Сделать стартовой  |  Добавить в избранное  | Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

НИКОЛАЙ СПАФАРИЙ

КНИГА ВАСИЛИЛОГИОН

/л. 278/ Константин, первый во кесарех римских царь христианский, родися от Константина Хлора и Елены; бяху же оба ко православной вере зело склоннии; сего ради, яко пишет Евсевий, Елена, мати Константинова зрением божественным увещевана бысть путешествовати во Иерусалим и тамо гроб Спасителя и крест снискати. И сипе тамо гроб и крест обрете и прекрасное устрой строение; о них же доволно пишут историцы.

Великий же наречеся Константин ради великих дел его и славы, понеже Римский сенат по победе Максентия именова его Великим и свободителя и основателя тишине. И то знаменователно, яко первый между всех кесарей римских Константин Великий наречен бысть яко иногда Александр. Бе же Константин муж зело /л. 278об./ преизрядный и во телесных украшениях и доблести мужественнейший и во душевных удобрениях преизряднейший. И аще Галерий Максимин кесарь, при нем бо в первых отец его служити посла, зависти ради посла, яко во явную погибель противу сарматов с воинством, — обаче победитель возвратися и воеводу сарматскаго живаго пойма. Виде же Максимин мужественность его, повеле его во зрелишы противу Великаго Лва борбьствовати. Константин же абие Лва уби и от воинства хвалами великими похвалися, Максимин же иным коварством хотя его убити. Он же возразуме и утече ко отцу своему Константину, его же во скончании жития его обрете и сице царство францужское и аглинское и испанское от него наследствова.

По получении же царствия своего пять великия брани его сочисляются.

Первая противу Максимияна, тестя своего; его же не токмо победи, но и удави.

Вторую брань сотвори противо Максентия, сына Максимиана недалеко от Рима. Внегда же Константин [241] /л. 279/ бе в великом попечении, како воспобедить Максентия, тогда, яко а Евсевий пишет, во самом полудни виде на небе — не токмо сам, но и многия при нем ближний стоящия — крест сияющь и пред ним писмом еллинским написано « б ентуто ника»: в, се есть «в том победа». Та же и во сне крест ему явися и повеле вместо знамени крест сотворити. И абие Константин повеле от чистаго злата знамя, его же виде на небеси, соделати. Историки же вси, паче же Евсевий пишет, яко вместо великаго и перваго знамени, еже у римлянов бе имянуемое лавар, сотвори Константин знамя креста сим образом.

В нем же и крест и имя Спасителя Христа явне излагается еллинским писмом, и знамя тое златое пред царем Константином ношашеся. И по той победе вниде Константин во град Рим и тамо над превысоким г столпом образ свой постави, десною рукою крест на ся знаменующе, яко крест знамя победо-носителное есть. /л. 279об/

Третия иже брань бысть противо Ликиния, иже сестра его держаше, и его царем над востоком Константин постави и повеле ему Христианов волных во своей вере оставити. Он же не послуша Константина, различными мучениями многих христианов казни. Того ради Константин противо его брань твори недалеко от Адринополя д и тамо при Константине два аггела конницы являхуся в помощь и воинство врагов его одолеваху. Потом Ликиния непостоянства ради его уби и сам над всем римским владением остася и сотвори Криспа и Константина, сыны своея, во кесари.

Четвертую брань сотвори Константин противо сарматов, их же дващы победи и Дунай реку переправися и царя сарматов Раусимвида уби и обузда е гордость сарматов.

Пятую брань противу готв сотвори и великое разорение седела и не токмо их победи, но и сице покори, яко от них избра егда восхоте воинов служити /л. 280/ между воины своими. И иныя [242] брани меншия сотвори, яже множества ради оставим.

Во всех бранех своих Константин, прежде даже не нача брани противу врагов, сицевое моление повелеваше всем воином из уст глаголати се: «Боже милосердейший, мы тебе самого познаваем, господа нашего, тебе самого почитаем, яко защитника нашего, от тебе самого просим и ожидаем победы, чрез тебе самого врагов нашых победим, от тебе самого имеем всякое благо, елико имеем от тебе самого ожидаем вся, их же требуем; тебе поклоняемся и призываем, яко да государя нашего Константина и сынов его в радости и здравии сохранишы, и их от всякаго зла покрыешы, и им победы милостивно да подаси ради Иисуса Христа, сына твоего единороднаго. Аминь».

Та же и книгу святое евангелие со честию носяще, яко оттуду творят нечестивии агаряне с Алкораном своим и того ради всегда победоносителный противу врагов своих бе. Упова бо на бога, /л. 280 об./ нежели на силу свою. Аще же и многая иная сотвори Константин дела превысокая, сипе воинская, яко и мирная. Обаче превзыде всех дел создание превеликаго и превысокаго града Византия, его же различным изрядным строением преукраси и именова Новый Рим и Констянтин град, по имени своему. И даде град свой под защищение пресвятой Богородице и дондеже не умножися грех владеющых И живущых во граде тогда пресвятая Богородица противу всех врагов различным заступлением сохраняла. Егда же в них умножися грех и возъ-яриша бога, тогда отступи пресвятая Богородица и предадеся град.

О глубина судеб божиих в руце нечестивых агарян! Во граде же беша многия соборы сотворени, 1000 монастырей и 1000 церквей благочестивых, величеством же и красотою не бысть ин град от востока солнца даже до запада сицевый; и аще под игом агарянов и ныне стоит, обаче царствует над всеми иными градами того владения. Но о сицевом граде /л. 281/ лучшы есть молчати, нежели многая глаголати.

Потом Константин шесть великих тиранов, врагов христианских покори, се есть Диоклитиана, [243] Максимиана, Галерия, Максентия, Максимина и Ликиния самовластвовавшаго. И абие повеление написа, яко вси Христу поклонятися будут. Сего ради и собор первый вселенский Никейский собра, в нем же веру православную и символ укрепи, та же знамя кресту, еже у римлянов бе казнь, повеле никогда никого сицевою казнию казнити. И первый день Воскресения устави праздновати и иная превеликая и благочестивая дела, яже множества ради оставим.

Прежде же смерти его звезда власатая сияше многое время, яже предзнаменова скончание его, понеже Сапор, царь персидский, враг Христианов более 18 000 Христианов веры ради уби. О нем же егда слышаше Константин и собра превеликое воинство и шествова противу Персиды. Егда же прииде во град Никомидию, тогда болезнию великою немоществова /л. 281об./ и ту преставися в лето по Христе 335 лет. Поживе же лет 66, царствова же лет 30 и остави царство сыном своим. Тело же его принесено бысть от Никомидии сыны его в Царьград и положено в велицей церкви Апостолов, яже сотворена бе от него ради погребения царей. В ней Же даже и доныне многия султани нечестивии погребаются.

Феодосии Великий родом бяше испаниан, от первых и благороднейшых се есть род родословия Траиана, кесаря римскаго. Отец его бе Онорий, мати же Фермантия. Великий же наречен ради великих дел его. Бе же во всем подобный Траиану кесарю не токмо в лице, но и во нравех зело милостив и в делех воинских преискусный и во учении пре-изрядный. Жены ж его быша две:

1. Плацыда ж , из нея же роди Аркадия и Онория, иже по нем и царствоваша. Всегда же Плацыда глаголаше Феодосию: «Сице подобает ти, о муже, всегда помышляти, что был еси прежде сего и что ныне еси». /л. 282/

2-я жена его бе Галла, от нея же роди Плацыдию з дщерь. К царству же сице достиже Гратиану царствующему всем царством греко-римским. [244] Скифы по победе и одолении Валентия, цари греческаго в толикую гордость воскичахусн, яко всю Фракию и иные места без страха пленяху и разоряху. Не имеющу же убо Гратиану воеводы достойна противу и варваров скифов послати, избра воеводу Феодосиа, мужа доблественнейшаго и благочестиваго, иже с воинством абие против их прииде и превеликою бранию великое их множество и одоле и плени, даже до конца. И ко Гратиану скоро возвратися победоносец. И того ради Гратиан зело удивися и понеже сам толикое царство пространное владети невозможе, избра его во царя востока и столный град Царяграда ему даде, сам же себе запад удержа.

По получении же царства востока воста тиран некий именем Максим и уби Гратиана кесаря римского и себе кесаря именова. Слышав же Феодосий сие абие /л. 282об./ собра превеликое воинство и противу его воинствова и божиею помощию вскоре не токмо воинство его порази, но и самого Максима тирана уби и свободи Рим и весь запад. И паки два тирана, Евгений и Арбогаст противо Феодосия восташа и вначале мало что непобежден бысть Феодосий; нощию же моли бога прилежно со слезами Феодосии и паки устроив воинство свое и абие молния и буря к противо врагов его от бога прислани и сице воинство их и они сами погибоша. И та ко в тишине и востоку воздаде, гражданская же дела сице в тишине пребывающе, восхоте яко и церковная в тишине пребывают. Сего ради и против Македония еретика, иже хули и умали святаго духа бога, собор вселенский вторый собра от 150 епископов, иже святаго духа соприсносущнаго отцу и сыну бога узакониша быти.

И в «Верую во единаго бога» прибавиши сие: «и в духа святаго, господа животворящаго» и прочее даже до конца и воздаде тую честь /л. 283/ престолу римскому и иная многая узакони. Бе же сей царь милостивейший и послушный во всем церковном законе.

Некогда бо во славном граде Фессалонике раскол сотвориша граждане. Феодосии же слышав [245] сие, абие посла воинов своих, иже множество их убита даже до 7000. Амвросий же Медиоланский, епископ, слыша сия, от входа церковнаго во праздник Рожества Христова отлучи Феодосиа. Царь же благоприятно восприя епитемию церковную от Амвросиа и великое покаяние на 8 месяцев сотвори. Потом разрешися паки от того же Амвросия и восприяся во церковь с великою радостию. Узакони же царь потом своею рукою, яко смертному суду до 30 дней не совершатися дондеже зело крепко явно будет прегрешение виновнаго и иная премногая дела. Сице воинская яко и церковная сотвори, яко водятся во житии его. Егда же достиже возрастом своим 50 лет, впаде в болезнь, нарицаемый л водный труд, и умре в Медиолане. Царствова же лет 17 и остави царство свое двома /л.2 83об./ сыном своим, Аркадию востока царства и запада — Онорию. Тело же его в Константинополе принесено бысть и тамо со превеликою честию погребено. По смерти же сего царя начахуся великия беды во Греческом царствии и во церкви Христово. И того ради мы конец царей греческих — царя Феодосиа — оставляем.

(БАН, Арханг. С. 129, лл. 278-283 об.).

Комментарии

а В рук. вписано сверх строки.

б-в Так в рук.

г Испр., в рук. превысоком.

д Так в рук.

е Испр., в рук. обузди.

ж Испр., в рук. Плацыла.

з Испр., в рук. Клацыдию.

и Испр., в рук. притиву.

к Испр., в рук. боря.

л Так в рук.

 

Текст воспроизведен по изданию: Мотив "римские кесари" - правители Византии в древнерусской литературе последней трети XVII в. // Византийские очерки: Труды советских ученых к XVI Международному конгрессу византинистов. М. Наука. 1982

<<Вернуться назад

Главная страница  | Обратная связь
COPYRIGHT © 2008-2017  All Rights Reserved.