Се язъ князь великiи Иванъ Даниловичь всея Руси пожаловалъ есмь соколниковъ печерскихъ, хто ходить на Печеру, Жилу съ други. А се ихъ имена: Жила, Олюша, Василко, Степанъ, Карпъ, Федець, Острога, Бориско, Кузма, Дмитрокъ, Власии, Микитица Ивановъ сынъ, Семенець, Кондратъ, Чешко, Семенець, Григорь, Степанець, Савица. Не надобЪ имъ никоторая дань, ни ко старостЪ имъ не тянути; и что у нихъ третники и наимиты, хто стражетъ на готовыхъ конехъ, а въ кунахъ, и тЪмъ не надобЪ никоторая дань, ни ко старостЪ имъ не тянути, ни биричь ихъ не поторгыватъ, не надобЪ ни кормъ, ни подвода. Хто ли черезъ мою грамоту, что у нихъ возметъ, и язъ князь великiи кажню, занеже ми люди тЪ надобны. А приказалъ есми ихъ блюсти Меркурью; а ты, Меркуреи, по моеи грамотЪ блюди ихъ, а въ обиду ихъ не выдаваи никому.