мое, начертанное рукою, и прочее живота моего с покаянием познати Тя, Боже мой, но враг мой, прельстивый мя, борет душу мою; о Господи, прежде даже до конца не погибну, спаси мя.

От псалма ⁶⁴: Яко у Господа милость и многое у него избавление, и Той избавит Израиля от всех беззаконий его.

О Творче всяческих ⁶⁵, оскверних житие мою с блудными и мытари, о врачу болящих, исцели язву души моея согрешившего, яко уповаю на Тя, о Господи, прежде даже до конца не погибну, спаси мя. [74-75]

От псалма ⁶⁶: Хвалите Господа вси языцы, похвалите Его вси людие.

Отяготихся ⁶⁷ тяжестию грехов и прегрешений и устрелен есмь стрелою супостата; обратителю небрегущих и избавителю падших, Господи, прежде даже до конца не погибну, спаси мя.

От псалма ⁶⁸: Яко утвердися милость Его на нас и истина Господня пребывает во век.

Бых ⁶⁹ преткновение человеком и обнищах и породих чадо небрежения и от заповедей Твоих повеленных уклонихся, и оскверних ложе мое. Создавый мя от земли, создания Твоего не презри мя, Господи, прежде даже до конца не погибну, спаси мя.

Слава, конец. И ныне: О чистая Приснодево нескверная, рождшая Бога безсеменно, предстательствуй о спасении душ наших.

Славословие вечернее ⁷⁰: Свете тихий святыя славы, безсмертного Отца небесного, святого, благого, Иисусе Христе! славим Тя, видяще свет вечерний в час захода солнца, со Отцем Твоим благим и Духом Святым. О Боже наш, достоин сый во вся времена нет быти гласы чистыми, о Сыне Божий, даяй живот вечный! темже славит Тя весь мир. [76-77]

И посем глаголи: Сподоби, Господи... Благо есть... ⁷¹

Молитва ⁷²: Согреших Ти, Господи Спасе мой, яко блудный сын, но приими мя к Тебе в покаянии сущего, о Господи, помилуй мя.

К Тебе возведохом очи наша ⁷³:

К Тебе взываю, Спасе мой, мытаревом гласом, глаголя: Господи, прости мя и помилуй мя ⁷⁴.

Помилуй нас, Господи, помилуй нас ⁷⁵.

Воини суть, иже не восхотеша сладостей земных и сего ради сподобишася небесным благим и быша сопричастницы Ангелом. О Господи, молитвами их помилуй нас ⁷⁶.

Слава и ныне.

О Богородице Дево Марие! сохрани стадо Твое от напастей многих, яко вси по Бозе к Тебе прибегаем. Яко прибежище крепкое буди нам, испроси милость душам нашим у Господа нашего ныне и присно и во веки веков. Аминь.

И глаголи молитву Симеона: Ныне отпущаеши... ⁷⁷.

И глаголи молитвы сия:

Господи, воззвах к Тебе, услыши мя и вонми гласу моления моего, имже воззвах к Тебе ⁷⁸. [78-79]

Яко блудный сын со гласом покаяния глаголя: согреших, Господи, на небо и пред Тобою, но приими мя к Тебе, о Человеколюбче, яко наемника ⁷⁹.

Да исправится молитва моя пред Тобою, яко жертва вечерняя ⁸⁰.

Молютися, яко мытарь и се помолихся Тебе в покаянии, глаголя: остави ми, Господи, яко грешен есмь, яко у Тебе милость и многое избавление у Тебе.

О Господи Иисусе, не слезих аз, яко блудница, ниже вопиях, яко мытарь, ниже взывах к Тебе, яко Хананея. Грехов моих множество и щедроты Твоя да умножатся паче мене. Вопию Ти, Господи мой Иисусе Христе, Спасе мой и Боже мой, услыши молитву мою величия ради милости Твоея. Аз есмь последний от наемник во единонадесятый час. И ленихся в долготу дневную, творя грех и обращаюся в час вечерний, прошу милости Твоея, о Спасе всех приходящих в дом Твой. Воздеваю руце мои и взываю к Тебе, Спасе мой Иисусе Христе. Услыши молитву мою, яко согреших Тебе, Господи, иждих всю долготу дней моих в делании беззакония. И сего ради несмь достоин призвати Тя, Сыне Единородный. Приблизи мя к Тебе, яко воззвах к Тебе во время напасти, Иисусе [80-81] Христе, Спасе мой, услыши молитву мою и не отрини мене, злобы моея ради, и не по делу рук моих, но яко Бог благий исправи путь мой и спаси мя по велицей милости Твоей. О мученицы чистии, ради Христа омывшиися от пороков кровию подвиг своих и исходатаившии жертву чистую на небесех воистину. Ей молим вас, молитеся о нас с Богородицею, пророки, и апостолы, и учители, и носители креста, и верными свидетельству, яко да спасет души наша.

О Христе Боже наш, избави нас от всякого удара нечистого величия ради милости Твоея.

И глаголи: Трисвятое. Завет вечера. Пресвятая Троице. Отче наш ⁸¹. Радуйся.

И молитву сию: Радуйся, Дево, обретшая благодать, о святая Марие, Господь с Тобою, благословенна Ты в женах и благословен плод чрева Твоего, яко Спаса родила еси душ наших ⁸².

Слава: О крестителю Христов святый Иоанне! помяни сонм наш, да избавимся от преступления: тебе бо дадеся благодать, да молишися за ны ⁸³. [82-83]

И ныне: О отцы наши Апостоли святии, чистии и весь собор праведных! молитеся о нас грешных, да избавимся от бед и утеснений: вас бо стяжахом предстатели ко Христу.

О Богородице! се яко есмы под покровом милости Твоея, не презри молений наших в скорбех, но от погибели избави ны, едина чистая и благословенная ⁸⁴.

И глаголи: Величаем Тя и Символ веры и Κυριε ελεησον 51.

Свят... Отче наш ⁸⁵.

И отпустительный сей: О Господи страшный и святый, благий и премогий над всей тварию, подавый возлюбленным своим законы изглаголанный и естественный. О Господи, уставивый течение солнца и луны и звезд и стояния их и исперва повелевый, да будут в область нощи и дне. Тя благодарим, Боже наш, яко сподобил еси нас прейти день сей и приблизил еси нас в начаток нощи. Молим Тя, Господи, в грядущую нощь просвети нас светом Твоего познания, да будем [84-85] подобни во свете ходящим праведно и благоугодно Тебе. Ты Господи благий и милосердый, упокой телеса паша от всякого греха нощного, да воздадим славу имени Твоему и честь Помазанному Твоему, им же Тебе подобает слава. Аминь.

И паки глаголи сей отпустительный: Благодарим Тя, Господи милостиве, яко сподобил еси ны препроводити день сей целы и привел еси ны к нощи во благодарении, и сподобил ны еси видети свет вечера сего, приими, о Господи, славословие сие, егоже возсылаем Тебе, и свободи ны от всякого злого действа диавольского, и упраздни вся сети его, сплетенныя на ны. И даруй нам в вечер сей и приходящую нощь мир без страсти и немощи и смущения, да препроводим ю целы и востанем на молитву и славословие, яко на всякое время и на всякий час Тебе [86-87] подобает слава и честь и поклонение, безначальному Отцу со единородным Твоим, единосущным Твоим Сыном и Святым животворящим Духом, ныне и присно и во веки веков. Аминь.

Молитва о царех: О Господи, укрепи цари христианския. Ей Господи Боже, умножи лета их, сохрани царство их в правде и соблюди верныя христианы до века веков. Аминь.

И глаголи: Иже на всякое время... Господи помилуй 41 ⁸⁷.

И молитву благословения. [88-89]

Во имя Св. Троицы, молитва сна ⁸⁸.

Начало обычное.

Псалмы: 129, 130, 131, 132, 133, 136, 137, 140, 141, 145, 146, 147 ⁸⁹.

Слава и ныне. Аллилуиа. Молитва Евангелия. Ев. Матфея 24, 45-56 (или Луки II, 25-35).

Молитва сна из Исаии пророка ⁹⁰: С нами Бог, разумейте вси языцы и покоряйтеся, яко с нами Бог. Услышите до последних земли, яко с нами Бог, до Царь мира, Отец будущего века.

И глаголи сия: Се прейде день ⁹¹, благодарим Тя, Господи, и просим Тя, да подаси нам нощь с вечером без греха, Спасе, и спасеши нас.

И глаголи моления сия: Се прейде день. Благодарим Тя, Господи, и просим Тя, да подаси нам вечер с приходящею нощию без греха. Спасе, спаси ны.

Слава: Се прейде день, благодарим Тя, Наставниче, и молим у Тебе, Спасе, да даруеши нам вечер с приходящей нощию без страха, Спасе, и спасеши ны. [90-91]

И ныне: Се прейде день. Благодарим Тя, Святый, и молимся у Тебе, да подаси нам вечер с нощию приходящею без соблазна. Спасе, спаси ны.

И глаголи: Безплотное естество ⁹² херувимское немолчными песньми Тя славословит и серафими, четыре животныя шестокрылатии восклицают Тебе велегласно непрестанно, ангелов же вся воинства трисвятыми песньми Тя восхваляют; прежде бо всех еси сый Отец неотступный и Сын безначальный и являяй Тя и Дух Твой собезначальный и единочестный; Троица нераздельная.

Слава: Всесвятая Дево, Мати Христова, самовидице Слова и служительнице Его, и вси лицы святых и пророк и апостол и мученик, яко безсмертную имате жизнь, молитеся о нас, яко мы грешни и в бедах есмы, да избавльшеся от лукавого, ангельскую вопием песнь, глаголюще: Святый, Святый, Святый, Трисвятый, помилуй нас. [92-93]

И ныне ⁹³: Владычице Всесвятая Дево, моли о нас грешных. И вся небесныя силы Ангел, молите о нас грешных. И святый Иоанне пророче и крестителю и проповедниче и предтече Христов, моли о нас грешных. Отцы наши святии Архиепископы и Епископы и Иереи, подвизавшиися за веру правую христианскую, молите о нас грешных. Отцы наши честнии, понесшии крест, молите о нас грешных. Сохрани ны, Господи, силою Креста Твоего животворящего непостижимою, и не удали щедрот Твоих от нас. Прости мя грешного и беззаконного и помилуй мя.

И посем глаголи: Сподоби, Господи ⁹⁴. Благо есть исповедатися ⁹⁵.

Милости Твоя. Славословие ангельское ⁹⁶.

Трисвятое. Трисвятая Троице. Отче наш ⁹⁷.

Радуйся ⁹⁸.

И молитву сию ⁹⁹: Невидимых врагов моих... [94-95]

Слава: Яко страшен суд Твой, Господи… ¹⁰⁰

И ныне: Се, Богородице, вселих надежду на тя в сердце мое, и не постыждуся, но спасуся и стяжав помощь и предстательство твое, о совершенная и чистая, не убоюся. Пожену убо враги моя и уловлю я, носяй покров завесы твоея, яко броню и помощь твою, вся побеждающу. И молюся, вопия к тебе, о Владычице: спаси мя молитвами твоими и воздвигни мя от мрачного сна к славословию во всякое время силою из тебе вочеловечившегося Бога нашего.

И глаголи: Величаем тя, Мати света... ¹⁰¹.

И глаголи символ веры и Κυριε ελεησον 51 ¹⁰². [96-97]

И паки глаголи: Просвети очи мои... ¹⁰³.

Слава ¹⁰⁴: Заступник души моея...

И ныне ¹⁰⁵: Ты еси вся священие, Дево чистая Богородице, Мати Христова, принеси наша молитвы к Сыну Твоему Богу нашему, да спасет души наша.

Молитва иная ¹⁰⁶: Христе Боже наш, даруй нам сон со упокоением души и тела нашего; сохрани нас от мрака греховного, спаси от желаний страстных, угаси разжжения плоти, разреши узы вражия. Даруй нам, Господи, сердце бодрственно и помышление разумно и ложе чисто и одр покоен и воздвигни нас ко славословию и ликовствованию, яко благословен еси, Господи, и Тебе подобает слава и пение и прославление и величания со Отцем Твоим благим и Духом Святым животворящим, ныне и присно и до века веков. Аминь.

Молитва иная ¹⁰⁷: Господи, Господи, избавлей нас от всякия стрелы, летящия во дни, избави ны и от всякия вещи во тме преходящия; приими воздеяние рук наших, яко жертву вечернюю и сподоби нас да и стояние нощное без порока прейдем и проведем без навета от всякия тмы и боязни, яже от диавол нам прибывающия. Даруй душам нашим радование и смирение, и помыслом нашим попечение и испытание ради суда [98-99] Твоего праведного и страшного. Пригвозди страху Твоему плоти наша и умертви уды наша, сущия на земли, да во дни благообразию ходим зрением судеб Твоих. Отыми от нас всякую лесть лукавого и всякую похоть злу и воздвигни ны во время молитвы, утвержденны в вере, без порока сущия и труждаюшияся в заповедех Твоих и познании Твоем, благостию единородного Сына Твоего, с ним же благословен еси и благостию Духа Твоего Святого, единосущного Тебе, всегда и до века веков. Аминь.

И отпустительный сей ¹⁰⁸: Господи, вся, яже согреших в день сей словом, или помышлением, или делом или всеми чувствы, сокровенная и явная, остави и прости и помилуй и отпусти имене ради Твоего святого. И даруй нам, Господи, сон от всякого смущения изменен и посли нам Ангела мирна, иже покрыет ны от всякого зла и от всякого прилога вражия, благодатию и щедротами единородного Сына Твоего, Господа и Бога и Спаса нашего Иисуса Христа, с Ним же Тебе подобает слава, и Святого Духа животворящего, равнобожественного Тебе, ныне и присно и во веки веков. Аминь.

Молитва ¹⁰⁹: Господи Боже Отче Вседержителю, Сыне Единородне, Господи наш Иисусе Христе и Святый Душе, едино Божество и едина [100-101] сила, помилуй мя грешного и спаси мя раба Твоего недостойного, яко благословен еси во веки веков. Аминь.

Молитва другая ¹¹⁰: Боже Отец наших, творяй присно с нами по величию Твоея кротости! Не остави милость Твою от нас, но молитвами их, во благополучии управи живот наш. Помилуй нас ¹¹¹, Господи, помилуй нас: всякого бо ответа недоумеюще, сию Ти молитву приносим, о Владыко, помилуй нас, яко грешни есмы.

Слава: Помилуй нас ¹¹², Господи, помилуй нас, на Тя бо уповахом, и не прогневайся на ны зело, ниже помяни беззаконий наших, но призри, яко благоутробен, и избави ны от враг наших: Ты бо еси Бог наш, и мы вси дело руку Твоею и людие Твои и овцы нажити Твоея и сынове церкве Твоея святыя и имя Твое призваем.

И ныне: Отверзи нам ¹¹³ двери милосердия твоего, благословенная Богородице, надеющиися на тя да не постыдимся, но да избавимся тобою от всяких искушений: ты бо еси спасение рода человеческого, молися о нас.

И глаголи молитву Манассии, царя Иудейского ¹¹⁴.

От псалма ¹¹⁵:

Хвалите Бога во святых Его... [102-103]

Господи сил, с нами буди

Иже на всякое время...

Господи помилуй ны.

Κυριε, ελεησον 41.

Молитва благословения.

Комментарии

1. Заглавие приведено по Петербургской рукописи. Заметим, что слова «во имя Св. Троицы», или «во имя Отца и Сына и Св. Духа», кажется, произносились пред началом каждого часа; по крайней мере в Петерб. 12 иногда за ними: ***.

2. Κυριε ελεησον, Κυριε ελεησον, Κυριε ευλογισον. ‘Αμην. ‘Αλληλουια.

3. Δοξα... και νυν...

4. Πατερ ημων.

5. Эта молитва, как и все предыдущее и последующее до псалмов (стр. 10, ₄), представляет обычное начало служб эфиопской церкви, соответствующее: «Царю Небесный...» и проч. до «Приидите поклонимся...» включительно, у нас. Псалмы начинают собой последование в собственном смысле; в данном случае на стр. 10, ₄ — первого часа (*** ***).

6. Δευτε προσκυνησομεν. κτλ.

7. Т. е. употребляющееся на всех службах, причем, оставаясь в буквальном виде, называется «славословием третьего, шестого etc. часа».

8. В ркп. В ^1.2 ***, т. е. «вознесем жертву».

9. Т. е.: аккомпанируй мне при каждой моей песни на гуслях твоих и аккомпанемент на гуслях твоих да поразит...

10. Относительно псалмов рукописи не согласны. Петерб. 12 дает еще 113-й; В ² — 91-й; Р ¹ — 8-й и 84-й.

11. В коптском Diurnum оба Евангелия вместе; в эфиопских рукописях одни дают одно, другие — другое. В Петерб. 12 помещено первое Евангелие.

12. В рукописях стоит: «и трием Макариям». Как известно, коптская церковь чтит «Трех совершенных Макариев», т. е., кроме прославленных и православной церковью египетского и александрийского, еще епископа города Ткоу (Антеополя). Последний был первым мучеником монофиситства. См. о нем у В. В. Болотова: «Из церковной истории Египта» I, 29 сл.

13. Этот ряд молитвенных призываний принадлежит к числу наиболее распространенных в эфиопской церкви. «Салам», которым начинается каждое из них, передано нами «мир», как в видах возможно большей близости к подлиннику, так и вследствие евангельского «мир вам». Заметим, что соответствующим обращением является греческое «χαιρε» = коптск. хере и наше «радуйся».

14. В копт. печатном часослове, изд. Туки, все следующее за этой молитвой выпущено в службе первого часа до «Трисвятого» и помещено в последовании утрени (Θεοτοκια, стр. 145-155).

15. В коптск. следует еще: «и мы молимся улучити нам милость твоим предстательством у Человеколюбца».

16. Коптск. хере = радуйся.

17. Коптск. рубрика: *** ***.

18. Коптск. рубрика: *** ***.

19. Коптск. рубрика: *** ***.

20. В коптск. следует: «Ради понесших крест (*** ***): Святи Твои благословят Тя и славу царствия Твоего возглаголют. Царство Твое — царство веков и владычество Твое во вся роды. Молитвами всего лика понесших крест» etc.

21. Вместо этих первых 4-х строк, рукопись В ² дает: Не помяни, Господи, грехов, яже сотворих, Милосерде, и не назри беззаконий моих, о Наставниче. Аз не плачу, яко блудница ниже воздыхаю, яко мытарь; не осуди мене, яко Содом, и не погуби мене, яко Гоморру, но сотвори милость со мною, яко с Ниневитяны, внегда покаятися им и обратитися. Господи, да не яростию Твоею обличиши мене, ниже гневом Твоим накажеши мене. Распространи мене в скорби моей вмале, прежде неже пойду отнюду-же несть возвращение. Сердце чисто созижди ми, Господи, и дух прав обнови во утробе моей, яко Ты еси оправдивый мытаря и спасый блудницу и помянувый разбойника десного. И мене грешного раба Твоего помилуй, да сотворю покаяние, яко лукавое сотворих пред Тобою, яко Ты еси не хотяй смерти....

22. В ² вставляет: Умилосердися о мне, Наставниче мой и Господи мой и Боже мой, Иисусе Христе, и помилуй мя по благости Твоей, яко благ еси и милостив. Скоро да предварят щедроты Твоя мене, раба Твоего (имя рек), и помилуй всех нас, Господи Боже, спасения моего. Помилуй мя, Господи, яко немощен есмь, и исцели мя, яко смятоша кости моя зело. К Тебе, Господи, воздвигох душу мою, на Тя уповах, не посрами мене. И очисти ми беззакония моя, яко беззакония моя превзыдоша главу мою и яко бремя тяжкое отяготеша на мне. Обрати ны, о Господи, ко спасению Твоеми....

23. Το πρωι εισακουσον της φωνης ωου, ο Βασιλευς μου και ο Θεος μου. Τα ρηματα... ‘Οτι πρως σε προσευξομαι, Κυριε.

Δοξα. Τα διαβηματα μου κατευθυνον... Πληρωθητω ...

Και νυν. Τι σε καλεσωμεν κτλ.

Все эти тропари выпущены в рукописях, подобных Петерб. 12, L ^l, B ¹ и коптских.

24. Δοξολογια μεγαλη.

25. 'Αγαφον το εξομολογεσθ;ι... Τρισαγιον.

26. Имеется в виду здесь, как и во всех прочих службах, великое монофиситское Трисвятое, изд. Дилльманом в Хрестоматии стр. 46. В Петербургской рукоп. 12 на прочих службах пред ним стоит *** rubrum.

27. Παναγια Τριασ...

28. Πατερ ημων. ‘Αλληλουια.

29. Следующих трех тропарей нет ни в рукописях типа Петерб. 12, В ¹, L ¹, ни в Diurnum Alexandrinum.

30. Χριστε, το φως το αληθινον κατλ.

31. Δοξα. Της σοφιας οδηγε... (Κυριακη της Τυροφαγου).

32. Και νυν. Την υπερενδοξον του Θεου Μητερα κτλ.

33. В коптском такой порядок: Агиос. Отче наш. Верую. Господи помилуй 25. Добавки о чтении здесь Евангелия etc. только в парижской рукоп. 81.

34. «'Η συναπτη».

35. Молитва: «Господи, приклонивый небеса» со следующей за ней отпустительной молитвой к Богу-Сыну встречается в коптском чине утреннего каждения и переведена у Bute в «The Coptic Morning Service», 32. Молитва эта читаемая тайно, вероятно имеет связь с произносимой у нас, также тайно, пред возгласом просительной ектении на вечерне и имеющей тоже начало: «Κυριε ο Θεος ημων, ο κλινας ουρανους... Молитва*** *** упомянута еще у Dillm., Verzeichn. 6, 7, 7.

36. Πιστευω εις ενα Θεον κτλ. Κυριε ελεησον. μα.

37. ‘Αγιος, αγιος, αγιος Κυριος Σαβαωθ... κτλ.

38. В коптск. в этой молитве некоторые места представляют несущественные различия.

39. Δεσποτα Θεε, Πατερ Παντοκρατορ... 'Ο Θεος των Πατερον ... 'Ελεησον ημας Κυριε... Δοξα. Κυριε ελεησον ημας... Και νυν. Της ευσπλαγχνιας την πυλην...

40. 'Ο εξαποστελλων το φος και πορευεται... κτλ. (Ευχη του Μεσωριου της Πρωτης).

41. 'Ο εν παντι καιρω.

42. В коптском последней фразы нет.

43. В коптских книгах этой молитвы я не нашел, между тем трудно сомневаться в ее египетском происхождении в виду отсутствия поминания эфиопских святых. Следует также заметить, что она, по-видимому, считается как бы вне службы, по крайней мере в некоторых рукоп. (м. пр. Петерб. 12) ей предшествует «конец NN службы».

44. В рукоп. «49 мученик», т. е. имеются в виду шихатские монахи-монофиситы, современники Феодосия Младшего. См. о них у Wustenfeld'a, Synaxarium, das ist Heiligen-Kalender der Coptischen Christen, 261 сл.

45. Κυριε, ο το παναγιον σου Πνευμα... Καρδιαν καθαραν... Μη απορριψης...

46. Και νυν. Θεοτοκε, συ ει η αμπελος...

47. Κυριος ο Θεος ευλογητος...

48. Βασιλευ ουρανιε... Δοξα. ‘Ως εν μεσω των μαθητων σου... (‘Η υπακοη του ‘Αντιπασχα). Και νυν. ‘Εν τω ναω εστωτες...

49. Πιστευω... Κυριε ελεησον. ‘Αγιος, αγιος, αγιος...

50. В коптском есть несколько вариантов и молитва обращена к Богу Сыну. Двух следующих молитв нет в коптском издании Туки, я их нашел только в В ² и Р ¹.

51. ‘Ο εκτη ημερα... ‘Εγω προς τον Θεον εκεκραξα... ‘Ενωτισαι... ‘Εσπερας, και πρωι...

52. Και νυν. ‘Οτι ουκ εχομεν... Ταχυ προκαταλαβετωσαν...

53. Σωτηριαν ειργασω... Δοξα. Την αχραντον Εικονα...

54. Και νυν. ‘Υπερδεδοξασμενη υπαρχεις...

55. Πιστευω. Κυριε ελεησον μ’. Αγιος, αγιος, αγιος... Πατερ ημων...

56. ‘Ο εν τη εννατη ωρα... ‘Εγγισατω η διησις μου... Εισελθοι...

57. Και νυν. ‘Ο δι ημας γεννηθεις εκ Παρφενου...

58. Μη δη παραδωης ημας...

59. Βλεπων ο ληστης...

60. Και νυν. Τον ‘Αμνον και Ποιμενα...

61. ‘Εν μεσω δυο ληστων...

62. Δοξα. ‘Ο φωτισας τα επιγεια...

63. ‘Ηθελων δακρυσιν εξαλειψαι’ κτλ. (Κυριακη του δ’ ηου, εσπερας. Κατανυκτικον).

64. Στιχος: ‘Οτι παρα τω Κυριω το ελεος... (ψ. ρκθ’).

65. ‘Απας ο βιος μου μετα πορνων... (Τριωδιον, τεταρτη της ε εβδομαδος των νηστειων, εσπερας).

66. Στιχος: ‘Αινειτε τον Κυριον παντα τα εθνη... (Ψ. ρις’).

67. Βαρει συνεχομαι... (ibid.)

68. Στιχος: ‘Οτι εκραταιωθη...

69. Γεγονα προσκομμα... (ibid.)

70. Δοξολογια εσπερινη: Φως ιλαρον.

71. Καταξιωσον Κυριε... ‘Αγαθον το εξομολογεισθαι...

72. ‘Ημαρτον εις σε Σωτηρ, ως ο ‘Ασωτος υιος.

73. Στιχος: Προς σε ηρα τους οφθαλμους μου. κτλ.

74. Κραξω σοι Χριστο Σωτηρ του Τελωνου την φονην...

75. Στιχος: ‘Ελεησον ημας, Κυριε, ελεησον ημας... κτλ.

76. Οι την επιγειον απολαυσιν μη ποθησαντες ... (Μαρτυρικον του β’ ‘Ηχου).

77. Νυν απολυεις...

78. Κυριε εκεκραξα κτλ.

79. ‘Ος ο ‘Ασωτος υιος (¨Ηχος βαρυς Κατανυκτικον).

80. Κατευθυνθητω η προσευχη μου...

81. Τρισαγιον. Παναγια Τριας. Πατερ ημων.

82. Θεοτοκε Παρθενε, χαιρε...

83. Δοξα. Βαπτιστα του Χριστου...

84. Και νυν. ‘Ικετευσατε υπερ ημων...

85. ‘Υπο την σην ευσπλαγχνιαν καταφευγομεν... В Петерб. 12 следует указание на чтение «Царю Небесный».

86. Πιστευω. Κυριε ελεησον να’. ‘Αγιως. Πατερ ημων.

87. ‘Ο εν παντι καιρω... Κυριε ελεησον... μα’.

88. (Великое) повечерие.

89. В Петерб. 12 указаны еще пс. 134, 135, 144, 145.

90. Μεθ’ ημων Θεος κτλ. В Петерб. 12. L ¹ и В ¹ всего следующего нет до самой молитвы *** ***.

91. Την ημεραν διελθων... κτλ.

92. ‘Η ασωματος φυσις, τα Χερουβιμ... κτλ.

93. Παναγια Δεσποινα Θεοτοκε...

94. Καταξιωσον, Κυριε...

95. ‘Αγαθον το εξομολογεισθαι...

96. Δοξολογια μεγαλη...

97. Τρισαγιον. Παναγια Τριας. Πατερ ημων.

98. Χαιρε.

99. Των αορατων εχθρων...

Этих тропарей опять нет в рукописях, содержащих сокращенное (малое?) повечерие: Петерб. 12, L ¹ и В ¹.

100. Δοξα. ‘Ως φοβερα η κρισις.

101. Και νυν. Την ακαταισχυντον, Θεοτοκε, ελπιδα...

102. Πιστευω... κτλ. Κυριε ελεησον να’.

103. Φωτισον τους οφθαλμους μου...

104. Δοξα. ‘Αντιληπτωρ...

105. Και νυν. ‘Υπερενδοξε, αειπαρθενε...

106. Και δος ημιν...

107. Κυριε, Κυριε, ο ρυσαμενος...

108. Ευχη πεμπτη των προς υπνον απιοντων...

109. Δεσποτα Θεε, Πατερ Παντοκρατορ...

110. ‘Ο Θεος των Πατερων...

111. ‘Ελεησον ημας, Κυριε...

112. Δοξα. Κυριε, ελεησον ημας...

113. Και νυν. Της ευσπλαγχνιας την πυλην...

114. Προσευχη Μανασση, βασιλεως της ‘Ιουδαιας...

115. Ψαλμος ρν’. Και «Κυριε των δυναμεων , μεθ’ ημων γενου...».

Текст воспроизведен по изданию: Часослов эфиопской церкви. Издал и перевел на основании нескольких рукописей Б. Тураев // Записки императорской академии наук по историко-филологическому отделению, Том I. № 7. СПб. 1897