† Се язъ преосвященныи архiепископъ Великого Новагорода и Пскова владыка Феофiлъ далъ есмь в домъ святаго Спаса и Успенiю святЪи богородици и святаго чюдотворца христова Николы Соловецкого манастыря игумену и священникомъ и всЪмъ старцомъ Бобровую гору, четыре селца, и землю и воду, и полЪшiи лЪсъ и страдомыи лЪсъ, и водныи ловища. [155] А в тую в Бобровую гору не вступатися никому же, ни в землю, ни в лЪсъ, ни в ловища, ни во что же никому же. Се язъ преосвященныи архiепископъ Великого Новаграда и Пскова владыка Феофiлъ. А дана имъ сiа Бобровая гора и в вЪки. †

На обороте подтверждение: † Господинъ преосвященныи архiепископъ Великого Новагорода и Пскова владыка Генадiе по сеи грамоте пожаловалъ Соловецкого игумена Исаею и священниковъ и всЪхъ старцевъ, сее грамоты рушити не велЪлъ, [в] Бобровую гору и в тЪ селца, и в землю и в воду, и в полЪшiи лЪсъ, и в водные ловища вступатися не велЪлъ никому, опроцЪ того, коли кого пошлетъ архiепископъ на свою ловлю. И по господинову слову преосвященного архiепископа Великого Новагорода и Пъскова владыкы Генадiа подписалъ Ермола дьякъ 7010.