Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

Приложение I.

Се же путешествие, святого (храма) града Иерусалима, и гроба Господня, и всех предел Иерусалимских, и обон пол Иордана, и Помория.

Гедеону, боголюбивому епископу Галицкому, Львовскому и Камяньца Подольского, иексарсе святейшаго престола, господину моему милостивому, поклон святого и живоносного гроба Христова, смиренное метание, творит и о Господе радоватися и здравствовати во многие лета желает.

(1.) Понеже по благом Твоем произволении и известном испытании, о святом граде Иерусалиме, идеже походил Господь нашь Иисус Христос, и пречистая его Матерь, владичица наша Богородица и святыи пророци и мученици, и девици, и прочии святыи.

Путник о святом граде Иерусалиме.

(2.) Слиши оубо о боголюбиве Епископе о святом граде Иерусалиме, изрядноже о Святая святых, и Гефсимании и о горе Сионской и прочая.

Внутр же святого града Иерусалима есть всечудный и прекрасный храм святого и животворящого гроба Господа нашего Иисуса Христа, и Голгофа, идеже скончишася страсти Христови, и снятиемся чудесно.

(3.) Слыши оубо о святом храме, там бо есть [74] храм кругловидный, имеюще две орестатес, сиреч, первая освященных, и едина баня без верха, где исходит святый огнь; тамо есть гроб Христов. Есть же извне без верха баня, вязано со оловом, и внутр сосудами древяными, от кипарису, и видно отдалече, в образе всесвятые Троица; есть <же> и звонница святого гроба превелика зело и красна. (4) мает же столпов... 1 и вящше. Внутр же бани округлом живописание с мусиею и пророков и святителей и благовещение пресвятые Богородица, и долу же селу, погрецки katecoumena, сиреч полаты святому гробу, и кругом суть притворий 8 и столпов шестьдесять 2 и долу отселе есть edasoqe, сиреч посреде земля: суть же и иных столпов 8 толстых, и иние столпы, сиреч подпоры десять созданы, и округом стены оу мармур управленно, багроночервлении: (5) и посреде, не покрытой бане есть святый и живоприятный гроб Господень, и сей мармурян, красный, белый яко снег. Зажигаютже на верх святому гробу кандилия 40 3 и есмдесять неугасаемых. И приходящии внутр поклонитися святому гробу, егда уместятся мужей 7 и тие тесно вомещенны. Вне против святого гроба, на земли есть камень идеже седяй ангел, егда мироносица жоны плакахуся, и рекл им ангел: что ищете живого со мертвими, воста, несть зде, се место идеже положиша его. Зажигают на том месте лямпий пятдесят 4 неугасимых и кругом святого гроба зажигают 16 5 лямпий неугасимых. Созади святому гробу, на западе есть церковь малая и поют в ней Кофтес, сиреч, Диоскорите. И на верх церкви святого гробу есть вторая церковь красная велми от древа кипарисна, одежено красно, кругловидно с оловом [75] покрыто, держимо столпами тонкимы, багровими, порфировими дванадцятма. И внутр маловано pantokratoroV o kurioV hmwn: то есть, Вседержитель, Господь нашь Иисус Христос, и округом пророци, и апостолы. Мает же тамо кандилий осм неугасимых, и помость долный, покрыто мармуром. (6). Тамо же исходит святый (свет) в час вечерный, в святую великую суботу, и егда исходит и приходит яко голуб от баны не покрытой. И первого времены вси видеша тое, ныне же не видят вси; но в час вечерный облачается патриарха с священники, и с всем крилосом, и обыйдут округ церкве той со людми дважди. И патриарха станет вне, на десной стране дверей церковных: емный же сиреч Турчин мает двере затворенны и запечатленны; и кандилиа все згашенны, и свеща от великого четвертку, и стоит емный с патриархом вне пред святым гробом, a православнии христиане обыйдут с священники, паки единою церков и поют: (здесь оставлено белое место для греческого текста, которого следует церковнословенский перевод); то есть: воскресение твое Христе Спасе, ангелы поют на небесы и прочая. И тако придут и стоят против святому гробу. A патриарх же пойде внутр во святый гроб Господень, и обрящет святый огень верху гробу и зажегают свеща от него: и абие изыйде от дверей стопней 14 6, и изыйде на едино оуреченное, сиреч, на камень высокий, мармуровый, и прийде в весь людь православный, Християне, и вси еретици, и зажигают свеща от патриархи, и бывает радость велия и веселие в том часу; таже совершают литургию святого великого Василия. (7). В второй же баны, в олтары [76] кафолической церкви, служат православнии христиане и в середине олтарнем в бани есть живописание с мусиею: святое вскресение и пророци и святыи апостолы и святое сшествие, и округом олтаря есть маловано с писма: с нами Бог, и тое с мусиею; есть же оттоле столпов 12 мармуровых; мает же, и на верху притворий 16 7 с столпами. Внутр же в святом олтари мает кандилий седм неугасимых; зажигают на дворе пред образы, кандилий 20 и пять; есть же и середина света на земли храму с мармуром приложено; и виш мало средины земли висит многомилостивое, сиреч popoluelewV, которое прислал воевода Александер красно велми. (8). На десной же стране олтаря суть едины двере тесныи и зыйдеши степений 14, и ту есть святая Голгофа, идежи распяша Христа Иудеи. Есть место красно, идеже водрузиша честный крест и испущает благоухание всекрасно. Тут же есть и камень, который распадеся, и истече честная и животворящая кровь Христа и побеже долу, и тогда крести лоб Адамов. Тут же помрачися солнце и месяц во кровь бысть, и капетазма храму раздрася на двое и рече разбойник: помяни мя Господи егда прийдеши в царстве си. И Голгофа есть оубудованна крестообразно, и покрыто мармуром велми красным и все малиовано со мусиею позлащенною: святыи апостолы и пророцы. На верху же зажигают на том месци кандилий 10 и двори позлащенны суть.

(9.) От святой же Голгофы долу, степений 14 8, есть место глаголемое Снятие, идеже положиша Никодим с Иосифом честное и пречистое тело Христово, егда сняша с креста, и обвивши его плащиницею чистою, и тое местце яко гроб мармурян испущает [77] благоухание, и верху над ним зажигают кандилий 8 неугасимых, и против святых дверей сие святое снятие лежит, которими дверми днесь входят и нисходят. (10). От левой же страны святого олтаря есть местце, идеже оуложиша ноги его святые. Зажигают и тамо лямпий 4 неугасимых; мает же и тут столпов мармуровых округом десят, и на верху есть столпов пять, а десять притворий; и назаде святого олтаря, иный олтар малый идеже меташа жребия войны, и разделиша одежду Христову. Зажигают и тамо кандилий 4 неугасимых. Оттоле же сныдеши степений 30, есть церковь с банею красною, иже стоит на верху столпов мармуровых. Тут же в стене окно едно мармуряно и слышатся от нея шумы великия, якоже чути чудного моря; и глаголют неции, яко быти тамо полку. И близ тут есть престол святого Якова брата Господня: есть же и тамо олтарь малый и трепеза мармуряна от времени святой Елены. Оттоле же сныйдеш степеней 10, есть же место идеже обретоша честный крест Христов: и тамо зажигают лямпий 6 9 неугасимых. (11). Храм же святого и животворящого гроба Христова мает трои двере, едины от западные страны суть затворены, которыми возбранил аггел божий святой Марии Египетской 9. И тамо суть двои врата от полуденные страны, едины суть двери затворены, а другая отворяют, егда поклонници приходят. Мает же столпов 11, и суть и иных три багровые, осмь белие мармуровие, верх же святых врат мает владичных праздников 6 друкованных от мармуров. ? на десной стране затворенных дверей, возшед степений 10, есть церковь малая, со мусиею малиована. Тут седяше святая Елена и суждаше люди. [78]

(12). И на левой же стране святых врат, якоже пять степений, есть звонница святого гроба, и под звонницею есть церковь святых 40 мученник, и малиовано внутр с мусеею. И иные две церкви суть, едина святого Якова брата Господня, и вторая Мироносиц же и еже глаголется воскресение Христово, идеже виде Мария Магдалины Христа вставша от гроба. Тут же во храме святого Якова есть схована под святым олтарем честная глава его 10. (15). От восточные страны святого гроба, яко миля едина 11, древяная святая святых, идеже воспитанна бысть свята Богородица, от руки архаггеловои. Тамо заклан бысть пророк Захария от Ирода царя. Таможе восприят старец Симеон на руку Христа и рече: Ныне отпущаеши раба своего владыко по глаголу твоему с миром и прочая. И тот храм есть со оловом покрытый, внутр оуду и вне оуду, малиовано со мусиею велми красно. И тамо суть великая врата, которими Христос оувойшол с ветми и ваями, и от того часу затворены суть, до второго и страшного пришествия Христова. И тамо есть близ Святая Святых от северные страны, святилище, идеже проповеда Христос святое евангелие, есть близу святого гроба, иако стадии три. (16). Против северния страны, храм святых и праведных богоотец Иоакима и Анны, и тут есть близко овчая купель, глаголемая по жидовску Вифезда. И тут близу есть ров идеже оувергоша Юдеи пророка Иеремию, и вышше мало есть Пилатов двор и тамо есть притвор высокий древяный, и верх притвору есть окно велико, и мает столп един малый; и глаголют неции яко Пилат повеле, и оувязаше Христа, и биша его, и тут есть близ Анна и Каяфа претор. [79]

(17). Обрящеши же благодатию Христовою монастырей днесь, идеже служат православныи.

Первый (1) 12. Святого предтечи и крестителя Господня Иоанна.

Второй (14). Святого Якова по плоти брата Господня.

Третый (2). Святого великого мученика Христово Димитрия.

Четвертий (3). Святого великого мученика Георгия.

Пятый. Святого Иоанна Феолога (Богослова).

Шестый (5). Святого архистратига Христова Михаила.

Седмый. Святого мученика Дионисия Ареопагити.

Осмый (7). Святой великомученицы Екатерины.

Девятый (13). Святой и праведной Анны матере пресвятой Богородицы.

Десятый (9). Святого преподобного Евфимия великого.

Первыйнадесятый (10). Святой первомученицы Фекли.

Вторийнадесятый (15). Воскресение Господа нашего Иисуса Христа.

Тринадесятый (16). Святых чотиридесят Мученык.

Чотиринадесятый (11). Святого великомученика Феодора Тирона.

Пятнадцятый (12). Святого иерарха Христова Николы.

Шестнадцятый. Святый и пресветлый храм живоносного гроба Господня. Сия монастыря суть в Иерусалиме.

В время же Греческого царствия быша монастыря триста шесдесять и пять.

(18). Подале же Святого гроба, яко стадий 4, есть дом Давидов, и есть церковь великая пророка [80] Давида, идеже сложи псалтырь, о котором глаголет творец: в дому Давидове, страх велик; и в другом страшная свершаются. Есть же там калада, сиреч плачевный ров, оттоле хочет розлитися река огненная пекелная, для того называется ров плачевный.

На западней же стране, есть святый Сион. Таможе бысть и келия пресвятые Богородица, и дом Зеведеев отца Иоанна Богослова, туже собрашася святии апостолы во успение пресвятые Богородица. Туже во святом Сионе бысть вечеря тайная и оумовение ног оучеником; таможе сныйде святый Параклит на святые ученики и апостолы. Тамо в Сионе суть три столпы, и исходит от них благоухание всекрасно. Таможе есть и гроб пророка Давида и его сына Соломона, и первомученика Стефана. (19). Долуже святого Сиона, есть село скуделниче, сиреч, погребание мертвым странным, за которое даша тридесять сребник. Погребаются тамо и ныне, иноки и инокини токмо. Долуже есть студенец чудотворный, Иова праведного. Близ же Иерусалима есть Силоамская купель; и сныйдешь ступеней 30 и обращеши воду на доле.

В неделю слепого, пойдет патриарха с священики и людми, и творит литию и святят воду и мыются нею, и мают Христиане за великую агиазму, и за великое благоговенство. И исходит вода на кождый день трижди по повелению Господню. Подале же мало, яко миля една, и стадий две, и вышше мало суть гробы Пророческии. (20). Гора же Елеонская есть вне святого граду Иерусалиму, на восточной стране субботе имуще путь. И на край горы Елеонской есть пещера, где Июда предаде Христа; есть подалей той пещери, яко каменем веречи, на горуже [81] пещери той, на десной стране. И паки яко каменем веречи, есть камень, идеже Христос научи ученики своя молитися: Отче наш, иже еси на небеси: и выше есть мало, вторый камень, идеже утрудися Иисус и почиваша и рече: Иерусалиме, Иерусалиме избывший пророкы, и посланные к тебе камением побивая и прочая.

(21). Святая же Гефсимания низко будованна яко дом, имает противу дверей столпов 12 13 мармуровых, и храм есть долу на земли, и сныйдеши столпов 40 осм, и внутр храма есть церковь, подобна пресвятей Богородици; ясный белый яко снег; испущает благоухание; велми красно. Зажигают же на верх гробу кандилий осмь 14 неугасимых; близу сему на десной стране, суть гробы святых и праведных богоотец Иоакима и Анны. Подале же Гефсимании, яко миля една и стадий две есть местце, идеже рече Христос к учеником: Се воходит во Иерусалим и сын человеческий предан будет в руце чловек грешных и прочая. И тамо обрящеши место, идеже оукаменоваша Июдее первомученика Стефана.

(22). На верх же горы Елеонския есть храм красный кругловидный, посреде же того храма есть церковь красна вельми, и округ той церкви, мает столпов 14, белие, мармуровие, красние, и помость мармуровый и в середине той церкве есть стопа Христова, егда вознесеся Христос на небо, и до сего дне видно святый стоп ногы его, и испущает благоухание; зажигают кандилий три неугасимых. От левые страны, яко каменем веречи есть пещера святой Палагии, идеже скитствоваше; пойдеш степений 11 15, и обрящеши гроб ея, и тамо приходят людие, исповедающа грехи своя. И есть же мармур един, близ гроба, межи двома [82] каменми стоит столп, который ся исповедает грехов своих, и аще что оутаит оу собе, то внезаапу стиснут его тыи камение и не пустят его дондеже все исповесть, и тогда пустят. Зажигают же тамо кандилий три неугасимых. A на верх гроба есть стопень, идеже ступи аггель Господень, испущает благоухание.

От левые же страны Елеонския горы, есть малая Галилея, идеже Христос явися учеником по воскресении. (23). Оттоле на восточной стране есть Вифания, идеже воскреси Христос друга Лазаря четверодневного, и тут гроб его есть до днесь и его сестр гробы Марфы и Марии. Близ же от Вифании есть камень идеже сидяше Христос, на пути, и стрете его Марфа и Мария сестри Лазареви, и рекоша: Господи, аще бы еси зде был, не бы умерл брат наш Лазар. В том месте приведоша ему ученици жребя и всед над не и прииде во Иерусалим и сретоша его незловибыя дети, с ветьми и ваиями, и исполнися реченное пророком: Из уст младенец, незлобивых и из ссущих совершил еси хвалу. И там же есть близ святый Сион и рече: Cere prwdea Qhater Siwn; еже есть: радуйся зело дщи Сионова, се цар твой грядет и кроток и спасаяй. Выфания отстоит от Иерусалима мил 4 16. (24). Оттоль же есть на дол путь, которым взыйдеш в Ерихон, и ко Иордану реце. Ерихон есть на поли; среди поля, тут же есть местце Захеево, идеже взыйде на смоковницу, да видит Иисуса, и рече ему: Захее потщался слези, днесь бо мы подобает в дому твоем быти. Тут же и солона вода Елисеова, которую претворил сладку. Ту же оубы Каин Авеля. Таможе виде Иисус Наввыин [83] архистратига Михаила препоясан со оружием и рече ему Иисус Наввыин: Наш ли еси, или от сопротивных наших. И рече ему: аз есмь архистратиг Господень, прийдох помощи тебе. Отстоит же от Иерусалима Ерихон 25 миль.

От левые же страны от Иерусалима есть гора высокая вельми, идеже Христос постился 40 дний, и 40 нощий, и приступил к нему диявол, искушаше его рече ему: аще еси сын Божий вели сему каменю да хлебы будут, и показа ему вся царствия света того и прочая.

(25). От восточные страны Ерихону есть Иордан река. Тут же близ реки монастырь есть Святого Иоанна предтечи, крестителя Господня. Там же бысть и авва Зосим, который обрел Марию Египтяниню во пустини. Против Иордану есть же Ероным гора, от неяже всхищен бысть пророк Илия, и прият Елисей оученик его милоть, и прийде нею Иордан. Тут же во Иорданы, есть местце кафолическое, идеже крестился Христос от Иоанна; есть знамение едино древо высокое, креста образно, светло вельми и бело. И есть местце тое тесно, от древий исполнено, и тут приходят православнии и миются в той реце. Есть же Иордана широкость, летом яко каменем веречи, зиме же есть широкость его, яко стрелою стрелити. Тамо же виде Иоанн предтеча Духа святого в образе голубином. Тут же близ есть пещера, идеже пустинствоваше, обон пол Иордана. Противу же местцу тому, есть гора высокая на нюже взыйде Моисей, и поклонися Иерусалиму и показа ему Бог землю обетованную и тамо оуспе. Оттоле же внутр пустиня на дол есть местце идеже погребе Авва Зосим мощи святые Марии Египетския. Отстоит же Иордан от [84] Иерусалима миль 30. (26). От левые страны Иордана есть Мертвое море, место идеже живяше Лот; глаголемое Содома и Гомора, есть велико и долго, яко триста миль, смердящая же вода, и зело солона и исходит от нея на каждо лето, яко единому кораблю великому смолы, и оттоле Бог являет муку Содомляном. Да видяще и слышаще и мы оуцеломудримся.

(27). Близу Иордана есть монастырь преподобного отца нашего Герасима, которому лев поработав со всяким смиренномудрием. Оттого монастыря не далеко есть источник, которого оученик аввы Герасимов отверзе, и есть до сего дне. Отстоит же от Иордану монастырь миль три 17. (28). От Иордану до Тивериадского моря, три дни ходу. Таможе обрете Христос оучеников рыбу ловящих, там же и хлеб и рыба, на оуглех.

Вышше же есть озеро Генисарефское, оттоль же исходит половица Иордану, а вторая половица приходит от далекого краю, от восточные страны. Вышше же Генисарету тамо жь быть благовещение пресвятые Богородица от архаггела Гавриила: отстоит же Генисарет от святого граду Иерусалима, три дни 18 ходу. Тут же близко есть Фаворская гора, идеже Христос преобразися. Таяже страна глаголется великая Галилея, идеже Христос воду в вино притворил, тоя ради Галилея наричеся.

(29). От десные страны Иерусалима, есть святый Вифлеем, яко миль 6, на полудне и вертеп, в немже Христос родися. (30). Есть храм велми великий и прекрасный, покрытый оловом с кипарисовими сосудами, и есть на земли помост мармуровый. Маетже и столпов осмь 19 (oreebtuteV). Есть же долгота тому храму [85] сажний пятдесять и еден, широта же 20 седм. На верху же столпов дванатцят, або и больше. Стены со мусиею малиовано пророков, и седм Соборов и все праздники владичныи. На десной же стране и на левой святого олтаря суть двои двере красни, мают кождий по чтири столпы красныи, белии яко снег. Есть же по единому притвору на одных дверех. И сныйдеш степеней 5 20 и обращеши святый вертеп, идеже Христос родися. И лежит святое рождество на восточной стране, ясли же на западней стране, идеже положиша отроча. Внеуду и внутр-оуду все со мармуром оуряжено, исходит от него благоухание все красно. Зажигаютже, и тамо кандилий неугасумых 12 21. На верху же святые пещери есть храм великий и красный соборной церкви, зажигают же и тамо десят лямпий неугасимых. Есть же писанный храм его же созда и оукраси присно памятный царь Грецкий господин.... Вне же храма того от левой страны есть источник Давида царя, от него же возжадася пити. Таможе в вертепе местце есть идеже погребоша воины Христовы, сиречь незлобливые дети, избиенны от Ирода царя, 14 тысяч, и от того местца исходит запах красный. На заде же олтаря на десной стране есть местце, идеже обрезася Христос, осмодневно по закону древнем. Паки же взыйдеш степеней 12, и обращеш храм святого великомученика Георгия, с Лазарем святым маловано со мусиею.

(31). Начинаем же на восточной стране святого Вифлеома, во пустини, есть монастырь святого великого Феодосия киновиархи; отстоит от Иерусалима миль пятдесят 22, а от святого Вифлеему миль пять 23. Долу же мало на восточной стране есть лавра святого и [86] преподобного Саввы освященного, идежи избил Сотал Египетский преподобных отец тысящь 14. Есть храм красный с Лазарем маловано честно от времени благочестивого царя греческого господина Мануила Кантакузина, мает же храм едину баню красну. В том же монастыри внутр же келия святого Иоанна Дамаскина, идеже сложи октоихос и Достойно есть и ино много. На восточной же стране святого олтаря есть вертеп его, и есть вода юже святый за молитвою приял есть от Бога и истекает до днесь. И вне от монастыря есть гроб святого и преподобного Саввы, церковь каменная красная. Тут виде святый Савва столп огненный от земля до неба досяжаше, и извещен от Бога бысть, созда монастырь во имя пресвятые Богородица благовещение ея. Тут же близ гроба святого Саввы, есть храм святого Николы, и есть якоже вертеп иссеченно от единого камени; внутрь же малиовано со Лазарем честным, и на земли помость положено мусиею каменною. Отстоит же сия Лавра от Иерусалима миль 2 24. Тут же близко на северной есть монастырь святого великомученика Евфимия, еже многочудный бысть в его время.

На южной стране есть святого Харитона обытель, мает же источник иже ему Бог дарова за молитвою его, отстоит же от святого града Иерусалима миль десять 25. (32). Вышше же на полуденной стране Иерусалиму, есть местце патриарха Авраама, и дуб Мамрийский, идеже есть и дом его. Тамже поховаше его в сугубой пещере, и жену его Сарру и Исаака и Якова праотец, и покланяются им и до ныне верныи и неверныи. И тут же виде праведный Авраам святую Троицу, во образе аггельском, [87] оучреждаше их, отстоитже от Иерусалима яко миль тридесят.

Место идеже сотвори Авраам жертву вместо Исаака сына своего, есть близ Голгофы, идеже распять бысть Господь наш Иисус Христос. Есть же сад Савеков, идеже виде Авраам овна привязанного, есть же и до ныне тая маслина 26. (35). Орины же сиречь горняя, идеже родися Иоанн предтеча, и лежит на западней стране Иерусалиму, яко миль пятдесять 27. Тут же есть храм святого Иоанна предтечи; от перва же дом сий бысть святого пророка Захарии, и претвориша его в церковь от благочестивых царей, есть же храм сей кругловидный со банею красною. На левой стране святого олтаря, сныйдеш степений 15 27, и обращеши вертеп идеже родися Иоанн предтеча. На десной стране яко каменем веречи, есть вода обличительная, от неяже и пречистая Богородица, повелением архангельским (недостает глагола); и подале мало яко миль три, на десной стране есть гора, идеже родися, и сокрися Елисавефа с отрочатем своим от страха Иродова, егда посла воины заклати отроча. Оттоль же идуще во святый град обрящеши место идеже облобизашеся матери Богородица с Елисавефою, яко же глаголет пророк: милость и истина стретостася, правда и мир облобызастася и прочая.

(84). Тут же близ монастырь есть честного и животворящого креста Господня, Иверский, великий вельми и красный, с келиями 365. Внутр же в олтари храма того есть место под святою трапезою идеже посади три головни Лот, и возрастоша и бысть древо великое, и потом по времени многом, егда [88] Соломон созда святилище по смотрению Божию оурезаша древо то. Во время страсти Господа нашего Иисуса Христа, сотвориша Юдеи крест и распяша его, и исходит благоухание всекрасно. Зажигают же тамо кандилий 6 29 неугасимых. Отстоит же от Иерусалима миль три 30. (36). Егда же изыйдеш Иерусалима яко стадий 60 на полудне, и обращеши на пути село именуемо Еммаус, идеже явися Христос восставши от мертвых Луце и Клеопе, есть же и тут храм красный. Оттольже сныдеш в Аравию, идеже есть храм Святого Великомученика Георгия, на десной стране олтаря есть храм и в том храме столп вдовичный; близу же Рамли, яко миль 2, и там есть град Лида отечество святого великомученика Георгия, и тамо есть храм чудный, пространный, егоже созда блаженная Елена царица; туже и честная глава его погребена, и творит исцеления многим. Оттольже сныйдеши во Иопию и Вафту, глаголемое место крайнее, идеже вскресил апостол Петр Тавифу. От Иопии же идут боготщаливыи поклонницы корабельми кождо во свояси, и тако скончивают проскемет, сиречь поклонение святого и живоначального гроба Иисус Христова, и прочиих святых мест иже около Иерусалиму.


Комментарии

(нумерация постраничных примечаний изменена на сквозную - прим. расп.)

1. до ста.

2. 16.

3. 44.

4. 15.

5. 6.

6. 15.

7. 2.

8. 7.

9. 5.

10. §§ 13, 14 пропущены.

11. пол мили.

12. В ( ) поставлены №№ в порядке греческого текста, при чем не поименованы монастыри под №№ (4, 6 и 9).

13. 8.

14. 20.

15. 20.

16. 15 стадий.

17. 6.

18. с половиною.

19. 50.

20. 14.

21. 9.

22. 8.

23. столько же.

24. 12.

25. 8.

26. § 33 пропущено. § 34 нише.

27. 8.

28. 20.

(пер. Г. С. Дестуниса)
Текст воспроизведен по изданию: Три греческие безымянные проскинитарии XVI века // Православный палестинский сборник. Вып. 46. СПб. 1896

Главная страница  | Обратная связь
COPYRIGHT © 2008-2019  All Rights Reserved.