86
1337—1339 гг. — Грамота великого князя
Ивана Даниловича Юрьеву монастырю на землю на
Волоке
Амвросий, VI, сс. 775—776; ААЭ, I, № 4 (по списку с
пергаменной грамоты в сборнике Юрьева монастыря,
ныне утраченном; печатается по этому изданию).
Основание датировки: Иван Данилович (Калита)
княжил в Новгороде в 1334—1339 гг.; Иосиф был
архимандритом в 1337—1345 гг.
Се язъ князь велики Иванъ Даниловичъ всеа Руси
пожаловалъ есмъ, бога дЪля и святаго дЪля Юрья,
архимарита Есифа и всеи братьи. Что земля святаго
Юрья на ВолоцЪ, кто сядетъ на земли святаго Юрья,
далъ есмъ имъ волю, не надобЪ имъ потягнути къ
городу ни въ которую дань, ни въ подводы, ни въ
кормы, ни въ станъ, ни въ которыи проторъ. А
волостелемъ ихъ волоцкимъ на ВолоцЪ не судити,
опрочЪ татбы и розбоя и душегубства; а то судитъ
ихъ человЪкъ святаго Юрья промежи собою. А по
великого князя слову волостелемъ ихъ волоцкимъ
блюсти, а не обидЪти, бога дЪля и святаго дЪля
Юрья. А коли розмирье князю великому съ
Новымгородомъ, а тогды ихъ въ безадщину не
ставити, ни обидЪти ихъ въ то время, но живутъ
оприснь въ брезЪ князя великого. А архимариту
тяглыхъ людiи волоцкихъ не прiимати; такоже и изъ
очины князя великого изъ Москвы людiи не прiимати.
А кто дЪтiи моихъ или братьи моее мое данье
порушитъ, а то судитъ ему богъ и святыи Геворгiи
въ страшное свое пришествiе, а князю великому
дасть сто рубля. А далъ есмъ сю грамоту и въ вЪки.
